news

జగన్ మోహన్ రెడ్డి ప్రభుత్వం వచ్చిన తరువాత నుంచి, చంద్రబాబు చేసిన పనులు అన్నీ రద్దు చేసుకుంటూ వస్తున్నారు. ముందుగా ప్రజా వేదిక కూల్చిన ప్రభుత్వం, తరువాత చేసింది, చంద్రబాబు హయంలో జరిగిన విద్యుత్ ఒప్పందాలు సమీక్ష చెయ్యటం. ఈ వివాదం గత ఆరు నెలల నుంచి కొనసాగుతుంది. సోలార్, విండ్ విద్యుత్ సంస్థలకు అధిక డబ్బులు చెల్లించి, ప్రభుత్వం కొనుగోలు చేస్తుందని, ఆరోపిస్తూ, ఆ కంపెనీల నుంచి విద్యుత్ తీసుకోవటం, అలాగే బకాయలు చెల్లించటం ఆపేసారు. దీంతో ఆ కంపెనీలు, కోర్ట్ కు వెళ్ళాయి. కోర్ట్ లు మొట్టికాయలు పడ్డాయి. తరువాత కొన్ని దేశాలు, కేంద్ర ప్రభుత్వానికి ఉత్తరాలు రాసాయి. ఇలా అయితే, మీ దేశంలో పెట్టుబడులు ఎవరూ పెట్టరు, ప్రభుత్వాలు మారిన ప్రతిసారి, ఇలాగే ఒప్పందాలు సమీక్షలు చేస్తే, మా కంపెనీలు పెట్టుబడులు పెట్టవు అంటూ కేంద్రానికి తేల్చి చెప్పాయి. వీటి అన్నిటి పై, కేంద్రం కూడా, రాష్ట్రం పై సీరియస్ అయ్యింది. అయినా ప్రభుత్వం, మొండిగా ముందుకు వెళ్తూనే ఉంది.

యీ ఈ విషయం కోర్ట్ లో ఉండటంతో, కోర్ట్, రాష్ట్ర ప్రభుత్వం పై తీవ్రంగా స్పందించింది. వారికి ఇవ్వాల్సిన 1400 కోట్లు కట్టాలి అంటూ, పోయిన వారం ఆదేశాలు జారీ చేసింది. దీంతో ప్రభుత్వానికి ఇక వేరే మార్గం లేక పోయింది. చంద్రబాబు అవినీతి చేసారు అంటూ బురద చల్లారే కాని, ఎక్కడా రూపాయి అవినీతి కూడా నిరూపించలేక పోయారు. దీంతో కోర్ట్ ఆదేశాలును పాటించాల్సిన పరిస్థితి రాష్ట్ర ప్రభుత్వానికి వచ్చింది. దీంతో తాము అధికారంలోకి వచ్చిన ఏడు నెలలు తరువాత, సౌర, పవన విద్యుత్‌ ఉత్పత్తి సంస్థలకు రాష్ట్ర ప్రభుత్వం బకాయిల చెల్లించింది. డిసెంబర్ నెలాఖరు వరకు, ఈ సంస్థలకు, రూ.1212 కోట్లు చెల్లించినట్లు విద్యుత్‌శాఖ వర్గాలు చెప్పాయి. కోర్ట్ ఆదేశాల ప్రకారం, ఈ చెల్లింపులు జరిగాయి.

హైకోర్టు ఉత్తర్వుల ప్రకారం 219 పవన విద్యుత్తు సంస్థలకు రూ.1,896.87 కోట్లు, 44 సౌర విద్యుత్తు సంస్థలకు రూ.359.10 కోట్లను 2019 సెప్టెంబరు వరకు చెల్లించాల్సి ఉంది. ఇందులో రూ.1,212.28 కోట్లను డిసెంబరులో డిస్కంలు చెల్లించాయి. ఈ చెల్లింపుల కోసం, ఇరెడా, పవర్‌ ఫైనాన్స్‌ కార్పొరేషన్‌, ఎస్‌బీఐ, ఆంధ్రా బ్యాంక్‌ల నుంచి, అప్పులు తీసుకుంది ప్రభుత్వం. ఎక్కవ ధర వల్ల ఇబ్బంది పడుతున్నామని, అయినా కోర్ట్ ఆదేశాల ప్రకారం చెల్లింపులు చేసామని చెప్తున్నారు. అయితే యూనిట్ కు రూ.2.44 చొప్పున చెల్లించామని, తదుపరి యూనిట్ కు ఎంత చెల్లించాలి అనేది, విద్యుత్‌ రెగ్యులేటరీ కమిషన్‌ విచారణను బట్టి నిర్ణయం తీసుకోవాలనే హైకోర్టు ఆదేశాల ప్రకారం, నిర్ణయం తీసుకుంటామని అన్నారు.

మూడు రాజధానుల పై ఇప్పటికే జీఎన్ రావు కమితే ఇచ్చింది. ఇదే విషయాన్ని కమిటీ రిపోర్ట్ ఇవ్వక ముందే, జగన్ మోహన్ రెడ్డి అసెంబ్లీలో చెప్పారు. అయితే మొన్న జరిగిన క్యాబినెట్ మీటింగ్ లో, మూడు రాజధానుల పై ప్రకటన వస్తుందని అందరూ అనుకున్నారు. అధికారికంగా ప్రభుత్వం ఈ ప్రకటన చేస్తుందని అందరూ అనుకున్నారు. అయితే, ఈ విషయం పై నిర్ణయం వాయిదా పడింది. ఇంకా బోస్టన్ కమిటీ రిపోర్ట్ రావాలి అని, అది వచ్చిన తరువాత, ఈ రెండు కమిటీల పై హైపవర్ కమిటీ వేస్తారని, అప్పుడు అసెంబ్లీలో చర్చించి నిర్ణయం ప్రకటిస్తామని చెప్పారు. అయితే ప్రభుత్వం ఇంకా నిర్ణయం తీసుకోలేదు, కమిటీ రిపోర్ట్ లు రావాలి అని ఒక పక్కన చెప్తున్నా, మరో పక్క మాత్రం, విశాఖ రాజధానిగా పనులు చేసుకుంటూ వెళ్లిపోతుంది. కుర్నోల్ లో హైకోర్ట్ పెడుతున్నాం అని చెప్పినా, అది అయ్యే పని కాదు. అందుకు, ఎన్నో అడ్డంకులు ఉన్నాయి. అయితే విశాఖలో సెక్రటేరియట్ పెట్టేసి, వెంటనే అక్కడ నుంచి పనులు ప్రరంభించాలని జగన్ కుతూహలంగా ఉన్నారు.

అందుకు ఇప్పుడు తన ముఖ్య కార్యదర్శి ప్రవీణ్‌ప్రకాశ్‌ ను రంగంలోకి దింపారు. ప్రవీణ్‌ప్రకాశ్‌ విశాఖపట్నంలో పర్యటించటం ఆసక్తిగా మారింది. విశాఖపట్నం జిల్లాలో అందుబాటులో ఉన్న, ప్రభుత్వ భూములను పరిశీలించేందుకు, ప్రవీణ్ ప్రకాష్ ని రంగంలోకి డించారు. జిల్లా కలెక్టర్‌ వి.వినయ్‌చంద్‌తో కలిసి పెందుర్తి, సబ్బవరం మండలాల్లో ఎంతవరకు ప్రభుత్వ భూమి అందుబాటులో ఉంది అనే విషయం పై ఆరా తీసారు. పేదల ఇళ్ళు కోసం, పెందుర్తి మండలం గుర్రంపాలెంలో రెవెన్యూ అధికారులు సేకరించిన భూములను అలాగే, పరిశ్రమల కోసం, ఇండస్ర్టియల్‌ పార్కుకు కేటాయించిన 200 ఎకరాలను, మరి కొన్ని కంపెనీలకు ఇచ్చిన భూములను, అధికారులు ప్రవీణ్ ప్రకాష్ కు చూపించారు.

ఇక సబ్బవరం మండలం అసకపల్లిలో బ్లాక్‌-4 కింద సేకరించిన సర్వే నంబరు 1లోని 18.65 ఎకరాల ప్రభుత్వ భూమిని, 87లో ఉన్న 17.4 ఎకరాల డీఫారం భూములను, మ్యాపులను పరిశీలించారు. అలాగే ల్యాండ్‌ పూలింగ్‌ కింద సేకరించిన భూమి వివరాలు కూడా ఇచ్చారు. అయితే దీని పై అధికారులు మాట్లాడుతూ, పేదలకు ఇళ్ళ స్థాలాలు ఇచ్చే కార్యక్రమం ప్రభుత్వం తీసుకుందని, ఆ స్థలాల పరిశీలన కోసమే, ప్రవీణ్ ప్రకాష్ వచ్చారని, చెప్తున్నారు. అయితే ఈ పనులు కోసం, సంబధిత శాఖా అధికారులు చూస్తారు కాని, ఇలా సీఎంవో ముఖ్య కార్యదర్శి, వచ్చి క్షేత్ర స్థాయిలో స్థలాలు పరిశీలించటం పై ఆసక్తిగా మారింది. ఈ పర్యటన అంతా, విశాఖ రాజధానిగా మార్చే క్రమంలో, భూములు పరిశీలన కోసమే అని చెప్తున్నారు.

సహజంగా ప్రభుత్వాలు సేవలకు చార్జీలు వసూలు చేస్తాయి కాని, వ్యాపారం చెయ్యవు. ఉదాహరణకు, మనకు ఏమైనా సర్టిఫికేట్ కావాలి అంటే, లేదా లైసెన్స్ కావాలి అంటే, దానికి కొంత నామమాత్రపు ఫీజు వసూలు చేస్తాయి. అయితే ఆర్టీసీలాగా, లాభాల కోసం, టికెట్ రేటు పెంచటం లాంటి వ్యాపారాలు చెయ్యవు. ఇవి చివరకు ప్రజల పైనే భారం పడతాయి. అందుకే ఇలాంటివి అన్నీ కార్పొరేషన్ లు పెట్టి నడిపించటం చేస్తారు. కేసీఆర్ లాంటి వారు కూడా, ధనిక రాష్ట్రం అయినా, ఎంత ఒత్తిడి వచ్చినా, విలీనం చెయ్యనిది అందుకే. కావాలంటే, సంస్థ నిలబడటానికి, ప్రభుత్వాలు సహాయం చేస్తాయి కాని, విలీనం చేసుకుని, ఆ తెల్ల ఏనుగుని మోయ్యవు. అయితే మన ఆంధ్రప్రదేశ్ రాష్ట్రంలో ప్రభుత్వం ఒక నిర్ణయం తీసుకుంది. ఆర్టీసీని ప్రభుత్వంలో విలీనం చేసుకుంటున్నాం అని చెప్పింది. ఆర్టీసీ విలీనం అనేది ఎలాగూ కుదరదు కాబట్టి, ఆర్టీసీ ఉద్యోగులను విలీనం చేసుకుంటున్నామని చెప్పారు. ఆ దిశగా కార్యాచరణ చేసి, జనవరి ఒకటి నుంచి ఆర్టీసీ ఉద్యోగులను ప్రభుత్వంలోకి విలీనం చేసుకున్నారు.

అంటే ఇక నుంచి వారు ప్రభుత్వ ఉద్యోగులు. ఇంకేముంది, ఆర్టీసీ ఉద్యోగులు తమకు ప్రభుత్వ ఉద్యోగం వచ్చిందని సంతోషించారు. ప్రభుత్వ అధికారులతో సమానంగా జీతాలు, పెన్షన్లు వస్తాయని అనుకున్నారు. అయితే ఇప్పుడు ఉద్యోగాల్లో మదనం మొదలైంది. ఆర్టీసీ పేరు ప్రజా రవాణా శాఖగా మారటం తప్ప, తమకు ఒరిగింది ఏమి లేదని చెప్తున్నారు. విషయం తెలుసుకున్న తరువాత, ఎవరికీ సంతోషం కనిపించటం లేదు. రిటైర్మెంట్ తరువాత వచ్చే పెన్షన్ పెరుగుతుందని ఆశ పడ్డామని, అయితే ఆ పెన్షన్ ఉండదని తెలుసుకుని, ఈ విలీనం వల్ల ఎలాంటి ఉపయోగం మాకు లేదని అంటున్నారు. ఇప్పుడు మా పెన్షన్ కంటే, ప్రభుత్వం ఇచ్చే వృధాప్య పెన్షన్ ఎక్కువ వస్తుందని, ప్రభుత్వంలో విలీనం అయిన తరువాత, పెన్షన్ ఎక్కువ వస్తుందని ఆశ పడ్డామని అంటున్నారు.

ప్రభుత్వ ఉద్యొగులతో సమానంగా అన్నీ వర్తింప చేస్తామని మాకు చెప్పారని, ప్రభుత్వం మాత్రం, పెన్షన్ విధానం పై ఏ హామీ ఇవ్వకుండా, మా పాత పెన్షన్ అమలు అవుతుందని చెప్పారని అంటున్నారు. ప్రభుత్వ ఉద్యోగులతో సమానంగా అన్నీ వర్తింపజేయాలని, పాత పెన్షన్‌ అమలు చేయాలని ఈయూ, ఎన్‌ఎంయూ, ఎస్‌డబ్ల్యూఎఫ్‌ సహా అన్ని కార్మిక సంఘాలు, సూపర్‌ వైజర్ల అసోసియేషన్లు కోరాయి. ఆర్టీసీ ఉద్యోగులు ప్రభుత్వంలో విలీనం పై ఇచ్చిన నివేదిక బయట పెట్టలేదని, అసలు రహస్య నివేదికతో అంతా అయోమయంగా ఉందని, ఈ విలీనం వల్ల తమకు ఒరిగింది ఏమిటో అర్ధం కావటం లేదని అంటున్నారు. ఇవే కాక, ఇంకా మాకు చాలా విషయాల పై క్లారిటీ లేదని, తమకు ఎవరూ సమాధానం చెప్పటం లేదని, సిబ్బంది వాపోతున్నారు.