news

తెలుగుదేశం పార్టీ అధినేత చంద్రబాబు జగన్ వైఖరిని తప్పు బడుతున్నారు. ఐదేళ్ల పరిపాలనలో రాష్ట్రాన్ని ఎలా ముందకు నడిపిద్దామని అని చూసామే కాని, ఎలాంటి తప్పులు చేయలేదని చంద్రబాబు నాయుడు అన్నారు. సోమవారం గుంటూరులోని పార్టీ కార్యాలయంలో జరిగిన తెలుగుదేశం పార్టీ స్ట్రాటజీ కమిటీ మీటింగ్ లో చంద్రబాబు ఈ వ్యాఖ్యలు చేసారు. ఈ సందర్భంగా చంద్రబాబు మాట్లాడారు. రాష్ట్ర విభజన తరువాత ఏర్పడిన ప్రభుత్వం కావటం వల్ల ఎన్నో సమస్యలు వచ్చాయని, వాటిని పరిష్కారం చేస్తూ, ఆంధ్రా ప్రజల మనోభావాలు కాపాడుతూ, అటు అభివృద్ధి, ఇటు సంక్షేమం చేస్తూ రాష్ట్రాన్ని అభివృద్ధి పథంలో తీసుకెళ్లానని చెప్పారు. జీతాలు ఇవ్వలేని స్థితిలో, ఆర్ధిక పరిస్థితి ఉన్న, ఎన్నో సంక్షేమ పథకాలు అమలు చేశామని, ప్రజలు ఏ కష్టం రానివ్వలేదని చంద్రబాబు అన్నారు. తెలుగుదేశం ప్రభుత్వంలో ధర్మాన్ని కాపాడామని చెప్పారు. ఏ నాడు లైన్ దాటలేదని, ప్రతిపక్షాన్ని రాజకీయంగా ఎదురుకున్నామే కాని, దాడులు, కక్ష తీర్చుకోవటం వంటివి చెయ్యలేదని అన్నారు.

కాని ఇప్పుడు, తెలుగుదేశం శ్రేణులు పై దాడులు పెరిగిపోయాయి అని అన్నారు. ప్రజాస్వామ్యంలో దాడులకు చోటు లేదని అన్నారు. టీడీపీ కార్యకర్తలు, నేతల పై , వైసీపీ చేస్తున్న దాడులను చంద్రబాబు ఖండించారు. కొత్త ప్రభుత్వం కాబట్టి, ఆరు నెలలు సమయం ఇచ్చి, వారి పరిపాలన చూసి స్పందిద్దామని, నిర్మాణాత్మకంగా ఉండాలని అనుకున్నామని చంద్రబాబు అన్నారు. అయితే రాష్ట్రంలో మాత్రం ఆ పరిస్థితి లేదని అభిప్రాయపడ్డారు. అధికారంలో ఉండటం , ప్రతిపక్షంలో ఉండటం తమ పార్టీకి కొత్తేమి కాదని చంద్రబాబు అన్నారు. ఇప్పుడు మా పైనే అవినీతి మరకలు వెయ్యాలని అన్ని విధాలుగా ప్రయత్నం చేస్తున్నారని అన్నారు. ఏదైనా అవినీతి చేసమంటే, విచారణ జరుపొచ్చని చంద్రబాబు స్పష్టం చేశారు. అలా కాకుండా, ఎలా అయినా సరే, చెప్పండి చెప్పండి అంటూ, సబ్‌కమిటీ వేసి, అధికారులను అవినీతి చేస్తే సన్మానిస్తాము అని చెప్పి, ఎవరూ స్పందిచక పోవటంతో, మీలో ఎవరికీ సీరియస్‌నెస్ లేదని అధికారులను సీఎం జగన్ హెచ్చరించడం వెనుక ఆంతర్యమేంటని ప్రశ్నించారు. ఎలా అయినా సరే తమ పై అవినీతి మచ్చ వెయ్యాలని, అధికారులపై ఒత్తిడి తెస్తున్నారని, ఎందుకు ఇంత తాపత్రయం అని చంద్రబాబు అన్నారు. గత సంవత్సర కాలంగా మోడీ కూడా ఇలాగే చేసి, చివరకు అవినీతి మరక అంటించ లేకపోయారని గుర్తు చేసారు.

మాకు 20 ఎంపీ సీట్లు గెలిపించండి, మోడీ మెడలు వంచి ప్రత్యేక హోదా తీసుకోవస్తాం అని, తిరిగిన ప్రతి చోట, ఊరుఊరునా జగన్ ఈ ప్రచారం చెయ్యటంతో, ఆంధ్రప్రదేశ్ ప్రజలు అందరూ ఇది నమ్మారు. చంద్రబాబు ఎంత పోరాటం చేసినా మోడీ ఏమి లెక్క చెయ్యరని, అదే జగన్ అయితే మోడీ మెడలు వంచేసి, ఒక్క రోజులోనే ప్రత్యెక హోదా తెచ్చేస్తారని ప్రజలు నమ్మారు. అందుకే జగన మోహన్ రెడ్డి పార్టీకి ఏకంగా 22 ఎంపీ సీట్లు ఇచ్చారు. ఫలితాల రోజు ప్రజలు కూడా, సంబరపడ్డారు. ఇక మోడీకి మూడింది, 22 ఎంపీ సీట్లతో, దేశాన్ని ఊపేసి, రాష్ట్రానికి ప్రత్యెక హోదా తీసుకు వస్తారని అందరూ నమ్మారు. అయితే మొదటి సారి ఢిల్లీ వెళ్లి మోడీని కలిసి, బయటకు వచ్చి జగన్ చెప్పింది విని, జగనన్న మడం తిప్పేసాడు, మాట తప్పేసాడు అని బాధ పడుతున్నారు. సార్, ప్లీజ్ సార్ ప్లీజ్ అంటూ, మోడీని ప్రత్యెక హోదా గురించి అడుగుతూనే ఉంటానని, జగన్ మాటలు విని అవాక్కవ్వటం ప్రజల వంతు అయ్యింది. తరువాత మోడీ కాళ్ళ మీద రెండు సార్లు పడబోతే, మోడీ వారించటం ప్రపంచమంతా చూసింది.

ఇలా జగన్ ఎదో చేసేస్తాడు అని గెలిపిస్తే చివరకు, ప్లీజ్ సార్ ప్లీజ్ దగ్గర జగన ఆగిపోయారు. అయితే వైసీపీ చేసే ప్రచారం మాత్రం కోటలు దాటిపోతుంది. మా పార్టీకి, మోడీ, పార్లమెంట్ డిప్యూటీ స్పీకర్ పదవి ఆఫర్ చేసారని, అయితే మా జగన్ మాత్రం, అది మాకు వద్దు అని నిరసన చెప్పినట్టు ప్రచారం చేసుకున్నారు. మాకు ప్రత్యేక హోదా ఇవ్వకుండా, ఈ డిప్యూటీ స్పీకర్ పదవి ఎందుకు అంటూ, జగన్ చెప్పినట్టు, మోడీ ఆఫర్ ను తిరస్కరించి, త్యాగం చేసినట్టు హడావిడి చేసారు. అయితే ఈ రోజు మాత్రం, డిప్యూటీ స్పీకర్ కంటే చిన్న పోస్ట్ అయిన, లోక్ సభ ప్యానెల్ స్పీకర్ పదవి వైసీపీ తీసుకోవటం చూస్తుంటే, పైన చెప్పినవి అన్నీ అబద్ధాలే అని తేలిపోయింది. మిథున్ రెడ్డిని లోక్ సభ ప్యానెల్ స్పీకర్ గా నియమిస్తూ, స్పీకర్ ఓం బిర్లా ఈ రోజు ఉత్తర్వులు జారీ చేశారు. మోడీ పై నిరసనగా, డిప్యూటీ స్పీకర్ పదవినే ఎడం చేత్తో విసిరేసిన వైసీపీ, మరి దానికంటే అతి చిన్న పోస్ట్ అయిన ప్యానెల్ స్పీకర్ పదవి ఎందుకు తీసుకొందో మరి.

ప్రస్తుతం రాష్ట్రంలో నడుస్తున్న ప్రధాన సమస్య, రైతులకు విత్తనాలు అందకపోవటం. ఖరీఫ్ నెల ప్రారంభం అయ్యి నెల రోజులు అయినా, ఇప్పటికీ రైతులకు విత్తనాలు, ఎరువులు అందలేదు. ఈ సమయానికి పొలాల్లో ఉండాల్సిన రైతన్న, రోడ్డు పై విత్తనాల కోసం ఆందోళన చెయ్యాల్సిన పరిస్థితి. గతంలో చంద్రబాబు అధికారంలో ఉండగా, ఎలాంటి విత్తన కష్టాలు లేవు. ఖరీఫ్ ప్రారంభానికి ముందే, రైతులకు విత్తనాలు అందేవి. అయితే ఇప్పుడు ప్రభుత్వం మారటంతో, మళ్ళీ ఈ విత్తన సమస్య మొదటికి వచ్చింది. రైతులు ఇంత ఆందోళన చెందుతున్నా, ప్రభుత్వం వైపు నుంచి మాత్రం పెద్దగా స్పందన లేదు. అయితే ప్రస్తుతం, రాష్ట్రంలో ఉన్న విత్తన సమస్యల పై, రాష్ట్ర వ్యవసాయ, ఉద్యానశాఖ మంత్రి కురసాల కన్నబాబు స్పందించారు. రాష్ట్రంలో ఉన్న విత్తన కొరతకు, రైతులు పడుతున్న ఇబ్బందికి చంద్రబాబే కారణం అని ధ్వజమెత్తారు. జూన్‌ 8దాకా తానే సియంను అని చెప్పిన చంద్రబాబు, ఖరీఫ్ పంటకు విత్తనాలు సేకరించాలేదని, అన్నారు.

విత్తనాలు కొనకుండా, ఆ డబ్బు అంతా వివిధ పధకాలకు మళ్ళించారని, అందుకే ఈ కష్టాలని అన్నారు. చంద్రబాబు విత్తన సేకరణకు డబ్బులు ఇవ్వలేదని, జగన్ మాత్రం ప్రమాణ స్వీకారం అయిన వెంటనే ఇచ్చారని కన్నబాబు చెప్పారు. విత్తనాల కోసం రైతులు ఆందోళన చెందాల్సిన పని లేదని, త్వరలోనే ఈ కష్టాలు మా జగన్ తీర్చేస్తారని చెప్పారు. ఈ నెల 12 దాకా విత్తనాలు పంపిణీ చేస్తామని, రైతులు విత్తనాలు తీసుకోవచ్చని చెప్పారు. అయితే, ఇక్కడ రైతులు మాత్రం, చంద్రబాబుని నిందించటం ఏంటి అంటూ ఆశ్చర్యం వ్యక్తం చేస్తున్నారు. మీకు ఓట్లు వేసింది, పని చెయ్యటానికి అని, చంద్రబాబుని నిందించటానికి కాదని అన్నారు. జగన్ రాగానే డబ్బులు విడుదల చేస్తే, ఈ కష్టాలు 40 రోజులు నుంచి ఎందుకు ఉన్నాయని అన్నారు. చంద్రబాబు చెయ్యకపోతే, 45 రోజుల నుంచి మీరు ఏమి చేస్తున్నారు అంటూ, ప్రభుత్వాన్ని నిందిస్తున్నారు. ఇప్పటికే ఖరీఫ్ నెల పోయింది అని, వారంలో కనుక విత్తనాలు ఇవ్వకపోతే, ఈ సారికి క్రాప్ హాలిడే తీసుకోవటమే అని రైతులు అంటున్నారు.