news

ఆంధ్రప్రదేశ్ రాష్ట్రంలో జరుగుతున్న పనులు పై, జాతీయ స్థాయిలో ఫోకస్ వస్తున్న సంగతి తెలిసిందే. అవి మంచి పనులు అయితే పరవాలేదు కాని, ప్రభుత్వం చేస్తున్న వివాదాస్పద పనుల పై, జాతీయ స్థాయిలో చెడ్డ పేరు వస్తూ, అవే ఎడిటోరియల్స్ గా కూడా మారుతున్నాయి. పీపీఏల రద్దుతో మొదలైన విమర్శలు, మొన్నటి పత్రికా స్వేఛ్చకు సంకెళ్ళు వేస్తూ ఇచ్చిన జీవో దాకా అనేక వివాదాస్పద నిర్ణయాలను, జాతీయ మీడియా విమర్శిస్తుంది. తాజాగా అమరావతిలోని స్టార్ట్ అప్ ఏరియా ప్రాజెక్ట్ నుంచి సింగపూర్ ప్రభుత్వం వైదోలగటం పై, అనేక మండి ఆశ్చర్యం వ్యక్తం చేసారు. సింగపూర్ ప్రభుత్వంతో ఒప్పందం అంటే, ప్రపంచ వ్యాప్తంగా ఇన్వెస్టర్స్ లో కాన్ఫిడెన్సు ఉండేది. తాజాగా, ఇదే విషయం పై ఇండియన్ ఎక్ష్ప్రెస్ లో ఒక ఎడిటోరియల్ వచ్చింది. "రిగ్రసివ్ పాలిటిక్స్, సియం జగన్ రెడ్డి" అంటూ వచ్చిన ఈ ఎడిటోరియల్ పై, ఇప్పుడు చర్చ జరుగుతుంది. చంద్రబాబు పై కోపంతో, రాష్ట్ర అభివృద్ధిని ఇబ్బంది పెట్టవద్దు అని ఎడిటోరియల్ సారంశం.

ఈ ఎడిటోరియల్ లో వచ్చిన హైలైట్స్ ఇలా ఉన్నాయి. "అమరావతి ప్రాజెక్ట్ నుంచి సింగపూర్ వెళ్ళిపోవటం, ఆంధ్రప్రదేశ్ రాష్ట్రానికి కాదు, మన దేశానికే పెద్ద దెబ్బ. విదేశీ పెట్టుబడిదారులకు, ఇలాంటి చర్యల వల్ల, ఇండియా మీదే, కాన్ఫిడెన్సు పోయే ప్రమాదం ఉంది. జగన్ మోహన్ రెడ్డి గారు, ఈ నిర్ణయాన్ని ఒకసారి మళ్ళీ సమీక్షించుకోవాలి. ఈ ఒప్పందం రద్దు వెనుక ఉన్న ఒకే ఒక కారణం, రాజకీయం కక్ష అని తెలుస్తుంది. చంద్రబాబు నాయుడు ఈ ప్రాజెక్ట్ తీసుకున్నారు కాబట్టే ఆపేసారు. కాని అది తప్పు. గతంలో చంద్రబాబు ముఖ్యమంత్రిగా ఉండగా చేసిన పనులను, తరువాత వచ్చిన జగన్ తండ్రి రాజశేఖర్ రెడ్డి, ముందుకు తీసుకు వెళ్లారు. చంద్రబాబు ఐటికి ఇచ్చిన ప్రాధాన్యతను, వైఎస్ఆర్ కొనసాగించారు కాబట్టే, ఈ రోజు హైదరాబాద్ నెంబర్ వన్ గా ఉంది"

అలాగే ఉత్తర్ ప్రదేశ్ లో, మాయవతి చేసిన మంచి పనులను, తరువాత వచ్చిన అఖిలేష్ యాదవ్ కొనసాగించారు, పూర్తీ చేసారు. జగన్ మోహన్ రెడ్డి గారు కూడా, ఇలాంటి ఆలోచనలే చేసి, అమరావతి లాంటి మంచి ప్రాజెక్ట్ ని పూర్తీ చెయ్యాలి. అన్ని ఇప్పటికీ సమకూరి ఉన్నాయి కాబట్టి, అమరావతిని పూర్తీ చేసి, దేశంలోనే ఒక మోడల్ గా నిలపాలి. అలా కాకుండా ప్రజా వేదిక కుల్చటం, పనులు అన్నీ ఆపేయటం, రాజకీయ కక్ష చూపించటం మంచిది కాదు. ఠిస్ ఈజ్ బ్యాడ్ పాలిటిక్స్" అంటూ ఎడిటోరియల్ రాసారు. అయితే ప్రతిపక్షాలు, వీటిని ఎత్తిచూపుతూ విమర్శలు చేస్తున్నా, జగన్ మోహన్ రెడ్డి గారు, కనీసం ఇప్పుడైనా, వీటిని కొనసాగించి, తానే పూర్తీ చేసి, మంచి పేరు తెచ్చుకోవాలి. లేదంటే, ఇలాగే కూల్చేస్తా, అన్నీ ఆపేస్తా అంటే, ఇప్పటికి వచ్చిన చెడ్డ పేరు రెట్టింపు అవుతుంది, ప్రజల్లో కూడా పలుచన అవుతారు.

ఏలూరులో టెన్షన్ వాతావరణం నెలకొంది. తెలుగుదేశం పార్టీ సీనియర్ నేత, దెందులూరు మాజీ ఎమ్మెల్యే చింతమనేని ప్రభాకర్ కు అన్ని కేసుల్లో బెయిల్ రావటంతో, ఆయన ఈ రోజు విడుదల కానున్నారు. ఈ నేపధ్యంలో, 66 రోజులు తరువాత వస్తున్న తమ నేతకు, భారీ స్వాగతం పలకటానికి, తెలుగుదేశం కార్యకర్తలు, చింతమనేని అభిమానులు సిద్ధం అయ్యారు. వైసీపీ పెట్టిన అక్రమ కేసులు తట్టుకుని, వైసిపీ పై పోరాటానికి సిద్ధం అవుతున్న, తమ నేతకు భారీ ఎత్తున స్వాగతం పలికేందుకు శ్రేణులు సిద్ధం అయ్యాయి. అయితే, పోలీసులు మాత్రం, వీరి ఆశల పై నీళ్ళు చల్లారు. తెలుగుదేశం శ్రేణులు పెద్ద ఎత్తున ర్యాలీ చేస్తున్నారని తెలుసుకున్న పోలీసులు అప్రమత్తం అయ్యారు. పశ్చిమ గోదావరి జిల్లా అంతటా, శనివారం నుంచి నవంబర్ 30 వరకు, పోలీస్ ఆక్ట్ 30 అమల్లో ఉంటుందని చెప్పారు. ఈ ఆక్ట్ అమల్లో ఉంటే, సభలు కాని, ర్యాలీలు కాని, బహిరంగ నినాదాలు కాని నిషిద్దం అని, పశ్చిమ గోదావరి జిల్లా ఎస్పీ తెలిపారు.

ఈ ఆక్ట్ అమలులో ఉండగా ఎవరైనా, అవి ఉల్లంఘిస్తే, వారి పై చట్ట పరమైన చర్యలు తప్పవని హెచ్చరించారు. అయితే, దీని పై తెలుగుదేశం శ్రేణులు భగ్గు మంటున్నాయి. మేము ఏమి ఆందోళనలు, అల్లర్లు చెయ్యటానికి రావటం లేదని, అన్యాయంగా ఇరికించి, రెండు నెలలు జైల్లో ఉంచిన మా నేత పోరాట పటిమకు, అండదండలు ఇవ్వటానికి వస్తున్నామని, పోలీసులు ఎన్ని ఆంక్షలు పెట్టినా, చింతమనేనికి ఘన స్వాగతం పలుకుతామని అంటున్నాయి. గతంలో జగన్ మోహన్ రెడ్డి, అవినీతి చేసిన కేసులో జైలుకు వెళ్లి, బెయిల్ పై వస్తేనే, అంత హడావిడి చేసారని, ఇక్కడ చిన్న చిన్న కేసులు పెట్టి, జైల్లో ఉంచిన విషయాన్ని గుర్తు చేస్తున్నాయి. అయితే పోలీసులు మాత్రం, ఇవేమీ కుదరవని, ఆక్ట్ ప్రకారం నడవాల్సిందే అని అంటున్నారు. మరి, టిడిపి శ్రేణులు వెనక్కు తగ్గుతాయో లేదో చూడాలి.

మరో పక్క శనివారం చింతమనేని ప్రభాకర్‌ పై పలు పోలీస్‌ స్టేషన్లలో నమోదైన నాలుగు కేసులలో ఏలూరు కోర్ట్ బెయిల్ మంజూరు చేసింది. దీంతో ఇప్పటి వరకు 18 కేసుల్లో చింతమనేనికి బెయిల్ మంజూరు అయ్యింది. 66 రోజుల తరువాత, ఆయన బయటకు రానున్నారు. ఆయన పై దాడి కేసు, ఎస్సీ, ఎస్టీ కేసులు లాంటివి పెట్టి, 66 రోజులు జిలో ఉంచారు. ఈ క్రమంలో శనివారం, నాలుగు కేసుల్లో, ఏలూరు న్యాయస్థానం జిల్లా న్యాయమూర్తి కె.సునీత బైలు ఇస్తూ, శుక్రవారం చింతమనేనికి షరతులతో కూడిన బెయిల్‌ను మంజూరు చేశారు. రూ. 50 వేల పూచీకత్తు చొప్పున ఇద్దరు షురిటీ దారులు శనివారం సమర్పించాక ఆయన విడుదలకు కానున్నారు. శనివారం మూడు గంటల ప్రాంతంలో చింతమనేని విడుదల కానున్నారు.

మొన్నా మధ్య, హోంమంత్రి గారి సొంత నియోజకవర్గంలో, టిడిపి సానుభూతిపరులు ఉంటున్న ఇళ్ళకు అడ్డంగా గోడ కట్టి , వారు లోపలకి, బయటకు వెళ్ళకుండా చేస్తూ, వైసిపీ శ్రేణులు చేసిన ఆటవిక చర్య తెలిసిందే. దీని పై స్పందించిన జాతీయ మానవ హక్కుల సంఘం కూడా, వచ్చి, క్షేత్ర స్థాయి పర్యటన చేసి, ఎంక్వయిరీ చేసి వెళ్లారు. తరువాత, ఒక నెల రోజుల క్రితం, అనంతపురం జిల్లాలో, తెలుగుదేశం పార్టీ నాయకుడు ఇంటి చుట్టూ, వైసీపీ శ్రేణులు, బండలు పాతిన విషయం తెలిసిందే. ఇప్పుడు ఇలాంటి మరో ఆటవిక సంఘటన జరిగింది. అది కూడా ఒక ఒంటరి మహిళ ఉంటున్న ఇంటి పై. రాష్ట్రమంతా ఇసుక కొరత ఉంటే, ఇలా ఇళ్ళకు అడ్డంగా గోడలు కట్టటానికి మాత్రం, వీరికి ఇసుక ఎక్కడ నుంచి వస్తుందో మరి. వివరాల్లోకి వెళ్తే, ప్రకాశం జిల్లాలో ఈ తాజా సంఘటన చోటు చేసుకుంది. ఇంట్లో వారు బయటకు రాకుండా, లోపలికి వెళ్ళకుండా గోడ కట్టటమే కాదు, ఆ గోడ ముందు, ఇంటి గేటు ఎదురుగా, ఒక గది కూడా కట్టేసారు.

ప్రకాశం జిల్లా లింగసముద్రం మండలం తిమ్మారెడ్డిపాలెంలో ఈ ఘోర సంఘటనా జరిగింది. ముచ్చుమూరి ఆదిలక్ష్మమ్మ, వెన్నపూస నరసింహం ఎదురు ఎదురుగా ఉత్నున్నారు. అయితే ఆదిలక్ష్మమ్మ ఇంటికి, అక్కడ ఎదురుగా ఉన్న రోడ్డు మధ్యలో కొంత గ్రామకంఠానికి చెందిన ఖాళీస్థలం ఉంది. ఇంటి ఎదురుగా ఉన్న స్థలం కావటంతో, ఈ స్థలాన్ని 30 ఏళ్ల నుంచి ఆదిలక్ష్మమ్మ కుటుంబం ఉపయోగించుకుంటోంది. ఆ మార్గం నుంచి, ఇంట్లోకి రాకపోకలు సాగిస్తున్నారు. ఇలాంటివి పల్లెటూరుల్లో చాలా సహజంగా జరిగే పనులు. అయితే ఆదిలక్ష్మమ్మ తన పాత ఇంటిని తొలగించి కొత్తది నిర్మించుకునే సమయంలో, ఈ స్థలం నాది అని, ఇటు వైపు గేటు పెట్టొద్దని నరసింహం అభ్యంతరం పెట్టాడు.

అంతే కాదు, కొన్ని రోజులు క్రిందట ఈ స్థలం నాది అంటూ, ఇంటి ముందు దౌర్జన్యంగా ఇటుకలతో గోడ కట్టాడు. అయితే ఈ స్థలం తమదని, రోడ్డు అవతల ఉండే నరసింహంకు ఈ స్థలంతో ఎలాంటి సంబంధం లేదంటూ ఆదిలక్ష్మమ్మ కుటుంబ సభ్యులు ఆ గోడను తొలగించారు. అయితే మరోసారి గోడ కట్టి, అక్కడ ఒక గది కూడా ఏర్పాటు చేస్తున్న సమయంలో, ఇది పోలీస్ స్టేషన్ వద్దకు వెళ్ళింది. పామూరు సీఐ శివరామకృష్ణారెడ్డి ఈ నెల 11న తిమ్మారెడ్డిపాలెం వెళ్లి వివాదాస్పద స్థలాన్ని పరిశీలించి, ఈ వివాదం తేలేదాకా ఇక్కడ ఎలాంటి నిర్మాణాలూ చేపట్టవద్దని ఆదేశించారు చెప్పారు. పోలీసులు చెప్పినా వినకుండా, నరసింహం గోడ ఎత్తులేపడంతో పాటు గది పై రేకులు కూడా వేసేయటంతో, ఇప్పుడు ఆ ఇంటికి వెళ్ళటానికి దారి లేకుండా పోయింది. సిఐ హెచ్చరించినా, వీళ్ళు ఇలా రెచ్చిపోతున్నారని, రెవిన్యూ అధికారులు పట్టించుకోవటం లేదని, అధికారులు తనకి సాయం చెయ్యాలని ఆదిలక్ష్మమ్మ దీనంగా ఎదురు చూస్తుంది.