news

నిన్న సాయంత్రం నుంచి, ఏపి బీజేపీ సీనియర్ నేత, ఆర్ఎస్ఎస్, వీహెచ్పీకి అత్యంత దగ్గర వారు అయిన, నరసాపురం మాజీ ఎంపీ గోకరాజు గంగరాజు, బీజేపీ పార్టీ మారి, వైసీపీలోకి వెళ్తున్నారు అంటూ, పెద్ద ఎత్తున వార్తలు వచ్చాయి. అన్ని ప్రముఖ మీడియాలో ఈ వార్తలు రావటంతో, అందరూ నిజమే అని నమ్మరు కూడా. ఇది ఏపి బీజేపీకి పెద్ద దెబ్బ అని, అందరూ భావించారు, గోకరాజు లాంటి వారు కూడా బీజేపీ సిద్ధాంతాలు పక్కన పెట్టి, వైసీపీలోకి వెళ్ళటం పై ఆశ్చర్యపోయారు. అయితే, తన పై నిన్నటి నుంచి వచ్చిన వార్తల పై, ఈ రోజు గోకరాజు గంగరాజు మీడియా ముందుకు వచ్చి క్లారిటీ ఇచ్చారు. తాను పార్టీ మారుతున్నాను అంటూ, నిన్నటి నుంచి పెద్ద ఎత్తున ప్రచారం చేస్తున్నారని, ఇందులో ఎటువంటి వాస్తవం లేదని, గోకరాజు చెప్పారు. తన గురించి వార్తలు రాస్తూ, తన అభిప్రాయం తీసుకోకుండా, మీడియా ఇష్టం వచ్చినట్టు మాట్లాడటం పై, ఆయన తీవ్ర అభ్యంతరం వ్యక్తం చేస్తూ, మీడియా పై ఆగ్రహం వ్యక్తం చేసారు.

తాను బీజేపీ ఎంపీ చేసిన తరువాత, ప్రస్తుతం రాజకీయాలకు దూరంగా ఉంటున్నాని, బీజేపీ పార్టీలోనే ఉన్నానని, ఏ పార్టీలోనూ జాయిన్ అవ్వను అంటూ, చెప్పుకొచ్చారు. తనకు ముందు నుంచి రాజకీయాల పై పెద్దగా ఆసక్తి లేదని, తాను వీహెచ్‌పీలో ఉంటూ సేవా కార్యక్రమాలు చేస్తున్న సమయంలో, 2014 ఎన్నికల సమయంలో అశోక్ సింఘాల్ తన పై ఒత్తిడి తెచ్చి, నరసాపురం ఎంపీగా పోటీ చేపించారని, అప్పుడు గెలిచానని చెప్పారు. రాజకీయాలు అంటే ఆసక్తి లేకపోయినా, ప్రజలకు సేవ చేయొచ్చు అనే భావంతో ఆ రోజు ఎంపీగా పోటీ చేసానని, అప్పట్లో నరసాపురం నుంచి పార్టీలు మారుతూ వచ్చిన రఘురామకృష్ణం‌రాజు టికెట్ అడగ్గా, బీజేపీ అధిష్టానం, పార్టీలు మారే వారికి, టికెట్ ఇవ్వం అని చెప్పటంతో, తాను పోటీ చెయ్యాల్సి వచ్చిందని అన్నారు.

అశోక్ సింఘాల్ నాకు‌ గాడ్ ఫాదర్ వంటి‌వారని, ఆయన మాట ప్రకారమే ఆ రోజు ఎంపీగా సేవ చేసానని, ప్రస్తుతం రాజకీయాలకు దూరంగా, మళ్ళీ వీహెచ్‌పీ ద్వారా సేవ చేస్తున్నానని అన్నారు. అయితే, ఇక్కడ మరో ఊహించని ట్విస్ట్ ఇచ్చారు గోకరాజు. తాను చేరటం లేదని, తన కుమారుడు, సోదరులు వైసీపీలోకి వెళ్తున్నారని అన్నారు. తన కుమారుడు రంగరాజు, వైఎస్‌ జగన్‌కు మిత్రుడని అన్నారు. గతంలోనే ఎంపీ సీటు ఆఫర్ చేసారని చెప్పారు. అయితే, తన కుమారుడు వైసీపీలో చేరుతున్నాను అని చెప్పగా, అలోచించి నిర్ణయం తీసుకోమన్నాని ఆయన అన్నారు. గతంలో కూడా, సోదరులు గోకరాజు రామరాజు, నరసింహరాజులు కాంగ్రెస్ తోనే పని చేసారని, ఆ పరిచాయలతో, ఇప్పుడు వాళ్ళు వైసీపీలోకి వెళ్తున్నారని, తనకు మాత్రం, ఆ పార్టీలో చేరే ఉద్దేశం లేదని అన్నారు.

ఆంధ్రప్రదేశ్ అసెంబ్లీ సమావేశాలు ఈ రోజు నుంచి ప్రారంభం అయ్యాయి. ఈ రోజు 9 గంటలకు అసెంబ్లీ సమావేశాలను స్పీకర్ తమ్మినేని ప్రారంభించారు. అయితే, అసెంబ్లీ సమావేశాల మొదటి రోజే, తెలుగుదేశం పార్టీ ఇంకా లోపలకి ఎంటర్ కాక ముందే, అధికార పక్షం తెలుగుదేశం పార్టీని తొక్కేసే ప్రయత్నం చేసింది. ఈ రోజు ప్రజలు ఎదుర్కుంటున్న తీవ్ర సమస్య ఉల్లి ధరలు పెంపుదల. కేజీ ఉల్లిపాయ దాదాపుగా 200 కు చేరుకుంది. అయితే ప్రభుత్వం, ఒక్కొక్కరికీ కేజీ 25 రూపాయలకు సబ్సిడీ ఇస్తుంది. అయితే ఇవి కూడా అరకోరగా సాగుతున్నాయి. ప్రజలు ఉదయం నుంచి సాయంత్రం వరకు క్యూలో ఉంటే, ఒక కేజీ వచ్చే పరిస్థితి కూడా లేదు. దీంతో, ప్రజలు తీవ్ర ఇబ్బంది పడుతున్నారు. అయితే, ఈ సమస్య పై తెలుగుదేశం పార్టీ మొదటి రోజే, నిరసన తెలిపింది. ఉల్లి దండలు మెడలో వేసుకుని ఆ పార్టీ నేతలు నిరసన తెలిపారు. తక్కెడలో బంగారం, ఉల్లిపాయలు పెట్టి రెండూ సమానమేనని చూపిన చంద్రబాబు.

పాదయాత్రగా తెలుగుదేశం పార్టీ ఎమ్మెల్యేలు, ఎమ్మెల్సీలు, అసెంబ్లీకి చేరుకున్నారు. అయితే అసెంబ్లీ ప్రధాన ద్వారం టీడీపీ అధినేత చంద్రబాబుతో పాటుగా, మిగతా ఎమ్మెల్యేలు, ఎమ్మెల్సీలను పోలీసులు అడ్డుకున్నారు. ప్లకార్డులతో అనుమతి లేదని, అలాగే ఉల్లిపాయల దండలతో లోపాలకి వెళ్ళవద్దు అంటూ, టీడీపీ అధినేత చంద్రబాబును గేటు వద్దే పోలీసులు ఆపేశారు. చంద్రబాబుతో పాటు ఇతర ఎమ్మెల్యేలు, ఎమ్మెల్సీలను గేటు వద్దే ఆపేశారు. దీంతో పోలీసులు టిడిపి నేతల మధ్య స్వల్ప వాగ్వాదం చోటుచేసుకుంది. అయితే ఇవన్నీ మేము అసెంబ్లీ లోపలకు తీసుకువెళ్ళమని, వీటిని మా పార్టీ ఆఫీస్ లో పెట్టుకుంటాం అని చెప్పినా పోలీసులు లోపలకి అనుమతించలేదని సమాచారం.

ఈ సందర్భంగా తెలుగుదేశం పార్టీ అధినేత చంద్రబాబు మాట్లాడుతూ, రాష్ట్రంలో ఉల్లి ధరలు బంగారంతో సమానంగా ఉన్నయాని అనంరు. తక్కెడలో బంగారం, ఉల్లిపాయలు పెట్టి రెండూ సమానమేనని చంద్రబాబు చూపించారు. ఉల్లి ధరలను ప్రభుత్వం నియంత్రించలేకపోతోందని చంద్రబాబు అన్నారు. టీడీపీ హయాంలో నిత్యావసర ధరలు పెరగకుండా చర్యలు తీసుకున్నామని గుర్తు చేసారు. సబ్సిడీ పై తక్కువ ధరలతో ఉల్లి అందించామని, అప్పట్లో కేజీ 20 కు ఇచ్చి, ఒక్కొక్కరికీ 2.5 కేజీలు ఇచ్చామని, అవి కూడా ప్రజలకు ఇబ్బంది లేకుండా, రేషన్ దుకాణాల్లో ఇచ్చామని గుర్తు చేసారు. ధరలు దిగివచ్చేవరకు, ఈ ప్రభుత్వం పై, టీడీపీ పోరాటం కొనసాగుతుందని చంద్రబాబు తెలిపారు. ఉల్లి కేజీ రూ. 200 అమ్ముతుందంటే ఎంత దుర్మార్గమో ఆలోచించాలని చంద్రబాబు అన్నారు.

ఈ రోజు నుంచి అసెంబ్లీ సమావేశాలు ప్రారంభం అయిన సంగతి తెలిసిందే. ఈ రోజు ఉదయం 9 గంటలకు అసెంబ్లీ సమావేశాలు ప్రారంభం అయ్యాయి. అయితే, ఈ సమావేశాలు కవర్ చెయ్యటానికి, వివిధ మీడియా ఛానెల్స్ కు పాసులు ఇచ్చారు. అయితే, మూడు ఛానెల్స్ కు మాత్రం, పాసులు ఇవ్వలేదు. స్పీకర్ ఆదేశాలు ప్రకారం, ఆ మూడు ఛానెల్స్ కు, అసెంబ్లీలోకి ఎంట్రీ లేదని, అందుకే పాసులు ఇవ్వటం లేదని చెప్పారు. దీంతో ఆ మూడు ఛానెల్స్ ప్రతినిధులను అసెంబ్లీ ఆవరణలోకి ఎంటర్ అవ్వనివ్వలేదు. గత అసెంబ్లీ సెషన్ లో, జరిగిన దానికి, అప్పుడే మూడు ఛానెల్స్ అయిన ఏబీఎన్ ఆంధ్రజ్యోతి, ఈటీవీ ఆంధ్రప్రదేశ్, టీవీలను, అసెంబ్లీలోకి ఎంట్రీ లేకుండా ఆంక్షలు విధించారు. గత అసెంబ్లీ సమావేశాల్లో, 45 ఏళ్ళకే పెన్షన్ హామీ పై తెలుగుదేశం పార్టీ, జగన్ ప్రభుత్వాన్ని నిలదీసింది. దీంతో తట్టుకోలేని ప్రభుత్వం వారిని అసెంబ్లీ నుంచి సస్పెండ్ చెయ్యటం, మార్షల్స్ వచ్చి వారిని ఎత్తి బయట పడేయటం జరిగాయి.

ఈ సందర్భంగా, సస్పెండ్ అయిన తెలుగుదేశం శాసనసభ్యులు, మీడియాతో మాట్లాడుతూ తమ గోడు చెప్పుకున్నారు. అసెంబ్లీ మీడియా పాయింట్ వద్ద ఇది జరిగింది. అయితే ఒక పక్క అసెంబ్లీ సమావేశాలు జరుగుతూ ఉండగా, మీడియా పాయింట్ వద్ద టిడిపి నేతలు మాట్లాడిన మాటలు ఎలా ప్రసారం చేస్తారు అంటూ, అసెంబ్లీ స్పీకర్, వీరి పై ఆంక్షలు విధించారు. అప్పటి నుంచి వీరికి అసెంబ్లీలోకి ఎంట్రీ లేదు. అయితే ఐ అండ్ పీఆర్ నుంచి ఫీడ్ తీసుకుని, అసెంబ్లీ సమావేశాలు ప్రసారం చేసినా, అది కూడా వద్దు అంటూ, స్పీకర్ కార్యాలయం వారించింది. అయితే తాము కేవలం ఒక్క నిమిషం మాత్రమే ఇచ్చామని, ఇలా మరోసారి జరగకుండా చూసుకుంటామని, వారు స్పీకర్ కు అప్పుడే చెప్పారు.

తరువాత కొన్ని సార్లు వెళ్లి, తమ పై విధించిన నిషేధం ఎత్తేయాలని కోరారు. అయితే, ఈ రోజు నుంచి జరిగిన అసెంబ్లీ సమావేశాల్లో, మరోసారి వారిని లోపలకి రానివ్వలేదు. దీంతో వారు ఖంగుతిన్నారు. సహజంగా ఆ అసెంబ్లీ సెషన్ కు నిషేధం విధిస్తారని, ఇప్పుడు తమను జీవిత కాలం నిషేదిస్తారా అంటూ వారు ఆశ్చర్య పోతున్నారు. స్పీకర్ ను అనేకసార్లు కోరామని, తాము ఇన్ని రోజులు నిషేధం విధించే తప్పు ఏమి చేసామంటూ వాపోతున్నారు. వారికి అసెంబ్లీలోకి పర్మిషన్ లేకపోవటం, అలాగే ఐ అండ్ పీఆర్ ఫీడ్ కూడా ప్రసారం చెయ్యవద్దు అని చెప్పటంతో, ఈ మూడు ఛానెల్స్ లో, ఎక్కడా అసెంబ్లీ సమావేశాలు రావటం లేదు. తెలుగుదేశం పార్టీ కూడా ఈ చర్యను, మరోసారి సమీక్షించాలని కోరుతుంది.