news

రాష్ట్రంలో బూతులు సీజన్ నడుస్తుంది. సామాన్య ఎమ్మెల్యే దగ్గర నుంచి మంత్రులు దాకా, రాజ్యాంగ పదవిలో ఉన్న వారు కూడా, బూతులతో విరుచుకు పడుతున్నారు. అదేమంటే, వాక్ స్వాతంత్ర్యము అంటున్నారు. అలాగే చంద్రబాబు పై రాళ్ళు వేసి కొడితే, నిరసన తెలిపే హక్కు ఎవరికైనా ఉంటుంది అంటూ డీజీపీ వ్యాఖ్యలు చేసారు. అయితే ఇవన్నీ వైసీపీకి అనుకూలంగా ఉండేవారికి అనుకుంటా, అంటున్నారు తెలుగుదేశం నేతలు. ఈ రోజు ఒక మహిళను అరెస్ట్ చెయ్యటం చూస్తుంటే, ఇదే నిజం అని అనిపిస్తుందని టిడిపి ఆరోపిస్తుంది. కొడాలి నాని చేసిన పరుష వ్యాఖ్యలకు, బూతులకు, కంచికచర్లకు చెందిన మహిళా రైతు యలమంచిలి పద్మ, తీవ్రంగా రియాక్ట్ అయ్యారు. మంత్రి కొడాలి నాని మాట్లాడిన భాషలోనే, ఆయనకు సమాధానం చెప్పారు పద్మ. అయితే, టీవిలో మాట్లాడిన ఈ మాటలు, సోషల్ మీడియాలో బాగా వైరల్ అయ్యారు. చాలా మంది, ఈ వీడియోని షేర్ చెయ్యటంతో, వీడియో బాగా వైరల్ అయ్యింది.

దీంతో, ఆ మహిళా రైతు పై, కేసు పెట్టారు వైసీపీ నేతలు. దీంతో, మహిళా రైతు యలమంచిలి పద్మ పై కేసు నమోదు చేసిన కంచికచర్ల పోలీసులు పద్మపై సీఆర్‌పీసీ 41 కింద నోటీసు జారీ చేశారు. ఈ కేసు విషమై ఆమెను అదుపులోకి తీసుకుని ప్రశ్నించారు. అయితే, విషయం తెలుసుకున్న తెలుగుదేశం నేతలు, స్థానిక మాజీ ఎమ్మెల్యే తంగిరాల సౌమ్య, పోలీస్ స్టేషన్ కు వెళ్లి, వివరాలు కనుక్కుని, ఆమెకు స్టేషన్ బెయిల్ వచ్చేలా చేసి, ఆమెను విడిపించుకుని వచ్చారు. గత నెల 26న రాజధానిపై స్పష్టత కోసం యర్రబాలెంలో రైతులు నిరసన ప్రదర్శన నిర్వహించారు. స్థానిక రైతులతో కలసి పద్మ నిరసన ప్రదర్శనలో పాల్గొంది. ఈ సందర్భంగా ఆమె మంత్రి కోడాలి నానిపై తీవ్ర హెచ్చరికలు చేసింది.

మరో పక్క స్టేషన్ నుంచి బయటకు వచ్చిన మహిళా రైతు పద్మ, నేను కొడాలి నాని చేసిన వ్యాఖ్యలకు, చంద్రబాబుని నోటికి ఇష్టం వచ్చినట్టు తిడుతున్న బూతులకు స్పందించానని, కడుపు మండి స్పందించానని అన్నారు. చంద్రబాబు పై ఇష్టం వచ్చిన బూతులు ఆపకపోతే, నేను అలాగే మాట్లాడతానని అన్నారు. మా ఆడవాళ్ళం అందరం కలిసి, మీడియాను పిలిచి, వీళ్ళు మాట్లాడే బూతులు ఖండిస్తామని అన్నారు. ఈ కేసులకు భయపడేది లేదని, తప్పుని తప్పు అని చెప్పటం కూడా, తప్పు అయితే ఎలా అని అన్నారు. అయితే తెలుగుదేశం నేతలు కూడా, ఈ విషయం పై స్పందించారు. బూతులు తిడుతున్న మంత్రులను వదిలేసి, ఆ బూతులు తిట్టద్దు అని చెప్తున్న సామాన్యుల పై, మహిళల పై, మీ ప్రతాపం చూపిస్తారా అని మండి పడుతున్నారు.

తెలంగాణాలోని, శంషాబాద్‌ ప్రాంతంలో, జరిగిన ఘటన పై, దేశంలోనే కాదు, అంతర్జాతీయ స్థాయిలో చర్చ జరిగింది. దిశ  ఘటన పై, ఈ రోజు పార్లమెంట్‌లో అన్ని పార్టీలు లేవనెత్తి, ఈ చర్యను ఖండించారు. జీరో అవర్‌లో దిశ ఘటన పై, అన్ని పార్టీల ఎంపీలు చర్చలో పాల్గుని, జరిగిన ఈ ఘటనను ఖండించారు. ఇలాంటి ఘటనలు జరిగితే, నిందితులకు వెంటనే మరణశిక్ష విధించాలని, ఇలాంటి ఘటనలు చెయ్యాలి అంటే, భయపడేలా చట్టాలు ఉండాలని, మనం అందరం అలాంటి చట్టం చెయ్యాలని, వివిధ ఎంపీలు కోరారు. తెలుగు రాష్ట్రాల నుంచి కూడా, అనేక మంది ఎంపీలు ఈ చర్చలో పాల్గుని, తమ అభిప్రాయాలు తెలియ చేస్తూ, ఇలాంటి ఘటనలు మళ్ళీ జరగకుండా, తీసుకోవాల్సిన చర్యల పై సూచనలు, సలహాలు ఇచ్చారు. ఇలాంటి ఘటనలు జరిగిన సమయంలో, ఫాస్ట్‌ట్రాక్‌ కోర్టులు ఏర్పాటు చేసి, నిందితులను వెంటనే, ఆరు నెలల లోపే శిక్షించాలని, మన చట్టాలు అలా మారాలని, ఎంపీలు సలహా ఇచ్చారు.

అయితే ఇంత సీరియస్ గా లోక్‌సభలో జస్టిస్ ఫర్ దిశపై చర్చ జరుగుతున్న సమయంలో వైసీపీ ఎంపీ ఒకరు నిద్రపోతూ కనిపించడం దేశవ్యాప్తంగా చర్చనీయాంశమైంది. దేశవ్యాప్తంగా మహిళల పై జరుగుతున్న దాడుల పై సీరియస్ గా చర్చ  జరుగుతున్న సమయంలో, ప్రజల తరుపున మాట్లాడాల్సిన ఒక ఎంపీ నిద్రపోవడం పై, సర్వత్రా విమర్శలు వస్తున్నాయి. ఇంటర్నెట్ లో ఒక రేంజ్‌లో ట్రోల్ చేస్తున్నారు. జాతీయ మీడియాలో కూడా, ఈ అంశం చూపిస్తూ, ఇది మన యంపీల తీరు అంటూ, చూపిస్తున్నారు. ఇంతకీ ఆ ఎంపీ ఎవరు అనుకుంటున్నారా.  ఇంత సీరియస్ సబ్జెక్టు పై చర్చ జరుగుతుండగా, వైసీపీ హిందూపురం ఎంపీ గోరంట్ల మాధవ్, పార్లమెంట్ లో హాయిగా నిద్రపోతూ కనిపించారు.

ఆ ఫొటోలు, వీడియోలు కాస్త సోషల్ మీడియాలో వైరల్ కావడంతో నెటిజన్లు విరుచుకుపడుతున్నారు. ఈయన గతంలో పోలీస్ ఉద్యోగం కూడా వెలగబెట్టాడు, ఇలాంటి వారు కూడా ఇప్పుడు రాజకీయాల్లోకి వచ్చి సీరియస్ గా లేకుండా, నిద్ర పోవటం ఏంటి అంటూ, విరుచుకు పడుతున్నారు. తెలుగుదేశం పార్టీ కూడా, ఈ విషయం పై స్పందిస్తూ, ఇలా పోస్ట్ పెట్టింది. "రాష్ట్ర సమస్యల గురించి ఎలాగో మాట్లాడరు. దేశ సమస్యల పై కూడా ఇదే వైఖరి. దేశం మొత్తం, నినదిస్తున్న 'దిష' ఘాతుకం పై పార్లమెంట్ లో చర్చ సందర్భంలో, ఈ వైసీపీ ఎంపీ చూడండి, ఎలా గుర్రు పెట్టి నిద్ర పోతున్నారో. పాపం ఢిల్లీలో ప్రత్యేక హోదా కోసం, మెడలు వంచీ వంచీ, అలిసి పోయారు అనుకుంటా. ఇలాంటి వారి తీరుతో, ఆంధ్రప్రదేశ్ పరువు, జాతీయ స్థాయిలో గంగలో కలుస్తుంది."

పోలవరం ప్రాజెక్ట్ గతంలో ఒక కలగా ఉండేది. కాని గత 5 ఏళ్ళ కాలంలో, చంద్రబాబు చూపించిన చొరవతో, పనులు 72 శాతం వరకు వచ్చాయి. ప్రాజెక్ట్ కు ఒక రూపు వచ్చింది. అయితే జగన్ మోహన్ రెడ్డి అధికారంలోకి వచ్చిన దగ్గర నుంచి రివర్స్ టెండరింగ్ పేరుతొ ముందుకు రావటం, తరువాత కోర్ట్ ల్లో కేసులు వెయ్యటంతో, ఎక్కడి పనులు అక్కడే ఆగిపోయాయి. నవంబర్ 1 నుంచి పనులు మొదలయ్యాయి అని చెప్తున్నా, ఏదో పేరుకి చేస్తున్నారు అంతే. మరో పక్క, పోలవరంలో, చంద్రబాబు వేల కోట్లు అవినీతి చేసేసారని, పోలవరం ప్రాజెక్ట్ ని చంద్రబాబు ఏటియం గా వాడుకున్నారు అంటూ, రాజకీయ విమర్శలు చేసారు. జగన్ మోహన్ రెడ్డి గారు కూడా, ఆయన అధికారంలోకి రాగానే, ఒక నిపుణుల కమిటీ వేసి, పోలవరంలో జరిగిన అవినీతిని తవ్వి తియ్యమన్నారు. ఆ కమిటీ కూడా తమ పని ప్రారంభించింది. అయితే, ఆరు నెలలు అవుతున్నా, ఆ కమిటీ ఏమి తేల్చింది అనే విషయం ఎవరికీ తెలియదు. అయితే, విజయసాయి రెడ్డి రాజ్యసభలో వేసిన ఒక ప్రశ్నకు, ఈ కమిటీ గురించి, కేంద్రం సమాధానం చెప్పింది.

విజయసాయి రెడ్డి ప్రశ్న అడుగుతూ, పోలవరం ప్రాజెక్ట్ విషయంలో, గత ప్రభుత్వంలో అదనపు చెల్లింపులు జరిపి, అవినీతికి పాల్పడింది అంటూ, ఆంధ్రప్రదేశ్ ప్రభుత్వం ఇచ్చిన రిపోర్ట్ నిజమేనా ? దాని పై, కేంద్రం ఏమి చర్యలు తీసుకుంది అంటూ, ప్రశ్నించారు. ఇంకేముంది, చంద్రబాబు అవినీతి చేసాడు అని, దేశమంతా తెలిసిపోతుంది అంటూ, వైసీపీ సంబరపడింది. అయితే, అసలు ట్విస్ట్ ఇక్కడే ఉంది. జల శక్తి మంత్రి రతన్ లాల్ కటారియా సమాధానం చెప్తూ, అదనపు చెల్లింపులు చేసింది నిజమే కాని, ఎక్కడా రూల్స్ అతిక్రమించి, చెల్లింపులు చెయ్యలేదని, ఏపి ప్రభుత్వం ఏర్పాటు చేసిన నిపుణుల కమిటీ చెప్పిందని, దీనికి సంబంధించి, రాష్ట్ర ప్రభుత్వం, నవంబర్ 11న ఒక లేఖ కూడా మాకు రాసిందని చెప్పారు.

అంతే ఒక్కసారిగా వైసీపీ పార్టీ షాక్ అయ్యింది. తమ ప్రభుత్వం ఏర్పాటు చేసిన కమిటీనే, ఎలాంటి అవకతవకలు జరగలేదని, అన్నీ రూల్స్ ప్రకారమే జరిగాయని, ఏకంగా లేఖ రూపంలో, కేంద్రానికి చెప్పటం, అదే విషయం, కేంద్రం రాజ్యసభలో చెప్పటం విని షాక్ అయ్యారు. విజయసాయి రెడ్డి, చంద్రబాబుని ఫిక్స్ చేద్దమనుకుంటే, మనమే ఇప్పుడు క్లీన్ చిట్ ఇచ్చి, సెల్ఫ్ గోల్ వేసుకున్నామని, అనుకుంటున్నారు. గత ప్రభుత్వంలో, మొత్తం, 2346 కోట్ల రూపాయలు అదనంగా చెల్లించినట్లు జల శక్తి మంత్రి రతన్ లాల్ కటారియా వెల్లడిస్తూ వివరాలు చెప్తూనే, ఈ చెల్లింపులలో విధానపరమైన అతిక్రమలు లేవని, సంబంధిత అధికారుల ఆమోదం పొందిన తర్వాతే అదనపు చెల్లింపులు జరిగినట్లుగా రాష్ట్ర ప్రభుత్వం లేఖలో పేర్కొన్నట్లు మంత్రి తెలిపారు.