news

ఎన్నికల్లో తెలుగుదేశం పార్టీ ఓడిపోవటానికి ప్రధాన కారణం ఏంటి అని అడిగితే, ఎవరైనా ఒక పాయింట్ మాత్రం ఖచ్చితంగా చెప్తారు. అదేంటి అంటే, వైసీపీ చేస్తున్న తప్పుడు ప్రచారాన్ని లైట్ తీసుకుని, దాన్ని తిప్పికొట్టటంలో తెలుగుదేశం పార్టీ విఫలం అవ్వటం. చివరకు వైసీపీ చేసిన ప్రచారామే నిజమని ప్రజలు నమ్మటం. సోషల్ మీడియా నుంచి మెయిన్ స్ట్రీమ్ మీడియా దాకా, పోయిన సారి వైసీపీ చేసింది ఇదే. అయితే, ఓడిపోయిన తరువాత పాఠాలు నేర్చుకున్న తెలుగుదేశం పార్టీ, ఈ సారి మాత్రం, అలా జరగనివ్వటం లేదు. వైసీపీ చేస్తున్న ప్రతి ఆరోపణ తిప్పి కొడుతుంది. తాజగా నిన్న వైఎస్ జగన్, ఎమ్మెల్యేలకు ఇచ్చే శిక్షణా తరగతిలో మాట్లాడుతూ, రాజశేఖర్ రెడ్డి సియంగా ఉన్న టైములో, చంద్రబాబు నేను అబద్ధాలు మాత్రమే చెప్తానని అన్నారని, మనం అలా అబద్ధాలు చెప్పవద్దు అంటూ చెప్పిన విషయం పై లోకేష్ ఘాటైన కౌంటర్ ఇచ్చారు.

అప్పటి పేపర్ క్లిప్పింగ్స్ తో పాటు, ఆనాడు అసెంబ్లీలో చంద్రబాబు మాట్లాడిన విషయాన్ని కూడా యధాతధంగా తన ట్విట్టర్ లో పోస్ట్ చేసారు. అసెంబ్లీ రికార్డ్స్ నుంచి తీసుకువచ్చి, చంద్రబాబు మాట్లాడిన మాటలు పోస్ట్ చేసారు. ఎల్లంపల్లి ప్రాజెక్ట్ విషయంలో, రాత్రికి రాత్రి 400 కోట్లు అంచనాలు పెంచేసిన విషయం పై ఆ రోజు తెలుగుదేశం పార్టీ, వైఎస్ఆర్ అవినీతిని ఎలా బయట పెట్టింది చెప్పారు. ఆ నాడు ఒక వ్యుహ్యం ప్రకారం చంద్రబాబు మాట్లాడిన విషయం, తరువాత ఆ వ్యూహంలో ఇరుక్కుని వైఎస్ఆర్ ప్రభుత్వం, ఆ రోజు అసెంబ్లీలో ఎలా గిజగిజలాడింది లోకేష్ పోస్ట్ చేసారు. చంద్రబాబు అబద్దాలు చెప్తారు అంటూ జగన్ చేసిన వ్యాఖ్యలకు, కౌంటర్ ఇస్తూ, ఆ రోజు జరిగిన ధనయజ్ఞం, 400 కోట్ల స్కాం గురించి, జగనే మళ్ళీ ప్రజలకు గుర్తు చేసినందుకు, లోకేష్ ధన్యవాదాలు చెప్పారు. మరి దీని పై జగన్ ఎలా స్పందిస్తారో చూద్దాం..

టీడీపీకి చెందిన ధర్మవరం మాజీ ఎమ్మెల్యే గోనుగుంట్ల సూర్యనారాయణ అలియాస్ వరదాపురం సూరి, తెలుగుదేశం పార్టీని వీడి, బీజేపీ పార్టీలో చేరిన సంగతి తెలిసిందే. బీజేపీలో చేరిన తరువాత, వరదాపురం సూరి మొట్టమొదటి సారిగా, ధర్మవరం పట్టణంలో తన క్యాడర్ తో సమావేశం నిర్వహించారు. ధర్మవరం నియోజకవర్గంలో వైసీపీ చేస్తున్న అరాచకం తట్టుకోలేక , కార్యకర్తలను కాపాడటం కోసం, బీజేపీలో చేరాల్సి వచ్చిందని, సూరి అన్నారు. ఈ సమావేశానికి నియోజకవర్గం నలు మూలాల నుంచి, ఆయన అబిమానులు తరలి వచ్చారు. ఈ సందర్భంగా సూరి మాట్లాడుతూ, గత ఎన్నికల్లో ఫలితాలు వచ్చిన దగ్గర నుంచి, వైసీపీ నేతలు అరాచకం చేస్తున్నారని, అధికారంలోకి వచ్చిన మరుసటి రోజు నుంచి, గొడవలు చేస్తూ, ఏకంగా ఒక కార్యకర్తను నిర్ధాక్షిణ్యంగా చంపడం బాధ కలిగించందని సూరి అన్నారు.

ఇలాంటి సమయంలో, ఈ అరాచకాలను అడ్డుకుని, నియోజకవర్గంలో తనను నమ్ముకున్న కార్యకర్తలకు అండగా నిలవాలనుకుని, దేశంలో జరుగుతున్న రాజకీయ పరిణామాలను కూడా చూసి, తెలుగుదేశం పార్టీని వీడి బీజేపీలో చేరినట్టు చెప్పారు. తెలుగుదేశం పార్టీని వీడుతున్నానన్న అనే మాట చెబుతున్నప్పుడు సూరి తీవ్ర భావోద్వేగానికి గురై కంటతడి పెట్టారు. రాజకీయాల్లోకి వచ్చిన దగ్గర నుంచి సూరి, తెలుగుదేశం పార్టీలో కొనసాగారు. మాజీ మంత్రి దివంగత పరిటాల రవీంద్రకు సన్నిహితుడిగా ఉన్నారు. 2009లో ధర్మవరం నుంచి టీడీపీ టిక్కెట్టు రాకపోవటంతో, స్వతంత్ర అభ్యర్థిగా పోటీచేసి ఓడిపోయారు. తరువాత 2014లో ధర్మవరం నియోజకవర్గం నుంచి టీడీపీ అభ్యర్థిగా పోటీచేసి వైసీపీ అభ్యర్థి కేతిరెడ్డి వెంకట్రామిరెడ్డి పై విజయం సాధించారు. 2019 ఎన్నికల్లో వైసీపీ ప్రత్యర్థి కేతిరెడ్డి వెంకట్రామిరెడ్డి పై ఓడిపోయారు.

గత ఎన్నికల సమాయంలో జగన్ విధానాలు నచ్చక, అవమానాలు భరించలేక, వంగవీటి రాధా, తెలుగుదేశం పార్టీలో చేరిన సంగతి తెలిసిందే. అయితే ఇప్పుడు తెలుగుదేశం పార్టీ అధికారం కోల్పోవటంతో, రాధా మళ్ళీ పార్టీ మార్పు పై ఆలోచనలో పడ్డారని వార్తలు వచ్చాయి. ఈ నేపధ్యంలో వారం క్రితం, వంగవీటి రాధ, జనసేన అధినేత పవన్ కళ్యాణ్ తో, వరుసగా రెండు రోజులు పాటు భేటీ అవ్వటం ప్రాధాన్యత సంతరించుకుంది. ఆయన జనసేన పార్టీలో చేరుతున్నారని, రంగా జయంతి రోజున పవన్ కళ్యాణ్ సమక్షంలో, జనసేన కండువా కప్పుకుంటారని వార్తలు వచ్చాయి. రాధా అభిమానులు, అనుచారాలు కూడా ఇదే విషయం చెప్పుకుంటూ వచ్చారు. అయితే ఈ రోజు రంగా జయంతి సందర్భంగా, విజయవాడలో జరిగిన కార్యక్రమంలో రాధా పాల్గున్నారు. అయితే, అందరూ అనుకున్నట్టు జనసేన పార్టీ చేరిక విషయం పై మాత్రం, ఎలాంటి క్లారిటీ ఇవ్వలేదు. దీంతో ఆయన అభిమానులు నిరాస చెందారు.

ఈ రోజు రంగా 72 వ జయంతి సందర్భంగా, విజయవాడలోని బందర్ రోడ్డులో రంగా విగ్రహానికి పూల మాల వేసి, అక్కడ జరిగిన కార్యక్రమంలో వంగవీటి రాధా పాల్గున్నారు. ఇక్కడ జరిగిన కార్యక్రమానికి, రాధా రంగా మిత్రమండలి సభ్యులు, అభిమానాలు పెద్ద ఎత్తున హాజరయ్యారు. ఈ సందర్భంగా, రాధా మాట్లాడుతూ, వంగవీటి మోహన రంగా అశయాల సాధన కోసం కృషి చేస్తానని అన్నారు. బడుగు వర్గాల కోసం రంగా పని చేసరాని, రంగా ఏ ఒక్క వర్గానికి చెందినవారు కాదని రాధా చెప్పుకొచ్చారు. అయితే జనసేన పార్టీలో చేరే విషయం పై, ఈ రోజు రాధా ప్రకటన చేస్తారాని, అభిమానులు, అనుచరులు అనుకున్నా, రాధా మాత్రం, ఆ విష్యం పై ఎక్కడా మాట్లాడలేదు. కనీసం, పార్టీ మార్పు పై సంకేతం కూడా ఇవ్వలేదు. దీంతో అసలు రాధా పార్టీ మారతారా, లేకపోతె తెలుగుదేశం పార్టీలోనే ఉంటారా అనేది తెలియాల్సి ఉంది.