కొద్ది రోజుల పాటు రాష్ట్రంలో బ్రేక్ ఇచ్చిన జేసీబీ కూల్చివేతలు మళ్ళీ ప్రారంభం అయ్యాయి. ఈ రోజు మళ్ళీ విశాఖపట్నం గీతం యూనివర్సిటీ దగ్గర తీవ్ర ఉద్రిక్త వాతావరణం నెలకొంది. ఇంకా చీకటి కూడా పోక ముందే, వందలాది మంది పోలీసులతో, జేసీబీలు, రెవిన్యూ సిబ్బంది, కలిసి విశాఖ గీతం యూనివర్సిటీ దగ్గరకు వచ్చారు. ఏమి చేస్తున్నారో, ఎందుకు చేస్తున్నారో ఏమి తెలియదు. కనీసం ముందస్తుగా, గీతం యూనివర్సిటీకి ఉద అనధికారులు కానీ, పోలీసులు కానీ ఎలాంటి సమాచారం ఇవ్వలేదు. రుషికొండ నుంచి యూనివర్సిటీ వెళ్ళే మార్గం మొత్తం పోలీసులు సెక్యూరిటీ పెట్టి, అటు వైపు ఎవరినీ వెళ్ళనివ్వటం లేదు. కనీసం ఆ రోడ్డులోకి మీడియాని కూడా అనుమతి ఇవ్వటం లేదు. అయితే గతంలో అక్కడ ప్రభుత్వం భూమి ఆక్రమించారు అంటూ, గతంలో కొంత మేర కూల్చిన విషయం తెలిసిందే. తరువాత కోర్ట్ కి వెళ్లి ఆపారు. ఇప్పుడు మళ్ళీ మిగిలిన నిర్మాణాలు కూడా కూల్చి వేయటానికి మళ్ళీ జేసీబీలు వందల మంది పోలీసులతో వచ్చినట్టు అనుమానం వ్యక్తం చేస్తున్నారు.
