news

నెల క్రితం వచ్చిన ఆంధ్రప్రదేశ్ ఎన్నికల ఫలితాల్లో తెలుగుదేశం పార్టీ ఓడిపోవటం, ఎవరూ ఊహించని మెజారిటీతో వైసీపీ అధికారంలోకి వచ్చిన సంగతి తెలిసిందే. చంద్రబాబు ఎంతో కష్టపడినా, ఒక్క ఛాన్స్ అనే నినాదం పని చెయ్యటంతో, జగన్ అనూహ్య విజయం సాధించారు. ఈ నేపధ్యంలో రాష్ట్రంలో రాజకీయం ఒక్కసారిగా తారు మారు అయ్యింది. చంద్రబాబు పతనం కోసం ఎదురు చూస్తున్న శక్తులు అన్నీ ఏకం అయ్యాయి. చంద్రబాబును మరింతగా మానసికంగా దెబ్బ కొట్టటానికి ఎత్తులు వేస్తున్నాయి. ఈ నేపధ్యంలోనే తెలుగుదేశం పార్టీ నుంచి ఎన్నికైన వారిని, సీనియర్ నేతలని లాగేసుకుని, పార్టీని మరింత బలహీన పరిచే కార్యక్రమం చేస్తున్నారు. అయితే చంద్రబాబు మాత్రం ఈ కుట్రలు అన్నిటినీ ఎదురుకుని, పార్టీని మళ్ళీ గాడిలో పెట్టే ప్రయత్నం చేస్తున్నారు. ఈ నేపధ్యంలో, తాజగా వచ్చిన ఎన్నికల ఫలితాల పై, తెలుగుదేశం పార్టీ అధినేత, మాజీ ముఖ్యమంత్రి చంద్రబాబు భార్య, నారా భువనేశ్వరి స్పందించారు.

ఈ రోజు ఉదయం హైదరాబాద్ లోని, గండిపేటలోని ఎన్టీఆర్‌ మోడల్‌ స్కూల్‌లో ఆమె పర్యటించారు. ఇటీవల జరిగిన పరీక్షల్లో మంచి ర్యాంకులు సాధించిన విద్యార్థులను నారా భువనేశ్వరి అభినందించారు. ఈ సందర్భంగా స్కూల్ లో జరిగిన కార్యక్రమంలో ఆమె మాట్లాడారు. ఈ సందర్భంలో అక్కడ పిల్లలకు గెలుపు ఓటములు గురించి చెప్తూ, ఎన్నికల ఫలితాల ప్రస్తావన తీసుకు వచ్చారు. జీవితంలో గెలవటం, ఓడిపోవటం చాలా సహజం. ఓడిపోయామని కుంగిపోకూడదు. ధైర్యంగా నిలబడండ, పోరాడటం అలవర్చుకోవాలని పిలుపిచ్చారు. కార్యక్షేత్రంలోకి దిగితేనే దాని లోతు తెలిసి, ఏమి జరిగిందనే వాస్తవాలు తెలుస్తాయని భువనేశ్వరి అన్నారు. నిబద్ధత, ఏకాగ్రత, పట్టుదలతో ఉంటే, ఏ పనైనా సాధించవచ్చని, భునేశ్వరి అన్నారు.

ప్రముఖ హీరో, తెలుగుదేశం పార్టీ నేత, హిందూపురం ఎమ్మెల్యే నందమూరి బాలకృష్ణ, ఈ రోజు తన సొంత నియోజకవర్గం అయిన హిందూపురంలో పర్యటిస్తున్నారు. గురువారం హిందూపురం వచ్చిన బాలకృష్ణ లేపాక్షిలో పర్యటించారు. ఈ సందర్బంగా అక్కడ విద్యార్థులకు పుస్తకాల పంపిణీ చేసే కార్యక్రమంలో పాల్గొన్నారు. మూడు రోజుల పాటూ బాలకృష్ణ హిందూపురంలో పర్యటించనున్నారు. స్థానికంగా ఉన్న సమస్యలు తెలుసుకోవటంతో పాటు, తెలుగుదేశం పార్టీ నేతలతో సమావేశం అయ్యి, పార్టీ బలోపేతం కోసం చెయ్యవలసిన కార్యక్రమాల పై సమావేశం కానున్నారు. ఈ రోజు లేపక్షిలో, పిల్లలలకు పుస్తకాల పంపిణీ కార్యక్రమంలో పాల్గున్న బాలయ్య, పలు వ్యాఖ్యలు చేసారు. బడిబాట కార్యక్రమాన్ని ఎంత తోదరగా వీలైతే అంట తొందరగా ప్రారంభించాలని ప్రభుత్వానికి విజ్ఞప్తి చేస్తున్నాని అన్నారు. ఈ సందర్భంగా గత ప్రభుత్వంలో చేసిన పనులు గుర్తు చేసారు. చదువుకు అధిక ప్రాధాన్యత ఇచ్చిన విషయాన్ని చెప్తూ, జగన్ ని కూడా అవి కొనసాగించాలని కోరారు.

ఈ సందర్భంగా, బాలయ్య మాట్లాడుతూ ఉండగా కరెంటు పోయింది. దీంతో బాలయ్య తనదైన శైలిలో స్పందించారు. ఓహో... ఇదా ఈ ప్రభుత్వ పాలన తీరు అంటూ వ్యంగ్యంగా రియాక్ట్ అయ్యారు. తెలుగుదేశం పాలనలో కరెంటు కోత అనేది లేకుండా చేసామని, ఇప్పుడు ప్రభుత్వం మారిన వెంటనే కరెంట్ కోతలు మొదలయ్యాయన్నారు. ఇక్కడే కాదని రాష్ట్రం మొత్తం కరెంట్ కోతలు వేధిస్తున్నాయని అన్నారు. ప్రస్తుతం రాష్ట్రంలో విత్తనాల కొరత, కరెంట్ కోతలు ప్రారంభమయ్యాయని అన్నారు. ఇది వరకు ఈ సమస్యలను చంద్రబాబు అధిగమించారని, ఇప్పుడు మళ్ళీ ఈ కష్టాలు మొదలయ్యాయని అన్నారు. ప్రభుత్వం కొత్త జిల్లాలు చేస్తుందని ప్రకటించండని, మన హిందూపురం నియోజకవర్గాన్ని, హిందూపురం జిల్లాగా మార్చాలని ప్రభుత్వాన్ని కోరతా అని పేర్కొన్నారు. తన ఊపిరి ఉన్నంత వరకూ, రాయలసీమ అభివృద్ధికి పాటుపడుతూ, ఆ దిశగా పని చేస్తానని అన్నారు.

ఉండవల్లిలో నిర్మించిన ప్రజా వేదిక అక్రమం అంటూ జగన్ ఇచ్చిన ఆదేశాల మేరకు, రాత్రికి రాత్రి, విధ్వంసం చేసి, కూల్చేసిన విషయం తెలిసిందే. అయితే ప్రజా వేదికకు చంద్రబాబు హయంలో అయిన ఖర్చు విషయంలో గందరగోళం నెలకొంది. ప్రజా వేదికకు అయిన ఖర్చు, 5 కోట్లు అని, తరువాత అంచనాలు పెంచి 8.5 కోట్లతో నిర్మాణం పూర్తి చేసారని జగన్ ప్రభుత్వం చెప్తుంది. అయితే ఇలా ఎవరు లెక్కలు వాళ్ళు చెప్తూ, ఇదే నిజం అని నమ్మించే ప్రయత్నం చేస్తూ రాజకీయంగా పై ఎత్తు కోసం ప్రయత్నం చేస్తున్నారు. అయితే, ఇప్పుడు ఒక జీఓ బయట పడింది. చంద్రబాబు హయాంలో ప్రజా వేదిక నిర్మాణం కోసం ఈ జీఓ విడుదల చేసారు. ఆ జీఓ ప్రకారం ప్రజా వేదిక మొత్తానికి, దాని నిర్మాణానికి అయిన ఖర్చు కేవలం 90 లక్షల రూపాయలేనని, 2017 ఏప్రిల్ 4న రిలీజ్ అయిన జీవో చెబుతోంది. అయితే ఆ జీఓలో ప్రజా వేదిక ఒక్కటే కాదు, ఇంకా మిగతా వాటికి కూడా కలిపి, జీఓ విడుదల చేసారు.

ప్రజా వేదిక దగ్గర సెక్యూరిటీ పోస్టులు, ప్రజావేదిక చుట్టూ పెన్సింగ్, గ్రౌండ్ చదును చేయడానికి, పార్కింగ్ కోసం, ఇలా ప్రజావేదిక నిర్మాణానికి మొత్తం అయిన ఖర్చు కోటి 91 లక్షల రూపాయలని, ఆ డబ్బులు విడుదల చేసినట్టు జీవో ద్వారా తెలుస్తోంది. అయితే జగన్ ప్రభుత్వం మాత్రం, ప్రజా వేదిక నిర్మాణం కోసం మొత్తం రూ. 8.50 కోట్ల ఖర్చు చేశారని చెప్తుంది. అప్పటి ప్రభుత్వం విడుదల చేసిన జోవోకి, ఇప్పుడు జగన్ ప్రభుత్వం చెప్తున్న ఖర్చుకు భారీ తేడా ఉంది. ఇప్పుడు చెప్తున్న లెక్కలు నిర్మాణం ఒక్కటేనా ? లేకపోతె అక్కడ ఉన్న ఫర్నిచర్, అక్కడ అమర్చిన పెద్ద పెద్ద ఎల్ఈడీ టీవీలు, అత్యాధునిక సౌండ్ సిస్టం, లైటింగ్ ఇలా అన్నీ కలుపుకుని చెప్పరా అనేది తెలియాలి. అయితే ఇప్పుడు జగన్ ప్రభుత్వం మాత్రం, 8.5 కోట్లు అయినట్టు ప్రజల్లోకి బాగా తీసుకువెళ్ళింది. కాని అప్పటి చంద్రబాబు విడుదుల చేసిన జీఓ ప్రకారం, అన్నీ కలిపి కోటి 91 లక్షలు అని ఉంది. మరి ఎవరి వాదన కరెక్ట్ అనేది విచారణ చేస్తే మొత్తం బయట పడుతుంది.