News

గత ఆంధ్రప్రదేశ్ అసెంబ్లీ ఎన్నికల సమయంలో, రాష్ట్ర ఎన్నికల సంఘం ప్రధాన అధికారిగా గోపాలకృష్ణ ద్వివేది పనిచేసిన సంగతి ఆదరికీ తెలిసిందే. అయితే కొద్ది రోజుల క్రితం ఆయనను బదిలీ చేస్తూ, కేంద్ర ఎన్నికల సంఘం ఆదేశాలు ఇచ్చింది. ఆయన స్థానంలో, విజయానంద్ ను నియమించింది. అయితే ఆ సమయంలో ద్వివేదికి ఎలాంటి పోస్టింగ్ ఇవ్వలేదు. అయితే ఈ రోజు తాజాగా ఆయనకు ఆంధ్రప్రదేశ్ ప్రభుత్వం కీలక పదవిని అప్పగించింది. గోపాలకృష్ణ ద్వివేదినీ ‘పంచాయతీరాజ్, గ్రామీణ అభివృద్ధి’ మంత్రిత్వశాఖ ముఖ్యకార్యదర్శిగా నియమిస్తూ నిర్ణయం తీసుకుంది. ఈ మేరకు ఏపీ ప్రభుత్వ ప్రధాన కార్యదర్శి ఎల్వీ సుబ్రహ్మణ్యం ఉత్తర్వులు జారీచేశారు. పంచాయతీరాజ్, గ్రామీణ అభివృద్ధి శాఖ ముఖ్యకార్యదర్శి అంటే చాలా కీలకమైన పదవి అనే చెప్పాలి. ఇంతటి కీలకమైన పదవి ఆయనకు అప్పచేప్పటానికి కారణం మొన్న ఎన్నికలు 'బాగా' జరిపించటమే అయి ఉంటుందని, సెక్రటేరియట్ లో అనుకుంటున్నారు.

ఆంధ్రప్రదేశ్ కేడర్ కు చెందిన ద్వివేది, ఆంధ్రప్రదేశ్ లో ఎన్నికల ముందు వరకూ కేంద్ర ప్రభుత్వంలో సంయుక్త కార్యదర్శి హోదాలో పనిచేశారు. ఏపీ పశుసంవర్థక శాఖ ముఖ్య కార్యదర్శిగా పనిచేశారు. అసెంబ్లీ, సార్వత్రిక ఎన్నికల అనంతరం ద్వివేదినీ బదిలీ చేసిన ఎన్నికల సంఘం ఆయన స్థానంలో కె. విజయానంద్ ను నియమించింది. అయితే ద్వివేదికీ ఎలాంటి పోస్టింగ్ ఇవ్వలేదు. తాజాగా పంచాయతీరాజ్, గ్రామీణాభివృద్ధి శాఖ ముఖ్యకార్యదర్శిగా పోస్టింగ్ ఇస్తూ ఉత్తర్వులు జారీచేసింది. మరో పక్క ఎన్నికల్లో ద్వివేది తీరు పై తెలుగుదేశం పార్టీ అసంతృప్తి వ్యక్తం చేసిన విషయం తెలిసిందే. సాక్షాత్తు చంద్రబాబు నాయడు, ముఖ్యమంత్రి హోదాలో, ఆయన దగ్గరకు వెళ్లి మరీ నిరసన తెలిపి వచ్చారు. అయితే ఇప్పుడు జగన్ ప్రభుత్వం రావటంతో, ద్వివేది సేవలను గుర్తించి కీలక పదవి ఇచ్చారు.

ఆంధ్రప్రదేశ్ రాష్ట్రంలో, వైసీపీ అధికారంలోకి వచ్చిన తరువాత, తెలుగుదేశం పై దాడులు విపరీతంగా జరుగుతున్నాయి. ఈ నేపధ్యంలో, వైసీపీ నేతల దౌర్జన్యాలను, పోలీసుల పక్షపాతాన్ని తెలుగుదేశం పార్టీ అధినేత, మాజీ ముఖ్యమంత్రి చంద్రబాబుకు వివరించేందుకు ఆయన నివాసం ఉండవల్లి బయలు దేరిన గుంటూరు జిల్లా మాచవరం మండలం తురకపాలెం చెందిన గ్రామస్థులను మంగళవారం స్థానిక పోలీసులు అడ్డుకున్నారు. ఇటీవల ఎన్నికల ఫలితాల అనంతరం గ్రామంలో వైసీపీ కార్యకర్తలు, తెలుగుదేశం కార్యకర్తల పై దాడులు చేసారు. అయితే పోలీసులు మాత్రం వైసీపీ కార్యకర్తలను వదిలేసి, ఆ సాకుతో పోలీసులు తెలుగుదేశం పార్టీ నేతలను పిడుగురాళ్ల పోలీస్‌స్టేషన్‌కు పిలిపించి కౌన్సెలింగ్‌ ఇచ్చి పంపించారు. అయితే వైసీపీ నేతలను వదిలేసి, బాధితులు అయిన తెలుగుదేశం వాళ్ళనే పోలీసులు తీసుకువెళ్లటంతో, గ్రామస్థులు ఆగ్రహనికి లోనయ్యారు. ఈ పరిస్థితి చూసిన గ్రామస్థులు, పోలీసుల వైఖరిని, వైసీపీ పార్టీ చేస్తున్న ఆగడాలను వివరించేందుకు, గ్రామస్థులు చంద్రబాబు అపాయింట్‌మెంట్‌ పొందారు.

చంద్రబాబుని కలవటం కోసం, మంగళవారం గ్రామానికి చెందిన యువకులు, పెద్దలు, మహిళలు వాహనాల్లో ఆయన వద్దకు వెళ్లేందుకు సిద్ధమవుతుండగా, స్థానిక పోలీసులు వచ్చి అడ్డుకున్నారు. చంద్రబాబు వద్దకు వెళ్ళటానికి వీలు లేదని, మీ ఇళ్లకు వెళ్లపొండి అని సూచించారు. దాంతో గ్రామస్థులు పోలీసులతో వాగ్వాదానికి దిగారు. వారి వైఖరికి రోడ్డుపై బైఠాయించి నిరసన వ్యక్తం చేశారు. వైసీపీ నేతల మాటలు విని, వారి సూచనల మేరకు తమను స్టేషన్‌కు పిలిపించి అకారణంగా కొడుతున్నారని గ్రామస్థులు ఆరోపించారు. మా బాధలు చంద్రబాబుకు చెప్పోకోవటానికి వెళ్తున్నా, పోలీసులు ఒప్పుకోవటం లేదని అంటున్నారు. పిడుగురాళ్ల రూరల్‌ సీఐ రత్తయ్య సంఘటనా స్థలానికి వచ్చి. ప్రస్తుతం అసెంబ్లీ సమావేశాలు జరుగుతున్నాయని, అక్కడ శాంతి భద్రతలకు ఎలాంటి విఘాతం కలగకుండా ఉండేందుకు ఈ చర్య చేపట్టినట్లు వెల్లడించారు. సమావేశాలు ముగిశాక వెళ్లేందుకు ఎలాంటి అభ్యంతరం లేదని చెప్పటంతో గ్రామస్థులు శాంతించారు.

మనం కొన్ని తెలుగు సినిమాల్లో చూస్తూ ఉంటాం... బలవంతుడు, బలహీనుడు పై ఎన్ని విధాలుగా తనకు ఉన్న కక్ష తీర్చుకుని, ఆధిపత్యం ప్రదర్శిస్తాడో.. ఆ బలహీనుడు, పోలీస్ స్టేషన్ కు వెళ్ళినా, న్యాయం దక్కదు, ఎవరికి చెప్పుకోవాలో తెలియక, అలాగే బిక్కు బిక్కు మంటూ, ఆ బలవంతుడుకి లొంగిపోయి జీవతం గడిపేస్తూ ఉంటాడు... సరిగ్గా లాంటి సంఘటనలే నేడు రాష్ట్రంలో జరుగుతున్నాయి... మొన్నటి మొన్న 100 మందిని ఊరు బయటకు గెంటేసిన వార్తలు విన్నాం.. చీని తోటల నరికివేత చూసాం... దీనికి తోడు, హత్యలు, కొట్టటాలు, ఇలా అనేకం... ఇదంతా వైసీపీ పార్టీ ఎన్నికల్లో గెలిచిన తరువాత, రాష్ట్రంలో జరుగుతున్న అరాచకం.. ఊళ్ళలో తెలుగుదేశం అనే వాడిని ఎన్ని విధాలుగా హింస పెట్టాలో, అంతలా హింస పెడుతున్నారు. ముఖ్యంగా గుంటూరు జిల్లాలో వైసీపీ అరాచకాలు కొనసాగుతున్నాయి.

తాజగా, ఫిరంగిపురం మండలం పొనుగుపాడులో, టిడిపి మద్దతుదారులు ఉండే ఇళ్ళ వైపు రోడ్డుకు అడ్డంగా వైసీపీ కార్యకర్తలు గోడ కట్టారు. టీడీపీ సానుభూతిపరుల ఇళ్లకు వెళ్లే మార్గం లేకుండా వైసీపీ కార్యకర్తలు గోడను నిర్మించారు. తాము పోలీసులకు ఫిర్యాదు చేసినా ఒక్కరు కూడా రాలేదని, మమ్మల్ని పట్టించువడం లేదని టీడీపీ కార్యకర్తలు ఆవేదన వ్యక్తం చేస్తున్నారు. తమ ఇళ్లకు వెళ్లే దారికి అడ్డంగా రోడ్డును నిర్మిస్తూ, మేము వెళ్ళే దారి లేకుండా చేస్తున్నారని, మమ్మల్ని మానసికంగా వేధిస్తున్నారని, ఆవేదన వ్యక్తం చేశారు. తమకు రక్షణ కల్పించాలని, మా బ్రతుకులు మేము స్వేచ్చగా బ్రతికేలా చూడాలని ఫిరంగిపురం పోలీసులను కోరారు.

ఎవరూ ఊహించని దారుణమైన ఓటమి ఒక వైపు... కుట్రలు ఒక వైపు... ప్రజలకు ఎంత సేవ చేసినా, ఎందుకు ఓడిపోయామా అని అధినేత ఆవేదన ఒక వైపు.. అసలకే బాధలో ఉంటే, కార్యకర్తల పై వైసీపీ దాడులు.. చంపటాలు, ఆస్తుల ధ్వంసాలు, ఇలా అనేకం... చంద్రబాబు అసెంబ్లీలో బిజీ.. లోకల్ నాయకులు, ఎందుకో కాని మౌనం... పోలీసులకు కంప్లైంట్ చేసినా పట్టించుకునే నాధుడు లేడు... ఇలా బిక్కు బిక్కు మంటూ గడుపుతున్న కార్యకర్తలకు, నేనున్నాను అంటూ, ఒక యంగ్ లీడర్ ముందుకొచ్చారు. సంక్షోభంలో నుంచే నాయకుడు పుడతాడు అనే మాట నిజం చేస్తూ, దేవినేని నెహ్రు వారసుడిగా, ఎన్నో ఎదురు దెబ్బలు తిన్నా, కష్ట కాలంలో, కార్యకర్తలు కోసం నిలబడ్డాడు దేవినేని అవినాష్. గుణదల నుంచి, గురజాల వెళ్లి, కార్యకర్తలను పరామర్శించి, వాళ్లకు ధైర్యం చెప్పి, భరోసా ఇచ్చారు. ఈ పరిణామంతో, తెలుగుదేశం కార్యకర్తలు సంతోషిస్తున్నారు.

గుంటూరు, దాచేపల్లి మండలం గామాలపాడులో తలదాచుకొన్న మాచవరం మండలం కొనంకి, జూలకలు, పిన్నెల్లి గ్రామాలకు చెందిన కార్యకర్తలను, తెలుగు యువత రాష్ట్ర అధ్యక్షుడు దేవినేని అవినాష్‌ పరామర్శించి వచ్చారు. ఈ సందర్భగా అవినాష్ మాట్లాడుతూ కొత్తగా వైసీపీ ప్రభుత్వం ఏర్పాటైన తర్వాత రాష్ట్రంలో రాజకీయ దాడులు పెరిగాయని అన్నారు. రాజకీయాల్లో గెలవటం ఓడిపోవటం సహజమన్నారు. అధికారంలోకి రాగానే కక్షసాధింపు చర్యలకు దిగటం మంచిది కాదన్నారు. ఇలాగే దాడులు జరిగితే ఉపేక్షించేది లేదని దేవినేని అవినాష్‌ స్పష్టం చేశారు. మాజీ ముఖ్యమంత్రి చంద్రబాబు నాయుడు, నారా లోకేష్‌, మాజీ ఎమ్మెల్యే యరపతినేని శ్రీనివాసరావుతో సంప్రదించి కార్యకర్తలకు మనోధైర్యం నింపేందుకు వచ్చినట్లు చెప్పారు. పోలీసు ఉన్నతాధికారులతో మాజీ మంత్రి పత్తిపాటి పుల్లారావు, జిల్లా పార్టీ అధ్యక్షుడు ఆంజనేయులు, ఇతర నాయకులు మాట్లాతారన్నారు.