news

2010 నాటి బాబ్లీ ప్రాజెక్టు కేసులో ఏపీ ముఖ్యమంత్రి నారా చంద్రబాబు నాయుడు సహా 16 మందికి మహారాష్ట్రలోని ధర్మాబాద్ కోర్టు నాన్ బెయిలబుల్ వారెంట్ జారీ చేసిన విషయం తెలిసిందే. ఏకంగా ఓ రాష్ట్ర ముఖ్యమంత్రికే ఈ వారెంట్ చర్చనీయాంశంగా మారింది. ఎన్డీయే నుంచి టీడీపీ బయటకు రావడం తదితర పరిణామాలు ఇందుకు కారణంగా, ఇది రాజకీయ కక్షగా కొందరు భావిస్తున్నారు. ఒక్క నోటీసు కూడా ఇవ్వకుండా ఏకంగా అరెస్టు వారెంటు జారీ కావడం వెనుక రాజకీయ కుట్ర ఉందని, ఒకో పావును కదుపుతున్నారన్న అభిప్రాయం కలుగుతోందని టీడీపీ ముఖ్యలు అనుమానిస్తున్నారు.

బాబ్లీ ప్రాజెక్టు ఆందోళనకు సంబంధించి మహారాష్ట్రలోని ధర్మాబాద్ కోర్టు ఏపీ ముఖ్యమంత్రి చంద్రబాబుకు నాన్ బెయిలబుల్ వారెంట్ జారీ చేసిన సంగతి తెలిసిందే. ఈ వారెంట్ ఇరు తెలుగు రాష్ట్రాల్లో రాజకీయ ప్రకంపనలు రేపుతోంది. మరోవైపు, మహారాష్ట్ర పోలీసులను సైతం దిక్కు తోచని స్థితిలో పడేసింది. ఒక రాష్ట్రానికి ముఖ్యమంత్రిగా ఉన్న చంద్రబాబు విషయంలో ఎలా ముందుకు వెళ్లాలనే అంశంపై మహారాష్ట్ర, నాందేడ్ పోలీసులు తర్జనభర్జన పడుతున్నారు. ముఖ్యమంత్రి స్థాయి వ్యక్తిని అరెస్ట్ చేస్తే పరిణామాలు అదుపుతప్పే అవకాశం ఉందని వారు భావిస్తున్నారు. ఈ నేపథ్యంలో, వీడియో కాన్ఫరెన్స్ ద్వారా చంద్రబాబును విచారించాలనే ఒక నిర్ణయానికి వచ్చినట్టు తెలుస్తోంది.

ఐరాస సమావేశంలో ప్రసంగించేందుకు చంద్రబాబు 23న అమెరికా వెళ్తున్నారు. సరిగ్గా దీనికి రెండు రోజుల ముందు కోర్టులో చంద్రబాబు బృందాన్ని హాజరు పరచాలని వారెంటు జారీ కావడం.. ఆయన్ను అందులో పాల్గొనకుండా చేసేందుకేనని కొందరు టీడీపీ నేతలు ఆరోపిస్తున్నారు. తదుపరి కార్యాచరణపై చర్చ నడుస్తోంది. వారెంటు అమలు కాకుండా పైకోర్టు నుంచి ఆదేశాలు పొందవచ్చని కొందరు చెబుతుండగా, నేరుగా కోర్టుకు హాజరైతే బాబ్లీ కోసం గతంలో చేసిన పోరాటం అందరికీ మరోసారి తెలుస్తుందని మరికొందరు అభిప్రాయపడుతున్నారు. గతంలో ముఖ్యమంత్రులు ఎవరైనా ఎప్పుడైనా ఇలాంటి కేసుల్లో కోర్టుకు హాజరయ్యారా... దాని వల్ల తర్వాతి పరిణామాలు ఎలా ఉన్నాయన్నదానిపై పార్టీ వర్గాలు సమాచారం సేకరిస్తున్నాయి.

ఎప్పుడు ఎన్నికలు దగ్గర పడుతున్నా, సర్వేలు రావటం అనేది సహజం. అయితే మన రాష్ట్రంలో మాత్రం, జగన్ మోహన్ రెడ్డి వచ్చిన దగ్గర నుంచి, అనూహ్యంగా, జాతీయ మీడియాలో కూడా, మన రాష్ట్రం గురించి సర్వేలు వెయ్యటం ప్రారంభం అయ్యాయి. ఇలాంటివి ఇది వరకు ఎన్నికలప్పుడు మాత్రమే జాతీయ మీడియా వేసిది. అయితే జగన్ మాత్రం, తనకు తెలిసిన విద్యలతో, జాతీయ మీడియాతో టై అప్ అయ్యి, సంవత్సరం ముందు నుంచి హడావిడి చేస్తూ, జగన్ గెలిచిపోతున్నాడు అంటూ ఆ సర్వేలు వేయించుకుంటాడు. అదే తీసుకవచ్చి, తన పేపర్ లో మెయిన్ హెడ్డింగ్ గా వేసుకుని, తాను ఆనంద పడుతూ, తన అభిమనాలుని ఆనంద పరుస్తాడు.

ఈ కోవలోనే, నిన్న ఒక సర్వే వచ్చింది. అందులో, జగన్ గెలిచిపోతున్నాడు, చంద్రబాబు ఓడిపోతున్నాడు అంటూ, ఆ సర్వే ఊదరగొట్టింది. ఇక ఇది చూసుకుని, జగన్ మోహన్ రెడ్డి ఎక్కడా ఆగటం లేదు. అయితే, ఈ సర్వే ఫాల్స్ అనేది అందరికీ తెలుసు. ఎందుకంటే, ఇది వరకు కూడా ఇలాంటే సర్వేలే వచ్చాయి. తీరా ఎన్నికలు ఆయిత తరువాత, జగన్ ఓడిపోవటం అనేది కామన్. జగన్ ఏమో సర్వేల్లో గెలుస్తాడు, చంద్రబాబు ఏమో, ప్రజల్లో గెలుస్తాడు, ఇదే జరుగుతూ వస్తుంది. కావాలంటే, అప్పట్లో జగన్ గెలుస్తాడు అంటూ చెప్పిన సర్వే లు చూడండి.. ఇలా ప్రజలను ప్రభావితం చెయ్యటానికి, జగన్, అమిత్ షా పడుతున్న తిప్పలు ఇవి.

దీని పై తెలుగుదేశం కూడా స్పందించింది... కేంద్ర ప్రభుత్వం ఛానెల్స్ ద్వారా తప్పుడు సర్వేలు చేయిస్తోందని ఏపీ ప్రణాళికా మండలి ఉపాధ్యక్షుడు కుటుంబరావు అన్నారు. ఒకే సంస్థ రెండు నెలల వ్యవధిలో రెండు రకాలుగా తప్పుడు సర్వే ఫలితాలను విడుదల చేసిందని విమర్శించారు. ఇదే యాక్సిస్ సంస్థ కర్ణాటకలో సర్వే చేస్తే ఎలాంటి ఫలితాలు వచ్చాయో ప్రజలందరికీ తెలుసన్నారు. ఇదే సంస్థ గత జూలై లో నిర్వహించిన సర్వేలో 45శాతం మంది ఓటర్లు చంద్రబాబుకు అనుకూలంగా ఉన్నారని ఇచ్చిందని గుర్తు చేశారు. అంధ్రప్రదేశ్‌ ప్రభుత్వం 104 పథకాలు అమలు చేస్తోందని తెలిపారు. కేంద్రం ప్రోద్బలంతో కేసుల భయమంటూ తెదేపాపై కేవీపీ ఆరోపణలు చేస్తున్నారని కుటుంబరావు అగ్రహం వ్యక్తం చేశారు.

మొన్న కెసిఆర్ మాటలు గుర్తుండే ఉంటాయి. "అసలు తెలుగుదేశం అనేది ఒక పార్టీనా రా అయ్యా ? దానికి తెలంగాణాలో 0.0001 % ఓటింగ్ కూడా లేదు. అలాంటి పార్టీ గురించి మేము పట్టించుకుంటామా. అలాంటి ఓటింగ్ ఉన్న చంద్రబాబు ఒక నాయకుడా ? మాకు ఇలాంటి వాళ్ళతో అసలు పంచాయతీనే లేదు. అసలు అది ఒక పార్టీనే కాదు" అంటూ కెసిఆర్ చెప్పారు. మరి ఆయన సోయలో ఉండి చెప్పాడో, బ్యాలెన్స్ తప్పి చెప్పాడో కాని, తెలుగుదేశం పార్టీ అనేది తెలంగాణాలో లేదంటూ హేళనగా మాట్లాడారు. అయితే, కెసిఆర్ ద్రుష్టిలో 0.0001 % ఓటింగ్ ఉన్న తెలుగుదేశం పార్టీ పై, ఈ రోజు కెసిఆర్ భజన బృందం వరుస పెట్టి ప్రెస్ మీట్లు పెట్టింది.

చంద్రబాబుని టార్గెట్ చేసుకుని, దాదాపు 10 మంది తెరాస నాయకులు ప్రెస్ మీట్ పెట్టారు. పాపం ప్రధాన ప్రత్యర్ధి కాంగ్రెస్ అనుకుంటున్నారో, తెలుగుదేశం అనుకుంటున్నారో కాని, చంద్రబాబు పేరు వింటేనే, చంద్రబాబు వేసే రాజకీయ ఎత్తులు చూస్తుంటేనే, తెరాస నాయకులకు వణుకు మొదలైంది. అందుకే 0.0001 % ఓటింగ్ కూడా లేని చంద్రబాబు పై, ఈ రోజు ఒకరి తరువాత ఒకరు ఎగబడ్డారు. బాల్కసుమన్ అనే ఒక లో క్లాస్ నాయకుడు గురించి వినే ఉంటారు. టీవీ స్టూడియోల్లో కుట్టుకున్న మహా ఘనుడు. ఇలాంటి వాడిని తీసుకెళ్ళి ఎంపీ చేసిన కెసిఆర్ కి ముందు ఒక దండం పెట్టాలి. ఇలాంటి లో క్లాస్ నాయకుడు అయిన బాల్కసుమన్ ఆంధ్రప్రదేశ్ ఇంటెలిజెన్స్ పై రెచ్చిపోయాడు.

ఒక వేళ ఎంపీ కాకుండా ఉంటే, బెజవాడ తీసుకోవచ్చి, ఏది కొయ్యలో అది కోసి చేతిలో పెట్టేవారు ఆంధ్రా పోలీస్.. ఆ విధంగా రెచ్చిపోయాడు బాల్కా. తెలంగాణలో ఏపీ ఇంటెలిజెన్స్ చీఫ్ ఏబీ వెంకటేశ్వరరావు నేతృత్వంలో ఉన్నతాధికారుల బృందం తిష్ట వేసిందని, అక్కడ దోచుకున్న సొమ్మును తెలంగాణలో ఖర్చు పెట్టి రాష్ట్రాన్ని విచ్ఛిన్నం చేసేందుకు బాబు కుట్ర పన్నాడని, ఈ అధికారులను వెంటనే ఏపీకి పంపేయాలని డీజీపీ, రాష్ట్ర గవర్నర్ కు ఫిర్యాదు చేస్తామని బాల్క సుమన్ తెలిపారు. అయితే, ఈ లో క్లాస్ ఫెలోకి, హైదరాబాద్ ఉమ్మడి రాజధాని అనే సోయ కూడా లేకుండా, ఏపి పోలీస్ అంతు చూస్తాం అనే కాడికి వచ్చాడు. ఇలాంటి అలగా జనంతో, కెసిఆర్ ఏమి సాధిస్తాడో ఆయనకే తెలియాలి.