news

మన రాష్ట్రంలో మీడియా పై, రాష్ట్ర ప్రభుత్వం కఠినంగా ఉన్న విషయం తెలిసిందే. జీవో నెంబర్ 2430 తీసుకు వచ్చి మరీ, మీడియాను టార్గెట్ చేసారు. కావాలని, ఎవరైనా ప్రభుత్వ ప్రతిష్టకు భంగం కలిగించే కధనాలు రాస్తే, వారి పై కేసులు పెడతాం అంటూ ప్రభుత్వం హెచ్చరించిన సంగతి తెలిసిందే. దీని పై దేశ వ్యాప్తంగా, మీడియా, జర్నలిస్ట్ వర్గాల నుంచి వ్యతిరేకత కూడా వచ్చింది. ఈ రోజు పార్లమెంట్ లో కూడా, టిడిపి ఎంపీ, గల్లా జయదేవ్ ఈ విషయం లేవనెత్తారు. అయితే ఇప్పటి వరకు, ఈ జీవో ఉపయోగించి, ఎలాంటి కేసు అయితే నమోదు కాలేదు. అయితే ఈ రోజు మంత్రి ఆదిమూలపు సురేష్ చేసిన వ్యాఖ్యలు వింటే, మొదటి కేసు ఆంధ్రజ్యోతి పై పెట్టే అవకాసం ఉన్నట్టు తెలుస్తుంది. మొన్న శనివారం, వీకెండ్ కామెంట్ బై ఆర్కేలో, ఆంధ్రజ్యోతి ఎండీ రాధకృష్ణ, ఆంధ్రప్రదేశ్ రాష్ట్రంలో, ఇంగ్లీష్ మీడియం అమలకు, ప్రభుత్వం చూపుతున్న ఉత్సాహం పై, తన అభిప్రాయాన్ని, ఆ కార్యక్రమంలో వ్యక్త పరిచారు.

ఒకేసారి తెలుగు మీడియం తీసేసి, బలవంతంగా ఇంగ్లీష్ మీడియం రుద్దితే, అటు పిల్లలతో పాటు, టీచర్లు కూడా చెప్పలేరని, నెమ్మదిగా ఈ ప్రక్రియ చేపట్టాలని, అలాగే తెలుగు మీడియంని ఆప్షనల్ గా పెట్టాలని, ఎవరికి కావల్సింది వారు, సెలెక్ట్ చేసుకుంటారని చెప్పారు. ఇంత పెద్ద ఎత్తున విమర్శలు వస్తున్నా ప్రభుత్వం ఎదురు దాడి చేసి, మీ పిల్లలు ఎక్కడ చదువుతున్నారు అని ఎదురు ప్రశ్నించి తప్పుదోవ పట్టిస్తుందని అన్నారు. ఈ మొత్తం వ్యవహారం వెనుక, ఏదో ఉంది అని చెప్తూ, ఇంగ్లీష్ మీడియం బలవంతంగా రుద్దటం పై, మత మార్పిడులు చేసే అవకాసం ఉందని, ఆ కుట్ర ఉందా అనే అనుమానం వ్యక్తం అవుతుంది అంటూ, వీకెండ్ కామెంట్ లో తన అభిప్రాయం చెప్పారు, రాధాకృష్ణ.

అయితే ప్రభుత్వం ఈ విషయం పై సీరియస్ గా తీసుకుంది అని, రహస్య ఎజెండాతో జగన్ ప్రభుత్వం పై విషం చిమ్ముతున్నారని, వక్రీకరణ వార్తలు రాశారని, అందుకే కొత్త పలుకు పేరుతో ఆంధ్రజ్యోతిలో వచ్చిన విశ్లేషణపై చట్టపరమైన చర్య తీసుకుంటామని మంత్రి సురేష్ తెలిపారు. ఈ మాటలను బట్టి చూస్తుంటే, జీవో 2430 ద్వారా, మొదటి కేసు ఆంధ్రజ్యోతి పై పెట్టే అవకాసం ఉంది. అయితే, ఈ విషయం పై ఆంధ్రజ్యోతి, ఏబిఎన్ ఛానెల్ లో స్పందించింది. వార్తకు, అభిప్రాయానికి తేడా ఉందని, వీకెండ్ కామెంట్ అనేది ఆర్కే చెప్పే అభిప్రాయం అని మంత్రి తెలుసుకోవాలని అంటున్నారు. అయితే, ఇదే వ్యాఖ్యలు పదే పదే చేస్తున్న, బీజేపీ ఏపి అధ్యక్షుడు, కన్నా లక్ష్మీ నారాయణను మాత్రం, ప్రభుత్వం ఒక్క మాట కూడా అనకపోవటం, గమనార్హం.

చంద్రబాబు మూడు రోజుల పాటు, పశ్చిమ గోదావరి జిల్లా పర్యటనకు వెళ్లారు. ఈ నేపధ్యంలో, ఆయన ముందుగా దుగ్గిరాలలో ఉన్న చింతమనేని ఇంటికి వెళ్లి, ఆయనను, ఆయన కుటుంబ సభ్యులని పరామర్శించారు. అయితే చంద్రబాబు పర్యటన పై అడుగడుగునా పోలీసులు ఆంక్షలు విధిస్తున్నారు. ఉదయమే, 20 మంది దాకా తెలుగుదేశం నేతలను అరెస్ట్ చేసారు. అలాగే చంద్రబాబు గన్నవరం ఎయిర్ పోర్ట్ నుంచి, రోడ్డు మార్గాన దుగ్గిరాల వస్తూ ఉండగా, ఆయనకు కలపర్రు టోల్‌గేట్ వద్ద పెద్ద ఎత్తున కార్యకర్తలు వచ్చి స్వాగతం పలికారు. ఈ సమయంలో, కార్యకర్తలను పోలీసులు అడ్డుకోవటం పై చంద్రబాబు ఆగ్రహం వ్యక్తం చేసారు. కారు దిగి వచ్చి, పోలీసుల పై అసహనం వ్యక్తం చేసారు. ఇలా ఎందుకు చేస్తున్నారు అంటూ పోలీసులని ప్రశ్నించారు. అయితే, పోలీసులు వెనక్కు తగ్గటంతో, చంద్రబాబు కార్యకర్తలతో కలిసి, ర్యాలీగా చింతమనేని ఇంటికి వెళ్లారు. తరువాత, అక్కడే మీడియాతో మాట్లాడుతూ, పోలీసుల తీరు పై ఆగ్రహం వ్యక్తం చేసారు.

"పశ్చిమ గోదావరి జిల్లా ప్రశాంతమైన జిల్లా. ఎప్పుడూ ఇలాంటి చర్యలు చూడలేదు. చింతమనేని ప్రభాకర్ ని అనేక విధాలుగా ఇబ్బంది పెట్టరు. అతని పై ఒత్తిడి తెచ్చారు. అనేక తప్పుడు కేసులు పెట్టి ఇబ్బంది పెట్టారు. 66 రోజులు జైల్లో పెట్టారు. నేను 40 ఏళ్ళు రాజకీయాల్లో ఉన్నా, 14 ఏళ్ళు సియంగా చేశా, అనేక సంవత్సరాలు ప్రతిపక్ష నేతగా ఉన్నా, ఎన్నో ఆందోళనలు చేసా, కానీ ఎప్పుడు పోలీసులు ఇలా ప్రవర్తించలేదు. నేను వస్తున్నా కూడా, ఆంక్షలు విధించారు. మా పోరాటం, పోలీసులు పైన కాదు, వైఎస్ఆర్ కాంగ్రెస్ ప్రభుత్వం చేస్తున్న పనుల పైన. అలాంటిది నేను వస్తున్నా అని తెలిసి, వచ్చిన కార్యకర్తలను కూడా అరెస్ట్ లు చేసి, వారిని ఇబ్బంది పెడుతున్నారు. వచ్చిన వారిని ఇబ్బంది పెడుతున్నారు. నెల్లూరు, చిత్తూరు జిల్లాలో కూడా ఇలాగే చేసారు. కార్యకర్తలను ఇబ్బంది పెడుతున్నారు. నాకు స్వాగతం పలకటానికి వస్తే తప్పా. నేను ఎన్నో సార్లు , ఈ 40 ఏళ్ళలో ఎన్నో పర్యటనలు చేసాను కాని, ఎప్పుడూ ఇలా లేదు. ఈ పోలీసులకు ఏమైందో ఏంటో అర్ధం కావటం లేదు. ఇదేమి పద్దతి అంటూ చంద్రబాబు ప్రశ్నించారు.

అలాగే చింతమనేనికి, ఆయన కుటుంబానికి అన్ని విధాలుగా పార్టీ అండగా ఉంటుందని చంద్రబాబు అన్నారు. అన్నీ తప్పుడు కేసులు పెట్టారని, అనవసరంగా 13 ఎస్సీ, ఎస్టీ కేసులు పెట్టారని, తరువాత ఈ అధికారులే ఇబ్బంది పడతారాని, పోలీసులని చంద్రబాబు హెచ్చరించారు. ఇలాంటి తప్పుడు పనులు చేస్తే, ఎక్కడో ఒకచోట అధికారులు దొరికిపోతారని, మీకే తరువాత ఇబ్బందులు అని చంద్రబాబు హెచ్చరించారు. చింతమనేనికి ఇంత ప్రజా బలం ఉంటే, ఆయనను అక్రమంగా అరెస్ట్ చేసారని, ఆయనకు స్వాగతం పలకటానికి వస్తే, అలా కుదరదు ఒక్కరే రావాలి, దొంగ చాటుగా రావాలని, సెక్షన్ 30 పెట్టారని చంద్రబాబు అన్నారు. ఇలాంటి సుదీర్ఘ పోరాటాన్ని చేస్తున్న, చింతమనేని ధైర్యాన్ని మెచ్చుకుంటూ, ఇలాంటి వారితో పోరాడుతున్న చింతమనేని అభినందిస్తున్నానాని చంద్రబాబు అన్నారు.

ఈ రోజు నుంచి పార్లమెంట్ సమావేశాలు ప్రారంభం అయ్యాయి. అయితే సమావేశాల ప్రారంభమే గందరగోళంతో మొదలైంది. తాము ఇచ్చిన వాయిదా తీర్మానాలు పై చర్చ జరపాలి అంటూ, కాంగ్రెస్, శివసేన, ఆందోళన వ్యక్తం చేసాయి. ప్రశ్నోత్తరాలను జరగకుండా, నినాదాలు చేసారు. అయితే ఈ గందరగోళ పరిస్థితుల మధ్యే, ప్రశ్నోత్తరాలు కొనసాగాయి. ప్రశ్నోత్తరాలతో పాటుగా, జీరో హవర్ ని కూడా, తెలుగుదేశం పార్టీ ఎంపీలు, ఉపయోగించుకుని, రాష్ట్రంలో జరుగుతున్న సమస్యలని దేశ స్థాయిలో చర్చకు తెచ్చే ప్రయత్నం చేసారు. ప్రశ్నోత్తరాల సమయంలో, విజయవాడ ఎంపీ కేశినేని నాని, దేశంలోని ప్రాంతీయ భాషల పరిరక్షణ కోసం ఏమి చర్యలు తీసుకుంటున్నారో చెప్పాలి అంటూ కేంద్రాన్ని ప్రశ్నించారు. దేశంలో అన్ని సంస్కృతులని, సంప్రదాయాలను కాపాడుకోవాల్సిన బాధ్యత మన అందరి పై ఉందని అన్నారు. మొట్టమొదటి భాషాప్రయుక్త రాష్ట్రంగా ఆంధ్రప్రదేశ్ రాష్ట్రం ఏర్పడిన విషయాన్ని, కేశినేని నాని గుర్తు చేసారు.

అయితే ఇప్పుడు ఆంధ్రప్రదేశ్ లో జగన్ మోహన్ రెడ్డి ప్రభుత్వం, తెలుగు మీడియం మొత్తం తీసివేసి, అన్ని ప్రభుత్వం పాఠశాలల్లో ఇంగ్లీష్‌ను తప్పనిసరి చేసిందని, తెలుగు ఆప్షన్ గా ఉంచి, ప్రజలే నిర్ణయం తీసుకునేలా చెయ్యాలని అన్నారు. త్రిభాషా విధానాన్ని దేశమంతా అమలు చేయాలన్నారు. అయితే, కేశినేని నాని ప్రశ్న పై కేంద్రమంత్రి పోఖ్రియాల్ స్పందిస్తూ, తెలుగు భాష ఉన్నతి కోసం, చాలా చర్యలు తీసుకుంటున్నామని తెలిపారు. హైదరాబాద్, బెనారస్ తదితర విశ్వవిద్యాలయాల్లో తెలుగు భాషా పీఠాల అభివృద్ధికి మేము చర్యలు తీసుకుంటున్నామని చెప్పారు. మరో పక్క వైసిపీ ఎంపీ రఘురామ కృష్ణ రాజు, తెలుగు అకాడమీ 10వ షడ్యుల్ లో ఉందని, దాని విభజనకు దోహదపడేలా చేసి, నిధులు ఇవ్వాలని కేంద్రాన్ని కోరారు.

ఇక మరో తెలుగుదేశం ఎంపీ గల్లా జయదేవ్, జీరో హావర్ లో, రాష్ట్రంలో మీడియా పై జరుగుతున్న అణిచివేత పై దేశానికి తెలిసేలా, పార్లమెంట్ లో వినిపించారు. ఆంధ్రప్రదేశ్ రాష్ట్రంలో రెండు న్యూస్ చానల్స్ పై బ్యాన్ విధించారని టిపారు. టీవీ5, ఏబీఎన్ ఛానళ్ల పై నిషేధం విధించారని, నిషేదాన్ని ఎత్తివేయాలని గల్లా జయదేవ్ డిమాండ్ చేశారు. రాష్ట్రంలో మీడియా స్వేచ్ఛను తోక్కేస్తూ, ఆంధ్రప్రదేశ్ ప్రభుత్వం జీవో 2430 తీసుకు వచ్చిందని తెలిపారు. వాస్తవాలు రాయాలి అన్నా మీడియాని భయపెట్టే స్థాయికి తీసుకు వెళ్ళారని అన్నారు. ఈ జీవో రద్దు అయ్యేలా, కేంద్ర ప్రభుత్వం జోక్యం చేసుకోవాలని గల్లా కోరారు. అలాగే ఆంధ్రప్రదేశ్ రాష్ట్రంలో మీడియా ప్రతినిధులు పై దాడులు చేస్తున్నారని, ఒక జర్నలిస్టును, అధికార పార్టీకి చెందిన ఎమ్మెల్యే అనుచరులు హత్య చేశారని పార్లమెంట్ ద్రుష్టికి తీసుకువచ్చారు. మొత్తానికి తెలుగుదేశం పార్టీ, జాతీయ స్థాయిలో, కూడా, జగన్ ప్రభుత్వం పై పోరాటం చేస్తుంది.