news

సీబీఐ మాజీ జాయింట్ డైరెక్టర్ లక్ష్మీనారాయణక గత కొన్ని రోజులుగా జిల్లాల పర్యటన చేస్తున్న సంగతి తెలిసిందే. మొన్న శనివారంతో ఈ పర్యటనలు ముగిసాయి. ఈ నేపధ్యంలో, జాతీయ పార్టీ ఆప్ నుంచి ఆహ్వానం అందింది. దేశంలోనే అత్యంత పారదర్శకమైన పాలనను అందిస్తున్న ఆప్ లోకి రావాలంటూ ఆ పార్టీ నేతలు ఆయనను ఆహ్వానించారు. ఆప్ లో చేరి అవినీతి రహిత పాలనను అందించడానికి లక్ష్మీనారాయణ కృషి చేయాలని ఆమ్ ఆద్మీ పార్టీ ఏపీ రాష్ట్ర కన్వీనర్ పోతిన వెంకటరామారావు కోరారు. నాలుగు నెలలుగా రాష్ట్ర వ్యాప్తంగా పర్యటించి, ప్రజల సమస్యలను లక్ష్మీనారాయణ తెలుసుకున్నారని చెప్పారు.

విద్యార్థులు, రైతులు, ఆరోగ్యం తదితర అంశాలపై ఆయన చేసిన వ్యాఖ్యలను తాము నిశితంగా పరిశీలించామని, మార్పు కోసం రాజకీయాల్లోకి వస్తానని ఆయన చెప్పిన మాట ఆధారంగా ఆయనను ఆప్ లోకి ఆహ్వానిస్తున్నామని తెలిపారు. ఇది ఇలా ఉంటే, దేశ, రాష్ట్ర పరిస్థితులను మార్చుకోవాల్సిన సమయం ఆసన్నమైందని విశ్రాంత ఐపీఎస్‌ అధికారి లక్ష్మీనారాయణ అన్నారు. త్వరలో ఎన్నికలు రానున్నాయని, సేవ చేసే నాయకులనే ఎన్నుకోవాలని.. డబ్బు పంచే వారు అవసరం లేదని పేర్కొన్నారు. ఆదివారం అనంతపురంలో షిర్డీ సాయిబాబా దేవాలయం సేవా సంఘం ఆధ్వర్యంలో పేద, ప్రతిభావంతులైన విద్యార్థులకు ఉపకార వేతనాల పంపిణీ కార్యక్రమానికి ఆయన ముఖ్య అతిథిగా హాజరై ప్రసంగించారు.

గత ఐదు నెలల్లో రాష్ట్రంలోని 13 జిల్లాల్లో విస్తృతంగా పర్యటించానని లక్ష్మీనారాయణ చెప్పారు. రైతులు, నేతన్నలు, విద్యార్థులు, కార్మికులు, మహిళలు, నిరుద్యోగులను కలిసి వారి సాదకబాధకాలు తెలుసుకున్నానన్నారు. కరవు సీమ అనంతపురం జిల్లా రైతుల కష్టాలు తనను కలచివేశాయని పేర్కొన్నారు. వారి ఆశలు, ఆకాంక్షలు, వేదనను ప్రతిబింబించేలా అనంత నుంచి వ్యవసాయ డాక్యుమెంటరీ రూపొందిస్తానని తెలిపారు. మానవత్వమే మనిషి కులం అని, మంచి మనసుతో మనసులను, మనుషులను కలిపినప్పుడే సమానత్వం ఏర్పడుతుందని పేర్కొన్నారు.

మోడీ నిరంకుశ పాలనకు విపక్షాలు అన్నీ ఏకం అవుతున్నాయి. పెట్రోల్ రేటు పెరుగుదల, రూపాయి పతనం పై, ఇప్పటికే కేంద్రం ఏమి చెయ్యలేక చేతులు ఎత్తేసింది. రాఫెల్ స్కాం పై నోరు మెదపటం లేదు. ఈ తరుణంలో, ఎన్డీయే ప్రభుత్వానికి వ్యతిరేకంగా జనవరిలో కోల్‌కతాలో తాము నిర్వహించబోయే భారీ ప్రదర్శనకు హాజరుకావాలని కోరుతూ ఏపీ ముఖ్యమంత్రి చంద్రబాబుకు పశ్చిమబెంగాల్‌ ముఖ్యమంత్రి మమతా బెనర్జీ లేఖ రాశారు. 2019 పార్లమెంటు ఎన్నికల నేపథ్యంలో ప్రతిపక్షాల సంఘటిత శక్తిని ఈ ర్యాలీ ద్వారా నిరూపించాల్సిన అవసరం ఉందని ఆమె లేఖలో పేర్కొన్నారు. తృణమూల్‌ కాంగ్రెస్‌ ఆధ్వర్యంలో వచ్చే ఏడాది జనవరి 19న ఈ భారీ ప్రదర్శన చేపట్టనున్నట్లు వివరించారు.

‘‘ప్రస్తుతం దేశంలో నెలకొన్న రాజకీయ పరిస్థితుల నేపథ్యంలో సమాఖ్య వ్యవస్థను బలోపేతం చేయాల్సిన, ప్రజాస్వామ్య, రాజ్యాంగ వ్యవస్థలను కాపాడాల్సిన బాధ్యత మనందరిపైనా ఉంది. లౌకికవాదాన్ని సంరక్షించుకోవాల్సిన అవసరం ఉంది. భాజపాకు వ్యతిరేకంగా ప్రతిపక్షాలన్నీ ఒకేతాటిపైకి వచ్చి పోరాడేందుకు ఇది మంచి వేదికవుతుంది. దేశ చరిత్రలో ఎన్నో కీలక సమావేశాలకు సాక్ష్యంగా నిలిచిన కోల్‌కతాలోని బ్రిగేడ్‌ పరేడ్‌ వద్ద ఈ ప్రదర్శనను ప్రారంభిస్తాం. ఇక్కడి నుంచే అత్యంత కీలకమైన అంశాలపై మనం స్వరం వినిపిద్దాం. ఈ ప్రదర్శనలో మీరు పాల్గొనడం దేశ ఐక్యతను, సమైక్యతను బలోపేతం చేసేందుకు దోహదపడుతుందని భావిస్తున్నాను’’అని లేఖలో వివరించారు.

రెండు రోజుల క్రితమే, చంద్రబాబు తెలుగుదేశం నేతలకు కూడా ఇదే పిలుపు ఇచ్చారు. ఏపీకి బీజేపీ చేసిన అన్యాయాన్ని ఎదుర్కోవాలంటే., జాతీయస్థాయిలో బీజేపీకి వ్యతిరేకంగా మద్దతు కూడగట్టాల్సిందేనని టీడీపీ అధినేత చంద్రబాబు స్పష్టం చేశారు. భావసారూప్య పార్టీలతో కలిసి పనిచేద్దామని ఆయన ఎంపీలకు దిశానిర్థేశం చేశారు. కక్ష సాధింపు చర్యల్లో భాగంగా ఐటీ దాడులు చేస్తోందనే విషయాన్ని సీబీడీటీకి ఫిర్యాదు చేయటంతో పాటు అక్కడ నిరసనలు తెలపాలని ఎంపీల భేటీలో నిర్ణయించారు. అమరావతి ప్రజా వేదికలో తెలుగుదేశం అధినేత చంద్రబాబు పార్టీ ఎంపీలతో పార్లమెంటరీ పార్టీ సమావేశం నిర్వహించారు. రానున్న రోజుల్లో బీజేపీ యేతర పక్షాలను ఏకం చేసేందుకు అనుసరించాల్సిన వ్యూహం పై ఇందులో ప్రధానంగా చర్చించారు. నాలుగు రాష్ట్రాల ఎన్నికల షెడ్యూల్ విడుదల, రాజకీయ పరిణామాలు, పొత్తులపైనా కీలక చర్చ జరిగింది. 36 ఏళ్లుగా తెలుగుదేశం పార్టీ భావసారూప్య పార్టీలతో కలిసి పనిచేస్తున్న రాజకీయ విధానాన్ని చంద్రబాబు ఈ సందర్భంగా గుర్తు చేశారు.

విజయనగరం జిల్లాలోని చీపురుపల్లి నియోజకవర్గంలో ఉన్న గుర్లలో నిన్న జరిగిన బహిరంగ సభలో జగన్ ప్రసంగిస్తుండగా, ఆయనకు ఇబ్బందికర పరిస్థితి ఏర్పడింది.. ఆరోగ్యశ్రీ పై, 108 పై విమర్శలు చేస్తూ, "నాన్నగారున్న సమయంలో 108 కాల్ చేయగానే... కుయ్.కుయ్.కుయ్ అని వచ్చేది... ఇప్పుడు చంద్రబాబు ప్రభుత్వంలో 108 సర్వీసులు అసలు పనిచేయట్లేదని ప్రసంగిస్తుండగా" ఆయనున్న వేదిక మీదిగా జనంలోంచి కుయ్.కుయ్ కుయ్ అని 108 దూసుకరావడం జరిగింది. కంగుతిన్న జగన్, అంబులెన్స్ ను చూసి, అది కవర్ చేసుకోవటానికి, చంద్రబాబు పై తిట్ల దండకం అందుకున్నారు. బహిరంగ సభ వద్దకు అంబులెన్స్ రావడంపై జగన్ విమర్శలు గుప్పించారు.

మనం మాట్లాడే మాటలు వింటున్నారు కనుకనే, ‘అంబులెన్స్’ ఇంకా బతికే ఉందని చూపించడం కోసం దీనిని ఇటువైపు పంపించారని అన్నారు. ఇక్కడ రోడ్డులో జనాలు ఉన్నప్పటికీ ఈ జనంలో నుంచి అంబులెన్స్ ను తీసుకువెళ్లాలని చూస్తున్నారంటే. ‘ఇంతకన్నా సిగ్గులేని ప్రభుత్వం, ఇంతకన్నా దిక్కుమాలిన ప్రభుత్వం ఎక్కడైనా ఉంటుందా? అయ్యా, చంద్రబాబునాయుడుగారు, నీకు సిగ్గులేదని చెప్పడానికి ఇదే నిదర్శనం. బండి పోవడానికి దారి లేదని కనిపిస్తూనే ఉంది.. వేరే దారిలో పోకుండా.. ఇదే దారిలోనే పోతోంది. ఇది చంద్రబాబు కుట్ర కాక మరి ఏంటి. ఇలాంటి పనులు చంద్రబాబు చేస్తాడు అంటూ’ వింతగా రియాక్ట్ అయ్యారు.

‘వాళ్లు ఏ నికృష్టపు ఆలోచనతో చేసినా.. మనమైతే మంచే చేద్దాం..దారివ్వండి .. కొద్దిగా దారివ్వండి’ అంటూ అంబులెన్స్ కు వెంటనే దారి ఇవ్వాలని సభకు హాజరైన ప్రజలను, తమ కార్యకర్తలను జగన్ కోరారు. ‘అందులో పేషెంట్ ఎవరూ లేరన్న సంగతి అందరికీ తెలుసు.. రానీ..రానీ’ అని జగన్ వ్యంగ్యాస్త్రాలు సంధించారు. అయితే, ఆ అంబులెన్స్ లో ఆక్సిడెంట్ అయిన పేషెంట్ ఉన్నారు. జగన్ మాత్రం ఇవేమీ పట్టించుకోకుండా, ఇక్కడ జనాలు ఉంటే అంబులెన్స్ రావటం ఏంటి, కావాలని పంపించారు అంటూ, చివరకు 108 పై కూడా రాద్ధాంతం చేసే ప్రయత్నం చేసారు. మొత్తానికి, జగన్ కు రియల్ టైంలో గాలి పోయింది.