news

విశాఖ శారదా పీఠాధిపతి శ్రీ స్వరూపానందేంద్ర సరస్వతి స్వామి, ఇప్పుడు తెలుగు రాష్ట్రాల్లో సూపర్ ఐకాన్. ఇరు రాష్ట్రాల ముఖ్యమంత్రులు చెరో కాలు మీద పడి ఆయన ఆశీర్వాదం తీసుకుంటుంటే మనం అనేక సార్లు చూసాం. ఇరు రాష్ట్ర ముఖ్యమంత్రులు, ఒకరు నా ఆత్మ, ఒకరు నా ప్రాణం అని బహిరంగంగా స్వరూపానంద చేసిన వ్యాఖ్యలు మనం విన్నాం. స్వామి వారికి రూపాయికి ఎకరం స్థలం కూడా ఇచ్చారు. జగన్ ముఖ్యమంత్రి అవ్వటం కోసం, విశాఖ శారదా పీఠం పని చేసిందని, రాబోయే రోజుల్లో కూడా పని చేస్తుందని స్వామి గారు చెప్పుకొచ్చారు. ఒక స్వామీజీ ఇలా రాజకీయాలు చెయ్యటం, అదీ ఇలా బహిరంగంగా చెప్పటం, బహుసా ఇదే ప్రధమం అయ్యి ఉంటుంది. తాజగా స్వామి వారికి, మాజీ ముఖ్యమంత్రి చంద్రబాబు పై కోపం వచ్చింది. చంద్రబాబు పై ఎంక్వైరీ వెయ్యమని, ప్రస్తుతం ప్రభుత్వంలో ఉన్న జగన్ ను కోరారు. మరి జగన్ చిరకాల కోరిక తీర్చిన స్వామి గారి విజ్ఞప్తిని, జగన్ గారు తీరుస్తారో లేదో చూడాలి. అసలు విషయం ఏంటి అంటే, స్వరూపానందేంద్ర సరస్వతి, సింహాచలం శ్రీ వరాహ లక్ష్మీనరసింహ స్వామిని దర్శించుకున్నారు.

లక్ష్మీనరసింహ స్వామి ఆలయంలో ప్రత్యేక పూజలు నిర్వహించారు. తరువాత మీడియాతో మాట్లాడుతూ, తాను రెండు నెలల 20 రోజుల పాటూ చతుర్మాత దీక్షకు వెళుతున్నట్లు తెలిపారు.ఈ సందర్భంగా, ఉన్నట్టు ఉండి చంద్రబాబు పై విమర్శలు చేసారు. గతంలోని చంద్రబాబు పాలన పై సంచలన వ్యాఖ్యలు చేశారు స్వరూపానంద . చంద్రబాబు నీరుకి అధిక ప్రాధాన్యత ఇస్తూ, నదులకు, చెరువులకు జల హరతి కార్యక్రమం చేసిన విషయం తెలిసిందే. నీటి విలువ తెలియచేస్తూ, ఈ కార్యక్రమం చేపట్టారు. అయితే చంద్రబాబు ప్రభుత్వం నదీ హారతులు పేరుతో ప్రజా ధనాన్ని వృధా చేసిందని స్వరూపానంద విమర్శించారు. దీని పై విచారణ జరపాలని, జగన్ ప్రభుత్వాన్ని కోరారు. ఇదే విషయం పై త్వరలోనే జగన్ మొహన్ రెడ్డిని కలిసి, చంద్రబాబు పై విచారణ చెయ్యమని కోరతానని చెప్పారు. అయితే ఒక స్వామీజీకి ఇలా ఒక వ్యక్తిని టార్గెట్ చెయ్యటం చూస్తున్న ప్రజలు మాత్రం, ముక్కున వేలు వేసుకుంటున్నారు. అన్ని వ్యవస్థల్లో మార్పు వస్తున్నట్టే, ఆధ్యాత్మికంలో మునిగి తేలే స్వమీజీలు కూడా కాలానికి అనుగుణంగా మారతున్నారు ఏమో అని ప్రజల భావన...

గత నెల రోజులుగా వైసీపీ చేస్తున్న దాడులలో చనిపోయిన తెలుగుదేశం పార్టీ కార్యకర్తల కుటుంబాలకు భరోసా ఇవ్వటానికి, తెలుగుదేశం పార్టీ అధ్యక్షుడు, మాజీ ముఖ్యమంత్రి చంద్రబాబు నాయుడు, ఈ రోజు నుంచి జిల్లాల పర్యటన మొదలు పెట్టారు. ముందుగా, ఈ రోజు, ప్రకాశం జిల్లా చినగంజాం మండలం రుద్రమాంబపురంలోని తెలుగుదేశం కార్యకర్త పద్మ కుటుంబాన్ని పరామర్శించారు. వైసీపీ దాడిలో, ఆమెను రోడ్డు మీద వివస్త్రను చేయడంతో మనస్తాపానికి గురై, ఆమె ఆత్మహత్య చేసుకుని చనిపోయారు. ఈ రోజు చంద్రబాబు ఆమె కుటుంబ సభ్యలను పరామర్శించి, 7.65 లక్షల రూపాయల ఆర్ధిక సాయం, పార్టీ వైపు నుంచి అందించారు. కుటుంబ నేపధ్యం అడిగి తెలుసుకున్నారు. మృతి చెందిన పద్మ పిల్లల్ని, ఎన్టీఆర్‌ ట్రస్ట్‌ ద్వారా చదివిస్తామని హామీ ఇచ్చారు. కుటుంబానికి అండగా ఉంటానని, ఏ సహాయం కావాలన్నా, తన వద్దకు వస్తే అన్నీ చూసుకుంటానని చంద్రబాబు అన్నారు. ఈ సందర్భంగా చంద్రబాబు, అక్కడ ప్రజలను ఉద్దేశించి మాట్లాడారు.

ఓక్ మహిళ అని కూడా చూడకుండా, రోడ్డు పైకి ఈడ్చుకొచ్చి, తన్నారని, చివరకు ఆమె చావుకు కారణం అయ్యారని మండిపడ్డారు. ఆమెను నడి రోడ్డు పై వివస్త్రను చేసి సెల్‌ఫోన్‌లో వీడియో తీసుకున్నారని, ఇలాంటి పనులు దారుణమని అన్నారు. నాగరిక సమాజంలో బ్రతుకుతూ, ఒక ఒక ఆడబిడ్డ పట్ల ఇంత అమానుషంగా ప్రవర్తిస్తారా అని ధ్వజమెత్తారు. ఇంత పెద్ద ఘటన జరిగితే, జగన్ మాట్లాడడు, హోంమంత్రి ఇలాంటివి అన్నీ మామూలే, అందరికీ కాపలా ఉన్దేలం అంటున్నారు అని అన్నారు. కళ్ల ముందే దోషులు తిరుగుతున్నా, వారిని ఏమి చెయ్యలేని ఈ ప్రభుత్వం ఎందుకని అన్నారు. రాష్ట్రాన్ని మరో పులివెందుల చేద్దామనుకుంటున్నారా ? అని ప్రశ్నించారు. ఈ దాడిలో పద్మ భర్తకు కూడా తీవ్ర గాయాలయ్యాయని చంద్రబాబు అన్నారు. మనవాళ్లను కొట్టి తిరిగి మనవాళ్లపైనే కేసులు పెడతున్నారని, ఇలా అయితే ప్రజలు తిరగబడతారని అన్నారు.

ఈ రోజు ప్రవేశపెపెట్టిన కేంద్ర బడ్జెట్ పై, ఆంధ్రప్రదేశ్ మాజీ ముఖ్యమంత్రి చంద్రబాబు నాయుడు స్పందించారు. కేంద్రం బడ్జెట్ వల్ల ఆంధ్రప్రదేశ్ర్ రాష్ట్రానికి మరోసారి అన్యాయం జరిగిందని, ఏపి ప్రజల ఆకాంక్షని అసలు పట్టించుకోలేదని చంద్రబాబు అన్నారు. చాలా రంగాలకు బడ్జెట్ లో స్థానం కల్పించలేదని, పేదల సంక్షేమం పూర్తిగా మర్చిపోయారని అన్నారు. సామాన్య ప్రజలకు భరోసా కల్పించటం, రైతులకు, మహిళలకు, యువతకు తోడ్పాటు అందించే అంశాలు లేవని అన్నారు. రాష్ట్ర సమస్యలు అయిన ప్రత్యెక హోదా, ఆర్ధిక లోటు వంటి అంశాలు విభజన చట్టంలో ఉన్నాయని, వాటిని అసలు పట్టించుకోలేదని చంద్రబాబు అన్నారు. ఆంధ్రప్రదేశ్ ప్రజలకు ఈ బడ్జెట్ వల్ల ఏమి ఉపయోగం లేదని చంద్రబాబు అన్నారు. విభజన చట్టంలో ఉన్న ఏ ఒక్క అంశం పైనా స్పష్టత ఇవ్వలేదని, ఆంధ్రప్రదేశ్ పై కేంద్రం చూపించే వివక్ష కొనసాగుతూనే ఉందని చంద్రబాబు అన్నారు.

రూ.16వేల కోట్ల లోటు బడ్జెట్ పుడ్చాల్సి ఉంటే, రూ.4వేల కోట్లు మాత్రమే ఇప్పటి వరకు ఇచ్చారని, మిగిలినది ఇస్తామని, లేకపోతే ఇంతే ఇస్తామని, ఇలా ఏమి చెప్పలేదని, అసలు లోటు బడ్జెట్ పై కేటాయింపులు ఈ బడ్జెట్ లో లేవని అన్నారు. ఐఐటీ, ఎన్‌ఐటీ, ఐఐఎం, ట్రిపుల్ ఐటీ, ఐఐఎస్‌ఆర్‌ తదితర విద్యాసంస్థల ఏర్పాటు బాధ్యత కేంద్రానిది అని, వీటికి ఈ బడ్జెట్ లో ఒక్క పైసా కూడా కేటాయించలేదని చంద్రబాబు అన్నారు. ఇక రాజధాని అమరావతి, పోలవరం ప్రాజెక్టుల కేటాయింపులు లేవని చంద్రబాబు అన్నారు. ఈ రెండు ప్రాజెక్ట్ లు నిలిచిపోయి రెండు నెలలు అవుతున్నా, అటు కేంద్రం కాని, ఇటు రాష్ట్రం కాని పట్టించుకోవటం లేదని చంద్రబాబు అన్నారు. మరో పక్క మరో విభజన హామీ అయిన విశాఖ, విజయవాడ మెట్రోలతో పాటు కడప స్టీల్ ప్లాంట్, దుగరాజపట్నం పోర్టు తదితర అంశాల పై అసలు ప్రస్తావనే లేదని చంద్రబాబు ఆగ్రహం వ్యక్తం చేసారు. అయితే డిజిటల్ చెల్లింపుల పై వేస్తున్న పన్ను ఎత్తివేస్తున్నట్టు ప్రకటించటం మంచి విషయమని, డిజిటల్ చెల్లింపులకు కమిటీకి ఛైర్మన్‌గా ఉన్నప్పుడు మేమిచ్చిన సిఫార్సుల్లో ఇదే కీలకం అని, దాన్ని ఇప్పటికైనా అమలు చేసినందుకు ప్రజలకు మేలు చేస్తుందని చంద్రబాబు అన్నారు.