news

రేపు అనంతపురం జిల్లాలో, ఒక ఆసక్తికర ఘటన చోటు చేసుకోనుంది. చంద్రబాబు డ్రీం ప్రాజెక్ట్ ని, అలాగే ప్రతిపక్షంలో ఉన్నంత వరకు, వ్యతిరేకించిన ప్రాజెక్ట్ ని, రేపు జగన్ మోహన్ రెడ్డి ప్రారంభించనున్నారు. రేపు అనంతపురం జిల్లాలో, కియా మోటార్స్ కంపెనీ గ్రాండ్ ఓపెనింగ్ కార్యక్రమానికి జగన్ మోహన్ రెడ్డి హాజరు కానున్నారు. ఈ సందర్భంగా, ఏర్పాట్ల పై, కలెక్టర్ తో పాటుగా, పోలీసులు కూడా సమీక్ష చేసారు. ఈ సమీక్షలో, కియా కంపెనీ లీగల్ హెడ్ జుడ్ కూడా పాల్గున్నారు. రేపు జగన్ మోహన్ రెడ్డి పర్యటన సందర్భంగా ప్లాంట్ టూర్, ఓపెనింగ్ సెర్మనీ కార్యక్రమాలు ఉంటాయని చెప్తున్నారు. రేపు జగన్ మోహన్ రెడ్డి, గన్నవరం విమానాశ్రయం నుంచి, పుట్టపర్తి విమానాశ్రయానికి చేరుకొని, అక్కడ నుంచి కియా కంపెనీలో జరిగే కార్యక్రమనాకి, హాజరు అవుతారని, తగిన ఏర్పాట్లు, భద్రత చెయ్యాలని, కలెక్టర్, అధికారులకు ఆదేశాలు జారీ చేసారు. అయితే, ఇదంతా బాగానే ఉన్నా, ఇప్పుడు జగన్ మోహన్ రెడ్డి కియా పర్యటన పై, అందరూ అవాక్కవుతున్నారు.

గతంలో మూడు నెలల క్రిందట, కియా కంపెనీలో, మొదటి చారు లాంఛింగ్ కార్యక్రమానికి జగన్ హాజరు కావాల్సి ఉండగా, అప్పుడు ఆయన ఆ కార్యక్రమానికి, రావటం కుదరటం లేదు. అప్పట్లో, ఇది పెద్ద దుమారానికి దారి తీసింది. అయితే ఇప్పుడు మళ్ళీ, రేపు కియా కంపెనీ లాంచింగ్ ఏంటి అంటూ, అందరూ ఆశ్చర్య పోతున్నారు. ఇప్పటికే కంపెనీ లాంచ్ అయ్యిందని, మొదటి కారు కూడా, వైసీపీ నేతల సారధ్యంలోనే లాంచ్ అయ్యిందని, ఇప్పటికే 15 వేల కార్లు దాకా బయటకు వెళ్లాయని, అలాగే కొన్ని చోట్ల అయితే, అప్పుడే ఈ కార్లు సెకండ్ హ్యాండ్ లో కూడా దొరుకుతున్నాయని, ఇలాంటి సమయంలో, జగన్ మోహన్ రెడ్డి, వచ్చి, లాంచింగ్ చెయ్యటం ఏంటో, అంటూ, అందరూ ఆశ్చర్యపోతున్నారు.

కియా ప్లాంట్ కష్టం అంతా చంద్రబాబుది అని అందరికీ తెలిసిందే. మహారాష్ట్ర, తమిళనాడు, కర్ణాటక, గుజరాత్ లను కాదని, మన రాష్ట్రానికి కియా కంపెనీ రావటంలో, చంద్రబాబు కృషి ఎంతో ఉంది. అయితే, కియా కంపెనీ నుంచి, చంద్రబాబుని చరిపేసే దిశగా, వైసీపీ అడుగులు వేసింది. మొదటి అసెంబ్లీ సమావేశాల్లోనే, ఈ క్రెడిట్ అంతా దివంగత వైఎస్ఆర్ ది అంటూ, ఆర్ధిక మంత్రి బుగ్గన ఒక ఉత్తరం చదివిన సంగతి తెలిసిందే. 2007లో వైఎస్ఆర్, అప్పటి కియా కంపెనీని పెట్టుబడులు పెట్టమని కోరారని, అందుకే మేము ఆంధ్రప్రదేశ్ లో పెట్టమంటూ, కియా కంపెనీ లేఖ రాసినట్టు అసెంబ్లీ చెప్పుకొచ్చిన సంగతి తెలిసిందే. ఇలా కియా నుంచి చంద్రబాబు గుర్తులు చెరిపేసే పనిలో వైసీపీ ప్రభుత్వం ఉంది. అయితే ప్రతిపక్షంలో ఉండగా, కియాను వ్యతిరేకించిన జగన్, రేపు ఆ కంపెనీ లాంచింగ్ కు వెళ్తున్నారు అంటే, ఇదే దేవుడు రాసిన స్క్రిప్ట్ ఏమో.

చంద్రబాబు నాయుడు ప్రతిపక్ష హోదా టార్గెట్ గా, వైసీపీ పావులు కదుపుతుంది. గత సార్వత్రిక ఎన్నికల్లో తెలుగుదేశం పార్టీకి, కేవలం 23 సీట్లు వచ్చిన సంగతి తెలిసిందే. ఈ సంఖ్యను, 17 కంటే తక్కువకు పడేస్తే, చంద్రబాబుకి ప్రతిపక్ష హోదా ఉండదని, తద్వారా చంద్రబాబుకి, మరింత అవమానం చేసి, ఆనంద పడవచ్చని వైసీపీ ఆలోచనగా ఉంది. ఈ పని ఎప్పుడో చెయ్యాల్సి ఉండగా, జగన్ ఆవేశంలో ఇచ్చిన స్పీచ్ అడ్డు వచ్చింది. అదే రాజీనామా చేసి పార్టీలోకి రావాలి అనే మాట. అయితే, ఇప్పుడు రాజీనామా చేసి, ఎన్నికలకు వెళ్ళే పరిస్థితి లేదు. అందుకే వైసీపీ స్తానిక సంస్థలు కూడా వాయిదా వేస్తూ వస్తుంది. సహజంగా, ఎవరైనా గెలవగానే, రెండు మూడు నెలల్లోనే, స్థానిక సంస్థల ఎన్నికలకు వెళ్లి పోతారు. కేసీఆర్ అక్కడ చేసింది కూడా అదే. కాని ఇక్కడ జగన్ మాత్రం, ఆరు నెలలు అయినా స్థానిక సంస్థల ఎన్నికలు లేవు, జనవరిలో అని చెప్తున్నా, ఇప్పుడప్పుడే అయ్యే పరిస్థితి కనిపించటం లేదు.

ఇందుకు కారణం ప్రజా వ్యతిరేకత. అయితే స్థానిక సంస్థలే ఇలా ఉంటే, తెలుగుదేశం పార్టీ గెలిచిన చోట, ఉప ఎన్నికలు అంటే, వైసీపీ ఆలోచిస్తుంది. అందుకే తెలుగుదేశం పార్టీ నుంచి వచ్చే వారిని, తటస్థంగా ఉంచాలని చూస్తుంది. వారిని డైరెక్ట్ గా పార్టీలో కలుపుకోకుండా, ఇండిపెండెంట్ ఎమ్మెల్యేలుగా ఉండేలా వ్యూహం సిద్ధం చేసింది. ఇందుకు ముందుగా, వల్లభనేని వంశీని రంగంలోకి దింపారు. తెలుగుదేశం పార్టీ నుంచి మొదటిగా, వెళ్ళిపోయిన ఎమ్మెల్యే వంశీ. అయితే వంశీ పచ్చి బూతులతో పడిపోవటంతో, తెలుగుదేశం పార్టీ సస్పెండ్ చేసింది. దీంతో వంశీ అనర్హత వేటు నుంచి తప్పించుకున్నారని, ఇదే వ్యూహాన్ని, మిగతా జంప్ కొట్టే ఎమ్మెల్యేలతో చేపించాలని, వైసీపీ స్కెచ్ వేసింది.

తాజాగా డిసెంబర్ 9 అసెంబ్లీ సెషన్స్ కు ముందే, మరో ముగ్గురు టిడిపి ఎమ్మెల్యేలను లాగే ప్లాన్ వేసారు. ఈ ముగ్గురు కూడా ప్రకాశం జిల్లా టిడిపి ఎమ్మెల్యేలని తెలుస్తుంది. మొత్తం ప్రకాశంలో నలుగురు టిడిపి ఎమ్మెల్యేలు ఉండగా, ముగ్గురిని లాగేసారని, ఈ రోజు వారు జగన్ సమక్షంలో, వైసీపీలో చేరుతున్నారని ప్రచారం సాగుతుంది. ఇందుకు సంబంధించి, ఇప్పటికే గొట్టిపాటి రవి, క్వారీల పై రైడ్స్ జరిపించిన విషయం తెలిసిందే. మొత్తంగా ఈ రోజు ముగ్గురు ఎమ్మెల్యేలు, వైసీపీలో చేరుతారని, మరో వారంలో, ఇంకో ముగ్గురు నలుగురుని లాగుతరాని, ప్రచారం జరుగుతంది. అయితే చంద్రబాబు మాత్రం, ఇవన్నీ లైట్ గా తీసుకున్నారు. ప్రతిపక్ష హోదా పొతే ఏమి అవుతుంది, పోనివ్వండి, ప్రజలతో ఉందాం, ప్రజల్లోనే తేల్చుకుందాం అంటూ చంద్రబాబు చెప్పినట్టు సమాచారం.

సూది కోసం సోది చెప్పించుకుంటే పాతవి అన్నీ బయట పడ్డాయని, పెద్దల మాట. సరిగ్గా వైసీపీ పరిస్థితి కూడా అలాగే అయ్యింది. రాజ్యసభలో వైకాపా పరిస్థితి మాత్రం కూర్చున్న కొమ్మనే నరుక్కున్నట్లయింది. ఇందుకు ఆపార్టీ కీలకనేత అయిన విజయసాయిరెడ్డే సూత్రధారి కావడం యాధృచ్చికమా...? వ్యూహాత్మకమా...? అన్న ప్రశ్నలు కీలకంగా రాజకీయ వర్గాల్లో సంచరిస్తున్నాయి. సోమవారం రాజ్యసభ సమావేశంలో వైకాపా పార్లమెంటరీ పార్టీ నాయకుడు విజయసాయిరెడ్డి వేసిన ప్రశ్న ఆయనకే కాక వైకాపా మెడకే చుట్టుకుంది. పోలవరం విషయంలో చంద్రబాబుకు క్లీన్ చిట్ ఇచ్చేందుకు కారణమైంది. ఇదంతా వైకాపాలో అసమ్మతి అని, విజయసాయి వేసిన ఎత్తుగడని కొందరు వాదిస్తుండగా, విజయసాయిరెడ్డికి కూడా తెలియకుండా కేంద్రానికి రాష్ట్రం నుంచి ఫైల్స్ వెళ్తున్నాయంటూ మరికొందరు చెబుతున్నారు. ఇంతకీ విషయం తెలియని విజయసాయిరెడ్డి కేంద్రానికి వేసిన ప్రశ్నతో జగన్ ఇరకాటంలో పడ్డారన్న మాట మాత్రం నిజం.

అధికారంలోకి వచ్చిన వెంటనే పోలవరం పై ఓ నిపుణుల కమిటీని వేసింది జగన్ ప్రభుత్వం. దీనిపై ఆ కమిటీ ప్రాథమిక నివేదిక ఇచ్చింది. పోలవరం ప్రాజెక్టు కేంద్ర ప్రాజెక్టు కాబట్టి కాంపిటెంట్ అథారిటీ కేంద్రమే. అందువల్ల ఈ నిపుణుల కమిటీ కాపీ కేంద్రానికి వెళ్ళింది. రాష్ట్ర స్థాయిలో జరిగిన ఈ పరిణామాలు రాజ్యసభ ఎంపీ విజయసాయి రెడ్డికి తెలియకుండా జరుగుతాయా? తెలిసీ వేశారంటే, మరి విజయసాయి అసలు టార్గెట్ ఏమిటి? పోలవరంపై కేంద్రానికి నాలుగు ప్రశ్నలు సంధించడంతో తాజా ఎపిసోడ్ కు విజయసాయి రెడ్డి తెరలేపారు. దానికి కేంద్రం సమాధానం ఇస్తూ, మొత్తం రూ. 2346.85 కోట్లు చంద్రబాబు ప్రభుత్వం చెల్లించినట్లు ప్రకటించారు. అయితే ఇవన్నీ జగన్మోహన్ రెడ్డి ప్రభుత్వం నియమించిన నిపుణుల కమిటీ ఇచ్చిన ప్రాథమిక నివేదికలోని అంశాలు మాత్రమే ఈ గణాంకాలను ఇప్పటి వరకు కేంద్రం ఆమోదించనూలేదు, తిరస్కరించనూలేదు.

కేంద్ర ప్రభుత్వం దృష్టికి వచ్చిన, ఏపీ నిపుణుల కమిటీ వివరాలను మాత్రమే సమాధానంగా మంత్రి తెలిపారు. ఇంతవరకూ అంతా సజావగా ఉన్నట్లు కన్పించినా రాష్ట్ర ప్రభుత్వం రూపొందించిన నిపుణుల కమిటీ నివేదిక విజయసాయిరెడ్డి దగ్గర ఎందుకు లేదన్నది మరో కీలకమైన ప్రశ్న. చివరగా ఇచ్చిన కీలక సమాచారం నిపుణుల కమిటీ నివేదికపై కేంద్రం ఏం చర్యలు తీసుకుందని విజయసాయి రెడ్డి వేసిన ప్రశ్నకు కేంద్రం నుంచి దిమ్మతిరిగే సమాధానం వచ్చింది. స్వయంగా, జగన్మోహన్ రెడ్డి ప్రభుత్వం నవంబర్ 13వ తేదీన అంటే మూడు వారాల క్రితం కేంద్రానికి రాసిన లేఖను కేంద్ర మంత్రి తన సమాధానంలో ప్రస్తావించారు. అన్ని చెల్లింపులు ప్రొసీజర్ ప్రకారమే జరిగాయని చెప్పారు. అంటే చంద్రబాబు ప్రభుత్వం, ఎక్కడా అవినీతి చెయ్యలేదు అని జగన్ ప్రభుత్వం చెప్పింది. మరి ఈ లేఖను బయట పెట్టే ప్రశ్న, విజయసాయి రెడ్డి ఎందుకు వేసారు ? ఒక వేళ ఆయనకు తెలియకుండా ప్రశ్న వేసారు అంటే, రాష్ట్రం ప్రభుత్వంలో జరుగుతున్నవి ఏమి ఆయనకు చెప్పటం లేదా ? మొత్తానికి, రాజ్యసభలో విజయసాయి వేసిన ఈ ప్రశ్న, మరిన్ని ఎన్నో ప్రశ్నలకు దారి తీసింది.