news

మూడు రోజు అసెంబ్లీ సమావేశాలు తీవ్ర ఉద్రిక్త పరిస్థితుల మధ్య జరుగుతున్నాయి. ఈ రోజు అసెంబ్లీ మొదలు కాక ముందు, తెలుగుదేశం పార్టీ, పెంచిన ఆర్టీసీ చార్జీల పై, అసెంబ్లీ వద్ద నిరసన చేపట్టింది. ఈ నిరసనలో చంద్రబాబు, లోకేష్, బాలకృష్ణతో పాటుగా, ఎమ్మెల్యేలు, ఎమ్మెల్సీలు పాల్గొన్నారు. పెంచిన ఛార్జీలు వెంటనే తగ్గించాలని నిరసన తెలియ చేసారు. ప్రజల పై అధిక భారం మోపుతున్నారని అన్నారు. ప్రతి ఒక్కరి పై ఈ భారం పడుతుందని అన్నారు. అయితే నిరసన తరువాత అసెంబ్లీ అడుగు పెడుతున్న టిడిపి ఎమ్మెల్యేలను, ఎమ్మెల్సీలను అసెంబ్లీ మెయిన్‌ గేట్‌ దగ్గర అడ్డుకున్నారు. ఈ సమయంలో, చీఫ్‌ మార్షల్‌ పై చంద్రబాబు ఆగ్రహం వ్యక్తం చేశారు. టీడీపీ ఎమ్మెల్సీ సంధ్యారాణి నుంచి చీఫ్‌ మార్షల్‌ ప్లకార్డ్‌ ను లాక్కున్నారు. అలాగే మిగతా వారి నుంచి కూడా లాక్కోండి అంటూ, మార్షల్స్ ని ఆదేశించటంతో, చంద్రబాబు ఫైర్ అయ్యారు. సీఎం ఉన్మాది అయితే, అధికారులు కూడా ఉన్మాదులవుతారా? అంటూ చీఫ్‌ మార్షల్‌పై చంద్రబాబు మండిపడ్డారు.

అయితే చంద్రబాబు సభలోకి వచ్చిన తరువాత కూడా, చంద్రబాబుని టార్గెట్ చేస్తూ, వైసీపీ ఎదురు దాడి కొనసాగిస్తూనే ఉంది. చంద్రబాబు పై పర్సనల్ కామెంట్స్ చేస్తూ, చంద్రబాబుని ఇబ్బంది పెట్టే కార్యక్రమం మొదలు పెట్టరు. ఇంగ్లీష్ మీడియం పై ప్రశ్నకు చంద్రబాబు మాట్లాడుతూ, ఇంగ్లీష్ మీడియంతో పాటుగా, తెలుగు మీడియం ఆప్షన్ కూడా ఉండాలి అంటూ సూచనలు ఇచ్చారు. ఈ సందర్భంగా చెవిరెడ్డి మాట్లాడుతూ, చంద్రబాబుకి ఇంగ్లీష్ రాదని, బ్రీఫీడ్ మీ అంటూ, వచ్చీ రాని ఇంగ్లీష్ మాట్లాడతారని ఎగతాళి చేసారు. దీనికి చంద్రబాబు సమాధానం ఇస్తూ, తనకు వచ్చిన ఇంగ్లీష్ తోనే, విదేశాల నుంచి పెట్టుబడులు తెచ్చానని, అలాగే ఎంతో మంది దేశాధినేతలు ఇక్కడకు వచ్చారని చెప్పారు.

దీనికి చెవిరెడ్డి వివరణ మాట్లాడుతూ, నేను పీహెచ్డీ చేసానని, చంద్రబాబు 40 ఏళ్ళ నుంచి పీహెచ్డీ చేస్తూనే ఉన్నారని అన్నారు. ఈ విషయం పై, మాట్లాడేందుకు మైక్ అడగగా, మీకు మైక్ ఇచ్చేది లేదు, ఈ టాపిక్ అయిపొయింది అంటూ, ఇదేమన్నా ఖవాలి డ్యాన్సా? ఒకరి తర్వాత మరొకరికి అవకాశం ఇవ్వడానికి అంటూ వ్యాఖ్యానించారు. దీంతో తీవ్ర ఆగ్రహానికి గురైన ప్రతిపక్ష నేత చంద్రబాబు. చైర్‌లో నుంచి లేచి మరీ స్పీకర్‌తో వాగ్వాదానికి దిగారు. మర్యాదగా ఉండాలంటూ స్పీకర్‌నుద్దేశించి చంద్రబాబు వ్యాఖ్యానించారు. మీరు మర్యాదగా ఉంటే, మేము మర్యాద ఇస్తాం అని అనటంతో, స్పీకర్ నే మర్యాదగా ఉండమంటారా అంటూ మీ ఇష్టం వచ్చినట్టు మాట్లాడవద్దు అంటూ తమ్మినేని అన్నారు. తరువాత వైసీపీ ఎమ్మెల్యేలకు అవకాసం ఇచ్చి, చంద్రబాబుకు పిచ్చి అని, చంద్రబాబుని హాస్పిటల్ లో చూపించాలని, ఇలా ఇష్టం వచ్చినట్టు మాట్లాడుతున్నా, స్పీకర్ వారికి మాట్లాడే అవకాసం ఇచ్చారు.

తెలుగుదేశం పార్టీ జాతీయ ప్రధాన కార్యదర్శి, మాజీ మంత్రి, ఎమ్మెల్సీ నారా లోకేష్ పై, గత 5 ఏళ్ళుగా ఎలాంటి ప్రచారం సోషల్ మీడియా వేదికగా జరుగుతుందో అందరికీ తెలిసిందే. సోషల్ మీడియాలో లోకేష్ పై, పని గట్టుకుని, ఒక బ్రాండింగ్ చేసారు. లోకేష్ మంత్రిగా రోడ్లు వేసినా, ఐటి కంపెనీలు తెచ్చినా, ఎలెక్ట్రోనిక్ కంపెనీలు తెచ్చినా, అవి మాత్రం ప్రజలకు గుర్తు లేకుండా, కేవలం నెగటివ్ ప్రచారం మాత్రమే గుర్తుకు వచ్చేలా, వైసీపీ సోషల్ మీడియాలో, లోకేష్ పై బ్రాండింగ్ చేసింది. అయితే ఇందులో ముఖ్యంగా వైసీపీ అధినేత జగన్ మోహన్ రెడ్డి సొంత పత్రిక, ఛానెల్ అయిన సాక్షి పాత్ర కూడా ఇందులో ఎంతో ఉంది. ప్రతి తెలుగుదేశం నాయకుల మీద అసత్యాలు, బురద జల్లినట్టే, లోకేష్ పై కూడా, ఇలాంటి అసత్య కధనాలే వేసి నమ్మించే ప్రయత్నం చేసారు. అయితే, ఇందులో తెలుగుదేశం తప్పు కూడా ఉంది. ఎప్పటికప్పుడు, ఆ ప్రచారం తిప్పి కొట్టకుండా, వాళ్ళు ప్రచారం చేసింది నిజం, అని ప్రజలు నమ్మేలా, వీళ్ళు సైలెంట్ గా ఉండి పోయారు.

అయితే, ఈ పరంపర, ఎన్నికల తరువాత కూడా జరుగుతుంది. ఎన్నికల్లో ఘన విజయం సాధించినా, ఇంకా అసత్య కధనాలతో, నమ్మించే ప్రయత్నం చేస్తూనే ఉన్నారు. రెండు నెలల క్రితం సాక్షిలో ఒక కధనం వచ్చింది. "చినబాబు చిరు తిండి ఖర్చు 25 లక్షలు" అంటూ ఒక కధనం సాక్షి పేపర్ లో ప్రసారం అయ్యింది. అందులో కేవలం విశాఖపట్నం ఎయిర్ పోర్ట్ క్యాంటీన్ లో, లోకేష్ చిరు తిళ్ళు కోసం, 25 లక్షలు ఖర్చు అయ్యింది అంటూ అర్ధం వచ్చేలా ఒక బొమ్మ వేసి, వార్తా రాసారు. అందులో అనేక డేట్లు వేసి, ఈ రోజు ఇంత, ఈ రోజు ఇంతా అంటూ ఖర్చు చూపించారు. అయితే, నిజానికి, ఆ తేదీల్లో, లోకేష్ అక్కడ లేనే లేరు. అయినా, లోకేష్ ఉన్నట్టుగా ప్రచారం చేసి, ఒక కధనం అల్లారు. దీని పై లోకేష్ అప్పుడే అన్ని ఆధారాలతో, సోషల్ మీడియాలో స్పందించారు.

ఇదే కధనాన్ని, డెక్కన్ క్రానికల్, ది వీక్ అనే పత్రికలు కూడా, సాక్షి న్యూస్ చూసి రాసాయి. అయితే, సాక్షి, డెక్కన్ క్రానికల్, ది వీక్ పత్రికలకు, నారా లోకేష్ లీగల్ నోటీసులు పంపించారు. ఈ కధనాల పై వాస్తవం ఇది అని, దీని పై మీరు సవరించుకోక పొతే, పరువు నష్టం దావా వేస్తానని ఆ నోటీస్ పంపించారు. ఈ నోటీస్ కు రియాక్ట్ అయిన, ది వీక్ , ఆ రోజు వేసిన కధనం తప్పు అని మా దృష్టికి వచ్చిందని, దీనికి క్షమాపణ చెప్తున్నామని, rejoinder ఇచ్చారు. అయితే సాక్షి, డెక్కన్ క్రానికల్ మాత్రం ఇంకా స్పందించలేదు. వారికి వంద కోట్ల దాకా, దావా పంపించే ఆలోచనలో లోకేష్ ఉన్నారు. ఇష్టం వచ్చినట్టు తప్పుడు కధనాలు రాస్తే, చూస్తూ ఊరుకోం అని, అంటున్నారు. మరో పక్క తెలుగుదేశం క్యాడర్ ఈ విషయం పై సంతోషంగా ఉన్నా, ఇలా అధికారంలో ఉన్నప్పుడే ఉండి ఉంటే, వ్యవహారం ఇంత వరకు వచ్చేది కాదని బాధ పడుతున్నారు.

అసెంబ్లీ సమావేశాలు మొదలైన దగ్గర నుంచి, అసెంబ్లీలో వైసీపీ సభ్యులు అందరూ, లోకేష్ భజన చేస్తున్నారు. సభలో లేని లోకేష్ పై, అనేక ఆరోపణలు చేస్తున్నారు. లోకేష్ శాసనమండలిలో ఉంటే, అక్కడ మాత్రం, ఎవరూ ఏమి మాట్లాడటం లేదు. దీంతో అసెంబ్లీలో తన పై ఇష్టం వచ్చినట్టు ఎగతాళిగా మాట్లాడుతున్న వారికి, ఈ రోజు ఉదయం 7 గంటలకు ప్రెస్ మీట్ పెట్టి, అందరికీ సమాధానం చెప్పాలి. ముందుగా, జగన్ మోహన్ రెడ్డి మాట్లాడిన అనేక తప్పుల వీడియోని, ప్లే చేసారు. లోకేష్ మాటల్లో "జ‌గ‌న్ త‌ప్పుడు మాట‌లు, లెక్క‌లు అంద‌రూ చూశారు క‌దా! తెలుగులో ఎన్ని త‌ప్పులు ప‌లికారో మ‌నం చూశాం. మేథ‌మెటిక్స్‌లో కూడా వీక్‌గా ఉన్న‌ట్టున్నారు. ఇంగ్లీష్‌లో కూడా అనేక త‌ప్పులు ప‌లుకుతున్నారు. న‌న్ను ప‌ప్పు ప‌ప్పు అని ప‌దిసార్లు అంటున్నారు. ఈ వీడియో చూస్తే జ‌గ‌నే గ‌న్నేరు ప‌ప్పు అని తేలిపోయింది. వైసీపీ పేటీఎం బ్యాచులూ మీ గ‌న్నేరు ప‌ప్పుపై స్పంద‌నేంటి? వైకాపా ప్ర‌జాప్ర‌తినిదులారా మీ నాయ‌కుడే ప‌ప్పుగా నిలిచాడు. స‌భ్యుడిని కాక‌పోయినా శాస‌న‌స‌భ‌లో న‌న్ను టార్గెట్ చేస్తున్నారు. స‌భ‌లో మంత్రులు, ఎమ్మెల్యేలంతా నా పేరు ప్ర‌స్తావించారు. చంద్ర‌బాబు త‌రువాత న‌న్ను ఎక్కువగా విమ‌ర్శించారు. స‌భ‌లో లేని వ్య‌క్తి గురించి మాట్లాడ‌టం స‌భా సంప్ర‌దాయాలకు విరుద్ధం. స్పీక‌ర్ కూడా దీనిపై ఏమీ మాట్లాడ‌క‌పోవ‌డం విచార‌క‌రం. నేను పై చ‌దువుల‌కు అమెరికా వెళ్లాను. వ‌ర‌ల్డ్ బ్యాంక్‌లో రెండేళ్లు ప‌నిచేశాను. స్టాన్‌ఫోర్డ్‌లో ఎంబీఏ చేశాను. దాదాపు ఎనిమిదేళ్లు నేను అమెరికాలో ఉన్నాను. దీని వ‌ల్ల నేను తెలుగు మాట్లాడేట‌ప్పుడు ఒక ప‌దం అటూ ఇటూ వేసి ఉండొచ్చు. దీన్నే ప‌ట్టుకుని తెలుగు మాట్లాడ‌ట‌మే రాద‌ని అస‌త్య ప్ర‌చారం చేశారు. నేను జ‌యంతిని వ‌ర్థంతి అని ప‌ల‌క‌వ‌డం వ‌ల్ల ఆంధ్ర‌ప్ర‌దేశ్‌కి ఏమైనా అన్యాయం జ‌రిగిందా? దీనివ‌ల్ల పెట్టుబ‌డులు వెన‌క్కి వెళ్లిపోయాయా? "

"పోల‌వ‌రం ప్రాజెక్టు ఆగిపోయిందా? అమ‌రావ‌తి ప‌నులు ఆగిపోయాయా? నేను సూటిగా ప్ర‌శ్నిస్తున్నాను. 11 కేసుల్లో ఉన్న వ్య‌క్తి జ‌గ‌న్‌. 43 వేల కోట్లు జ‌గ‌న్ దోచుకున్నార‌ని సీబీఐ ఈడీ చెప్పింది. ఈ కేసుల్లో 16 నెల‌లు జైలులో ఉన్నారు జ‌గ‌న్‌. ఇటువంటి జ‌గ‌న్ ఈ రోజు నీతులు చెబుతున్నారు. పంచాయ‌తీరాజ్ గ్రామీణాభివృద్ధి, ఐటీ ఎల‌క్ర్టానిక్స్ శాఖ‌ల మంత్రిగా ఏపీకి సేవ‌ చేశా. ఇది నేను గ‌ర్వంగా ప్ర‌క‌టించ‌గ‌ల‌ను. ఉపాధి హామీ నిధులు గ‌రిష్టంగా ఏపీకి తీసుకొచ్చా. 25 వేల కిలోమీట‌ర్లు సీసీ రోడ్లు వేయించాను. మ‌రుగుదొడ్లు, శ్మ‌శానాల‌కు ప్ర‌హారీ గోడ‌లు క‌ట్టాం. ఎప్పుడూ లేని విధంగా గ్రామాలు అభివృద్ధి చేశాం. ఎల్ఈడీ వీధి దీపాలు వేశాం. 53 అవార్డులు సాధించాం. మంత్రిగా ఏపీ అభివృద్ధిలో భాగ‌స్వామిన‌య్యాను. మ‌రోవైపు టీడీపీ కార్య‌ద‌ర్శిగా క్రియాశీల‌కంగా ప‌నిచేశాను. 2014 మ‌హానాడులో కార్య‌క‌ర్త‌ల సంక్షేమ విభాగం ఏర్పాటుకు ప్ర‌తిపాదించాను. భార‌త‌దేశంలో ఏ పార్టీకి లేని విభాగాన్ని టీడీపీలో ఏర్పాటు చేశాం. టీడీపీ స‌భ్య‌త్వం తీసుకున్న వారికి ప్ర‌మాద‌బీమా క‌ల్పించాం. 4200 కుటుంబాల‌కు 84 కోట్ల రూపాయ‌లు ప్ర‌మాద‌బీమా అందించాం. కార్య‌క‌ర్త‌ల విద్య‌, వైద్య అవ‌స‌రాల‌కు సాయం అంద‌జేశాం. చంద్ర‌బాబు సొంత కొడుకుని గెలిపించుకోలేక‌పోయార‌ని ఆరోపిస్తున్నారు. నేను చెట్టు పేరు చెప్పి కాయ‌లు అమ్ముకునే బ్యాచ్ కాదు. నాన్న గెలిచిన చోటు నుంచే గెలిచి కాలర్ ఎగరేసే బ్యాచ్ కాదు నేను. టీడీపీ ఎక్క‌డ గెల‌వ‌లేదో అక్క‌డ్నించి గెల‌వాల‌నేది నా ల‌క్ష్యం. 1985 నుంచి టీడీపీ జెండా ఎగర‌ని నియోజ‌క‌వ‌ర్గం మంగ‌ళ‌గిరి. ఈ చ‌రిత్ర తిర‌గ‌రాయాల‌నే ఇక్క‌డ్నించి పోటీ చేసి ఓడిపోయాను. ఓడిపోయినా నియోజ‌క‌వ‌ర్గ‌ ప్ర‌జ‌ల‌కు అందుబాటులో ఉంటున్నాను. వారానికి ఓ సారి జ‌గ‌న్ కోర్టుకెళ‌తారు. త‌న సెక్యూరిటీ వాళ్ల‌ను చూసి అరెస్ట్ చేయ‌డానికొచ్చారేమోన‌ని జ‌గ‌న్‌ భ‌య‌ప‌డ‌తారు. బెయిల్ ర‌ద్ద‌వుతుందేమోన‌నే భ‌యం. "

"నేను పుట్టేస‌రికి మా తాతగారు ముఖ్య‌మంత్రి. నేను స్కూల్‌కెళ్లేస‌రికి మా నాన్నగారు ముఖ్య‌మంత్రి. ఏ రోజూ నాపై ఒక్క ఆరోప‌ణ రాలేదు. క్ర‌మ‌శిక్ష‌ణ‌తో న‌న్ను పెంచారు. ఒక ప‌దం త‌ప్పు మాట్లాడితే మా అమ్మ కొట్టేది. మీలాగ వీధిరౌడీల్లా పెర‌గ‌లేదు. మీలాగే అస‌భ్య‌క‌రంగా మాట్లాడొచ్చు కానీ ప‌ద్ద‌తి కాదు. మీ ప్ర‌భుత్వం వ‌చ్చి ఆరు నెల‌లైంది. ఇన్‌సైడ‌ర్ ట్రేడింగ్ అన్నారు. ఏమైంది? ఐటీ కంపెనీల‌కిచ్చిన భూముల్లో అవినీతి అన్నారు ఏమైంది? నేను త‌ప్పు చేయ‌లేదు కాబ‌ట్టే మీరు నిరూపించ‌లేక‌పోయారు. హెరిటేజ్‌పైనా ఆరోప‌ణ‌ల‌కు దిగుతున్నారు. 1992లో ప్రారంభ‌మైన హెరిటేజ్‌ అంచెలంచెలుగా ఎదిగింది. అమ్మ‌, బ్రాహ్మ‌ణి అహ‌ర్నిశ‌లు క‌ష్ట‌ప‌డి కంపెనీని అభివృద్ధి చేశారు. హెరిటేజ్ ప్రెష్ అమ్మేశామ‌ని చంద్ర‌బాబు చెప్పినా విన‌డంలేదు. ఫ్యూచ‌ర్ గ్రూపులో షేర్లున్నాయి కాబ‌ట్టి ఆ కంపెనీ మీదేన‌ని బుగ్గ‌న గారు అంటున్నారు. బుగ్గ‌న గారు ఎన్నిక‌ల అఫిడ‌విట్‌లో వివిధ కంపెనీల షేర్లు త‌న‌కున్న‌ట్టు పేర్కొన్నారు. అంటే ఆ కంపెనీల‌న్నీ బుగ్గ‌న గారివేనా? ఆ కంపెనీలు త‌మ ఉత్ప‌త్తుల ధ‌ర‌లు పెంచితే బుగ్గ‌న గారు బాధ్య‌త వ‌హిస్తారా? జ‌గ‌న్ సాక్షి ప్రారంభించినప్పుడు 2 రూపాయ‌లకు అమ్మేవారు. అన్ని పేప‌ర్లూ 2 రూపాయ‌ల‌కు అమ్మాలంటూ ఉద్య‌మం చేశారు. ఇప్పుడు సాక్షి పేప‌రు 7 రూపాయ‌లు చేశారు. జ‌గ‌న్ గారు పాద‌యాత్ర‌లో అన్ని పెంచుతూ పోతాన‌ని హామీ ఇచ్చారు. ఇచ్చిన మాట త‌ప్ప‌కుండా అన్నీ పెంచుకుంటూ పోతున్నారు. ఇసుక, ఉల్లి, సాక్షి పేప‌ర్‌, ఆర్టీసీ టికెట్ల ధ‌ర పెంచారు. లిక్క‌ర్ రేటు పెంచారు..విద్యుత్ చార్జీలు పెంచేస్తారు. ఆన్‌లైన్‌లో ఒక మంచి వ‌స్తువు చూసి ఆర్డ‌ర్ ఇస్తాం. తీరా అది డెలివ‌రీ వ‌చ్చాక పాడైన వ‌స్తువు వ‌చ్చిన‌ట్టే ఉంది ఏపీ ప్ర‌జ‌ల ప‌రిస్థితి. ప్ర‌జాస‌మ‌స్య‌ల‌పై పోరాడుతుంటే టీడీపీపై దుష్ర్ప‌చారం చేస్తున్నారు. 2012 నుంచి నాపై ఇటువంటి అస‌త్య ప్ర‌చార‌మే చేస్తూ వ‌స్తున్నారు. స‌భ‌లో నేను లేక‌పోయినా నేనంటే ఎందుకంత భ‌యం? శాస‌న‌మండ‌లికి వ‌చ్చే మంత్రులు మాత్రం ఒక్క మాట మాట్లాడ‌టంలేదు. నేను ఉన్న స‌భ‌లో మాట్లాడ‌కుండా, లేని స‌భ‌లో మాట్లాడ‌ట‌మెందుకు? రండి మీ నాయ‌కుడిపై ఉన్న‌ కేసులు చ‌ర్చిద్దాం. గెలిచాక ఆరునెల‌ల్లో మంచి ముఖ్య‌మంత్రిని అనిపించుకుంటాన్నారు జ‌గ‌న్‌ ముంచే ముఖ్య‌మంత్రిగా నిలిచారు" అని లోకేష్ అన్నారు.