news

నిన్న మంగళగిరిలో జరిగిన, టీడీపీ నేత ఉమా యాదవ్ హత్య కేసులో, ఈ రోజు కొత్త ట్విస్ట్ నెలకొంది. హత్య చేసిన వైసీపీ నేత మంగళగిరి పోలీసుల ఎదుటలొంగిపోయారు. వైసీపీ నేత తోట శ్రీనివాసరావుతో పాటు అతని ఐదుగురు అనుచరులు ఈ రోజు పోలీసులు ముందు లొంగిపోయారు. నిన్న రాత్రి రాజధాని ప్రాంతంలోని, మంగళగిరిలో జరిగిన దారుణ హత్యతో ఒక్కసారి ప్రజలు ఉలిక్కి పడ్డారు. గత 5 ఏళ్ళలో ఎప్పుడూ లేని సంస్కృతీ ఈ రోజు కనిపించటంతో, ప్రజలు ఆందోళన చెందుతున్నారు. ముఖ్యంగా తెలుగుదేశం సానుభూతి పరులు భయం భయంగా గడుపుతున్నారు. నిన్న దారుణ హత్యకు గురైన మంగళగిరి టిడీపీ నేత ఉమా యాదవ్ హత్య పై పోలీసులు విచారణ చేపట్టారు. నిన్న మంగళగిరి పట్టణంలో, జనం ఉండానే, నాలుగు రోడ్ల జంక్షన్‌లోనే దారుణ హత్యకు గురి కావడం కలవరం రేపింది. కసి తీరా నరికి నరికి చంపారు. ఈ హత్య చేసింది స్థానిక వైసీపీ నాయకుడు అంటూ, అతని ఇంటి పై టీడీపీ కార్యకర్తలు దాడి చసే, ప్రయత్నం చేయటంతో,నిన్న రాత్రి అంతా ఉద్రిక్తత కొనసాగింది.

పోలీసుల చెప్పిన దాని ప్రకారం, చనిపోయింది మంగళగిరి ఇందిరానగర్‌కు చెందిన తాడిబోయిన ఉమా యాదవ్‌. ఈయన రియల్‌ ఎస్టేట్‌ వ్యాపారం చేస్తుంటాడు. మంగళగిరిలో గౌతమబుద్ధ రోడ్డు దగ్గరలోని తన ఆఫీస్ నిర్మాణ పనులను ముగించుకుని నిన్న రాత్రి 8:20 సమయంలో, దగ్గరలోని ద్వారకానగర్‌లోని తన స్వగృహానికి బయల్దేరారు. అతని స్నేహితుడు శ్రీకాంత్‌ బండి నడుపుతుండగా, ఈయన వెనుక కూర్చొన్నారు. ఇంటికి సమీపంలోకి రాగానే నాలుగు రోడ్ల జంక్షన్ వద్ద ఇద్దరు వ్యక్తులు అడ్డు రావటంతో బండి స్లో చేశారు. ఇంతలో వెనుక నుంచి మరో ఇద్దరు కత్తులు, గొడ్డళ్ళతో వచ్చి ఉమా యాదవ్‌ తలపై వేటు వేసారు. అతను అప్పటికే కింద పడిపోయినా, ఏ మాత్రం కనికరం లేకుండా, నరుకుతూనే ఉన్నారు. క్రూరంగా నరకటంతో, ఉమా యాదవ్‌ స్పాట్ లోనే మృతి చెందాడు. అయితే ఈ హత్య పై తెలుగుదేశం నాయకులు ఆందోళన వ్యక్తం చేసారు. ఇప్పటికే 140 దాడులు చేస్తి, 8 మందిని చంపేశారని, రాష్ట్రంలో శాంతి భద్రతలు అదుపు తప్పాయని, పోలీసులు ఈ దాడులను నివారించాలని కోరుతున్నారు.

గత పార్లమెంట్ లో, మోడీని ఏకిపారేసిన ఆంధ్రుడిగా పేరు తెచ్చుకున్న గుంటూరు తెలుగుదేశం పార్లమెంట్ సభ్యుడు గల్లా జయాదేవ్, ఈ పార్లమెంట్ లో కూడా బీజేపీ పై నిప్పులు చెరిగారు. ఈ ప్రాసెస్ లో, అటు వైసీపీని టార్గెట్ చేసుకున్న విధానంతో, వైసీపీ కక్కలేక, మింగలేక మిన్నకుండి పోయింది. ఈ రోజు లోక్‌సభలో, రాష్ట్రపతి ప్రసంగానికి ధన్యవాదాలు తెలిపే తీర్మానం పై గల్లా మాట్లాడారు. ఆంధ్రప్రదేశ్ రాష్ట్రానికి ప్రత్యెక హోదా విషయంలో, ఇదే పార్లమెంట్ లో తెలుగుదేశం పార్టీ చేసిన పోరాటం గురించి చెప్పుకొచ్చారు. రాజకీయంగా ఎంతో నష్టపోయినా, రాష్ట్ర ప్రయోజనాల కోసం పోరాటం చేసామని గుర్తు చేసారు. అదే సందర్భంలో, ప్రత్యేక హోదా హామీ పై మాట తప్పినందుకే ఆంధ్రప్రదేశ్ రాష్ట్రంలో బీజేపీ అడ్డ్రెస్ లేకుండా పోయిందని అన్నారు. తెలుగుదేశం పార్టీ కూడా ప్రత్యెక హోదా సాధించలేదు అనే ఉద్దేశంతో ప్రజలు ఓడించారని, జగన్ చేసిన ప్రకటనలతో మెడలు వంచి ప్రత్యెక హోదా తెస్తారని ప్రజలు భావించారని, అందుకే వాళ్ళని గెలిపించారని చెప్పారు.

ఆంధ్రప్రదేశ్ ప్రజలు వైసీపీకి స్పష్టమైన మెజారిటీ ఇచ్చారని, జగన్ చెప్పినట్టు మోడీ మెడలు వంచి, ప్రత్యేక హోదా సాధించాల్సిన బాధ్యత ఇప్పుడు ఆ పార్టీపైనే ఉందని గల్లా అన్నారు. అయితే జగన్ వైఖరిలో మాత్రం తేడా కనిపిస్తుందని అన్నారు. మొన్న ఢిల్లీ వచ్చి, ప్రధానితో భేటీ అయిన సమయంలో మాట్లాడుతూ, ప్లీజ్ సార్ ప్లీజ్ అంటూ, ప్రతిసారీ మోడీతో హోదా ప్రస్తావన తెస్తానని జగన్‌ చెప్పారని గుర్తుచేశారు. ప్రధానితో భేటీ అయ్యి, బయటకు వచ్చి జగన్ ఈ వ్యాఖ్యలు చేసారంటే, మోడీ ప్రత్యేకహోదా ఇవ్వకూడదని నిర్ణయం తీసుకున్నట్టు స్పష్టంఅవ్తుందని, నిన్న ఏ రాష్ట్రానికీ హోదా ఇచ్చేది అంశం పరిశీలనలో లేదని ఆర్థిక మంత్రి నిర్మలా సీతారామన్‌ పార్లమెంట్ లో చెప్పిన విషయాన్ని గల్లా గుర్తుచేశారు. ఇప్పుడు మోడీ మెడలు వంచి, 22 మందితో హోదా తీసుకు రావాల్సిన బాధ్యత జగన్ డే అని గల్లా అన్నారు. అయితే గల్లా చేసిన వ్యాఖ్యలతో, వైసీపీ సభ్యులు సైలెంట్ అయిపోయారు. కనీసం కౌంటర్ ఇచ్చే ప్రయత్నం కూడా చెయ్యలేదు. ఎక్కడ మోడీకి కోపం వస్తుందో అని, వింటూ ఉండి పోయారు.

మొన్నటి వరకు పాలనకు కేంద్ర బింధువు ఆ భవనం.. ప్రజల కోసం నిర్మించిన భవనం.. తమకు ఏ కష్టం వచ్చినా, ఆ బాధ ముఖ్యమంత్రికి చెప్పుకుని, ఆయన సహాయం చేస్తారు అనే భరోసాతో, రాష్ట్రం నలుమూలల నుంచి ప్రజలు ఇక్కడకు వచ్చే వారు. చంద్రబాబు కూడా అంతే ఉదారంగా సియం రిలీఫ్ ఫండ్ నుంచి సహయం చేసారు. ఇక పాలన పరంగా సమీక్షలు, కల్లెక్టర్స్ కాన్ఫరెన్స్, పెట్టుబడుల కోసం వచ్చే ఇన్వెస్టర్స్, ఇలా రాష్ట్ర గతిని మార్చే నిర్ణయాలు అన్నీ ఇక్కడే జరిగేవి. వివిధ సంక్షేమ కార్యక్రమాలు తీసుకునే లబ్దిదారులు కూడా ఇక్కడకు వచ్చి చంద్రబాబుకు కృతజ్ఞత చెప్పే వారు. ఇలాంటి కట్టడం, తన కళ్ళ ముందే కూల్చేస్తుంటే, ఎంతటి వారికైనా మనసు చివుక్కు మనకు మానదు. ఎందుకంటే వాళ్ళకు కూల్చటం తెలియదు, ఎంతో కష్టపడి కట్టడమే తెలుసు. దీనికి చంద్రబాబు కూడా అతీతులు కారు. నిన్న అర్ధరాత్రి సమయంలో, గన్నవరం విమానాశ్రయం నుంచి చంద్రబాబు, ఉండవల్లిలోని తన నివాసానికి చేరుకున్నారు.

ఆయన నివాసం పక్కనే ఉన్న ప్రజా వేదిక కూలిపోతుంటే, అది కార్ లో నుంచి చూసుకుంటూ, ఇంటికి వెళ్లారు. ఎన్నో జ్ఞాపకాలు ఉన్న ఆ భవనం కూలిపోతుంటే, ఆ సమయంలో చంద్రబాబు ఎంతో భావోద్వేగానికి లోనయ్యారని సమాచారం. మరో పక్క చంద్రబాబు వస్తున్నారు అనే సమాచారంతో, ఏమన్నా ధర్నాలు చేస్తారేమో, తెలుగుదేశం శ్రేణులు గొడవలు చేస్తాయేమో అని ప్రభుత్వం పెద్ద ఎత్తున పోలీసులను పెట్టింది. చంద్రబాబు మాత్రం, ఎటువంటి నిరసన తెలపవద్దు అని, ప్రజలే అన్నీ చూస్తున్నారని చెప్పినట్టు సమాచారం. దీంతో, తెలుగుదేశం శ్రేణులను కూడా కట్ట మీదకు రానియ్యకుండా, చంద్రబాబు వాహనం ఒక్కటే పంపించారు. అయినా తెలుగుదేశం నేతలు, చంద్రబాబు ఆదేశాల ప్రకారం, ఎటువంటి ఆందోళన చెయ్యకుండా వెను తిరిగారు. ఇక మరో పక్క, నిన్న అర్ధరాత్రి మరో హైడ్రామా నడిచింది. ప్రజా వేదిక కూల్చివెత పై అత్యవసర పిటీషన్ ధాఖలు అయ్యింది. అర్ధరాత్రి విచారణ ప్రారంభం అయ్యింది. అయితే అప్పటికే 60 శాతం వరకు కూల్చి వేయటంతో, హైకోర్ట్ ఎలాంటి ఉత్తర్వులు ఇవ్వకుండా, కేసు రెండు వారాలు వాయిదా వేసింది. మొత్తానికి, ఇన్ని హైడ్రామాల మధ్య, ప్రజా వేదిక చరిత్రలో కలిసి పోయింది.