news

ఆంధ్రప్రదేశ్ రాష్ట్రంలో వైమానిక స్థావరాలు ఏర్పాటుకు, భారత వాయుసేన సిద్ధమైంది. రాష్ట్రంలోని మూడు ప్రాంతాల్లో ఇవి రానున్నాయి. అయితే, వీటి ఏర్పాటుకు కేంద్రం సహకరిస్తుందా లేదా అనేది చూడాలి. ఆంధ్రప్రదేశ్ ప్రభుత్వంతో జరిగిన చర్చల్లో,ప్రకాశం జిల్లాలోని దొనకొండ ప్రాంతంలో భారీ హెలికాప్టర్‌ శిక్షణ కేంద్రాన్ని ఏర్పాటు చేయాలని భావిస్తోంది. అనంతపురం జిల్లాలో డ్రోన్ల తయారీ కేంద్రాన్ని, అమరావతిలో సైబర్‌ సెక్యూరిటీ కేంద్రాన్ని నెలకొల్పాలని ఆలోచిస్తోంది. వీటికి సంబంధించిన ప్రణాళికలను రాష్ట్రప్రభుత్వానికి సమర్పించింది. అదేవిధంగా రాజమహేంద్రవరం, విజయవాడ విమానాశ్రయాలను యుద్ధవిమానాలు, ఇతర విమానాల మోహరింపు స్థావరంగా వినియోగించుకోవడానికి ప్రతిపాదించింది.

తూర్పు తీర ప్రాంతంలో నిఘా వ్యవస్థను బలోపేతం చేసే ప్రయత్నాల్లో భాగంగా ప్రస్తుతం వినియోగంలో ఉన్న రాజమహేంద్రవరం, విజయవాడల్లోని విమానాశ్రయాలను స్థావరాలుగా వినియోగించుకోవాలని ఐఏఎఫ్‌ భావిస్తోంది. ప్రస్తుతం చెన్నై సమీపంలోని అరక్కోణంలో వైమానికదళ స్థావరం ఉంది. నౌకాదళానికి విశాఖపట్నంలో ఐఎన్‌ఎస్‌ డేగ కేంద్రం ఉంది. తూర్పు తీర ప్రాంతానికి వ్యూహాత్మక ప్రాముఖ్యత పెరుగుతున్న నేపథ్యంలోనూ, ఈ ప్రాంతంలో చైనా వేగంగా విస్తరిస్తున్న సందర్భంగానూ ఐఏఎఫ్‌ కూడా ఈ ప్రాంతంపై ప్రత్యేక దృష్టి సారించింది. ఇందులో భాగంగా ఆంధ్రప్రదేశ్‌ను వ్యూహాత్మక కేంద్రాల స్థావరంగా మలచుకోవాలని భావిస్తోంది.

అంతేకాకుండా ప్రకృతి విపత్తులు వంటివి సంభవించిన సందర్భాల్లో సహాయ చర్యలు చేపట్టేందుకు వినియోగించే హెలికాప్టర్లు, విమానాలను ఈ స్థావరాల్లో మోహరిస్తారు. ఈ ప్రాజెక్టుల విషయమై ఐఏఎఫ్‌ ఉన్నతాధికారులు ఇప్పటికే ముఖ్యమంత్రి చంద్రబాబుతో ఇప్పటికే మూడు దఫాలు చర్చలు జరిపారు. గత వారం ఐఏఎఫ్‌ దక్షిణాది కమాండ్‌ చీఫ్‌ ఎయిర్‌ మార్షల్‌ బి.సురేష్‌, ఆయన బృందం ముఖ్యమంత్రి క్యాంపు కార్యాలయంలో చంద్రబాబుతో భేటీ అయ్యింది. ఈ సందర్భంగా రాష్ట్రంలోని వివిధ ప్రాంతాల్లో వాయుసేన స్థావరాల ఏర్పాటుకు సంబంధించిన ప్రతిపాదనలపై చర్చించారు. ఈ ప్రతిపాదనలపై ఐఏఎఫ్‌తో సమన్వయం చేసుకోవాలంటూ మౌలికసదుపాయాలు, పెట్టుబడుల శాఖ ముఖ్యకార్యదర్శి అజయ్‌ జైన్‌ను సీఎం ఆదేశించారు.

అనంతపురం జిల్లా, తాడిపత్రి మండలంలో ఉద్రిక్తతలు ఇంకా చల్లారలేదు. వినాయక నిమజ్జనం సందర్భంగా ప్రభోదానందస్వామి వర్గీయులు, గ్రామస్తుల మధ్య జరిగిన ఘర్షణలో ఒకరు చనిపోగా మరో 45 మందికి గాయాలు అయ్యాయి. వారిలో సీఐతోపాటు పది మంది పోలీసులు కూడా ఉన్నారు. గ్రామస్తులపై దాడికి దిగిన ప్రభోదానందస్వామి వర్గంపై చర్యలు తీసుకోవాల్సిందేనని డిమాండ్ చేస్తూ నిన్నటి నుంచి టీడీపీ ఎంపీ జేసీ దివాకర్ రెడ్డి పోలీస్ స్టేషన్ ముందు భైఠాయించి నిరసన తెలుపుతున్నారు. నిన్న రాత్రి అంతా పీఎస్ ముందే ఉన్న ఆయన ఇప్పటికి కూడా అక్కడి నుంచి కదలలేదు.

ఉద్రిక్త పరిస్థితులపై సీఎం చంద్రబాబు నాయుడు ఆరా తీసి విచారణకు కమిటీ వేయాలని జిల్లా కలెక్టర్‌ వీరపాండ్యన్‌ను ఆదేశించారు. జాయింట్ కలెక్టర్, డీఎస్పీ, ఆర్డీవో ఎమ్మార్వోతో నిజ నిర్ధారణ కమిటీ ఏర్పాటు చేయడం జరిగింది. ఈ భేటీలో అనంతపురం జిల్లా తెదేపా నేతలు కూడా పాల్గొన్నారు. శాంతిభద్రతలు కాపాడే విషయంలో ఎట్టి పరిస్థితుల్లో రాజీపడేది లేదని సీఎం స్పష్టం చేశారు. శాంతిభద్రతలు అదుపులో ఉండేలా చర్యలు తీసుకోవాలని అధికారులను ఆదేశించారు. అధికార పార్టీల నేతలు ఎవరైనా శాంతిభద్రతల ఉల్లంఘనకు పాల్పడితే ఉపేక్షించేది లేదని హెచ్చరించారు.

పార్టీలకు అతీతంగా పోలీసులు అక్కడ పరిస్థితులు అదుపులో ఉండేలా ఎలాంటి నిర్ణయాలైనా తీసుకోవాలని సీఎం స్పష్టం చేసినట్లు తెలుస్తోంది. సీఎం చంద్రబాబుకు ఎంపీ జేసీ దివాకర్ రెడ్డి ఫోన్ చేసి తాడిపత్రిలో పరిస్థితిని వివరించారు. ఆశ్రమ నిర్వాహకులపై చర్యలు తీసుకోవాలని సీఎంను జేసీ కోరారు. మరో పక్క ఆక్టోపస్ ని రంగంలోకి దించాలని, గంట గంటకు పరిస్థితి సమీక్షిస్తూ, సాయంత్రానికి ఆర్డర్ లోకి రావాలని పోలీసులకి చంద్రబాబు ఆదేశాలు ఇచ్చారు. మరిన్ని బలగాలను తాడిపత్రికి రప్పించారు. ఆక్టోపస్‌ను బృందాలు కూడా రప్పిస్తున్నారు. ఎట్టి పరిస్థితుల్లో అందరినీ బయటకు పంపేస్తామని ఎస్పీ అశోక్‌కుమార్‌ తెలిపారు.

అనంతపురం జిల్లా, తాడిపత్రి మండలంలో ఉద్రిక్తతలు తగ్గించాల్సింది పోయి, మన ప్రతి పక్ష నాయుకుడు ఇంకా పెంచుతున్నారు. వినాయక నిమజ్జనం సందర్భంగా ప్రభోదానందస్వామి వర్గీయులు, గ్రామస్థుల పై దాడి చేసి, ఒక వ్యక్తిని చంపిన విషయం తెలిసిందే. అయితే, అనూహ్యంగా, ఇలాంటి బాబాని మన ప్రతిపక్ష నాయుడు జగన్ వెనకేసుకుని వచ్చాడు. ఈ రోజు ఈ బాగా భక్తులుగా పేరున్న ఉన్మాదులు, వైజాగ్ వెళ్లి జగన్ ని కలిసి, గ్రామస్థులే మా పై దాడి చేసరాని, జేసీ దివాకర్ రెడ్డి, దగ్గరుండి దాడి చేపించారని చెప్పారు. దీంతో జగన్, ఈ బాబాగారికి పూర్తి మద్దతు ప్రకటించారు.

అయితే ఈ ఆశ్రమం మరో డేరా బాబా ఆశ్రమంలా ఉందని, పోలీసులు అంటున్నారు. భక్తులంతా ప్రార్థనలు, పూజలు చేస్తారనే చెబుతున్నా.. వారి వ్యవహార శైలి అనేక సందేహాలను కల్పిస్తోందని పోలీసులు, రెవెన్యూ అధికారులు అంటున్నారు. ఆశ్రమంలోకి ఇతరులు ఎవరినీ అనుమతించరు. ఆశ్రమం చుట్టూ పెద్ద సంఖ్యలో సీసీ కెమెరాలు అమర్చడం, బయట ప్రైవేటు సెక్యూరిటీ సిబ్బంది, అలాగే భక్తులను అప్రమత్తం చేసేందుకు సైరన్‌ కూడా ఏర్పాటు చేసుకోవడం విశేషం. ఆశ్రమంలోపల పెద్దఎత్తున కర్రలు, రాళ్లు సిద్ధంగా ఉన్నాయి. మరో పక్క, ఈ బాబా ప్రవచనాలు కూడా హిందూ ధర్మానికి పూర్తి వ్యతిరేకంగా ఉన్నాయి.

బ్రహ్మ విష్ణు మహేశ్వరులను బూతులతో పోల్చి, రాముడు కిరాయి హాంతకుడు అని, వినాయక చవితి , కార్తీకమాసం దీపాలు పెట్టడం అని హేళన చేసి , వెంకటేశ్వర స్వామిని నీచంగా మాట్లాడి, ఆర్యులు ద్రావిడులు అంటూ దేశ విచ్ఛిన్న సిద్ధాంతంని లక్షంగా, ఈ బాబా ప్రవచనాలు చేసిన వీడియోలు సోషల్ మీడియాలో హల చల్ చేస్తున్నాయి. ఇలాంటి బాబాని జగన్ సపోర్ట్ చేస్తున్నారు. మరో విషయం ఏమిటంటే, ఈ బాబా కొడుకులు ఇద్దరూ బీజేపీలో మంచి ఆక్టివ్ ఉంటారు. ఆశ్రమ నిర్వాహకులు యోగానంద చౌదరి, ఆయన సోదరుడు జలందర్‌చౌదరి గత సంవత్సరం బీజేపీ తీర్థం పుచ్చుకున్నారు. ఇలాంటి హిందూ మతం వ్యతిరేకిని, హింస ప్రేరేపించే ఉన్మాదిని, బీజేపీ పార్టీలో చేర్చుకోవటం, జగన్ సపోర్ట్ చెయ్యటం చూస్తుంటే, ఈ సంఘటన ఎందుకు జరిగిందో ఇట్టే అర్ధమవుతుంది.