news

వైసీపీ అధ్యక్షుడు జగన్ మోహన్ రెడ్డి పై, తెలుగుదేశం పార్టీ అధినేత చంద్రబాబు సంచలన వ్యాఖ్యలు చేసారు. తన పై ఉన్న కేసుల్లోని సాక్ష్యాలను జగన్ తారుమారు చేసే ప్రయత్నం చేస్తున్నారని, కేంద్రం, దర్యాప్తు సంస్థలు ఇవన్నీ గమించాలని చంద్రబాబు కోరారు. తన అవినీతిని వెలికితీసిన అధికారుల పై, తనకు అధికారం ఉందని, జగన్ మోహన్ రెడ్డి కక్ష తీర్చుకుంటున్నారని, చంద్రబాబు అన్నారు. ఈ కక్ష సాధింపులో భాగంగానే, ఈడీబీ మాజీ సీఈవో ఉన్న జాస్తి కృష్ణకిశోర్‌ను అర్ధాంతరంగా సస్పెండ్ చేసారని చంద్రబాబు అన్నారు. నిన్న అసెంబ్లీ అయిన తరువాత, మంగళగిరిలో ఉన్న తెలుగుదేశం పార్టీ కార్యాలయంలో చంద్రబాబు మీడియాతో మాట్లాడతారు. గతంలో జగన్ కు చెందిన జగతి పబ్లికేషన్స్‌ కంపెనీలో జరిగిన స్కాంను, అప్పటి ఆదాయపు పన్ను అధికారుల బృందంలో ఒకరైన కృష్ణకిశోర్‌ బయట పెట్టారని, ఆ అక్కసుతోనే, ఇప్పుడు అధికారం ఉంది కదా అని, ఇష్టం వచ్చినట్టు కక్ష తీర్చుకుంటున్నారని చంద్రబాబు అన్నారు.

జగతి పబ్లికేషన్స్‌లో 10 రూపాయలు ఉన్న షేర్ ని, రూ.360 ప్రీమియం విలువతో అమ్మేశారని, ఇదంతా క్విడ్ ప్రోకోలో జరిగిన భాగంలో జరిగిందని, అప్పట్లో ఐటి డిపార్టుమెంటులో ఉన్న కృష్ణ కిషోర్ విచారణ చేసి, బయట పెట్టారని చంద్రబాబు అన్నారు. ఇదే విషయం తరువాత సిబిఐ, కోర్ట్ లు కూడా అంగీకరించాయని అన్నారు. అయినా ఈడీబీ సీఈవోగా, కృష్ణకిషోర్ కి, భూములిచ్చే అధికారం గానీ.. కంపెనీలకు రాయితీలిచ్చే అధికారం గానీ లేవని, కేవలం ప్రచారం చెయ్యటం, పరిశ్రమలతో సంప్రదింపులు వంటి కార్యక్రమాలే ఉంటాయని చంద్రబాబు అన్నారు. అసలు ఆయనకు అధికారాలే లేని చోట, అక్రమాలు జరిగాయాని నెపం నెట్టి, ఆయన్ను కావాలని కక్ష పూరితంగా సస్పెండ్ చేసారని అన్నారు.

తన అవినీతి వెలికితీసిన వారిని సస్పెండ్ చేస్తూ, తన అవినీతికి సహకరించిన సహా నిందితులకు, మంచి పోస్టింగులు, పదవులు ఇస్తున్నారని అన్నారు. మరో నిందితురాలైన శ్రీలక్ష్మిని ఢిల్లీలో ప్రతి చోట తిప్పుతున్నారని అన్నారు. ఎంపీగా ఉన్నప్పుడే సాక్ష్యాలను తారుమారు చేశారని, సీఎంగా ఉంటే ఆ అవకాసం ఇంకా ఎక్కువ అని సీబీఐ చెప్పిందని, జరుగుతున్న పరిణామాలు చూస్తుంటే, జగన్ సాక్ష్యాలను ప్రభావితం చేస్తున్నారని తెలుస్తుందని చంద్రబాబు అన్నారు. జగన్ చేసే పనులు అన్నీ, బెయిల్ నిబంధనలకు వ్యతిరేకంగా జరుగుతున్నాయని, అన్నీ ఉల్లంఘిస్తున్నారని, కేంద్రం, సిబిఐ, ఈ పరిణామాలు అన్నీ గమనించాలని చంద్రబాబు అన్నారు. అధికారులను బెదిరించే ధోరణిలో ఈ చర్యలు ఉన్నాయని చంద్రబాబు అన్నారు. ఇవన్నీ మాట్లాడతాం అనే, అసెంబ్లీ జరగనివ్వకుండా చేస్తున్నారని చంద్రబాబు అన్నారు.

సోమవారం నుంచి మొదలైన అసెంబ్లీ సమావేశాలు చూస్తూ ఉంటే, చంద్రబాబుని టార్గెట్ చెయ్యటమే పనిగా వైసీపీ పెట్టుకుందని, ప్రజలు అనుకుంటున్నారు. చంద్రబాబుని పర్సనల్ గా టార్గెట్ చేసి, ఆయన్ను కించపరచటమే పనిగా పెట్టుకున్నారు. దీని వెనుక వైసీపీ వ్యూహం ఏమిటో కాని, చంద్రబాబు మాత్రం, వైసీపీకి లొంగటం లేదు. అసెంబ్లీలోనే ఉంటూ, అధికార పక్షాన్ని నిలదీస్తూనే ఉన్నారు. అధికార పక్షం ఎంత కించపరిచినా, చంద్రబాబు మాత్రం, ఎక్కడా వెనకడుగు వెయ్యటం లేదు. ఇదే కోవలో, నిన్న మార్షల్స్ చంద్రబాబుని అడ్డుకున్న సంగతి తెలిసిందే. ఏకంగా చంద్రబాబునే, గేట్లు మూసేసి ఆపేయటంతో, అందరూ ఆశ్చర్యపోయారు. అయితే అనూహ్యంగా వైసీపీ, ఇది కూడా తమకు అనుకూలంగా మలుచుకుంది. చంద్రబాబే మార్షల్స్ పై దాడి చేసారు అంటూ, కొన్ని క్లిప్పింగ్స్ అసెంబ్లీలో ప్లే చేసారు. అందులో చంద్రబాబుతో పాటుగా, ఇతర టిడిపి ఎమ్మెల్యేలు, ఎమ్మేల్సీలు వస్తూ ఉండగా, అక్కడ అసెంబ్లీ గేట్లు మూసేసారు.

ఈ సందర్భంగా, టిడిపి నేతలకు, మార్షల్స్ మధ్య స్వల్ప తోపులాట జరిగింది. ఇదే సమయంలో గేటు ఎంతకీ తెరవకపోవటంతో, చంద్రబాబు ఆగ్రహంగా ముందుకు వచ్చి, గేటు తియ్యమని, చీఫ్ మార్షల్ పై అరిచారు. అయితే ఆయన బాస్టార్డ్ అంటూ తిట్టారని, వైసీపీ హడావిడి చేసింది. చంద్రబాబు ఒక ఉద్యోగిని బాస్టార్డ్ అంటూ తిట్టారని, చంద్రబాబుని క్షమాపణ చెప్పాలని, లేకపోతె అసెంబ్లీ నుంచి సస్పెండ్ చెయ్యాలని వైసీపీ కోరింది. అయితే చంద్రబాబు మాత్రం, తాను బాస్టర్డ్ అని అనలేదని, కావాలంటే రికార్డులు చూసుకోండి అంటూ చెప్పటంతో, ప్రభుత్వం చంద్రబాబు పై చర్యలు తీసుకోవాల్సిందిగా తీర్మానం ప్రవేశ పెట్టింది. ఆ అధికారాలు అన్నీ సభ స్పీకర్ కు ఇచ్చింది.

అయితే ఉదయం నుంచి చంద్రబాబుని, ఈ అసెంబ్లీ సెషన్ అయ్యేంత వరకు సస్పెండ్ చేస్తారని, ప్రచారం జరిగింది. మీడియా వర్గాల్లో కూడా పెద్ద ఎత్తున ఈ ప్రచారం జరగటంతో, చంద్రబాబుని సస్పెండ్ చెయ్యటం ఖాయంగా అందరూ అనుకున్నారు. అయితే, అనూహ్యంగా ఈ సస్పెన్షన్ నిర్ణయం ఆగిపోయింది. ఎందుకంటే, తెలుగుదేశం పార్టీ స్పెకర్ ను కలిసి, ఒక రిప్రజంటేషన్ ఇచ్చి, జగన్ పై చర్యలు తీసుకోవాలని, ప్రివిలేజ్ మోషన్ కూడా ఇచ్చింది. చంద్రబాబు అనని మాటలు, అన్నట్టుగా సభను తప్పుదోవ పట్టించారని, నిజానికి చంద్రబాబు "నో క్వశ్చన్" అని చంద్రబాబు అంటే, దాన్ని వక్రీకరించారని, కావాలంటే వీడియో చూడండి అని చెప్పటంతో, చంద్రబాబు పై సస్పెన్షన్ నిర్ణయం అమలు కాలేదు. ఆ వీడియో చూస్తే నిజంగానే, "నో క్వశ్చన్" అని చంద్రబాబు అన్నట్టు ఉంది. మరి స్పీకర్ దీని పై సోమవారం అయినా, ఏమైనా నిర్ణయం తీసుకుంటారో లేదో చూడాలి.

తెలుగునాట సంచలనం సృష్టించిన అయేషామీరా కేసు, 12 ఏళ్ళ తరువాత మళ్ళీ వార్తల్లో నిలిచింది. వైఎస్ఆర్ ముఖ్యంత్రిగా ఉన్న సమయంలో, ఈ కేసు పెను సంచలనం అయ్యింది. అప్పటి వైఎస్ క్యాబినెట్ లో మంత్రిగా ఉన్న కోనేరు రంగారావు మనవుడు, అయేషామీరాను రే-ప్ చేసి, చంపేసారని, కాని అప్పటి ప్రభుత్వం దోషులను వదిలేసిందని అయేషామీరా తల్లి ఆరోపణ. అయితే 12 ఏళ్ళ తరువాత, ఈ కేసు సిబిఐ చేతికి వెళ్ళింది. సిబిఐకి కొన్ని అనుమానాలు రావటంతో, ఈ కేసు పై విచారణలో భాగంగా, ఈ రోజు అయేషామీరా మృతదేహానికి రీ పోస్టు మార్టం నిర్వహిస్తున్నారు. తెనాలిలోని చెంచుపేట స్మశాన వాటికలో, ఈ రోజు రీపోస్టుమార్టం నిర్వహిస్తున్నారు. 2007 డిసెంబర్ 27న, కృష్ణా జిల్లా ఇబ్రహీంపట్నంలోని ప్రైవేటు హాస్టల్‌లో అయేషా మీరా ఉదంతం జరిగిన విషయం అందరికీ తెలిసిందే. ఈ నేపాధ్యంలో ఈ రోజు అయేషామీరా మృతదేహానికి రీ పోస్టు మార్టం చేస్తున్న నేపధ్యంలో, అయేషామీరా తల్లి, షంషాద్‌ బేగం, వైసీపీ ఎమ్మెల్యే రోజా పై సంచలన ఆరోపణలు చేసారు.

అప్పట్లో రోజా మా పక్షాన నిలిచి హడావిడి చేసారని, మా అమ్మాయి హత్య నిందితులు ఎవరో తమకు తెలుసని, అప్పుడు తమ వాదనకు మద్దుగా నిలిచి రోజా, గత 10 ఏళ్ళుగా మా వైపు కూడా చూడటం లేదని అన్నారు. ఆమె మా పై ఎందుకు ఇలా వ్యవహరిస్తుందో, చెప్పాలని నిలదీశారు. ఒక వర్గం పై దాడి చేస్తేనే స్పందిస్తారా, మా లాంటి వారిని పట్టించుకోరా అంటూ రోజాని నిలదీశారు. తన కూతురిని చంపిందెవరో వైసీపీ ఎమ్మెల్యే రోజాకు తెలుసని ఏమే తల్లి అన్నారు. అన్ని విషయాల్లో హడావిడి చేసే రోజా, మా గురించి అసెంబ్లీలో రోజా ఎందుకు మాట్లాడటం లేదని, ఎందుకు మౌనంగా ఉన్నారని ఆమె ప్రశ్నించారు. మధ్యతరగతి వారికి, పేదలకు ఎప్పుడూ న్యాయం జరగదని చెప్పారు.

ఆంధ్రప్రదేశ్ లో ఆయేషా చట్టం తీసుకురావాలని ఆమె డిమాండ్ చేసారు. న్యాయం కోసం 12 ఏళ్ళ నుంచి పోరాటం చేస్తాన్నామని అన్నారు. రీపోస్టుమార్టం అనేది తమ మత ఆచారాలకు విరుద్ధమని, అయనా నిజం బయటకు వస్తుంది, దోషులు ఎవరో సిబిఐ గుర్తిస్తుంది అనే నమ్మకంతోనే, ఒప్పుకున్నామని అన్నారు. దోషులు గురించి మేము మాట్లాడుతుంటే, తమ పై, కోటి రూపాయలకు దావా వేస్తాం అని బెదిరిస్తున్నారని, తమ వద్ద కోటి పైసలు కూడా లేవని, ఏమి చేస్తారో చేసుకోండి అంటూ ఆమె వ్యాఖ్యలు చేసారు. గతంలో తమకు 25 లక్షలు ఇస్తాం, కేసు మాఫీ చెయ్యాలని, అప్పటి వైఎస్ఆర్ ప్రభుత్వంలో ఉన్న పెద్దలు చేసిన వ్యాఖ్యలు గుర్తు చేసారు. ఇప్పటికైనా తమ కూతురుకు న్యాయం జరగాలని కోరుకుంటున్నామని అన్నారు.