news

జగన్ ప్రభుత్వం అట్టహసంగా ఈ రోజు రైతు దినోత్సవం చేసిన సంగతి తెలిసిందే. మొన్నటి దాకా, ప్రకృతితో మమేకమయ్యే ఏరువాక కార్యక్రమం, పౌర్ణమి రోజున చంద్రబాబు ప్రభుత్వం చేసేది. చంద్రబాబు ప్రభుత్వమే కాదు, మన ఆచారం కూడా అదే. పల్లెటూరుల్లో, పౌర్ణమి రోజున ఏరువాక కార్యక్రమంతో, పనులు మొదలు పెడతారు. అయితే, ప్రభుత్వం మారటంతో, జగన్ గారి నాన్న అయిన వైఎస్ఆర్ పుట్టిన రోజున, జులై 8 న రైతు దినోత్సవం చేస్తున్నట్టు ప్రభుత్వం ప్రకటించింది. ఈ రోజు రాష్ట్ర వ్యాప్తంగా, రైతులకు అది చేస్తా, ఇది చేస్తాం, రాజన్న రాజ్యం అంటూ ఊదరగొట్టారు. నిజంగా రైతులకు ఏమి సహాయం చేస్తున్నారో కాని, ఒక పక్క రైతులకు మాత్రం విత్తనాలు లేక విలవిలలాడుతున్నారు. రాయలసీమలో వేరుశనగ విత్తనాల కోసం, డెల్టా ప్రాంతంలో నీళ్ళ కోసం రైతులు ఎదురు చూస్తున్నారు. జూలై రెండో వారం వచ్చినా, ఇంకా రైతులు ఇబ్బంది పడుతూనే ఉన్నారు. ఈ రోజు ప్రభుత్వం రైతు దినోత్సవం అని ఘనంగా చేసి, గొప్పగా మాది రైతు ప్రభుత్వం అని చెప్పుకుంటుంటే, ఇదే రోజు అనంత రైతులు రోడ్డు ఎక్కి ఆందోళన చేస్తున్నారు.

గత నెల రోజుల నుంచి, విత్తనాల కోసం అల్లాడిపోయిన రైతులు, ఈ రోజు కూడా ఉద్యోమించారు. అనంతపురం జిల్లాలో వేరుశనగ విత్తనాల కోసం ఆందోళన చేస్తున్నారు. ఈ రోజు వేరుశనగ విత్తనాలు ఇస్తామని రైతులని పిలిపించి, కొంచెం సేపు ఆగి ఈ రోజుకు స్టాక్ లేదని వ్యవసాయ అధికారులు చేతులు ఎత్తేయడం పై రైతులు ఆగ్రహం వ్యక్తం చేసారు. ఉరవకొండ మండలంలో, అయుదు గ్రామాల రైతులకు, ఈ రోజు విత్తనాలు ఇస్తాం రమ్మని అధికారులు కబురు పంపారు. ఎన్నాళ్ళకు పిలిచారో అని రైతులు అనుకుని, రైతులంతా వ్యవసాయ మార్కెట్ కార్యాలయానికి చేరుకున్నారు. కొంచెం లేట్ అయినా విత్తనాలు వస్తాయని ఆశ పడ్డారు. అయితే ఉదయం 10 గంటల ప్రాంతంలో కార్యాలయానికి వచ్చిన అధికారులు, ఇంకా విత్తనాల స్టాక్ రాలేదనీ, వచ్చిన తరువాత కబురు చేస్తాం, వెళ్ళిపొండి అని రైతులకు చెప్పటంతో, వారి ఆగ్రహం కట్టలు తెంచుకుంది. [ఇంత అన్యాయం చేస్తారా అంటూ, ఐదు గ్రామాల రైతులు ఉరవకొండ-గుంతకల్ రహదారి పై గంట పాటు బైఠాయించి ఆందోళన చేసారు. చివరకు పోలీసులు రావటంతో, చేసేది లేక, అక్కడ నుంచి రైతులు వెళ్ళిపోయారు. ఇది రైతు దినోత్సవం చేస్తున్న ప్రభుత్వం, ఈ రోజు రైతులకు ఇచ్చిన గిఫ్ట్...

అమెరికాలో ప్రతి ఏటా జరిగే తానా మాహసభలు, ఈ సార్ కూడా అంగరంగవైభవంగా జరిగాయి. తానా 22వ మహాసభలు, మూడు రోజుల పటు వాషింగ్టన్‌ డీసీలో జరిగాయి. తెలుగు రాష్ట్రాల నుంచి చాలా మంది సెలబ్రిటీలు, రాజకీయ నాయకులు అక్కడకు వెళ్లారు. ఈ సభలో కొత్త తానా అధ్యక్షుడుని ఎన్నుకున్నారు. మొన్నటి వరకు ఉన్న వేమన సతీష్ స్థానంలో, ఖమ్మంకు చెందిన తాళ్లూరి జయశేఖర్‌ ను కొత్త తానా అధ్యక్షుడిగా ఎన్నుకున్నారు. మరో పక్క పవన్ కళ్యాణ్ తో పాటు వివిధ రాజకీయ నాయకులు పాల్గున్నారు. బీజేపీ జాతీయ కార్యదర్శి రాం మాధవ్‌ కూడా ఈ వేడుకల్లో పాల్గున్నారు. అయితే రాం మాధవ్ కు మాత్రం, ఈ సారి తానా వేడుకులు చేదు అనుభవాన్ని మిగిల్చాయి. ఆయన తానా సభల్లో తన ప్రసంగం మొదలు పెట్టిన తీరు చూసి అక్కడ ఉన్న తెలుగు వారు అడ్డు పడ్డారు. దేశంలో మోడీ హయాం లో ఇలా జరిగింది, అలా జరిగింది అని చెప్తూ ఉండగా, అక్కడ ప్రవాసాంధ్రులు అడ్డుతగిలారు. ఈలలు, కేకలు వేస్తూ, రాంమాధవ్‌ ప్రసంగం ఆపేసి, వెళ్ళిపోవాలని నినాదాలు చేశారు.

నిర్వాహుకులు వచ్చి అలా చెయ్యద్దు అని ఎంత చెప్పినా, తెలుగు రాష్ట్రాలకి, ముఖ్యంగా ఏపికి చేసిన అన్యాయం చాలక, మళ్ళీ ఇక్కడకు వచ్చి కూడా మోడీ డబ్బా ఎందుకు అంటూ, ఆందోళన కొనసాగించారు. దీంతో ఎంత సేపటికి, ఎవరూ ఆందోళన విరమించకపోవటంతో, రాం మాధవ్ తన ప్రసంగాన్ని అర్ధంతరంగా ముగించి వెళ్ళిపోయారు. అయితే ఈ పరిణామం పై బీజేపీ ఎదావిధిగా, అక్కడ జరిగింది అంతా, తెలుగుదేశం ప్లాన్ అంటూ, విమర్శలు మొదలు పెట్టింది. కన్నా లక్ష్మీనారయణ మాట్లాడుతూ, అవి తానా మహాసభలు కావని, అవి తెలుగుదేశం మహా సభలు అని, రాం మాధవ్ గారు జాతీయ వాదం గురించి చెప్తుంటే, లోకేష్ గ్యాంగ్ ఆయన్ను అడ్డుకుంది అని చెప్పుకొచ్చారు. అయితే అవి టిడిపి మహా సభలు అయినప్పుడు, అక్కడ ఉన్నది లోకేష్ గ్యాంగ్ అయినప్పుడు, మరి బీజేపీ నేతలు అక్కడకు ఎందుకు వెళ్లినట్టు ? ఈ ప్రశ్నకు మాత్రం, ఎవరూ సమాధానం చెప్పరు. అమెరికాలో ఎదో జరిగితే కూడా, లోకేష్ డబ్బులు ఇచ్చి చేపించాడు అనేంత మేధావులు కన్నా గారు.

నిన్న శ్రీకాకుళంలో జిల్లా, సోంపేట మండలం పలాసలో తెలుగుదేశం పార్టీ ఎమ్మెల్యే అశోక్‌ పై, వైసీపీ కార్యకర్తలు దాడి చేసిన విషయం మర్చిపోక ముందే, ఈ రోజు మరో తెలుగుదేశం పార్టీ ఎమ్మెల్యే పై దాడికి ప్రయత్నం చేసారు వైసీపీ కార్యకర్తలు. ప్రకాశం జిల్లా కొండపి నియోజకవర్గ తెలుగుదేశం పార్టీ ఎమ్మెల్యే బాల వీరాంజనేయస్వామి పై వైసీపీ కార్యకర్తలు దాడికి ప్రయత్నించటం సంచలనంగా మారింది. అది కూడా ఒక ప్రభుత్వ అధికారిక కార్యక్రమంలో. స్థానికంగా ఉన్న ఓ కల్యాణమండపంలో నిర్వహిస్తున్న రైతుభరోసా కార్యక్రమానికి ఎమ్మెల్యే బాల వీరాంజనేయస్వామి హాజరయ్యారు. అయితే ఆయన్ను అక్కడకు రాకుండా వైసీపీ కార్యకర్తలు అడ్డుకున్నారు. ఎమ్మెల్యే వెనక్కి వెళ్లాలంటూ హడావిడి చేసారు, ఈ సందర్భంగా తోపులాట జరిగింది. ఇంత హడావిడి జరగటంతో, ఎమ్మెల్యే కల్యాణమండపం బయటే ఉండిపోయారు. ఇంత జరుగుతున్నా, పోలీసులు కూడా వారిని వారించలేక పోయారు.

ఈ సందర్భంగా, ఎమ్మెల్యే బాల వీరాంజనేయస్వామి మీడియాతో మాట్లాడుతూ, తన ఆవేదన చెప్పుకున్నారు. ఇది ప్రభుత్వ కార్యక్రమం అని, ఈ కార్యక్రమానికి వెళ్తునట్టు తాను ముందే, పోలీసులకు ముందుగానే సమాచారం ఇచ్చానని తెలిపారు. అయినా తనకు పోలీసులు సరైన రక్షణ కల్పించలేదని ఆవేదనచెందారు. ఒక ఎమ్మెల్యే ప్రభుత్వ కార్యక్రమంలో పాల్గునలేక పొతే, ఇంకా ఈ ప్రభుత్వం ఎందుకుని ప్రశ్నించారు, ఓ ఎమ్మెల్యేకే రక్షణ ఇవ్వలేకపోతే, ఇక సామాన్యుల పరిస్థితి ఏంటని పోలీసులని ప్రశ్నించారు. ప్రభుత్వ కార్యక్రమానికి హాజరవుతున్న తనను అడ్డుకుంటే, ఇంకా ఎవరికీ చెప్పుకోవాలని అన్నారు. ఒక పక్క కార్యకర్తలను చంపేస్తూ, మరో పక్క ఎమ్మెల్యేల పై దాడులు చేస్తుంటే, హోం మంత్రి మాత్రం ఏమి స్పందించటం లేదని అన్నారు.