news

జగన్ మోహన్ రెడ్డి, పవన్ కళ్యాణ్ మధ్య వ్యక్తిగత ఆరోపణల స్థాయి, రోజు రోజుకీ పెరిగిపోతుంది. గతంలో జగన్ మోహన్ రెడ్డి, పవన్ ని ఉద్దేశిస్తూ, నలుగురు నలుగురు పెళ్ళాలు, అయిదుగురు పిల్లలు అంటూ, పవన్ కళ్యాణ్ పై వ్యక్తిగత ఆరోపణలు చేసారు. అయితే ఇప్పుడు పవన్ కళ్యాణ్ వంతు. జగన్ మోహన్ రెడ్డి, మతం, కులం పై, వ్యాఖ్యలు చేసి, రాజకీయ వాతావరణాన్ని వేడెక్కించారు. పవన్ చేసిన వ్యాఖ్యలు, ఇప్పుడు సంచలనంగా మారాయి. ఈ వ్యాఖ్యల పై, వైసీపీ నుంచి మరింత ఎదురు దాడి జరిగే అవకాశం ఉంది. పవన్ మాట్లాడుతూ, జగన మాతం మారారు అని, అయినా కులాన్ని మాత్రం వదలటం లేదని అన్నారు. మతం మార్చుకుంటే, ఇంకా కులం ఎందుకు, దాన్ని పట్టుకుని ఎందుకు వేలాడుతున్నారు అంటూ సంచలన వ్యాఖ్యలు చేసారు. ఒకవేళ, జగన్ క్రీస్టియన్ మతం తీసుకుంది నిజమే అయితే, ఏసులో ఉన్న సహనం, క్షమ గుణాలు, రావాలని, కాని, జగన్ మోహన్ రెడ్డికి, అవి రెండూ లేవని పవన్ కళ్యాణ్ అన్నారు.

రుపతి పర్యటనలో ఉన్న పవన్ కళ్యాణ్ అక్కడ ఏర్పాటు చేసిన మీడియా సమావేశంలో మాట్లాడారు. ఓట్ల కోసం, జగన్ కులం, మతం వాడుకుంటున్నారని, కులం కావాలంటే కులం తీస్తారని, మతం ఓట్లు కావాలంటే, మతం వాడతారని, పవన్ కళ్యాణ్ అన్నారు. సిమెంట్ ఫ్యాక్టరీలు, మీడియా కంపెనీలు స్థాపించటానికి, రాజకీయాల్లోకి రాలేదని పవన్ కళ్యాణ్ అన్నారు. జగన్ రెడ్డిది రంగుల రాజ్యం అని, తిరుమల ఏడుకొండలు మినహా, రాష్ట్రం అంతటా రంగులతో నింపేసారని పవన్ కళ్యాణ్ అన్నారు. ఏపిలో కూడా ఆడ బిడ్డల పై, ఎన్నో ఆకృత్యాలు జరుగుతున్నాయని, ఆడబిడ్డలను రక్షించుకోలేక పొతే, 151 సీట్లు ఇచ్చి, ఉపయోగం ఏమిటి అంటూ, వైసీపీ ప్రభుత్వాన్ని, పవన్ కళ్యాణ్ ప్రశ్నించారు.

అయితే ఈ రోజు జగన్ మోహన్ రెడ్డి కూడా, తన పై వస్తున్న కులం, మతం వ్యాఖ్యల పై స్పందించారు. ఈ మధ్య కొంత మంది, నా కులాన్ని, మతాన్ని కూడా రాజకీయాల్లోకి లాగుతున్నారని, అయితే నా మతం 'మానవత్వం '.. నా కులం 'మాట నిలబెట్టుకునే' కులం అంటూ, వ్యాఖ్యానించారు. ఈ మధ్య కాలంలో తిరుమల పవిత్రతకు జరుగుతున్న అపచారాల పై, అనేక వార్తలు వస్తున్న సంగతి తెలిసిందే. ఈ కోవలోనే, నిన్న కూడా, టిటిడి వెబ్సైటులో, శ్రీ ఏసయ్యా అనే పదం కనిపించింది. టిడిపి చైర్మెన్ వైవీ సుబ్బారెడ్డి మాత్రం, కావాలనే ఇలా చేస్తున్నారని, ప్రతిపక్షాల పై తోసేసారు. దీని పై పెద్ద ఎత్తున వార్తలు రావటం, అలాగే పవన్ కళ్యాణ్ పదే పదే జగన్ రెడ్డి అని సంబోధించటంతో, జగన్ కూడా స్పందించారు.

ఆ పార్టీ, ఈ పార్టీ అని కాదు. అధికారం, ఎటు వైపు అంటూ, అటు వైపు జంప్ అయ్యే, జంప్ జిలానీలు, రాజకీయాల్లో ఎక్కువ అయిపోయారు. మన రాష్ట్రంలో అయితే, మరీ సిగ్గు లేకుండా దూకేస్తున్నారు. అమ్మనా బూతులు తిట్టిన నోటితోనే, నాకు దారి చూపించిన దేవుడు అంటూ పొగడ్తలతో ముంచేస్తున్నారు. చంద్రబాబు లాంటి విజనరీ లేరు అని పొగిడిన నోటితోనే, అమ్మలు, అక్కలు, బాబులు దాకా వెళ్లి తిట్టేస్తున్నారు. ఇలా ఉంది ఆ పార్టీ నుంచి, ఈ పార్టీలోకి జంప్ చేసే వారి పరిస్థితి. నేను చనిపోతే, తెలుగుదేశం పార్టీ జెండా కప్పుకునే చనిపోతానని అని ఒకరు, అన్నం తినే వాడు ఎవరూ ఆ పార్టీలో చేరరు అని చెప్పే వారు ఒక వైపు. ఇంత నమ్మకంగా పార్టీ మారము అని చెప్పిన, రెండో రోజే పార్టీ మారిపోవటంతో, అటు పార్టీ అధిష్టానానికి కాని, ఇటు కార్యకర్తలకు కాని, వారి అనుచరులకు కాని, ఏమి అర్ధం కావటం లేదు. ఇలాంటి పరిస్థితిలో తెలుగుదేశం పార్టీ ఒక నిర్ణయం తీసుకుంది. ఇలాంటి వారి పై వ్యూహం మార్చింది.

దీనికి ఉదాహరణగా, ఇటీవల జరిగిన సంఘటనలు చెప్తున్నారు. ఇటీవల పార్టీ మారిన దేవినేని అవినాష్ గురించి ప్రస్తావిస్తూ, పార్టీ మారే నాలుగు రోజుల ముందు కూడా, యువ నేతలు అందరూ, చంద్రబాబుతో కలిసి భోజనం చేసారని, ఆ సందర్భంలో కూడా, తాను పార్టీ మారుతున్నా అని చెప్పిన వ్యాఖ్యలు అవినాష్ ఖండించారని చెప్తున్నారు. భోజనం పెట్టి, మంచీ చెడు మాట్లాడిన సమయంలో కూడా, ఏమి చెప్పని అవినాష్, చివరకు పార్టీ మారిపోయారని అంటున్నారు. అలాగే వంశీ కోసం, కేశినేని నాని, కొనకళ్ళ నారయణను కూడా పంపించి, వంశీ సమస్య ఏంటో తెలుసుకునే ప్రయత్నం చేసినా, చివరకు వంశీ, తీవ్ర విమర్శలు చేసి మరీ పార్టీ మారారు. ఇలా పార్టీ మారే వారిని, ఎంత బుజ్జగిస్తున్నా, వాళ్ళు మాత్రం, చివరకు చంద్రబాబుని కూడా తిట్టి వెళ్ళిపోతున్నారు.

దీంతో తెలుగుదేశం పార్టీ అధిష్టానం, ఇలా పార్టీ మారే విషయంలో ఒక అభిప్రాయానికి వచ్చారని తెలుస్తుంది. ఇకముందు టీడీపీని వీడేవారెవర్నీ కూడా బతిమిలాడకూడదని పార్టీ పెద్దలు నిర్ణయించుకున్నారట. తెలుగుదేశం సిద్ధాంతాలు, కట్టుబాట్లు, నాయకత్వంపై నమ్మకం ఉన్నవారే పార్టీలో కొనసాగుతారనీ, తెలుగుదేశం పార్టీకి ఇటువంటి సంక్షోభాలు కొత్తేమీ కాదనీ పలువురు నేతలు చంద్రబాబు వద్ద ప్రస్తావించారు. రాష్ట్రంలో జగన్ ప్రభుత్వం చేస్తున్న అరాచాకాన్ని తట్టుకుని మరీ, తెలుగుదేశం ద్వితీయశ్రేణి నాయకులు, పార్టీని వీడకుండా ఉన్నారని, అలాంటి వారే పార్టీకి స్పూర్తి అని, ఇలా పార్టీ మారే వారి గురించి, అసలు ఆలోచించే పనే లేదని, పోయే వాళ్ళు పోతారని, తెలుగుదేశం పార్టీ అధిష్టానం ఆలోచనగా తెలుస్తుంది.

జనసేన అధినేత పవన్ కళ్యాణ్, ట్విట్టర్ ద్వారా, రాజకీయ ప్రత్యర్ధుల పై విమర్శలు గుప్పిస్తూ, సమస్యల పై స్పందిస్తూ, తన మనసులో ఉన్న భావాలని సూటిగా చెప్తూ ఉన్న సంగతి తెలిసిందే. అయితే, ఇప్పుడు పవన్ కళ్యాణ్ ట్విట్టర్ నుంచి, ఇది వరకు చేసిన కొన్ని ట్వీట్స్ డిలీట్ అయ్యాయి అంటూ, వార్తలు గుప్పు మంటున్నాయి. ఈ ఏడాది మార్చి నుంచి ఆగస్టు మధ్య చేసిన కొన్ని పొలిటికల్ ట్వీట్లను డెలీట్ చేయడం పై, ఇప్పుడు చర్చ జరుగుతుంది. మార్చి 19 నుంచి ఆగస్టు 21 వరకు పవన్ చేసిన పొలిటికల్ ట్వీట్లన్నీ డెలీట్ అయిపోయాయని, వార్తలు వినిపిస్తున్నాయి. మరీ ముఖ్యంగా, ఆ సమయంలో బీజేపీ పై కూడా ఎక్కువ విమర్శలు చేసారని, అందుకే ఆ ట్వీట్స్ ఇప్పుడు డెలీట్ అయ్యాయని, ఇప్పుడు ఇది ఆంధ్రప్రదేశ్ రాజకీయాల్లో ఒక సరికొత్త పరిణామం అని అంటున్నారు. ఇటీవల పవన్ కళ్యాణ్ రెండు రోజుల పాటు ఢిల్లీ పర్యటనకు వెళ్లి వచ్చిన సంగతి తెలిసిందే. అయితే, ఆ తరువాతే ఈ ట్వీట్స్ డిలీట్ అయ్యాయి అని ప్రచారం సాగుతుంది.

పవన్ ఢిల్లీ పర్యటన ఇందుకోసమే, పార్టీ చెప్పలేదు. ప్రైవేటు కార్యక్రమానికి వెళ్ళారని చెప్పింది. అయితే మీడియాకు మాత్రం, జగన్ మోహన్ రెడ్డి పాలన పై, అమిత్ షా, మోడీకి ఫిర్యాదు చెయ్యటానికి వెళ్ళారని, లీక్ ఇచ్చారు. కాని, అధికారికంగా, పవన్ కళ్యాణ్, ఆ రెండు రోజులు ఎక్కడ ఉన్నారు, ఎవరిని కలిసారు, ఏమి చర్చరించారు అనే విషయం మాత్రం బయటకు రానివ్వలేదు. ఇప్పుడు పవన్ చేసిన కొన్ని ట్వీట్స్ డిలీట్ అవ్వటం పై, రకరకాల చర్చలు జరుగుతున్నాయి. జగన్ మోహన్ రెడ్డిని ఎదుర్కోవాలి అంటే, రాష్ట్రంలో జరుగుతున్న రివర్స్ నిర్ణయాలకు అడ్డుకట్ట పడాలి అంటే, భవిషత్తు తరాలకు ఈ రాష్ట్రన్ని మిగాల్చాలి అంటే, బీజేపీ అవసరం ఎంతైనా ఉందని, వారితో కలిసి నడవాల్సిందే అని పవన్ నిర్ణయానికి వచ్చి ఉంటారని చెప్తున్నారు.

ఎప్పటి నుంచో విలీనం డిమాండ్ వినిపిస్తున్నా, పవన్ కళ్యాణ్ మాత్రం ఎప్పటికప్పుడు, దాన్ని ఖండిస్తున్నారు. ఊపిరి ఉన్నంత వరకు పార్టీని నడుపుతానని చెప్తున్నారు. ఈ క్రమంలోనే, బీజేపీతో కలిసి, పవన్ కళ్యాణ్, ప్రజా పోరాటాలు చేసే అవకాసం ఉందని, రాబోయే రోజుల్లో, ఆంధ్రప్రదేశ్ రాజకీయం ఈ విధంగా మారుతుంది అంటూ, వార్తలు వినిపిస్తున్నాయి. బీజేపీ కూడా బలం పుంజుకోవాలి, నాలుగు సీట్లు రావాలి అంటే, పవన్ కళ్యాణ్ కు ఉన్న ఆకర్షణ ఉపయోగ పడుతుంది అని నమ్ముతుంది. ఇప్పటికిప్పుడు టిడిపితో కలిసి వెళ్ళే అవకాసం లేదు, అందుకే జనసేనని వాడుకుని, బలపడాలని, బీజేపీ ప్లాన్ గా తెలుస్తుంది. మొత్తానికి, ఇప్పుడు పవన్ ఆ ట్వీట్స్ ఎందుకు డిలీట్ చేసారు, అనేది చర్చగ మారింది. చూద్దాం భవిష్యత్తులో ఏమి జరుగుతుంది, రాజకీయం ఎటు తిరుగుతుందో.