news

విజయసాయి రెడ్డి భవిష్యత్తు ఎలక్షన్ కమిషన్ ముందుకు వచ్చింది. రాష్ట్రపతి సూచన మేరకు, ఎలక్షన్ కమిషన్, విజయసాయి రెడ్డి రాజ్యసభ సభ్యత్వం గురించి, తన అభిప్రాయం తెలపనుంది. అయితే విజయసాయి రెడ్డి రాజ్యసభ సభ్యత్వం, అంత తేలికగా పోతుందా ? హలో విజయ్ గారు అంటూ ఆప్యాయంగా పలకించే, ప్రధాని మోడీ, హోం మంత్రి అమిత్ షా గారి ఆశీస్సులతో రాజకీయం నడుపుతున్న విజయసాయి రెడ్డి భవిష్యత్తు ఏమిటి అనేది, మరో రెండు, మూడు రోజుల్లో తెలిసిపోతుంది. లేకపోతే ఎలక్షన్ కమిషన్ రూల్ బుక్ ప్రకారం వెళ్తే, విజయసాయి రెడ్డి భవిష్యత్తు ఎలా ఉంటుంది ? ఇవన్నీ ప్రశ్నలుగా మిగిలిపోయాయి. అసలు విషయానికి వెళ్తే, జగన్ మోహన్ రెడ్డి అధికారంలోకి రాగానే, విజయసాయి రెడ్డికి ఉన్న ఎంపీ పదవితో పాటు, అనేక పదవులు ఇచ్చారు. అందులో ఒకటి, ఢిల్లీలో ఆంధ్రప్రదేశ్ రాష్ట్ర ప్రతినిధిగా.

అయితే ఢిల్లీలో ఆంధ్రప్రదేశ్ రాష్ట్ర ప్రతినిధిగా ఉన్న పదవి, ఆఫీస్ అఫ్ ప్రాఫిట్ పదవి కింద వస్తుంది. ఎంపీగా ఉంటూ, ఇలా ఆఫీస్ అఫ్ ప్రాఫిట్ పదవి కింద ఉండ కూడదు. అలా ఉంటే, ఆయన రాజ్యసభకు అనర్హుడు అవుతారు. అయితే, జగన్ మోహన్ రెడ్డి అధికారంలోకి వచ్చిన తరువాత, జూన్ 22న, విజయసాయి రెడ్డిని, ఢిల్లీలో ఆంధ్రప్రదేశ్ రాష్ట్ర ప్రతినిధిగా పదవి ఇచ్చారు. అయితే, ఇది ఆఫీస్ అఫ్ ప్రాఫిట్ కింద వస్తుందని, తెలుగుదేశం గొడవ చెయ్యటంతో, జూలై 4న ఆ ఉత్తర్వులు రద్దు చేసారు. అప్పటికే విజయసాయి రెడ్డి 13 రోజుల పాటు ఆ పదవిలో ఉన్నారు. అయితే విజయసాయి రెడ్డి కోసం, రూల్స్ అన్నీ మార్చేసి, ఢిల్లీలో ఆంధ్రప్రదేశ్ రాష్ట్ర ప్రతినిధిగా ఉన్న పదవి , ఆఫీస్ అఫ్ ప్రాఫిట్ కింద రాదు అంటూ రాష్ట్ర ప్రభుత్వం జీవో విడుదల చేసింది.

దీని ప్రకారం మళ్ళీ జూలై 6న , విజయసాయి రెడ్డిని ఢిల్లీలో ఆంధ్రప్రదేశ్ రాష్ట్ర ప్రతినిధిగా నియమిస్తూ ఉత్తర్వులు ఇచ్చారు. అయితే, అప్పటికే విజయసాయి రెడ్డి 13 రోజులుగా ఆ పదవిలో ఉన్నారని, అందుకే ఆయన్ను రాజ్యసభకు అనర్హుడిగా ప్రకటించాలని, తెలుగుదేశం పార్టీ, రాష్ట్రపతికి ఫిర్యాదు చేసింది. రాష్ట్రపతి ఇప్పుడు ఆ ఫిర్యాదుని పరిశీలించమని, ఎలక్షన్ కమిషన్ కు పంపించారు. అయితే దీని పై విజయసాయి రెడ్డి మాట్లాడుతూ, నేను ఆ 13 రోజులు పదవిలో లేను అని, అసలు నేను ఆ చార్జ్ తీసుకోలేదు అని, ఈ విషయం పై నేను కూడా ఎలక్షన్ కమిషన్ ను క్లారిటీ అడుగుతున్నాను అని, చెప్పుకొచ్చారు. మొత్తానికి, ఇప్పుడు విజయసాయి రెడ్డి రాజ్యసభ పదవి ఉంటుందో లేదో, ఎలక్షన్ కమిషన్ మరికొద్ది రోజుల్లో చెప్పనుంది.

ఎన్నికల ముందు, జరిగిన జగన్ బాబాయ్, మాజీ మంత్రి వైఎస్ వివేకానందరెడ్డి హత్య, రాష్ట్రంలో ఎలాంటి సంచలనం సృష్టించిందో అందరికీ తెలుసిందే. అప్పట్లో జగన్ కూడా ఆయన బాబాయ్ హత్య పై సిబిఐ విచారణ జరపాలని ఆందోళన కూడా చేసారు. వివేక కూతురు కూడా, తన తండ్రిని చంపిన వారు ఎవరో తెలియాలి అంటూ ఆందోళన చేసారు. అయితే జగన్ ఇప్పుడు అధికారంలోకి వచ్చారు. ఆయన తలుచుకుంటే, నిమిషాల మీద సిబిఐ ఎంక్వయిరీ కోరవచ్చు. ఎందుకో కాని జగన్ ఆ విషయం మర్చిపోయారు. వివేక కూతురు కూడా, ఈ విషయం పై ఎక్కడా స్పందించలేదు. అయితే పోలీస్ విచారణ మాత్రం ఇంకా కొనసాగుతూనే ఉంది. ఈ నేపధ్యంలో, నిన్న అర్ధరాత్రి ఒక సంచలన వార్తా బయటకు వచ్చింది. వివేకా హత్యకేసులో, ఒక నిందితుడుగా ఉన్న వ్యక్తి రాత్ర ఆత్మహత్య చేసుకున్నాడు.

సింహాద్రిపురం మండలం కసునూరులో నిద్రమాత్రలు మింగిన శ్రీనివాసులరెడ్డి, కడప ఆసుపత్రిలో చికిత్సపొందుతూ మృతి చెందాడు. శ్రీనివాసులరెడ్డి వైఎస్ వివేక కేసులో ఒక నిందితుడుగా ఉన్నారు. ఆయన పోలీసులు పెట్టే వేధింపుల తట్టుకోలేక ఆత్మహత్య చేసుకున్నట్లు శ్రీనివాసులరెడ్డి సూసైడ్‌నోట్‌లో పేర్కొన్నాడు. వివేకా హత్య సుతో తనకు సంబంధం లేదని, అయినా తనను టార్చర్ పెడుతున్నారని లేఖలో పెర్కున్నారు. శ్రీనివాసులరెడ్డి రెండు సూసైడ్ నోట్ లు రాసారు. ఒకటి సీఎం జగన్‌, వైఎస్‌ భాస్కర్‌రెడ్డికి శ్రీనివాసులరెడ్డి వేరు వేరుగా లేఖ రాశాడు. సూసైడ్‌ నోట్‌ను గమనించిన డాక్టర్లు, వాటిని కుటుంబ సభ్యులకు అందచేసారు. సీఐ రాములు, శ్రీనివాసులరెడ్డిని తీవ్రంగా వేధించినట్లు కుటుంబ సభ్యులు ఆరోపిస్తున్నారు.

శ్రీనివాసులు రెడ్డి ఆత్మహత్యపై ఆయన కుమారుడు స్పందిస్తూ. ‘‘రెండ్రోజుల క్రితం పోలీసులు విచారణకు పిలిచారు. వివేకానందరెడ్డి హత్య కేసుతో సంబంధం లేకపోయినా విచారణ ఎదుర్కోవడంతో అవమానంతో ఆత్మహత్యకు పాల్పడ్డాడు. వైఎస్‌ కుటుంబం అంటే మా నాన్నకు చాలా అభిమానం’’ అని శ్రీనివాసులు రెడ్డి కుమారుడు పేర్కొన్నాడు. తన బావ అయిన శ్రీనివాసులరెడ్డిని, గత నెల రోజులుగా పోలీసులు వేధిస్తున్నారని, ఈ కేసులో అనుమానితుడిగా ఉన్న మరో నిందితుడు పరమేశ్వర్‌రెడ్డి వాపోయాడు. వైఎస్‌ కుటుంబానికి 30 ఏళ్లుగా మేము సేవ చేస్తున్నామని, ఈ కేసుతో మాకు సంబంధం లేకపోయినా, నార్కో పరీక్షల కోసం తనను గుజరాత్‌ తీసుకెళ్లారని కన్నీటి ఆవేదన వ్యక్తం చేసారు. అయితే, ఈ ఆత్మహత్య పై పలు అనుమానాలు కూడా ఉన్నాయని, అవి పోలీసులు విచారణలో బయట పెట్టాలని, పలువురు వాపోతున్నారు.

ఆంధ్రప్రదేశ్ రాష్ట్ర ఆర్ధిక పరిస్థితి, విభజన తరువాత, తారు మారు అయిన సంగతి తెలిసిందే. అయితే విభజన అయిన తరువాత చంద్రబాబు ఉండటంతో, ఆదాయం స్థిరంగా వస్తూ ఉండేది. జీతాలకు, సంక్షేమానికి ఇబ్బంది ఉండేది కాదు. దానికి తగ్గట్టుగానే, 11 శాతం వృద్ధి రేటు స్థిరంగా ఉండేది. ఇప్పుడు అధికారం మారటంతో, జగన్ మోహన్ రెడ్డి ప్రభుత్వం వచ్చింది. గడిచిన రెండు నెలలుగా ఆదాయం పూర్తిగా పడిపోయింది. వృద్ధి రేటు 11 శాతం నుంచి 5 శాతానికి పడిపోయింది. దీంతో ఈ నెల నుంచి, జగన మోహన్ రెడ్డి ఎంతో ప్రతిష్టాత్మికంగా చేద్దాం అనుకుంటున్న సంక్షేమ కార్యక్రమాలకు ఎక్కడ నుంచి ఫండ్స్ తేవాలో, అర్ధం కాక, అధికార యంత్రాంగం టెన్షన్ పడుతుంది. జగన్ మోహన్ రెడ్డి కూడా, ఈ విషయం పై ఆరా తీసారు. వచ్చే రెండు నెలల్లో తాను చేపట్టబోయే కార్యక్రమాలు చెప్తూ, అధికారులకు వివరించారు.

వచ్చే రెండు నెలల్లో ఆదాయం ఎంత రావచ్చు, ఖర్చులు ఎంత అనేవి లెక్క గడితే, దిమ్మ తిరిగే ఫిగర్ వచ్చింది. అయినా సరే, ఈ కార్యక్రమాల పై ముందుకు వెళ్ళాల్సిందే అంటూ జగన్ పట్టుబట్టటంతో, ఆదాయం ఎలా తీసుకురావాలి అనే విషయం పై అధికారులు కిందా మీద పడుతున్నారు. జగన్ ప్రభుత్వం వచ్చిన ఈ మూడు నెలల్లో, ఇప్పటిదాకా ప్రభుత్వం వివిధ రంగాల్లో నిర్దేశించుకున్న లక్ష్యం మేరకు రాబడి రాలేదు. దీంతో వచ్చే రెండు నెలలు పరిస్థితి అంచనా వేస్తె, రూ.12,220 కోట్లు లోటు ఉందనే అంచనాకు అధికారులు వచ్చారు. గడిచిన మూడు నెలల్లో కేవలం 5 శాతం వృద్ధి, ఇప్పుడు రాబోయే రెండు నెలల్లో 12 వేల కోట్లు లోటు అంటే, ఇక రాష్ట్ర ఆర్ధిక పరిస్థితి, ఎలా పాతాళానికి పడిపోతుందో చెప్పే పనే లేదు.

ప్రతి నేలా యావేరేజ్ న, 8,500 కోట్లు ఆదాయం అంచనా వేసారు. అలాగే నెలకు 3 వేల కోట్ల వరకు అప్పు తీసుకునే అవకాసం ఉంటుంది కాబట్టి, ఇది కూడా ప్రభుత్వం తీసుకుంటుంది. ఈ రెండు కలిపి, రూ.11,500 కోట్ల వరకు ఆదాయం అంచనా వేసారు. ఇక నెలకు అయ్యే ఖర్చు, జీతాలు, ప్రతి నెలా ఇచ్చే పెన్షన్లు కలుపుకుని 10 వేల కోట్ల దాకా అవుతుంది. అయితే ఇక్కడ వరకు అయితే పరవాలేదు. కాని, ఈ రెండు నెలల్లో అనేక కొత్త సంక్షేమ పధకాల కోసం ప్రభుత్వం ఆలోచిస్తుంది. పెట్టుబడి రాయితీ, తిత్లీ సాయం, వైఎస్‌ఆర్‌ బీమా, ట్యాక్సీ డ్రైవర్లకు సాయం, రైతు భరోసా, ఇలా అనేక పధకాలు మొదలు పెడుతున్నాం అని జగన్ చెప్తున్నారు. ఇవన్నీ లెక్కేస్తే, రెండు నెలలకు అయ్యే అధిక ఖర్చు, 15,220 కోట్లు. ఇప్పటికే సామర్ధ్యానికి మించిన అప్పులు తీసుకున్నారు. కొత్త అప్పులు వచ్చే అవకాసం లేదు. కేంద్రం సాయం చేసినా ఎంతో కొంత చేస్తారు కాని, 15 వేల కోట్లు అంటే మామూలు విషయం కాదు. మరి, ఈ డబ్బులు ఎక్కడ నుంచి సర్దుబాటు చేస్తారో చూడాలి.