news

ఆంధ్రప్రదేశ్ రాజధాని అంటే, ఏది అంటే, ఎవరైనా ఏమి చెప్తాం ? అమరావతి అంటూ ప్రతి ఆంధ్రుడు గర్వంగా చెప్తాం. రాజకీయ ఇబ్బందుల్లో, ఉండి అమరావతి పరిస్థితి ఇలా ఉంది కాని, ప్రతి ఆంధ్రుడు గర్వంగా చెప్పుకునేలా అమరావతి తయారు అయ్యేది. 33 వేల ఎకరాలు ఇచ్చిన రైతులే ఇందుకు ఉదాహరణ. ఒక్క ఎకరం ఇవ్వటానికి, రక్తపాతం జరిగే ఈ రోజుల్లో, ఒక మనిషిని నమ్మి 33 వేల ఎకరాలు ఇచ్చారు రైతులు. అక్కడ అంతా గ్రాఫిక్స్ అన్న చోటే, జగన్ మోహన్ రెడ్డి గారు, పరిపాలన సాగిస్తున్నారు. అవి గ్రాఫిక్స్ కాదు, నిజమైన బిల్డింగ్ లు అని చెప్పటానికి, ఇదే ఉదాహరణ. అయితే అధికారం మారిపోయిన తరువాత, అమరావతి రాత కూడా మారిపోయింది. ఎన్నో ఆశలతో అమరావతి నిర్మాణం అవుతుంది అనుకున్న ఆంధ్రులకు, నిరాశే మిగిలింది. ప్రపంచ బ్యాంక్ నుంచి సింగపూర్ ప్రభుత్వం దాకా, అన్నీ వెళ్ళిపోయాయి. ఇప్పుడు కేంద్రం ఇచ్చిన షాక్ తో, ఆంధ్రుడు మరింత కుమిలి పోయే పరిస్థితి.

ఒక పక్క హైదరాబాద్ తో తెలంగణా ప్రజలు సంతోషంగా ఉంటే, మనకు మాత్రం, ఇప్పటి పాలకుల తీరు వల్ల, అమరావతి మా రాజధాని అని చెప్పుకునే అవకాసం కూడా లేకుండా పోయింది. జమ్మూ కాశ్మీర్ విభజన నేపధ్యంలో, కేంద్ర హోం శాఖ, కొత్త ఇండియా మ్యాప్ రిలీజ్ చేసింది. అందులో అన్ని రాష్ట్రాలకు, వాటి వాటి రాజధానులు పెట్టిన కేంద్రం, మన రాష్ట్రానికి మాత్రం, రాజధాని పెట్టలేదు. ఇంకా మన రాజధాని హైదరాబాద్ అనే విధంగానే, తెలంగాణాకు చూపించింది. అయితే మొన్నటి వరకు మ్యాప్ లో ఉన్న అమరావతి ఇప్పుడు మాయం కావటం పై, ఆంధ్రప్రదేశ్ ప్రజలు ఎంతో బాధ పడుతున్నారు. ఆంధ్రప్రదేశ్ కు ఈ పరిస్థితి వచ్చింది అంటూ కుమిలిపోతున్నారు. అయితే ప్రజల తరుపున స్పందించాల్సిన ప్రభుత్వం మాత్రం, మాట్లాడలేదు.

ఎక్కడా కేంద్రాన్ని ఇదేమిటి అంటూ కేంద్రం ప్రశ్నించలేదు. అయితే, పార్లమెంట్ సమావేశాలు మొదలు అయ్యి, మూడు రోజులు యినా, 22 మంది ఎంపీలు ఉన్న అధికార పార్టీ ఎమ్మెల్యేలు స్పందించలేదు. దీంతో తెలుగుదేశం పార్టీ ఈ అంశం పై పార్లమెంట్ లో లేవనెత్తింది. ఎంపీ గల్లా జయదేవ్, ఈ విషయం పై కేంద్రాన్ని ప్రశ్నిస్తూ, ఇది మా రాష్ట్రాన్ని తీవ్రంగా అవమానపరిచే చర్య అంటూ, అభ్యంతరం వ్యక్తం చేసి, దీని పై వెంటనే చర్యలు తీసుకోవాలని అన్నారు. అయితే టిడిపి విజ్ఞప్తి పై, కేంద్ర హోం శాఖ స్పందించింది. కేంద్ర హోం శాఖ సహాయ మంత్రి కిషన్ రెడ్డి, ఈ విషయం పై మాట్లాడుతూ, భారత దేశ మ్యాప్ లో, ఆంధ్రప్రదేశ్ రాజధానిగా అమరావతిని గుర్తిస్తూ, త్వరలోనే సవరించిన మ్యాప్ రిలీజ్ చేస్తామని చెప్పారు.

కేంద్ర హోం శాఖ వర్గాలు కొత్త మ్యాప్ విడుదల చేసిన సంగతి తెలిసిందే. జమ్మూ, కశ్మీర్ రాష్ట్ర పునర్‌వ్యవస్థీకరణ నేపథ్యంలో, కేంద్ర హోం శాఖ, ఈ నెల మొదటి వారంలో, భారత దేశానికి సంబందించిన కొత్త మ్యాప్ విడుదల చేసింది. అన్ని రాష్ట్రాలను చూపిస్తూ, ఆ రాష్ట్ర రాజధానులను కూడా పాయింట్ అవుట్ చేసింది. అయితే ఆంధ్రప్రదేశ్ రాష్ట్రానికి, మాత్రం, రాజధాని అమరావతిగా పెట్టలేదు. తెలంగాణాకు హైదరాబాద్ ని రాజధానిగా పెట్టారు. ఆంధ్రప్రదేశ్, తెలంగాణ రాష్ట్రాల పరిపాలన హైదరాబాద్ నగరం నుంచే జరుగుతున్నట్టు ఆ మ్యాప్ లో పెట్టారు. మొన్నటి దాక అమరావతిని చూపించి, ఇప్పుడు ఎందుకు చుపించలేదో ఎవరికీ అర్ధం కాలేదు. ఈ విషయం పై ఆంధ్రప్రదేశ్ ప్రభుత్వం కూడా, కేంద్రాన్ని అడగలేదు. మన రాజధాని లేకుండా, ఒక కొత్త మ్యాప్ రిలీజ్ అయితే, ప్రభుత్వంలో ఉన్న పాలకులు, అమరావతిలోనే ఉంటూ, అమరావతిని మా రాజధానిగా ఎందుకు పెట్టలేదు అని కేంద్రాన్ని అడగలేక పోయారు.

22 మంది ఎంపీలు పార్లమెంట్ లో ఉన్నా, ఈ విషయం పై అడగలేదు. ఇది మన ఆత్మాభిమానానికి సంబంధించిన విషయం. ఆంధ్రుల రాజధానిని కేంద్రం ఎందుకు గుర్తించలేదో, అని ప్రజల తరుపున అడగాల్సిన బాధ్యత అందరి పై ఉంటుంది. అయితే 22 మంది ఎంపీలు ఉన్న వైఎస్ఆర్ కాంగ్రెస్ పార్టీ అడగ పోయినా, ముగ్గురు ఎంపీలు మాత్రమే ఉన్న తెలుగుదేశం పార్టీ, ఈ విషయం పై పార్లమెంట్ లో కేంద్రాన్ని నిలదీసింది. ఈ రోజు పార్లమెంట్ లో తెలుగుదేశం పార్టీ ఈ విషయాన్నీ ప్రస్తావించింది. జీరో హావర్ లో, ఈ విషయం పై మాట్లాడటానికి తెలుగుదేశం పార్ట్ నోటీస్ ఇచ్చింది. దీంతో ఈ రోజు పార్లమెంట్ లో, తెలుగుదేశం పార్టీ ఎంపీ గల్లా జయదేవ్, పార్లమెంట్ లో అమరావతి విషయం ప్రస్తావించారు.

అమరావతిని ఆంధ్రప్రదేశ్ రాజధానిగా గుర్తించకుండా, అమరావతి లేకుండానే హోంశాఖ కొత్త ఇండియా మ్యాప్‌ను విడుదల చేయడం, ఆంధ్రప్రదేశ్ ప్రజలను అవమానించడమేనని లోక్‌సభలో ఎంపీ గల్లా జయదేవ్‌ అన్నారు. అమరావతి రాజధానికి శంకుస్థాపన చేసిన ప్రధాని నరేంద్ర మోడీని కూడా, మీరే అవమానించినట్టు అని చెప్పారు. ప్రధాని మోడీ స్వయంగా వచ్చి, అమరావతి గొప్ప రాజధాని కావాలంటూ, ఆ రోజు శంకుస్థాపన చేసిన విషయాన్ని గుర్తు చేసారు. ఇండియా మ్యాప్‌లో రాజధాని అమరావతి లేకపోవడం వల్లే, రాష్ట్రానికి పెట్టుబడులు పెట్టే వారు కూడా, అనుమానంగా చూస్తున్నారని అన్నారు. కేంద్రం చేసిన ఈ తప్పిండం, తక్షణం కేంద్ర హోంశాఖ తప్పును సరిదిద్దాలని గల్లా జయదేవ్‌ తెలుగుదేశం పార్టీ తరుపున డిమాండ్ చేసారు.

ఆంధ్రప్రదేశ్ అధికార వర్గాల్లో మరో సంచలన వార్త. ప్రభుత్వం తీసుకున్న కీలక నిర్ణయంతో, ఒక్కసారిగా అధికార వర్గాల్లో కలకలం రేగింది. మొన్నటికి మొన్న, ఆంధ్రప్రదేశ్ రాష్ట్ర ప్రభుత్వ కార్యదర్శిని, బదిలీ చేస్తూ, సంచలన నిర్ణయం తీసుకున్న ఆంధ్రప్రదేశ్ ప్రభుత్వం, దేశంలోనే సంచలనానికి తెర లేపింది. మాజీ చీఫ్ సెక్రటరీ ఎల్వీ సుబ్రమణ్యన్ని, బదిలీ చేస్తూ, ప్రాధాన్య లేని శాఖకు బదిలీ చేసింది. అయితే తరువాత అయన సెలవు పై వెళ్ళటం, ఢిల్లీ వర్గాలను కలవటం సంచలనంగా మారింది. అయితే, జగన్ ప్రభుత్వం మాత్రం, తాను చెప్పాలి అనుకున్న సందేశాన్ని, అధికార వర్గాలకు గట్టిగా పంపించింది. అప్పటి నుంచి ఐఏఎస్ వర్గాలు, ఎప్పుడు ఏమి జరుగుతుందో, ప్రభుత్వ ఆగ్రహానికి ఎప్పుడు గురి అవుతామో అంటూ, ఆలోచిస్తూ ఉండగానే, ఇప్పుడు మరో ఇద్దరు ఐఏఎస్ ఆఫీసర్లని సస్పెండ్ చేస్తూ, ప్రభుత్వ ప్రధాన కార్యదర్శి నీలం సాహ్ని ఉత్తర్వులు జారీ చెయ్యటం సంచలనం అయ్యింది. విధి నిర్వహణలో అలసత్వం వహించారు అంటూ, ఇద్దరినీ సస్పెండ్ చేసారు.

జీఏడీలో పని చేస్తున్న ఇద్దరు ఐఏఎస్ అధికారులు సస్పెండ్ అవ్వటంతో, మరోసారి ఐఏఎస్ వర్గాల్లో కలకలం రేగింది. జీఏడిలో అసిస్టెంట్ కార్యదర్శిగా పని చేస్తున్న జయరామ్, అక్కడే సెక్షన్ అధికారిగా పని చేస్తున్న అచ్చెయ్యను సస్పెండ్ చేస్తూ చీఫ్ సెక్రటరీ ఉత్తర్వులు ఇచ్చారు. కేంద్రం నుంచి వచ్చిన ఒక, ఐఆర్ఎస్ ఆఫీసర్ రిలీవ్ అంశంలో, వచ్చిన ఫైల్ విషయంలో, ఈ ఇద్దరు అధికారులు ఉద్దేశపూర్వకంగానే, ఫైల్ ను ఉన్నతాధికారులకు చెప్పకుండా దాచి పెట్టారు అనేది అభియోగం. జగన్ ప్రభుత్వం వచ్చిన తరువాత, ఏపీ ఎండీసీకి ఎండీగా ఉన్న, వెంకయ్య చౌదరిని జీఏడీకి రిలీవ్ చెయ్యాల్సిందిగా చెప్తూ రిపోర్ట్ ఇచ్చారు. అప్పటి నుంచి ఆయనకు పోస్టింగ్ ఇవ్వలేదు. దీంతో ఆయన తిరిగి తన మదర్ డిపార్టుమెంటులో పోస్టింగ్ ఇవ్వాలని కేంద్రాన్ని కోరారు.

అయితే ఈ విషయంలో, ఆయన్ను డీమ్డ్ టు బి రిలీవ్ అని ప్రస్తావించటం, వెంకయ్య చౌదరి పై, విజిలెన్స్ రెమర్క్ లను కూడా, ఫైల్ లో ప్రస్తావించక పోవటంతో, అచ్చెయ్య, జయరామ్ పై ప్రభుత్వం సీరియస్ అయ్యింది. వీరిద్దరూ, కావాలనే ఇలా చేసారు అంటూ, ప్రభుత్వం భావించింది. సిఎంఓ లో ఒక కీలక ఆధికారి, ఇద్దరినీ పిలిచి వివరణ అడిగే ప్రయత్నం చెయ్యటం, వారు కారణాలు చెప్పటం, ఈ విషయాన్ని జగన్ కు నివేదించటంతో, ఆయన వెంటనే తగు చర్యలు తీసుకోమని చెప్పటంతో, ఆ ఇద్దరు అధికారులపైన సస్పెన్షన్ వేటు వేస్తూ ప్రభుత్వం నిర్ణయం తీసుకుంది. వెంకయ్య చౌదరిని రాష్ట్ర సర్వీస్ నుంచి రిలీవ్ చేసి, కేంద్రానికి పంపించే సమయంలో, ఆయన పై ఉన్న అభియోగాలు ప్రస్తావించలేదు అనే కారణంతో, ఇద్దరు ఐఏఎస్ అధికారులను సస్పెండ్ చెయ్యటం సంచలనంగా మారింది. అలాగే ఈ ఇద్దరినీ, అనుమతి లేకుండా రాజధాని వదిలి వెళ్లవద్దంటూ ఉత్తర్వుల్లో పేర్కొన్న అంశం సైతం ఇప్పుడు హట్ టాపిక్ గా మారింది. మరి ఈ ఇద్దరు నుంచి, వివరణ తీసుకునే ప్రభుత్వం సస్పెండ్ చేసిందా, లేక, ఎటువంటి విచారణ లేకుండా సస్పెండ్ చేసిందా అనేది తెలియాల్సి ఉంది.