news

జగన్మోహన్ రెడ్డి పాలనలో రాష్ట్రంలో ఏవర్గం ఆనందంగా లేదని, ఏఒక్కరి ముఖాల్లో సంతోషం కనిపించడంలేదని, మరీముఖ్యంగా మైనారిటీలపై ముఖ్యమంత్రి చూపుతున్న వివక్ష, కపటప్రేమ మాటల్లో వర్ణించలేనిదని టీడీపీనేత, మాజీఎమ్మెల్యే జలీల్ ఖాన్ స్పష్టంచేశారు. మాచర్లలో మారణహోమం జరిగినా, నిన్నటికి నిన్న నరసరావుపేటలో వైసీపీమూకలు షేక్ ఇబ్రహీంని కిరాతకంగా చంపినా, ఏమాత్రం పట్టనట్టు జగన్ రెడ్డి నిస్సిగ్గుగా పుట్టినరోజు వేడుక లు చేసుకుంటున్నాడని జలీల్ ఖాన్ ఆగ్రహం వ్యక్తంచేశారు. మంగళగిరిలోని పార్టీ జాతీయకార్యాలయంలో బుధవారం ఆయన విలేకరులతో మాట్లాడారు. ఆ వివరాలు క్లుప్తంగా ఆయన మాటల్లోనే మీకోసం...! “జగన్ పాలనలో 12శాతమున్న మైనారిటీల మనుగడ ప్రశ్నార్థకంగా మారింది. దళితులు, బీసీలు బిక్కుబిక్కుమంటూ కాలంవెళ్లదీస్తున్నారు. మైనారిటీ కుటుంబాలంటే ముఖ్యమం త్రికి ఎందుకంత చిన్నచూపు? రాష్ట్రంలో పరిస్థితులు దారుణంగా ఉంటే, సిగ్గులేకుండా జగన్ రెడ్డి పుట్టినరోజులు చేసుకుంటున్నాడు. గోళీలాట ఆడినంత తేలిగ్గా వైసీపీవారు, హత్యలు, దోపిడీలు, లూఠీలు చేస్తుంటే, ముఖ్యమంత్రిలో చలనంలేదు. నరసరావుపేటలో షేక్ ఇబ్రహీం ని వైసీపీమూకలు కిరాతకంగా చంపితే, ముఖ్యమంత్రి మాట్లాడరా? కనీసం మృతుడి కుటుం బానికి సానుభూతిగా కూడా ఒక్కమాటచెప్పకుండా పుట్టినరోజు వేడుకల్లో మునిగిపోయా డు. దళితులు, మైనారిటీలు, బీసీలను ఉద్ధరిస్తానని నమ్మబలికి వారి ఓట్లు కొల్లగొట్టాడు.

మైనారిటీలకు మంచిచేసింది చంద్రబాబు అయితే.. వారిని ముంచేసింది జగన్ రెడ్డి. మైనారిటీలకు మంచిచేసింది చంద్రబాబునాయుడేనని ఘంటాపథంగా చెప్పగలం. వారి భవిష్యత్ గురించి ఆలోచించాడుకాబట్టే, టీడీపీఅధినేత, వారికోసం అనేకపథకాలు అమలుచేశాడు. రంజాన్ తోఫా, దుకాన్ – మకాన్, షాదీముబారక్, ఇమామ్ మౌజన్ లకు, మసీదుల మరమ్మతులకు నిధులు, ఖబరిస్తాన్ ల ప్రహరీలనిర్మాణం, ముస్లిం పిల్లలచదువుకు ఆర్థికసాయం చేసిన ఏకైక వ్యక్తి చంద్రబాబే. పేదముస్లింలు మక్కాయాత్రకు వెళ్లడానికి ప్రభుత్వంతరుపున ఆర్థికసాయం చేశారు. నా నియోజకవర్గంలో రూ.15కోట్లతో చంద్రబాబుహయాంలోనే షాదీఖానా నిర్మించాను. ఉమ్మడిరాష్ట్రంలో హైదరాబాద్ లో హజ్ హౌస్ కట్టినఘనత చంద్రబాబుది. విభజనతర్వాత రాష్ట్రంలో, విజయవాడలో కడపలో హజ్ హౌస్ ల నిర్మాణాలు చేపట్టింది కూడా టీడీపీ అధినేతే. బడ్జెట్లో మైనారిటీల సంక్షేమానికి నిధులు కేటాయించి, వెచ్చించింది తెలుగుదేశం ప్రభుత్వమే. రాజశేఖర్ రెడ్డి ముఖ్యమంత్రి పదవికోసం హైదరాబాద్ లో మతకలహాలు రేపితే, చంద్రబాబుహాయాంలో హైదరాబాద్ ఐటీ హబ్ గా విరాజిల్లి, ప్రపంచపటంలో నిలిచింది.

మైనారిటీలకు ఒకమంత్రిపదవిచ్చి, ఆవర్గం మొత్తాన్ని నిలువునా ముంచేసిన జగన్ రెడ్డి, వారిని ఉద్ధరించినట్టు మాట్లాడుతున్నాడు. బడ్జెట్లో ముస్లింల సంక్షేమానికి మూడున్నరేళ్లలో వైసీపీప్రభుత్వం ఎంతఖర్చుపెట్టిందో చెప్పగలడా? గొప్పవ్యక్తి, నిరాడంబరుడు, అందరితో స్నేహంగా ఉండే షరీఫ్ గారిని నిండుసభలో మంత్రులు దూషిస్తే, ముఖ్యమంత్రి నోరెత్తలేదు. అదేనా మైనారిటీలపై జగన్ రెడ్డికి ఉన్న ప్రేమ, అభిమానం? అబ్దుల్ సలాం, అబ్దుల్ సత్తార్ ల కుటుంబాలు అన్యాయంగా బలైపోయింది ఈ ప్రభుత్వంలోకాదా? చంద్రబాబు పరిపాలనా దక్షుడు అయితే, జగన్ రెడ్డి విద్వేష, వినాశకుడు. మూడున్నరేళ్లనుంచి కూల్చివేతలు, దోపిడీలు, ప్రశ్నించినవారిని చావబాదడం తప్ప జగన్ రాష్ట్రానికి చేసింది శూన్యం. ప్రజలకు మంచిచేస్తే పరదాల మాటున ఎందుకు దాక్కుంటున్నాడు? వివేకాకూతురు, సొంతచెల్లి సునీత తనతండ్రి హత్యకేసు విచారణను తెలంగాణకు బదిలీ చేయమని కోరడం జగన్ రెడ్డికి అవమానం కాదా? జగన్ డైరెక్షన్లో పనిచేస్తున్న పోలీస్ శాఖపై ప్రజల్లో తిరుగుబాటు మొదలైంది. కొందరు పోలీసు అధికారులు ముఖ్యమంత్రికి ఊడిగం చేస్తునారనే చెప్పాలి. ఉపాధ్యాయులు ఇప్పటికే జగన్ రెడ్డిపై తిరుగుబాటు మొదలెట్టారు. ఇన్నాళ్లు దోచుకుందిచాలు.. ఇకనుంచి జాగ్రత్తపడండి అని జగన్, తనపార్టీ వారికి చెప్పడం సిగ్గుచేటు. కొందరు ఎమ్మెల్యేలు, మంత్రులు మూడేళ్లుగా ముఖ్యమంత్రి దోచుకోవడమే సరిపోయింది... మేం ఏం తిన్నామని బహిరంగంగానే అంటున్నారు? పాదయాత్ర సమయంలో కేంద్రం మెడలువంచి రాష్ట్ర్రానికి అన్నీతెస్తానన్నాడు.

పోలవరం, స్టీల్ ప్లాంట్, రైల్వేజోన్, ప్రత్యేకహోదాపై ప్రగల్భాలు పలికాడు. ప్రజలకు మంచిచేస్తే, పోలీసులు, పరదాల మాటున ముఖ్యమంత్రి ఎందుకు దాక్కుంటున్నాడు? రాష్ట్రానికి, ప్రజలకు జగన్ రెడ్డి ఏం మంచి చేశాడని మరలా ఈ ప్రభుత్వానికి ఓట్లేస్తారు? అప్పుల్లో, రైతుఆత్మహత్యల్లో, అత్యాచారాల్లో రాష్ట్రాన్ని మొదటిస్థానంలో నిలిపినందుకు జగన్ రెడ్డికి మళ్లీ ఓట్లేయాలా? శాంతిభద్రతల నిర్వహణలో కూడా రాష్ట్రం అట్టడుగునే ఉండటం సిగ్గుచేటు. అధికారపార్టీ వారే జగన్ రెడ్డికి ఓటేసేది లేదని కరాఖండిగా చెబుతున్నారు. గడపగడపకు వెళ్తున్న వైసీపీనేతలకు ప్రజలనుంచి తిట్లే దీవెనలుగా లభిస్తున్నాయి. అధికారంలోకి రాకముందు అక్కాచెల్లి, అన్నాతమ్ముడు, అవ్వాతాత అన్న జగన్, ఇప్పుడెందుకు తలెత్తుకొని తనబంధువుల మధ్యకు వెళ్లలేకపోతున్నాడు? భవిష్యత్ లో ముస్లింలంతా ఐక్యంగా ఒక్కమాటపై నిలిచి, మనభవిష్యత్ బాగుకోసం శ్రమించే చంద్రబాబుగారికే ఓటు వేయాలి” అని జలీల్ ఖాన్ విజ్ఞప్తిచేశారు.

ఆంధ్రప్రదేశ్ హైకోర్టు ఈ రోజు చేసిన వ్యాఖ్యలతో కేంద్ర ప్రభుత్వం ఉలిక్కి పడింది. విశాఖపట్నం రుషికొండలో జరుగుతున్న అక్రమ తవ్వకాలు నిగ్గు తేల్చేందుకు, కేంద్ర ప్రభుత్వం నియమించిన కమిటీ పై ఈ రోజు రాష్ట్ర హైకోర్టు కీలక వ్యాఖ్యలు చేసింది. గత వాయిదా సందర్భంగా కేంద్ర ప్రభుత్వం అధికారులతో కమిటీ నియమించి, రుషికొండ అక్రమాలు నిగ్గు తేల్చాలని హైకోర్టు ఆదేశించింది. అయితే ఈ కమిటీలో రాష్ట్ర ప్రభుత్వానికి సంబంధించిన ముగ్గురి అధికారులను ఈ కమిటీలో నియమించారు. దీంతో ఈ కమిటీ నియామకం పై పిటీషనర్ తరుపున న్యాయవాది కేఎస్ మూర్తి, అశ్వినీ కుమార్ అభ్యంతరం వ్యక్తం చేస్తూ హైకోర్టుకు తెలిపారు. దీని పై రాష్ట్ర హైకోర్టు, ఈ కమిటీ పై అభ్యంతరం వ్యక్తం చేస్తూ, కేంద్ర ప్రభుత్వాన్ని అఫిడవిట్ వేసి, వివరణ ఇవ్వాలని ఆదేశించింది. ఈ రోజు దీని పై కేంద్ర ప్రభుత్వం ఈ రోజు దాఖలు చేసిన అఫిడవిట్ పై హైకోర్టు తీవ్ర అభ్యంతరం వ్యక్తం చేసింది. కేంద్ర ప్రభుత్వం దాఖలు చేసిన అఫిడవిట్ లో, తాము రాష్ట్ర ప్రభుత్వం అధికారులని కమిటీలో నియమించటం కరెక్ట్ అని, తప్పేమీ కాదని, సమర్ధిస్తూ, తన అఫిడవిట్ లో పేర్కొంది. దీంతో కేంద్ర దాఖలు చేసిన అఫిడవిట్ పై హైకోర్టు తీవ్ర అభ్యంతరం వ్యక్తం చేసింది.

కేంద్ర ప్రభుత్వం, రాష్ట్ర ప్రభుత్వంతో కుమ్మక్కు అయ్యిందా ? కేంద్ర ప్రభుత్వం, రాష్ట్ర ప్రభుత్వంతో చేతులు కలిపిందా అని ధర్మాసనం వ్యాఖ్యానించింది. ఈ విషయం ఏంటో తామే తేలుస్తాం అని ధర్మాసనం పేర్కొంది. ఈ రోజు సాయంత్రం లోపు తమకున్న అభ్యంతరాలను, పిటీషనర్లు అఫిడవిట్ రూపంలో దాఖలు చేయాలని ఆదేశిస్తూ విచారణను రేపు ఉదయానికి వాయిదా వేసింది. అవసరం అయితే కేంద్ర ప్రభుత్వం అధికారులతో తామే ఒక కమిటీని నియమిస్తామని హైకోర్ట్ స్పష్టం చేసింది. తప్పులు చేస్తున్నారని చెప్తున్న రాష్ట్ర ప్రభుత్వం నుంచి అధికారులని కమిటీలో వేస్తే, రుషికొండల అక్రమాలు జరిగితే ఎలా బయటకు వస్తాయని అనుకుంటున్నారు అంటూ కేంద్రాన్ని హైకోర్టు ప్రశ్నించింది. రేపు ఉదయానికి విచారణను వాయిదా వేయటంతో పాటుగా, రేపు కమిటీ విషయం పై కూడా తామే తేల్చేస్తామని హైకోర్టు స్పష్టం చేసింది. అయితే ఈ విషయంలో కేంద్రానికి మాత్రం గట్టిగానే అక్షింతలు పడ్డాయి. రాష్ట్ర ప్రభుత్వంతో చేతులు కలిపారా అని కోర్టు అనటం పై కేంద్రం కూడా ఒకసారి ఆలోచన చేసుకోవాలి మరి.

ముఖ్యమంత్రి ఎస్ జగన్ మోహన్ రెడ్డి పుట్టినరోజు నాడే ఆయన తండ్రి స్నేహితుడు మాజీ మంత్రి డీఎల్ రవీంద్రారెడ్డి విమర్శలతో విరుచుకుపడ్డారు. తన స్నేహితుడు వైఎస్ రాజశేఖర్ రెడ్డి కుమారుడు ఇంత అవినీతిపరుడని అనుకోలేదని ఆవేదన వ్యక్తం చేశారు. పరిపాలన మొదటిరోజు నుంచే జగన్ అవినీతి మొదలుపెట్టారని ఆరోపించారు. నేను ఇంకా వైసీపీలోనే ఉన్నానని, వారేమీ నన్ను తీసేయలేదని స్పష్టం చేశారు. వైసీపీలో నేను ఉన్నానంటే నాకే అసహ్యంగా ఉందని ఆవేదన వ్యక్తం చేశారు. ఈ సారి జరిగే ఎన్నికల్లో వైసీపీకి సింగిల్ డిజిట్ వస్తే గొప్పేనని జోస్యం చెప్పారు. తాను గుర్తింపు పొందిన పార్టీ తరపున పోటీ చేద్దామనుకుంటున్నానని వెల్లడించారు. అది ఏ పార్టీయో మాత్రమో చెప్పలేదు. ఈ రాష్ట్రాన్ని చంద్రబాబు తప్ప మరో నేత కాపాడలేరని కుండబద్దలు కొట్టారు. పవన్ కల్యాణ్ నిజాయతీని ప్రశ్నించలేమని, రాష్ట్రం కోసం బాబు, పవన్ కలిసి పోటీ చేస్తారని ఆశిస్తున్నాను అని అన్నారు. జనవరి 3 నుంచి వివేకానందరెడ్డి హత్య కేసులో కీలక మలుపులు తిరగనున్నాయన్నారు. వివేకా కేసులో ఎర్ర గంగిరెడ్డే కీలక వ్యక్తి అని సీబీఐ గుర్తించిందని, జనవరి 3న ఎర్ర గంగిరెడ్డి బెయిల్ పిటిషన్ పై వాదనలు ఉన్నాయని, దీనిపై సుప్రీం కోర్టు తీర్పు తర్వాత కడప జిల్లాలో కీలక పరిణామాలు చోటు చేసుకుంటాయన్నారు. చాలామంది కీలక నేతల మెడకు ఉచ్చు బిగిసే అవకాశం ఉందన్నారు. వైఎస్ వివేకా కేసులో ఒంటరిగా పోరాడుతున్న సునీత ధైర్యాన్ని మెచ్చుకోవచ్చని డీఎల్ రవీంద్రారెడ్డి పేర్కొన్నారు.