news

మాజీ రాష్ట్రపతి, భారత రత్న దివంగత డా. అబ్దుల్ కలాం పేరు చెప్తే, ప్రతి విద్యార్ధిలో ఎంతటి స్పూర్తి వస్తుందో, అందరికీ తెలిసిందే. ఆయన దేశానికి నిస్వార్ధంగా చేసిన సేవ, విద్యార్ధులకు ఒక మార్గదర్శిగా ఉండటంతో, ఆయన ఎంతో మందికి ఆదర్శం అయ్యారు. విద్యార్ధులకే కాదు, చంద్రబాబు లాంటి మహా మహా రాజకీయ నాయకులకు కూడా ఆయన మార్గదర్శం. అందుకే, ఆయన్ను రాష్ట్రపతిగా ప్రతిపాదించి, ఆనాటి ప్రధాని, వివిధ మిత్రపక్షాలను, చివరకు ప్రతిపక్షాన్ని కూడా ఒప్పించి, డా. అబ్దుల్ కలాంను రాష్ట్రపతి చేసారు. అంతే కాదు, చంద్రబాబు 2014లో ముఖ్యమంత్రి అయిన తరువాత, డా. అబ్దుల్ కలాంను స్పూర్తిగా తీసుకోవాలని, ప్రతి నిత్యం విద్యార్ధులకు చెప్తూ ఉండేవారు. ఆయాన చనిపోయిన తరువాత, విశాఖపట్నంలో, డా. అబ్దుల్ కలాం ఇన్నోవేషన్ సెంటర్ ఏర్పాటు చేసి, విద్యార్ధులకు స్పూర్తి నింపే ప్రయత్నం చేసి, దేశ వ్యాప్త ప్రశంసలు అందుకున్నారు.

అలాగే 10వ తరగతి పరీక్షలో అద్భుత ప్రతిభ కనబరచిన విద్యార్థులకు ప్రతి ఏటా అబ్దుల్ కలాం గారి పుట్టినరోజు నాడు ప్రతిభ అవార్డులు కింద విద్యార్థులకు "Dr. A. P. J Abdul kalam Pratibha Puraskar" అవార్డులు ఇస్తూ, చంద్రబాబు గారి ప్రభుత్వం నిర్ణయం తీసుకుంది. గత రెండు ఏళ్ళుగా అది సాగుతూ వస్తుంది. అయితే ఇప్పుడు ప్రభుత్వం మారింది. 2019లో చంద్రబాబు దిగిపోయి, ఇప్పుడు జగన్ మోహన్ రెడ్డి అధికారంలోకి ఎక్కారు. గతంలో చంద్రబాబు గుర్తులు ఏమి కనిపించకుండా, అన్నీ చెరిపేస్తూ వస్తున్నారు. ప్రజా వేదిక కూల్చివేతతో మొదలు, ప్రతి చోట రంగులు మార్చేస్తూ, చివరకు ఒక చోట జాతీయ జెండా రంగాలు కూడా మార్చేసి, వైసీపీ రంగులు వేసుకుంటూ, జగన్ ప్రభుత్వం ముందుకు వెళ్తుంది.

ఈ క్రమంలో భాగంగానే, ఇప్పుడు జగన్ మోహన్ రెడ్డి ప్రభుత్వం, చంద్రబాబు ప్రవేశపెట్టిన, డాక్టర్‌ ఏపీజే అబ్దుల్‌ కలామ్‌ ప్రతిభా పురస్కార్‌ అవార్డును రద్దు చేసారు. రద్దు చేస్తే చేసారు, పోనీ అంతటి మేధావి పేరు మీద ఈ, అవార్డు ఇస్తున్నారా అంటే, లేదు. ఒక రాజకీయ నాయకుడు పేరు మీద ఈ అవార్డు ఇస్తున్నట్టు కొత్త ప్రభుత్వం ప్రకటించింది. డాక్టర్‌ ఏపీజే అబ్దుల్‌ కలామ్‌ పేరు చెరిపేసి, వైఎస్ రాజశేఖర్ రెడ్డి పేరు మీద ఈ పురస్కారం ఇస్తున్నట్టు, కొత్త ప్రభుత్వం ప్రకటించింది. డాక్టర్‌ ఏపీజే అబ్దుల్‌ కలామ్‌ ప్రతిభా పురస్కార్‌ అవార్డు పేరును వైఎస్‌ఆర్‌ విద్యా పురస్కారాల కింద మారుస్తూ, నిన్న ఆంధ్రప్రదేశ్ ప్రభుత్వం ఉత్తర్వులు ఇచ్చింది. దేశ అత్యున్నత పురస్కారాన్ని అందుకొని, ప్రధమ పౌరుడిగా విశ్వఖ్యాతిని గడించిన ఓ గొప్ప దార్శనికుడి పేరు మీద, విద్యార్ధుల్లో స్ఫూర్తిని నింపడానికి ఇచ్చే ప్రతిభా పురస్కారాల పై రాజకీయ నీలినీడలు కమ్ముకోవడం దురదృష్టకరం.

ఆంధ్రప్రదేశ్ చీఫ్ సెక్రటరీ, ఎల్వీ సుబ్రహ్మణ్యం ఆకస్మిక బదిలీ, సంచలనం రేపుతుంది. అకస్మాత్తుగా అయన బదిలీ అయ్యారు అంటే, ఏమి జరిగి ఉంటుందా అనే చర్చ మొదలైంది. ప్రవీణ్ ప్రకాష్ తో గొడవ అనేది, ఆయన్ను సాగనంపటానికి చేసిన వ్యవహారమా అనే చర్చ జరుగుతుంది. ప్రవీణ్ ప్రకాష్ తో గొడవ అనేది బదిలీకి కారణం కాదని, దీని వెనుక, ఏదో బలమైన కారణాలు ఉన్నాయని, పలువురు అభిప్రాయ పడుతున్నారు. చీఫ్ సెక్రటరీకి తెలియకుండా బిజినెస్ రూల్స్ మార్చారం, చీఫ్ సెక్రటరీ కూడా షోకాజ్ నోటీసు ఇచ్చే అధికారాన్ని ప్రవీణ్ ప్రకాష్ తీసుకోవటం, క్యాబినెట్ సమావేశంలో చీఫ్ సెక్రటరీకి తెలియకుండా అజెండా చేర్చటం, ఇవన్నీ ఎల్వీని బయటకు పంపే చర్యలే అని, అసలు కారణం ఇంకా ఏదో ఉండనే గుసగుసలు వినిపిస్తున్నాయి. అన్నా అన్నా అని, ఎల్వీని , జగన్ సంబోధించే అంత రిలేషన్ ఉందని, మరి ఇప్పుడు, ఎందుకు తేడా వచ్చిందో అని పలువురు ఆశ్చర్యం వ్యక్తం చేస్తున్నారు.

అయితే దీని పై మాజీ చీఫ్ సెక్రటరీ ఐవైఆర్ చేసిన వ్యాఖ్యలు సంచలనంగా మారాయి. తిరుమల తిరుపతి దేవస్థానం లో అన్య మతస్థులు ఉండటానికి వీలు లేదని పట్టు బట్టడం వల్లే నిజాయితీపరుడు సద్బ్రాహ్మణుడు అయిన యల్ వి సుబ్రహ్మణ్యం గారిని ట్రాన్స్ఫర్ చేసి ఉంటారు అనిపిస్తుంది అంటూ ఆయన ట్వీట్ చేసారు. ఇది ఆయన చేసిన ట్వీట్..."సీఎస్ ను తొలగించే అధికారం సీయమ్ గారికి ఉన్న ఈ తొలగించిన విధానం సరిగా లేదు. బాధ్యత లేని అధికారం చలాయించే ముఖ్యమంత్రి కార్యాలయం ముఖ్యమంత్రుల మెడలకు ఉచ్చులా చుట్టుకుంటూ ఉన్నది. హిందూ దేవాలయాల్లో అన్య మతస్తులను తొలగించే విషయంలో గట్టిగా నిలబడి నందుకు ఇది బహుమానం అయితే ఇంకా మరీ దారుణం."

అలాగే పవన్ కళ్యాణ్ కూడా ఈ విషయం పై మాట్లాడుతూ, జగన్ కోరి తెచ్చుకున్న సీఎస్‌ ఎల్వీ సుబమణ్యంను ఉన్నట్టు ఉండి తప్పించారంటే, ఏవో తప్పులు జరిగినట్లే అర్థమవుతోంది అంటూ పవన్ కళ్యాణ్ సంచలన వ్యాఖ్యలు చేసారు. దీని పై విజయవాడ ఎంపీ కేశినేని నాని కూడా ట్విట్టర్ లో వ్యంగ్యంగా స్పందించారు. "ఏపీ సీఎస్ ఓ అంశంలో ప్రిన్సిపల్ సెక్రటరీకి షోకాజ్ నోటీసులు జారీచేశారు. ఆ తర్వాత ప్రిన్సిపల్ సెక్రటరీ ఏకంగా సీఎస్ నే బదిలీ చేశారు. కంగ్రాచ్యులేషన్స్!" అంటూ ట్వీట్ చేశారు. ఇక మరో టిడిపి నేత వార్ల రామయ్య మాట్లాడుతూ, "సీఎం గారూ మీ పరిపాలన అగమ్యగోచరంగా ఉంది. ఓ విషయంలో తన కిందిస్థాయి అధికారికి సీఎస్ షోకాజ్ నోటీసులు ఇస్తే ఆ కింది స్థాయి అధికారిని మీరు రక్షిస్తూ సీఎస్ నే బదిలీ చేశారు. పాలనా యంత్రాంగానికి మీరు ఇస్తున్న సందేశం ఏమిటి? గతంలో ఇలాంటి పరిస్థితి ఎప్పుడూ లేదు. ఏమి అవగాహన!" అంటూ ట్వీట్ చేసారు.

ఆంధ్రప్రదేశ్ రాష్ట్ర ప్రధాన కార్యదర్శి ఎల్వీ సుబ్రహ్మణ్యం ఆకస్మికంగా బదిలీ అవ్వటం, అటు రాజకీయ వర్గాల్లో, ఇటు ప్రజల్లో కూడా సంచలనంగా మారింది. అయితే దీని పై, తెలుగుదేశం అధినేత, ప్రతిపక్ష నాయకుడు చంద్రబాబు నాయుడు స్పందించారు. ఒక రాష్ట్ర చీఫ్ సెక్రటరీని ఇలా బదిలీ చేసి, ఆయన్ను అగౌరవపరిచారని చంద్రబాబు అన్నారు. రాష్ట్రంలో వ్యవస్థలు అన్నీ నాశనం అవుతున్నాయని, వ్యవస్థలను నిర్వీర్యం చేయడాన్ని అందరూ వ్యతిరేకించాలన్నారు. తన పట్ల, తన పార్టీ పట్ల సీఎస్ ఎలా వ్యవహరించారో అందరికీ తెలుసనీ, అయినా సరే ఈ తరహా చర్యలను వ్యతిరేకించాలని పేర్కొన్నారు. చంద్రబాబు ఆపధర్మ ముఖ్యమంత్రిగా ఉండగా, ఎల్వీ సుభ్రమణ్యం, ఆయన పై అగౌరవంగా వ్యవహరించిన సంగతి తెలిసిందే. చంద్రబాబుకు అధికారాలు లేవు అంటూ సంచలన వ్యాఖ్యలు చెయ్యటమే కాక, నాలుగు, అయుదు విడతల రుణ మాఫీతో పాటుగా, సియం రిలీఫ్ ఫండ్ చెక్కులు కూడా ఆపేసారు.

అయితే అవేమి మనసులో పెట్టుకోకుండా, ఈ రోజు ఎల్వీ సుభ్రమణ్యంకు జరిగిన అన్యాయం పై, చంద్రబాబు స్పందించారు. ఆయనకు మద్దతుగా వ్యాఖ్యలు చేసారు. మరో పక్క, ప్రభుత్వ ప్రధానకార్యదర్శిని ఆకస్మికంగా ఎందుకు బదిలీచేశారో ముఖ్యమంత్రిగా ఉన్న జగన్మోహన్‌రెడ్డి సమాధానం చెప్పాలని, టీడీపీ పొలిట్‌బ్యూరోసభ్యుడు, మాజీమంత్రి అచ్చెన్నాయుడు డిమాండ్‌చేశారు. తండ్రి అధికారంలో ఉన్నప్పుడు కూడా జగన్మోహన్‌రెడ్డి, అడ్డగోలుగా అధికారులను ఉపయోగించుకొని, వారి అండదండలతో ఎంత సంపాదించారో చెప్పాల్సిన పనిలేదన్నారు. ఈ విషయం అచ్చెన్నాయుడుగా తాను చెప్పడం లేదన్న ఆయన, సీబీఐ, ఈడీ వంటి సంస్థలు, జగన్మోహన్‌రెడ్డికి సంబంధించిన కేసులవిచారణలో వేసిన అఫిడవిట్ల లోనే స్పష్టంగా పేర్కొన్నారన్నారు. ఎవరైతేఆనాడు, అడ్డగోలుగా ఎక్కడపడితే అక్కడ సంతకాలు పెట్టారో, ఆ అధికారులందరూ కూడా ఇప్పటికీ కోర్టులచుట్టూ తిరుగుతున్న విషయాన్ని గమనించాలన్నారు.

ప్రభుత్వ ప్రధానకార్యదర్శి హోదా సుబ్రహ్మణ్యం విషయం లో ఐదునెలల్లోనే ఆవిరవుతుందని తాము ఊహించలేదన్నారు. పిచ్చోడిచేతిలా రాయిలా, పిచ్చితుగ్లక్‌లా రాష్ట్రపాలన తయారైందనడానికి ఈ ఉదంతమే ఉదాహారణగా నిలుస్తుందన్నా రు. తానుచెప్పింది చెప్పినట్లుగా చేయడంలేదన్న అక్కసుతోనే ముఖ్యమంత్రి జగన్‌, సీఎస్‌ను అర్థంతరంగా బదిలీ చేశారని అచ్చెన్నాయుడు చెప్పుకొచ్చారు. ముఖ్యమంత్రులుగా, ఛీప్‌సెక్రటరీలుగా ఎవరున్నా సరే, బిజినెస్‌రూల్స్‌కు విరుద్ధంగా వ్యవహరించడం సరికాదని మాజీమంత్రి స్పష్టంచేశారు. ఈమధ్యకాలంలో సీఎస్‌తో సంబంధంలేకుండా, ముఖ్యమం త్రి ఆదేశానుసారం ఆయనదగ్గర పనిచేసే కొందరు అధికారులు, కొన్నిజీవోలు ఇచ్చిన నేపథ్యంలో ముఖ్యమంత్రిగా తానిచ్చిన ఆదేశాలపై స్పందించే అధికారం సీఎస్‌కు ఎక్కడుందంటూ, ముఖ్యమంత్రి కార్యాలయంలో పనిచేసే అధికారం సీఎస్‌కు ఎలా ఉంటుందంటూ ఆయన్ని బదిలీచేయడం జరిగిందని అచ్చెన్నాయుడు స్పష్టంచేశారు.