News

చంద్రబాబుకు ఈనాటి రాజకీయం తెలియక, ఇంత పని చేసినా ఓడిపోతున్నారు కాని, ఆయన వేసిన బీజాలు మాత్రం, ప్రతి క్షణం తెలుగు ప్రజలకు గుర్తు చేస్తూనే ఉంటుంది. ఎంతటి శత్రువుకి అయినా, బయటకు చెప్పక పోయినా, లోపల మాత్రం, చంద్రబాబుని గుర్తు చేసుకోకుండా ఉండలేరు. ఇంత ఎందుకు, చంద్రబాబు 2003లో దిగిపోయిన తరువాత, రాజశేఖర్ రెడ్డి ముఖ్యమంత్రి అయిన తరువాత, హైటెక్ సిటీ ముందు నుంచి వెళ్తూ, చంద్రబాబు ఎంతో చేశాడయ్యా అని చెప్పారని, అప్పట్లో వార్తలు కూడా వచ్చాయి. చంద్రబాబు ముందు చూపుతో, ఇలాంటి కార్యక్రమాలు ఎన్నో చేసారు. అందుకే ఆయన్ను విజనరీ అని అనేది. కాకపోతే సరైన రాజకీయం చెయ్యలేక, చేసిన మంచి కొనసాగించక లేకపొతున్నారు. మొన్నామధ్య ఢిల్లీలో, ఒక టిడిపి ఎంపీతో, కేంద్ర మంత్రి అన్న మాటలు "బాబు ఈజీ ఏ గ్రేట్ అడ్మినిస్ట్రేటర్, బట్ నాట్ ఏ పొలిటీషియన్" అని అన్నారు అంట. ఇదంతా ఎందుకు అంటే, చంద్రబాబు చేసిన పనికి, 20 ఏళ్ళు తరువాత కూడా ఇంకా ఫలితాలు వస్తున్నాయి అని చెప్పటానికి.

ప్రపంచ అందాల ప్రపంచం పారిస్ లో నుండి గత రాజకీయ మహానాడు ప్రాంగణంలో స్టాల్ వరకు మన అరకు గిరిజనులు పండించిన కాఫీ ముక్కుపుటాలను తాకుతూ ఘుమఘుమలాడించింది. అరకు కాఫీ ఆ స్థాయికి ఎదగడానికి నాంది పడింది ఇరవై ఏళ్ల క్రితం. డాక్టర్ అంజిరెడ్డి గారిని చంద్రబాబు నాయుడు పిలిపించుకుని ఒప్పించి సందేహాలు తీర్చి నాందీ ఫౌండేషన్ అనే సామాజిక స్వచ్ఛంద సంస్థ పెట్టించడం వలన. రెడ్డి గారు దానిని మనోజ్ గారికి అప్పజెప్పడం వలన. ఆనాటి ముచ్చట్లను రెడ్డి గారు తన ఆత్మ కథలో వ్రాసుకొన్నారు. చంద్రబాబు తన 2020 విజన్ కి రెడ్డీస్ ల్యాబ్ ఫలితాల అంకెలను ఆదర్శంగా తీసుకొని, ప్రభుత్వం కూడా ఇలా ఆర్థిక పురోగతి సాధించాలని అలవాటు చేసుకొని, మొన్న దిగిపోయే వరకు ఆంధ్రాను దేశంలో అభివృద్ధి ర్యాంకింగులలో నిలిపేవరకు ఆచరించారు.

మంచి చేయడానికి ఒకరి ఆశయాలు మరొకరు అందిపుచ్చుకోడానికి కులాలు అడ్డు అనుకోలేదు. వారి వారి రంగాలలో అధికులమనే అహంకారం తలకెక్కించుకోలేదు. అందుకే ఆంధ్రా అయినా అరకు కాఫీ అయినా పోటీపడి నిలబడ్డాయి. అహంకారంతో వేరేవారికి పేరు రాకూడదని పెడధోరణలు పడితే 5 నెలల పాలన పాతాళం వైపు ఎలా పయనిస్తుందో చూస్తున్నాం. ప్రజాధనంతో వేల గ్రామ వాలంటీర్ల ఉద్యోగాల కల్పనకే మనం బెక బెక మంటే, లక్ష ఉద్యోగాలు కల్పించిన ఇలాంటివి కార్పోరేట్ దిగ్గజాలతో పెట్టించిన నాయకుని గురించి ఏమని ప్రశంసించాలి. నాందీ ఫౌండేషన్ 20 ఏళ్లు పూర్తి చేసుకున్న సందర్భంగా శుభాకాంక్షలతో. సౌజన్యం: చాకిరేవు.

బయట తక్కువగా, ట్విట్టర్ లో ఎక్కువగా కనిపించే వైసిపీ రాజ్యసభ సభ్యుడు విజయసాయి రెడ్డికి జలఖ్ ఇచ్చారు, ఒక విలేకరి. విజయసాయి రెడ్డి, విశాఖపట్నంలో నిన్న పర్యటించారు. ఈ సందర్భంగా ఆయన మీడియాతో మాట్లాడారు. అటు చంద్రబాబు పై, ఇటు పవన్ కళ్యాణ్ పై టార్గెట్ పెట్టుకుని, విమర్శలు గుప్పించారు. నోటికి వచ్చినట్టు మాట్లాడుతూ, రూల్స్ తమకు వర్తించవు అన్నట్టు మాట్లాడారు. చిన్న విమర్శ చేస్తేనే, సోషల్ మీడియాలో పోస్ట్ లు పెట్టే వారి పై కేసులు పెట్టి, అరెస్ట్ చేస్తున్న సంగతి తెలిసిందే. అలాగే, ఇప్పుడు కొత్తగా మీడియాను కూడా తమ నియంత్రణలోకి తెచ్చుకోవటానికి, కొత్త జీవో విడుదల చేసారు. అందులో, మీడియాలో తమకు వ్యతిరేక వార్తలు, వస్తే, కేసు పెడతాం అని చెప్తున్నారు. అయితే, ఈ రూల్స్ అన్నీ ప్రతిపక్షం వారికే అనట్టు, విజయసాయి రెడ్డి మీడియా సమావేశంలో వ్యవహరించారు. చంద్రబాబుని పెద్ద నిక్క, లోకేష్ ని చిన్న నక్క అంటూ, జుబుక్సాకర రీతిలో స్పందించారు.

ఇసుక మీద చంద్రబాబు ముసలి కన్నీరు కారుస్తున్నారు అంటూ, వ్యాఖ్యలు చేసారు. అంతా సవ్యంగా సాగుతుందని, జగన పాలనను దేశం అంతా మేచ్చుకుంటుందని, దేశానికి ఆదర్శంగా జగన్ పాలిస్తున్నారని, విజయసాయి రెడ్డి వ్యాఖ్యలు చేసారు. అయితే చంద్రబాబు, అతని పార్టనర్ మాత్రం, జగన్ పై విరుచుకు పడుతున్నారని అన్నారు. చంద్రబాబు ఇచ్చిన కాల్ షీట్లు, పవన్ కళ్యాణ్ కు ఇంకా అయిపోలేదని, చంద్రబాబుకు కావాల్సిన సమయంలో, పవన్ కళ్యాణ్ వచ్చి ఆక్షన్ చేస్తున్నారని అన్నారు. అలాగే పవన్ కళ్యాణ్ చంద్రబాబుకి దత్త పుత్రుడని, లోకేష్ సొంత పుత్రుడు అని అన్నారు. పవన్ కళ్యాణ్ ప్యాకేజి తీసుకుని, చంద్రబాబుకి ఇష్టం వచ్చినట్టు, ఇక్కడ ఆక్షన్ చేస్తున్నారని అన్నారు.

అయితే ప్రెస్ మీట్ లో, ఒక విలేఖరి ధైర్యం చేసుకుని అడిగిన ప్రశ్నకు, విజయసాయి రెడ్డి అవాక్కయ్యారు. తడబడుతూ సమాధానం చెప్పి, అక్కడ నుంచి వెళ్ళిపోయారు. మీరు పవన్ కళ్యాణ్, చంద్రబాబు దగ్గర ప్యాకేజీ తీసుకుని, మీ మీద వ్యతిరేకంగా మాట్లాడుతున్నారు అంటున్నారు కదా, దానికి మీ దగ్గర ఆధారాలు ఉన్నాయా ? అని అడిగారు. దీనికి విజయసాయి రెడ్డి, ముందుగా అవాక్కయ్యారు. ఏమి సమాధానం చెప్పాలో తెలియక, కొంచెం సేపు తడబడ్డారు. తరువాత తేరుకుని, అన్నిటికీ ఆధారాలు ఉండవు, కొన్ని మనసుకే తెలుస్తాయి అని చెప్పి వెళ్ళిపోయారు. మరి మనసుకి తెలిసే కధనాలు, పత్రికలు రాస్తే, మేము అరెస్ట్ చేస్తాం అంటూ జీవో ఇచ్చిన విజయసాయి రెడ్డి గారి పార్టీ ప్రభుత్వం, ఇలాంటి ఆరోపణలు చేసే వారి పై ఏమి స్పందించదా ? అని విలేఖరులు అడుగుతున్నారు.

ఆంధ్రప్రదేశ్ బీజేపీ ఉపాధ్యక్షుడు విష్ణువర్ధన్ రెడ్డి గురించి తెలియని వారు ఉండరు. చంద్రబాబు ముఖ్యమంత్రిగా ఉండగా, ఈయన రోజువారీ పెర్ఫార్మన్స్ లతో, ఆదరగొట్టెవారు ఏ ఛానల్ లో చూసినా, ఈయనే ఉంటూ, ప్రతి సందర్భంలో చంద్రబాబుని తిడుతూ ఉండేవారు. ఈయనకు తోడుగా జీవీఎల్ నరసింహారావు కూడా. అయితే అప్పట్లో అంటే, చంద్రబాబు ముఖ్యమంత్రి కాబట్టి, రాజకీయంగా తిడుతున్నారు అనుకోవచ్చు, కాని ఇప్పుడు చంద్రబాబు ఓడిపోయిన తరువాత, ఆరు నెలలు అయిన తరువాత కూడా, ఇప్పటికీ చంద్రబాబుని ప్రతి రోజు తిడుతూనే ఉన్నారు. మరో పక్క జగన్ మోహన్ రెడ్డి పాలనలో ఎన్ని ఇబ్బందులు ఉన్నా, ఎక్కడా పెద్దగా మాట్లాడటం లేదు. అయితే, పవన కళ్యాణ్ ఫాన్స్ తో పెట్టుకుని, నిన్న రాత్రి విష్ణు, ఇంటర్ నెట్ లో ట్రోల్ అయ్యారు. పవన్ కళ్యాణ్ ఇసుక దీక్ష పై, విష్ణువర్ధన్ రెడ్డి, తీవ్ర ఆరోపణలు చేసారు. ఎక్కడైనా ప్రతిపక్షాలు కలిసి పోరాడతాయి కాని, ఇక్కడ విష్ణు మాత్రం, రివర్స్ లో, జగన్ ని అనకుండా, పవన్ ని అనటంతో, పవన్ ఫాన్స్ ఆగ్రహానికి గురయ్యారు.

దీంతో పవన్ కళ్యాణ్ ఫాన్స్, నిన్న రాత్రి ఇంటర్నట్ లో రచ్చ రచ్చ చేసారు. విష్ణు వర్ధన్ రెడ్డి ట్విట్టర్ ఎకౌంటు లో, గతంలో ఆయన చేసిన ట్వీట్స్ అన్నీ బయటకు తీయటం మొదలు పెట్టరు. హీరొయిన్ల పై కామెంట్ లు చెయ్యటం, అలాగే కుల పరంగా విపరీతంగా తిట్టటం లాంటి ట్వీట్స్ అందులో ఉన్నాయి. ఇంకా విచిత్రం ఏమిటి అంటే, బీజేపీని, మోడీని కూడా తిట్టిన ట్వీట్స్ ఉన్నాయి. అయితే ఇది ఫేక్ ట్విట్టర్ ఖాతా అని అనుకోవటానికి లేదు. ఎందుకంటే, ఈ ఎకౌంటు 2010 నుంచి ఉంది, అదీ కాక ఈ ట్విట్టర్ ఎకౌంటు లో, చంద్రబాబుని తిట్టే తిట్లు అన్నీ, పేపర్లలో, టీవీల్లో కూడా వస్తూ ఉంటాయి. అలాగే అనేక మంది బీజేపీ వారు కూడా, ఈ ఎకౌంటుని ట్యాగ్ చేస్తూ ఉంటారు. అంతే కాదు, విష్ణు మీద వచ్చే పోస్టర్స్ లో కూడా, ఇదే ట్విట్టర్ ఎకౌంటు ఉంటుంది.

అయితే ఈ రచ్చ అంతా అర్ధరాత్రి గమనించిన విష్ణు వర్ధన్ రెడ్డి, వెంటనే స్పందించారు. వెంటనే ప్రెస్ నాట్ విడుదల చేసారు. "సోషల్ మీడియా మిత్రులకు,అభిమానులకు & పార్టీ కార్యకర్తలకు ముఖ్య గమనిక..నా పేరు నాకు అదికారక ట్వట్టర్ అకీంటులేదు. నా పేరు మీద గత కొంత కాలంగా ఉన్న ట్విట్టర్ అకౌంట్ ని నడుపుతున్నది కోందరు అభిమానులు.వారు ఆ అకౌంట్ ని వేరే వ్యక్తి నుంచి పొంది ఉన్నారు ఇప్పుడుతెలిసింది. ఆ అకౌంట్ నుంచి గతంలో 7 నుండి 8 సంవత్సరాల క్రిందట ఎప్పుడో పెట్టిన పాత పోస్టులకు-కామెంటులకు నాకు ఎటువంటి సంబంధము లేదు. అవి కోన్ని కులాలను,మతాలను అవమానించే విధంగా ఉన్నాయని తెలిసి వెనువెంటనే ఆ అకౌంట్ ని తొలగించడం జరిగింది.అది నా అనధికార ట్విట్టర్ అకౌంట్ అని మీకు తెలియచేస్తున్నాను. బాధ్యతాయుత భారతదేశ పౌరుడిగా గత 23 ఏళ్ళుగా ప్రజా జీవితంలో ఉన్న నాకు కులాలు-మతాలు-వ్యక్తుల మీద అపార గౌరవం కలిగి ఉన్నాను.దూషణలకు నేను బద్ద వ్యతిరేకిని.ఇప్పటి వరకు రాజకీయంగా పార్టీలను-వ్యక్తులను అంశాల వారిగా విభేదించాను తప్పితే ఏ ఒక్క కులాన్నో-మతాన్నో-వ్యక్తులనో దుర్భాషలాడిన సంఘటనలు నా జీవితంలో ఇప్పటి వరకు చేయలేదు,చేయబోను. నా ప్రమేయం లేకుండా జరిగిన ఈ తప్పుకి చింతిస్తూ మరొకసారి ఇలాంటివి జరగకుండా తగు జాగ్రత్తలు తీసుకుంటానని తెలియజేయచున్నాను. త్వరలో నా అధికార ట్విట్టర్ కాతాను ప్రారంభించి మీకు తెలియజేస్తున్నాను." అంటూ విష్ణు ప్రెస్ నోట్ ఇచ్చారు.

నవ్యాంధ్ర రాజధాని అమరావతి నిర్మాణంపై ప్రజలు కన్న కలలు కలగానే మారనున్నాయి. భవిష్యత్ తరాలకు చిరకాల స్వప్నంగా మిగిలేలా నిర్మించ తలపెట్టిన రాజధాని నిర్మాణం ఇక అటకెక్కినట్టే. స్టార్టప్‌ ఏరియా నుంచి వైదొలగుతామంటూ సింగపూర్‌ కన్సార్షియం చేసిన లిఖితపూర్వక విజ్ఞప్తి పై, జగన్ స్పందించి, క్యాబినెట్ లో నిర్ణయం తీసుకున్నారు. సింగపూర్తో రాష్ట్ర ప్రభుత్వం గతంలో కుదుర్చుకున్న ఒప్పందాన్ని రద్దు చేసుకోవడంతో ఇక అమరావతిలో నిర్మించ తలపెట్టిన నవ నగరాలు గల్లంతేనని చెప్పక తప్పదు. రాజధానిపై వైసీపీ ప్రభుత్వం నూతనంగా నియమించిన కమిటీ నివేదిక తరువాతనే ఎక్కడనేది స్పష్టమవుతోందని పదేపదే చేస్తున్న వ్యాఖ్యలు కూడా ఇందుకు దోహదం చేస్తున్నాయి. దీంతో కొత్తగా నిర్మించ తలపెట్టిన నవ్యాంధ్ర రాజధాని నిర్మాణం అంతేనన్న అభిప్రాయాలు వ్యక్తమవుతున్నాయి. ప్రపంచ స్థాయి ప్రమాణాలు అందుకోవడానికి, ప్రపంచం నలువైపులా నుంచి పెట్టుబడులను ఆకర్షించడానికి ఆంధ్రప్రదేశ్ ప్రభుత్వం సింగపూర్తో ఒక అవగాహనా ఒప్పందం కుదుర్చుకుంది. దీని ప్రకారం రాజధాని ప్రాంతం, రాజధాని నగరం, సీడ్ కేపిటల్ ఏరియాల సర్వతోముఖాభివృద్ధికై సింగపూర్ ప్రభుత్వం ద్వారా అక్కడి సంస్థలు ఆర్థిక అభివృద్ధికి తోడ్పడాలని భావించారు.

పట్టణ పరిపాలన, నగర అభివృద్ధిపై పరిజ్ఞానాన్ని సింగపూర్ ప్రభుత్వ సంస్థలైన సెంటర్ ఫర్ లివబుల్ సిటీస్, ఐఐ సింగపూర్ నుంచి స్వీకరించడం, దీనితోపాటు సంస్థాగతమైన తోడ్పాటు అవసరం. ఈ ఒప్పందంలో భాగంగా రాజధాని ప్రాంతం, రాజధాని నగరం, సీడ్ కేపిటలకు మాస్టర్ ప్లాన్ సింగ పూర్‌కు చెందిన సుర్బానాజు సింగ్ రికార్లు వ్యవధిలో 2015 జులైలో సమర్పించింది. అయితే ప్రస్తుతం అధికారంలోకి వచ్చిన వైసీపీ ప్రభుత్వం గత ప్రభుత్వ ప్రతిపాదనలను పక్కనపెట్టడంతో రాజధాని అమరావతిలో స్టార్టప్ ఏరియా (సీడ్ కేపిటల్) ప్రాజెక్టు ఇక అటకెక్కినట్లే. సీడ్ కేపిటల్ ప్రాజెక్టు నుంచి తప్పుకునేందుకు సింగపూర్ కన్సార్షియానికి ప్రభుత్వం అనుమతి ఇచ్చింది. ప్రపంచంలోని మహానగరాలలో పర్యటించి వాటి నిర్మాణాల గురించి తెలుసుకుని దేశంలోని ఛత్తీస్డ్ రాజధాని నయా రాయపూర్ నిర్మాణాలను స్వయంగా చూసిన తరువాత చంద్రబాబునాయుడు ఆధునిక అమరావతి నిర్మాణం విషయంలో అనేక ఆలోచనలు చేశారు. రాషానికి గుండెకాయ వంటిది రాజధాని. అటువంటి రాజధాని ఒక్క పరిపాలనకే పరిమితం కాకుండా ఆర్థిక కార్యకలాపాలు, ఆదాయ మార్గాలు, విద్య, వైద్యం, ఐటి విభాగాలతో పాటు ఉపాధి అవకాశాలకు నిలయంగా ఉండేలా నవనగరాలను నిర్మించాలని గత ముఖ్యమంత్రి చంద్రబాబునాయుడు నిర్ణయించారు.

అమరావతి అంటేనే తెలుగుదనం ఉట్టిపడాలని ఆయన ఉబలాటపడ్డారు. నవరత్న నగరాలను నిర్మించాలని కలలు కన్నారు. కానీ ఆ కలలకు వైసీపీ సర్కార్ చెక్ పెట్టింది. రాజధాని నిర్మాణంపై ప్రభుత్వం వేసిన కమిటీ నిర్ధారించిన తరువాతే తమ అభిప్రాయాన్ని వెల్లడిస్తామని పదేపదే స్పష్టం చేస్తున్న నేపధ్యంలో ఇక రాజధాని నిర్మాణంపై ప్రజల్లో మరింత ఆందోళన పెరుగుతోంది. అమరావతి అభివృద్ధి కోసం సింగపూర్, జపాన్, చైనా, రష్యా, యునైటెడ్ కింగ్డమ్ తదితర దేశాలతోనూ, అంతర్జాతీయ వ్యా పార సంస్థలతోనూ వాణిజ్యం, పట్టుబడులు, ఉమ్మడి సంస్థలు, శాస్త్ర సాంకేతిక పరిజ్ఞానం, పర్యాటకం, మౌలిక సదుపాయాలు, పట్టణ ప్రణాళికలు, స్మార్ట్ నగరాలు, సంప్రదాయేతల ఇంధన వనరులు, విద్య, వైద్యం, పర్యావరణం, రవాణా వ్యవస్థలు, సామాజిక సంక్షేమం మొదలైన రంగాలలో పరస్పర సహకారం కోసం టీడీపీ ప్రభుత్వం గతంలో చేసుకున్న అనేక ఒప్పందాలను వైసీపీ ప్రభుత్వం రద్దు చేసేందుకు సిద్ధమైంది.