news

ఇది వరకు పెన్షన్లు అంటే పెద్దగా పెట్టించుకునేవారు కాదు. కాంగ్రెస్ హయంలో కేవలం 200 రూపాయలు ఇచ్చే వారు. వాటితో ఏమి చేసుకోలేని పరిస్థితి. ఈ నేపధ్యంలో, పాదయాత్రలో వారి కష్టాలు చూసిన చంద్రబాబు, అధికారంలోకి రాగానే అయుదు రెట్లు పెంచి, వెయ్య రూపాయలు చేసారు. దీంతో ముసలి అవ్వలకు, తాతలకు పెన్షన్లు భరోసా ఇచ్చాయి. ఇక చంద్రబాబు వీటిని వెయ్యి నుంచి, రెండు వేలుకు పెంచారు. దీంతో వీరి ఆనందానికి అవధులు లేకుండా పోయాయి. ముసలి వయసులో వదిలేసిన, కొడుకులు, కోడళ్ళు కూడా వారిని తెచ్చి ఇంట్లో పెట్టుకున్న పరిస్థితి. అయితే ఎన్నికల ప్రాచారంలో చంద్రబాబు, జగన్ ఇద్దరూ , పెన్షన్ 3 వేలు చేస్తామని చెప్పారు. ప్రజలు చంద్రబాబుని ఓడించి, జగన్ కు అవకాసం ఇచ్చారు. కాని జగన్ మాత్రం, 3 వేలు కాకుండా 250 పెంచి, 2250 చేసారు. 3 వేలకు పెంచుకుంటూ పోతాం అని ప్రకటించారు.

అయితే పెంచిన 250 పోయిన నెల ఇవ్వలేదు. ఈ నెల నుంచి ఇస్తునట్టు ప్రకటించారు. ప్రతి నెల లాగే, హుషారుగా పెన్షన్ తీసుకోవటానికి వెళ్ళిన వృద్ధులకు, వికలాంగులకు షాక్ తగిలింది. పెన్షన్లు ఈ రోజు ఇవ్వటం లేదని, ఈ నెల కొంచెం ఆలస్యంగా, 8 వ తారీఖు ఇస్తామని చెప్పారు. చంద్రబాబు ఉండగా, జీతాలు ఇచ్చినట్టు ఒకటవ తారీకు పెన్షన్ ఇస్తూ ఉండటంతో, ఎంతో మంది మందులకు, ఇతర ఖర్చులకు, మొదటి వారంలోనే ఖర్చు పెట్టే వారు. అయితే మొదటి సారి, పెన్షన్లు వారం లేట్ గా వస్తున్నాయి అని తెలుసుకుని, ఉసూరు మంటూ వెనుతిరిగి ఇళ్ళకు వెళ్లారు. అసలు ఎందుకు లేట్ గా ఇస్తున్నారు అయ్యా, అని కొంత మంది వృద్ధులు అడగగా, ఆ సమాధానం విని, వీరు అవాక్కయ్యారు. 8 వ తారీఖు జగన్ తండ్రి రాజశేఖర్ రెడ్డి పుట్టిన రోజు అని, అందుకే ఆ రోజు నుంచి పెన్షన్ ఇస్తామని చెప్పటంతో, అవాక్కవ్వటం వీరు వంతు అయ్యింది. మందులు అవి కొనుక్కోవటానికి, మరో వారం రోజులు ఆగాలని, ఇలా పుట్టిన రోజులు, పోయిన రోజులు అని మా పొట్ట కొడితే ఎలా అని లబోదిబో మంటూ ఇంటికి వెళ్ళిపోయారు. ప్రభుత్వం నిర్ణయం తీసుకుంటే, ఇక ఎవరైనా ఏమి చేయగలరు...

ఎన్నికల్లో చంద్రబాబు ఓడిపోయిన తరువాత, ఆయన పై కక్ష సాధింపు చర్యలు ఎక్కువయ్యాయి. అటు కేంద్రం, ఇటు రాష్ట్రం కూడా చంద్రబాబుని టార్గెట్ చేస్తూ ముందుకు వెళ్తున్నారు. కేంద్రంలో ఉన్న బీజేపీ పెద్దలు, చంద్రబాబుని ఎలా అయినా 2 ఏళ్ళలో జైలుకు పంపిస్తాం అంటున్నారు. ఇంకా చంద్రబాబే అధికారంలో ఉన్నారన్నట్టు, ప్రతి రోజు చంద్రబాబు పైనే విమర్శలు చేస్తున్నారు. ఆటు కేంద్రం సంగతి అలా ఉంటే, ఇటు జగన్ ప్రభుత్వం కూడా అదే పని చేస్తుంది. కాకపోతే వాళ్ళు 2 ఏళ్ళు అంటుంటే, జగన్ మాత్రం, 45 రోజుల్లో తేలి పోవాలి అంటున్నారు. చంద్రబాబుని జైలుకు పంపటం కోసం, ఏకంగా ఒక క్యాబినెట్ సబ్-కమిటీని వేసారు. ఈ క్యాబినెట్ సబ్ కమిటీ చంద్రబాబుని ఏ ఏ విషయాలో ఇరికించాలి, ఎలా ఇరికించాలి అనే విషయం పై మాట్లాడటానికి నిన్న జగన్ ను కలిసారు. 45 రోజుల్లోనే అన్ని విషయాలు లోతుగా చూసి, చంద్రబాబు అవినీతి చేసారనే ఆధారాలు బయట పెట్టాలని జగన్ ఆదేశించారు.

చంద్రబాబు ప్రభుత్వం చేసిన 30 అంశాల పై గట్టిగా ఫోకస్ పెట్టాలని, క్యాబినెట్ సబ్ కమిటీకి జగన్ ఆదేశించారు. పోలవరం, సీఆర్‌డీఏ, మైనింగ్ లీజులు, సాగునీటి ప్రాజెక్టుల కాంట్రాక్టులు, ప్రభుత్వ, ప్రైవేటు భాగస్వామ్యంతో ప్రారంభించిన వివధ పధకాలు, అన్నీ సమీక్ష చెయ్యాలని, దీని కోసం అధికారులను కూడా కలిసి, అన్ని వివరాలు తీసుకోవాలని జగన్ కోరారు. ప్రతి 5 రోజులుకు క్యాబినెట్ సబ్ కమిటీ సమావేశం అయ్యి, చంద్రబాబుని ఎలా ఇరికించాలి అనే విషయం పై చర్చిస్తారు. అయితే ఇప్పటికి ప్రభుత్వం వచ్చి 40 రోజులు అవుతున్నా, చంద్రబాబు పై ఒక్క అవినీతి ఆరోపణ కూడా ప్రూవ్ చెయ్యక పోవటం పై జగన్ అసహనంగా ఉన్నారు. ఇప్పటికే ఉద్యోగులకు కూడా ఆఫర్ ఇచ్చారు. చంద్రబాబు అవినీతి బయట పడితే సన్మానిస్తామని చెప్పారు. అయితే ఇప్పటి వరకు, ఎవరూ సరైన ఆధారాలు బయట పెట్టలేదు. ఇది ఇలా ఉంటే, తెలుగుదేశం నేతలు మాత్రం, చంద్రబాబుని ఏమి చెయ్యాలేరని, అంటున్నారు. సాక్షాత్తు నరేంద్ర మోడీ, స్పెషల్ టీం లు పెట్టి, చంద్రబాబు పై గత ఏడాదిగా ఫోకస్ పెట్టారని, ఎక్కడా వాళ్ళకు అవినీతి దొరకలేదని, ఇక్కడ జగన్ కూడా చేసేది ఏమి ఉండదని అంటున్నారు.

జగన్ మోహన్ రెడ్డి, ఈ రోజు నుంచి తాడేపల్లిలోని తన నివాసంలో, ప్రతి రోజు ఉదయం ప్రజా దర్భార్ నిర్వహిస్తారని చెప్పిన విషయం తెలిసిందే. ఇదే విషయం పై గత వారం రోజులుగా, అన్ని వార్తా పత్రికల్లో, ఛానెల్స్ లో అతి ప్రచారం చేసారు. అన్ని జిల్లాల్లో కూడా, జగన్ మోహన్ రెడ్డి, ప్రతి రోజు వినతులు స్వీకరిస్తారాని, సమస్యలు ఆయనతోనే డైరెక్ట్ గా చెప్పుకోవచ్చు అంటూ ప్రచారం చేసారు. దీంతో ప్రజలు పెద్ద ఎత్తున వివధ జిల్లాల నుంచి తాడేపల్లి బాట పట్టారు. కాని నిన్న సడన్ గా, ప్రజా దర్భార్ కార్యక్రమం నెల రోజులు పాటు వాయిదా వేస్తున్నాం అని ప్రభుత్వం ప్రకటించింది. అయితే ఈ సమాచారం మాత్రం ప్రజలకు చేరలేదు. దీంతో వివిధ జిల్లాలకు చెందిన ప్రజలు, ప్రజా దర్బార్ కార్యక్రమం ఉందేమో అనే అంచనాలతోనే తాడేపల్లి వచ్చారు. కాని ఇక్కడకు వచ్చిన తరువాత విషయం తెలుసుకున్నారు. ఎక్కడో రాష్ట్రం మూల అటు అనంతపురం నుంచి, ఇటు శ్రీకాకుళం దాకా ప్రజలు తాడేపల్లి చేరుకున్నారు.

ఈ నేపధ్యంలో, పోలీసులు వారిని అడ్డుకున్నారు. ప్రజా దర్బార్ వాయిదా పడిందని చెప్పారు. అయితే పెద్ద ఎత్తున ప్రజలు రావటంతో, జగన్ కొంత మందిని అయినా కలవాలని నిర్ణయం తీసుకున్నారు. అప్పటికే ప్రజలు ఎక్కువ అవ్వటం, పోలీసులు బ్యారికేడ్ లు పెట్టటంతో, ప్రజలు కిక్కిరిసి పోయి ఉన్నారు. అయితే, జగన్ వద్దకు కొంత మందినే అనుమతిస్తారని సమాచారం రావటంతో, ఒక్కసారిగా గేటు దగ్గర ప్రజలు లోపలకి వెళ్ళే ప్రయత్నం చెయ్యటంతో, తోపులాట జరిగింది. ఈ తోక్కిసాలాటలో, అనంతపురం జిల్లాకు చెందిన మహిళ విశ్రాంతమ్మ స్పృహ తప్పిపడి పోయింది. వెంటనే ఆమెకు ప్రాధమిక చికిత్స చేసారు. అయితే ఇంకా రేకులు వెయ్యటం, బిల్డింగ్ లు రెడీ కాకపోవటంతోనే ప్రజా దర్బార్ వాయిదా పడినట్టు ప్రభుత్వ వర్గాలు చెప్తున్నాయి. మరి ఏకంగా నెల రోజులు వాయిదా వేసేంత పని ఉంటే, ముందుగానే ప్రభుత్వం ఎందుకు హడావిడి చేసిందని, ఎక్కడెక్కడ నుంచో వచ్చిన ప్రజలను ఇబ్బంది పెట్టటం ఎందుకని ప్రజలు వాపోతున్నారు.