news

అధికారం చేపట్టాక వైసీపీ నాయకత్వం తొలిసారిగా చేపట్టిన ఆపరేషన్ ఆకర్ష్ ఆ పార్టీకి మేలు చేస్తుందా లేక కొత్త తలనొవులు తెచ్చిపెడుతుందా...? ప్రతిపక్షంలో ఉన్నవుడు వలసలు కొనసాగినా పెద్దగా ఇబ్బందులు ఉండవు గానీ అధికారంలోకి వచ్చాక మాత్రం పార్టీలో అంతర్గత కుమ్ములాటలకు అవకాశముంటుందని రాజకీయ వర్గాలు పేర్కొంటున్నాయి. ఈ పరిస్థితులను వైసీపీ నాయకత్వం కూడా ఎదుర్కోనున్నదా అంటే అవుననే అంటున్నాయి రాజకీయ వర్గాలు. అన్ని పార్టీల లాగా వైసీపీలో కూడా గ్రూవు రాజకీయాలు ఉన్నాయని పేర్కొంటున్నారు. గతానికి భిన్నంగా ఇవుడు అధికారంలోనున్న నేపథ్యంలో ఈ గ్రూవు రాజకీయాలపై వై.ఎస్.జగన్మోహన్ రెడ్డి పట్టు సాధిస్తారా లేదా అన్న చర్చ సాగుతోంది. గ్రూవు రాజకీయాలపై పూర్తి పరిపక్వతతో వ్యవహరించకపోతే మాత్రం పార్టీ పరిస్థితి కుడి, ఎడమే అవుతుందని కూడా వారు పేర్కొంటున్నారు. రాజకీయ విశ్లేషకుల మాటలకు తగ్గట్టుగానే వైసీపీలో పరిణామాలు చోటు చేసుకొంటున్నాయి. వివిధ పార్టీల నేతలు 2019 ఎన్నిలకు ముందే వైసీపీలోకి భారీగా వలస వచ్చినా నాడు అధికారమే లక్ష్యంగా పార్టీ వర్గాలు పనిచేశాయి. ఈ నేపథ్యంలో అధికారంలోకి వచ్చాక నాడు ఎన్నికల్లో కష్ట పడ్డ ప్రతి నేత ప్రస్తుతం పదవులను పొందడంపై సమాలోచనలు చేస్తున్నారు. గత ఎన్నికల్లో వైసీపీ తిరుగులేని మెజార్టీతో అధికారంలోకి వచ్చింది. ఇది వైసీపీకి గొప్ప విజయమే అయినా దాదావు పదేళ్లకు వరకు ప్రతిపక్షంలో ఉండి సేవ చేసిన నేతలంతా ఇవుడు ప్రభుత్వ పదవులను కోరుతున్నారు.

ఆంద్ర ప్రదేశ్ లో వైసీపీ ప్రభుత్వం కొలువుదీరి ఆరు నెలలు పూర్తవుతున్నా ఆ పార్టీ నేతలు ఇంకా కుదురుకున్నట్లు కనిపించడం లేదు. వైసీపీ లో సీనియర్, జూనియర్ ల మధ్య విభేదాలు తారా స్థాయిలో నడుస్తున్నట్టు తెలుస్తోంది. జూనియర్ నాయకులను సీనియర్ నేతలు ఏమాత్రం పట్టించుకోవడంలేదని, నియోజక వర్గాల్లో మంత్రి స్థాయి నేతలను కూడా సీనియర్ నాయకులు గౌరవించడం లేదనే చర్చ జరుగుతోంది. ఇవే రాజకీయాలు గ్రూవు తగాదాలుగా మారే అవకాశం ఉందని, నేతల మద్య చిన్నంతరం, పెద్దంతరం తేడా వస్తే పార్టీకే నష్టమనే భావన ఇతర నేతల నుండి వ్యక్తం అవుతోంది. ఇదే అంశం పార్టీ అధినేత, జగన్ మోహన్ రెడ్డి దగ్గర కొంత మంది యువ నాయకులు ప్రస్థావించినట్టు తెలుస్తోంది. ఇదిలా ఉంటే మంత్రి పదవులకు అడ్డుపడటంలో తమ సొంత పార్టీ నేతలే పైరవీలు చేశారనే ఉద్దేశంతో కొందరు మంత్రులు, ఎమ్మెల్యేల మధ్య పచ్చగడ్డి వేస్తే భగ్గుమంటుందని విశ్వసనీయ సమాచారం. తనకు మంత్రి పదవి కొద్దిలో తప్పిపోవటానికి నాటి సీనియర్ నాయకుడు కారణమంటూ అక్కసు వెళ్లగక్కటం. మంత్రులుగా తొలిసారి బాధ్యతలు చేపట్టిన నేతల పనితీరుపై సీనియర్లు విమర్శలు చేస్తున్నారట. అనంతవురంజిల్లాలో సీఎం పర్యటన విషయంలో ఆ జిల్లాకు చెందిన మంత్రికి ఆ జిల్లా ఎమ్మెల్యే కేతిరెడ్డి పెద్దిరెడ్డి మధ్య విభేదాలు మొదలయ్యాయి.

అనంతవురంలోని ఆర్ద్ర కళాశాలలో ఏర్పాటు చేసిన హెలిప్యాడ్ వద్ద పాసుల విషయంలో మంత్రి శంకర నారాయణకు, తాడిపత్రి ఎమ్మెల్యే కేతిరెడ్డి పెద్దారెడ్డికి మధ్య వాగ్వాదం చోటుచేసుకుంది. ఇక నెల్లూరు జిల్లాలో ఎమ్మెల్యేలు కోటంరెడ్డి శ్రీధర్ రెడ్డి, కాకాణి మధ్య కొనసాగిన విభేదాలు ఏకంగా సీఎం వై.ఎస్. జగన్మోహన్ రెడ్డి వరకు సాగిన విషయం తెలిసిందే. ఇక కర్నూలు జిల్లాలలో నందికొట్కూర్ ఎమ్మెల్యే అర్థర్ కు బైరెడ్డి సిద్ధార్థరెడ్డికి మధ్య విభేదాలు తలెత్తినట్లు తెలుస్తోంది. ఆళ్లగడ్డలో ఎమ్మెల్సీ ప్రభాకర్ రెడ్డికి స్థానికంగా ఉన్న నేథ ఇరిగేల రాంవుల్లారెడ్డికి మధ్య సఖ్యత లేదని విమర్శలున్నాయి. శ్రీకాకుళం జిల్లా టెక్కలి అసెంబ్లీ నియోజకవర్గం టిక్కెట్ విషయంలో నెలకొన్న విభేదాలు కిల్లి కపరాణి, తిలక్ మధ్య ఇంకా కొనసాగుతున్నట్లు తెలుస్తోంది. ఇక గన్నవరంలోనూ గ్రూవు రాజకీయాలు ఊపందుకొనే అవకాశాలు కనిపిస్తున్నాయి. వల్లభనేని వంశీ వైసీపీలోకి రావడంపై ఆ పార్టీలో ఇప్పటికే ఉన్న యార్లగడ్డ వర్గం తీవ్రంగా వ్యతిరేకిస్తున్నట్లు సమాచారం. ఇలా కొత్తగా వలస వచ్చిన నేతలకు వైసీపీలో ఇప్పటికే ఉన్న పాత నేతలకు మధ్య సయోధ్య కుదరడమే వై.ఎస్. జగన్మోహన్ రెడ్డికి ఎదురయ్యే సవాల్ అని రాజకీయ వర్గాలు పేర్కొంటున్నాయి.

టీడీపీ నుంచి ఎవరైనా ఎమ్మెల్యే వైసీపీలోకి వస్తే అతను తన పదవికి రాజీనామా చేయాల్సి వస్తుంది. అదే జరిగితే జరిగే ఉప ఎన్నికల్లో వైసీపీ అభ్యర్థిగా టీడీపీ నుంచి వచ్చిన వలస నేతయే అవుతాడు. అవుడు గతంలో అదే స్థానం నుంచి వైసీపీ నుంచి పోటీ చేసిన పాత నేతల సంగతేమిటీ అన్నది ప్రస్తుతం ఆ పార్టీలో కొనసాగుతున్న చర్చ. ప్రస్తుతం వల్లభనేని వంశీ రాకను యర్లగడ్డ వర్గం వ్యతిరేకించడానికి ప్రధాన కారణం ఇదేనని ఆ పార్టీ వర్గాలే వెల్లడిస్తున్నాయి. ఇక టీడీపీ నుంచి ప్రజా ప్రతినిధులు వస్తే ఈ తంట, సీనియర్ నేతలు వస్తే తమ నామినేటెడ్ పదవులకు మంగళం అన్న ఆందోళన వైసీపీలోని పదవులు ఆశిస్తున్న నేతలకు పట్టుకొన్నట్లు సమాచారం. టీడీపీ నుంచి వలసలను ప్రోత్సహించి బలపడాలని యోచిస్తున్న బీజేపీకి చెక్ పెట్టేందుకు ముఖ్యమంత్రి వై.ఎస్. జగన్మోహన్ రెడ్డి ఈ వలసలకు తెరలేపినట్లు సమాచారం. ఇంతవరకు బాగానే ఉన్న గత ఎన్నికల్లో ఏక పక్ష మెజార్టీతో అధికారంలోకి వచ్చిన వైసీపీ నాయకత్వానకి పదవుల పంపకం పెద్ద సవాల్. ఈ పరిస్థితుల్లో కొత్తగా వచ్చే వలస పక్షలకు రాజకీయ వునరావాసం కల్పించే బాధ్యత కూడా జగన్ పైనే ఉంటుంది. ఈ పరిస్థితుల్లో వలస వచ్చే నేతలకు ఇప్పటికే పార్టీలో ఉన్న పాత నేతల మధ్య సయోధ్య చేయడం వై.ఎస్. జగన్మోహన్ రెడ్డికి సవాలేనని రాజకీయ వర్గాలు పేర్కొంటున్నాయి. ఇప్పటికే పలు జిల్లాలలో పార్టీ నేతల మధ్య ఆధిపత్య పోరు సాగుతోంది. ఇది సమసి పోకముందే వలసల రూపంలో వచ్చే సవాళ్లను ఏ రీతిలో వై.ఎస్.జగన్మోహన్ రెడ్డి ఎదుర్కొంటారో వేచి చూడాల్సిందే.

కందకు లేని దురద కత్తిపీటకు ఎందుకు అనే చందాన ఉంది, రాష్ట్ర, కేంద్ర ప్రభుత్వాల సంగతి. ముఖ్యంగా ఆంధ్రుల రాజధాని, అమరావతి విషయంలో, ఈ విషయం స్పష్టం అవుతుంది. చంద్రబాబు ప్రభుత్వం ఉండగా, అమరావతి ఖ్యాతి నలుమూలలకు వ్యాపించింది. దాదపుగా 40 వేల మంది కార్మికులతో, నిర్మాణం జరుగుతూ, అమరాతి అంతా కళకళలాడింది. ఇక్కడ హాస్పిటల్స్, కాలేజీలు, ఇతర నిర్మాణాలు చెయ్యటానికి ప్రైవేటు వ్యక్తులు, చివరకు సింగపూర్ ప్రభుత్వం కూడా ముందుకు వచ్చారు. అయితే, ఎన్నికలు అయిన తరువాత, మొత్తం తారుమారు అయ్యింది. అమరావతిలో ఇప్పుడు ఒక స్మశాన వాతావరణం ఉంది. అమరావతికి రుణం ఇవ్వటానికి ముందుకొచ్చిన ప్రపంచ బ్యాంక్ కూడా వెనక్కు వెళ్ళిపోయింది. ఎందుకు వెళ్లిపోయిందా అని అరా తీస్తే, కేంద్ర ప్రభుత్వం, జగన్ ప్రభుత్వ వైఖరి గమనించి, ప్రపంచ బ్యాంక్ లోన్ ఇచ్చే విషయంలో, తమ ప్రమేయం లేదు అని చెప్పటంతో, కేంద్రమే తప్పుకుంటే, మాకు ఎందుకు అని, ప్రపంచ బ్యాంక్ కూడా తప్పుకుంది.

మరో పక్క రోజుకి ఒక ప్రకటన చేసే మంత్రులు. అమరావతి ఒక కులం వారిది అంటూ, విషం చిమ్మే కొన్ని పత్రికులు. మరో పక్క, ఇప్పటికే ఉన్న సచివాలయం, అసెంబ్లీ కూడా వేరే చోటుకు వెళ్ళిపోతుంది అంటూ లీకులు. ఇలా రోజుకి ఒక విధంగా, అమరావతి పై అనిశ్చితి కలిగేలా, ప్రకటనలు చేస్తున్నారు. అసలు వింత ఏమిటి అంటే, ఇప్పటి వరకు, అమరావతి పై, జగన్ మోహన్ రెడ్డి నోరు విప్పక పోవటం. రాష్ట్ర ప్రభుత్వ వైఖరే ఇలా ఉంటే, మాకు ఏమి పట్టింది అనుకుందో ఏమో, కేంద్ర ప్రభుత్వం కూడా, మన రాజధాని అమరావతిని గుర్తించే ప్రయత్నం చెయ్యటం లేదు. నిన్న కేంద్రం హోం శాఖ, విడుదల చేసిన, కొత్త పొలిటికల్ ఇండియా మ్యాప్ లో, ఈ విషయం స్పష్టంగా కనిపించింది.

మ్యాప్ లో అన్ని రాష్ట్రాలకు రాజధానులు పెట్టి, ఆంధ్రప్రదేశ్ రాష్ట్రానికి మాత్రం, అసలు రాజధాని లేకుండా పెట్టరు. జమ్మూ కాశ్మీర్‌ విభజన అధికారికంగా అమలులోకి వచ్చిన నేపథ్యంలో తాజా మ్యాప్‌ను కేంద్ర హోంశాఖ విడుదల చేసింది. అయితే అయుదు సంవత్సరాల క్రితం విడిపోయిన ఆంధ్రప్రదేశ్ రాష్ట్రానికి మాత్రం, రాజధాని అమరావతిగా పెట్టలేదు. తెలంగాణ, ఆంధ్రప్రదేశ్‌లను విడివిడిగా చూపిన కేంద్ర హోంశాఖ ఆంధ్రప్రదేశ్‌ రాజధానిని మాత్రం పెట్టలేదు. ఏకంగా ప్రధాని నరేంద్ర మోడీ శంకుస్థాపన చేసిన అమరావతిని కూడా కేంద్రం గుర్తించలేదు. అయితే ఈ విషయం వచ్చి, రెండు రోజులు అయినా, రాష్ట్ర ప్రభుత్వం మాత్రం అధికారికంగా స్పందించక పోవటం మరింత ఆశ్చర్యానికి గురి చేస్తుంది. అసలు రాష్ట్ర ప్రభుత్వ వైఖరి వల్లే, కేంద్రం దగ్గర చులకన అయ్యం అని, ప్రజలు ఆగ్రహం వ్యక్తం చేస్తున్నారు.

రాష్ట్రంలో ఇసుక కష్టాలు చుక్కలు చూపిస్తున్నాయి. దాదాపుగా 40 లక్షల మంది భవన నిర్మాణ కార్మికులు, గత అయుదు నెలలుగా తీవ్ర ఇబ్బందులు పడుతున్నారు. మొన్నటి దాకా ఎలాగోలా అప్పులతో నెట్టుకొచ్చిన వారు, ఇప్పుడు అప్పులు కూడా పుట్టక, తీవ్ర ఇబ్బందులు పడుతున్నారు. కొంత మంది బాధలు తట్టుకోలేక, బలవంతపు మరణాలకు కూడా వెనుకాడటం లేదు. అన్ని రాజకీయ పార్టీలు, ఇసుక పై పోరాటం చేస్తున్నాయి. ఒక పక్క తెలుగుదేశం, మరో పక్క జనసేన, మరో పక్క బీజేపీ, కమ్యూనిస్ట్ పార్టీలు కూడా, ఇసుక కొరత పై ప్రతి రోజు, ఏదో ఒక ఆందోళన కార్యక్రమం చేస్తూనే ఉన్నాయి. ఈ రోజు బీజేపీ అధ్యక్షుడు కన్నా లక్ష్మీనారయణ ఆధ్వర్యంలో, విజయవాడలో ఆందోళన జరుగుతుంది. అలాగే నిన్న పవన్ కళ్యాణ్ ఆధ్వర్యంలో, విశాఖపట్నంలో లాంగ్ మార్చ్ జరిగింది. అలాగే ఇప్పటికే తెలుగుదేశం పార్టీ, ప్రతి రోజు ఆందోళన చేస్తూనే ఉంది. ఎంత మంది ఎన్ని చేసినా ప్రభుత్వం మాత్రం దిగి రావటం లేదు.

అయితే ఈ ఇసుక వేడి, మంత్రులకు కూడా తగులుతుంది. వివిధ పర్యటనలకు వెళ్తున్న మంతుల్రను, ఎక్కడికక్కడ, నిలదీస్తున్నారు, భవన నిర్మాణ కార్మికులు. తాజగా నెల్లూరు నగరంలో ఇరిగేషన్ శాఖా మంత్రి అనిల్‌ కుమార్‌ యాదవ్‌కు ఇలాంటి చేదు అనుభవమే ఎదురైంది. సోమవారం ఉదయం మంత్రి అనిల్‌ నెల్లూరు నగరంలో పర్యటన చేసారు. అయితే అనిల్ పర్యటనను భవన నిర్మాణ కార్మికులు అడ్డుకున్నారు. ఇసుక కొరతతో తీవ్ర ఇబ్బందులు ఎదుర్కుంటున్నామని అన్నారు. తినటానికి తిండి కూడా ఉండటం లేదని, ప్రతి రోజు పస్తులతో ఉంటూ, ఇంట్లో పిల్లలను కూడా పస్తులు ఉంచుతున్నామని మంత్రి అనిల్ పై,భవన నిర్మాణ కార్మికులు తీవ్ర ఆగ్రహం వ్యక్తం చేశారు.

అయితే ఈ వాదనలు జరుగుతున్న సమయంలో, కార్మికులకు నచ్చజెప్పేందుకు అనిల్ కుమార్ ప్రయత్నించారు. త్వరలోనే మీ కష్టాలు తీరిపోతాయని, మరో వారం పదిరోజుల్లో ఇసుక సమస్యను, జగనన్న పరిష్కరిస్తారాని, ఈ సమస్య పరిష్కారమవుతుందనే నమ్మకం తనకు ఉందని, కార్మికులకు అనిల్‌ హామీ ఇచ్చారు. ఎవరూ ఆందోళన చెందాల్సిన అవసరం లేదని, అందరినీ జగనన్న చక్కగా చూసుకుంటారని, ఎవరికీ కష్టం లేకుండా చూసుకుంటారని, కొన్ని తాత్కాలిక ఇబ్బందులు తప్పవని అన్నారు. ఈ సందర్భంగా మంత్రి అనిల్ మీడియాతో మాట్లాడుతూ, నిన్న పవన్ కళ్యాణ్ చేసిన, లాంగ్ మార్చ్ పై, విమర్శలు గుప్పించారు. పవన్ కళ్యాణ్, చంద్రబాబు స్క్రిప్ట్ చదివారు అంటూ, ఎద్దేవా చేసారు.