news

బాబ్లీ ప్రాజెక్టుకు వ్యతిరేకంగా ఉద్యమించిన టీడీపీ అధినేత, నవ్యాంధ్ర సీఎం చంద్రబాబుకు నాన్‌ బెయిలబుల్‌ వారెంట్ల జారీ వెనుక బీజేపీ కుట్ర ఉందన్న ఆరోపణలను ఆ పార్టీ జాతీయ అధ్యక్షుడు అమిత్‌షా తోసిపుచ్చిన సంగతి తెలిసిందే. ఆ ప్రాజెక్టుకు వ్యతిరేకంగా 2010లో టీడీపీ ధర్నా చేపట్టిన సమయంలోను, కేసు పెట్టినప్పుడు మహారాష్ట్రలో, ఆంధ్రప్రదేశ్‌లో కాంగ్రెస్‌ ప్రభుత్వాలే ఉన్నాయని తెలిపారు. అలాంటి కుట్రలు చేసిన కాంగ్రె్‌సతోనే ఇప్పుడు కూటమి కట్టడానికి చంద్రబాబు ప్రయత్నిస్తున్నారని విమర్శించారు. అసలు మాకు ఇలాంటి పనులు చేసే అలవాటు లేదని, మేము ఎవరి పైనా కక్ష సాధింపు చెయ్యమని చెప్పారు.

శనివారం హైదరాబాద్‌లోని బీజేపీ రాష్ట్ర కార్యాలయంలో షా విలేకరులతో మాట్లాడారు. ‘చంద్రబాబు తనపై కేసు పెట్టిన పార్టీతో కలిసి ఇప్పుడు తెలంగాణలో ఓట్లు అడగడానికి వెళ్తున్నారు. బాబ్లీ కేసుతో బీజేపీకి ఎలాంటి సంబంధం లేదు. 2013లో చార్జిషీటు దాఖలైనప్పుడు కూడా కాంగ్రెసే అధికారంలో ఉంది. అప్పటి నుంచి 25 సమన్లు జారీ అయ్యాయి. అయినా ఆయన వెళ్లలేదు. కోర్టు తన పని తాను చేసుకుపోతుంది. కేవలం ప్రజల నుంచి సానుభూతి పొందడానికే.. బీజేపీపై తప్పుడు ప్రచారం చేస్తున్నారు. ఇదంతా తెలుగు ప్రజలకు తెలుసు. కేసు దేనికి సంబంధించింది.. ఓట్లు ఎవరికి వేయాలో వారికి తెలుసు’ అని వ్యాఖ్యానించారు.

అయితే అమిత్ షా వ్యాఖ్యల పై, ఈ రోజు చంద్రబాబు స్పందించారు. కొండవీటి వాగు ఎత్తిపోతల ప్రారంభోత్సవ సందర్భంగా ఆయన అమిత్ షా వ్యాఖ్యలకు కౌంటర్ ఇచ్చారు. ఎస్సార్‌ఎస్పీ పరిధిలోనే బాబ్లీ ప్రాజెక్టు కట్టారని, ఉత్తర తెలంగాణ ఎడారిగా మారుతుందని పోరాటం చేశామని సీఎం చంద్రబాబు చెప్పారు. బాబ్లీ విషయంలోనే కాదు.. ఆల్మట్టి ఎత్తు పెంపులోనూ పోరాడానని చెప్పారు. ఎనిమిదేళ్ల తర్వాత ఇప్పుడు అరెస్ట్‌ వారెంట్‌ అంటున్నారని, వారెంట్ల విషయంలో తమకు సంబంధం లేదని బీజేపీ జాతీయ అధ్యక్షుడు అమిత్‌‌షా అన్నారని, కేంద్రం, మహారాష్ట్రలో ఏ ప్రభుత్వాలు ఉన్నాయని ప్రశ్నించారు. ఏ నోటీస్ ఇవ్వకుండా, ఇప్పటికిప్పుడు కేసు తిరగదోడి, ఇలాంటి పనులు చెయ్యటం ఏంటని ప్రశ్నించారు. డ్రామాలు ఆడాల్సిన అవసరం తనకు లేదని, బ్యాంకు దోచేసినవాళ్లని విదేశాలకు పంపిస్తారని చంద్రబాబు ఆరోపించారు.

జగన్ మోహన్ రెడ్డి ఇచ్చిన ట్రీట్మెంటో, మరేదైనా కారణమో కాని, ఇన్నాళ్ళ నుంచి తాను రాజకీయ వ్యుహకర్తగా చేసిన ఉద్యోగం నుంచి గుడ్ బై చెప్తున్నట్టు ఎన్నికల వ్యూహకర్త ప్రశాంత్ కిశోర్ ప్రకటించన సంగతి తెలిసిందే. అయితే, ప్రకటించిన వెంటనే, ఆయన నిర్ణయం కూడా తీసేసుకున్నాడు. ప్రశాంత్ కిశోర్ ఈ రోజు రాజకీయ అరంగ్రేటం చేస్తున్నారు. ఇన్నాళ్లు పలు పార్టీలకు ఎన్నికల వ్యూహకర్తగా పనిచేసిన ఆయన, ఇప్పుడు పూర్తిస్థాయి రాజకీయ నేతగా మారబోతున్నారు. బీహార్ నుంచి రాజకీయ జీవితాన్ని ప్రారంభిస్తున్నారు. ఇవాళ బీహార్ సీఎం నితీష్ కుమార్ సమక్షంలో జేడీయూలో చేరబోతున్నారు. జేడీయూ జాతీయ కార్యవర్గ సమావేశానికి ముందు పార్టీలో చేరుతారని తెలుస్తోంది. ఈ మేరకు జేడీయూ పార్టీలు వర్గాలు ధృవీకరించాయి.

ప్రశాంత్ కిశోర్ ఆదివారం ఉదయం ఇచ్చిన ఓ ట్వీట్‌లో ‘‘బిహార్ నుంచి కొత్త ప్రయాణాన్ని ప్రారంభించడం ఉత్తేజభరితంగా ఉంది’’ అని పేర్కొన్నారు. ఆయనకు జేడీయూ చీఫ్ నితీశ్ కుమార్ పార్టీ సభ్యత్వం ఇస్తారని ఆ పార్టీ వర్గాలు తెలిపాయి. ప్రశాంత్ కిశోర్ గతంలో ఐక్యరాజ్యసమితిలో పబ్లిక్ హెల్త్ ఆఫీసర్‌గా పనిచేశారు. అనంతరం ఎన్నికల వ్యూహకర్తగా అవతారమెత్తారు. ఇండియన్ పొలిటికల్ యాక్షన్ కమిటీ (ఐపాక్) వ్యవస్థాపక సభ్యుల్లో ప్రశాంత్ కిశోర్ ఒకరు. 2014 ఎన్నికల్లో బీజేపీ వ్యూహకర్తగా పనిచేసి మోడీ విజయంలో కీలక పాత్ర పోషించారు.

2015 బీహార్ ఎన్నికల్లో బీజేపీకి వ్యతిరేకంగా ఏర్పడిన మహాకూటమి తరపున పనిచేసి సక్సెస్ అయ్యారు. 2017 పంజాబ్ ఎన్నికల్లోనూ కెప్టెన్ అమరీందర్ సింగ్‌కు సలహాదారుగా ఉండి..కాంగ్రెస్ విజయానికి కారణమయ్యారు. ఐతే ఉత్తరప్రదేశ్, ఉత్తరాఖండ్ ఎన్నికల్లో కాంగ్రెస్‌కు వ్యూహకర్తగా పనిచేసిన ప్రశాంత్ కిశోర్ విఫలమయ్యారు. ఏపీలో వైసీపీకి సైతం విలువైన సలహాలు సూచనలు ఇచ్చారు. ప్రశాంత్ కిశోర్ స్వస్థలం బీహార్‌లోని సాసారం. 2019 ఎన్నికల నేపథ్యంలో ఎన్నికల వ్యూహకర్తగా పనిచేయాలని బీజేపీ, కాంగ్రెస్ నుంచి ఆయనకు పిలుపువచ్చినట్లు సమాచారం. కానీ ప్రశాంత్ కిశోర్ మాత్రం వాటిని తిరస్కరించి.. అనూహ్యంగా రాజకీయ అరంగ్రేటం చేస్తున్నారు. తాను రాజకీయంగా ఎదిగేందుకు ప్రాంతీయ పార్టీలోనే ఎక్కువగా అవకాశాలుంటాయని భావిస్తున్నారు.

ఆంధ్రప్రదేశ్ ముఖ్యమంత్రి చంద్రబాబు నాయుడుకి, కేరళ ముఖ్యమంత్రి విజయన్ లేఖ రసారు. వరదలతో అతలాకుతలం అయిన కేరళ రాష్ట్రానికి, ఆంధ్రప్రదేశ్ ప్రభుత్వం, ప్రజలు చేసిన సహాయానికి కృతజ్ఞత చెప్పారు. ఆంధ్రప్రదేశ్ ప్రభుత్వం తరుపున ఇచ్చిన 10 కోట్లు, వివిధ సంఘాల నుంచి ఇచ్చిన మిగతా డబ్బులు, మెటీరియల్ కలిపి, 40 కోట్లు ఇచ్చినందుకు థాంక్స్ చెప్పారు. పక్క రాష్ట్రం ఇబ్బందుల్లో ఉంటే, సరైన సమయంలో మీరు చూపించిన చొరవకి, మనందరం ముందు భారతీయలం అనే భావం వ్యక్తం అయ్యిందని, చాలా సంతోషం అంటూ, కృతజ్ఞతలు చెప్తూ, ఆంధ్రప్రదేశ్ ముఖ్యమంత్రి చంద్రబాబు నాయుడుకి, కేరళ ముఖ్యమంత్రి విజయన్ లేఖ రసారు.

వరదల వల్ల కష్టాల్లో ఉన్న కేరళకు ఏపీ ప్రభుత్వం రూ.51 కోట్లకు పైగా సాయాన్ని పంపింది. కేరళ సచివాలయంలో బుధవారం నిర్వహించిన కార్యక్రమంలో ఏపీ తరఫున ఉపముఖ్యమంత్రి చినరాజప్ప చెక్కులు అందించారు. కేరళ సీఎం పినరయి విజయన్‌ విదేశీ పర్యటనకు వెళ్లడంతో చెక్కులను ఆ రాష్ట్ర పరిశ్రమల మంత్రి జయరాజన్‌కు అందించారు. ఉపముఖ్యమంత్రి వెంట రియల్‌టైం గవర్నెన్స్‌ సొసైటీ సీఈవో బాబు ఉన్నారు. ఈ సందర్భంగా జయరాజన్‌ మాట్లాడుతూ కష్టకాలంలో అండగా నిలిచిన ఆంధ్రప్రదేశ్‌ ప్రజలు, ప్రభుత్వం, సీఎం చంద్రబాబుకు కృతజ్ఞతలు తెలిపారు. ఉపముఖ్యమంత్రి చినరాజప్ప మాట్లాడుతూ కేరళను అన్ని విధాల ఆదుకోవడానికి ఏపీ సిద్ధంగా ఉందని ముఖ్యమంత్రి చంద్రబాబు తెలియజేశారన్నారు.

కేరళకు అందించిన రూ.51కోట్ల సాయంలో ఏపీ ప్రభుత్వం ప్రకటించిన రూ.10కోట్లు, ఏపీ ఎన్జీవోల ఒకరోజు వేతనం రూ.20కోట్లు, తదితరాలు ఉన్నాయి. వ‌ర‌ద‌ల‌కు తీవ్రంగా దెబ్బ‌తిన్న కేర‌ళ రాష్ట్రానికి ఆంధ్ర‌ప్ర‌దేశ్ ప్ర‌భుత్వం రూ.51 కోట్ల‌కుపైగా సాయం అంద‌చేసింది. రాష్ట్ర ప్రభుత్వం రూ.51.018 కోట్ల న‌గ‌దు, స‌హాయ సామ‌గ్రిని మంగళవారం కేర‌ళ‌కు పంపింది. ఇందులో రూ.35 కోట్ల విరాళం కాగా, మిగిలినవి సహాయ సామ‌గ్రి. ఆంధ్ర‌ప్ర‌దేశ్ రాష్ట్ర ప్ర‌భుత్వం ఇచ్చిన రూ.10 కోట్లు, ఏపీ ఎన్జీఓలు త‌మ ఒక రోజు వేత‌నం విరాళంతో ఇచ్చిన .20 కోట్లు, ఏపీఎస్ఆర్టీసీ ఉద్యోగుల ఒక రోజు వేత‌నం విరాళంతో ఇచ్చిన రూ.కోటి, పీఐఐసీ నుంచి రూ.17 ల‌క్ష‌ల విరాళం, ఆర్టీజీఎస్ ఉద్యోగుల ఒక రోజు వేత‌నం విరాళంతో ఇచ్చిన రూ.8.09 ల‌క్ష‌లు, పౌర‌స‌ర‌ఫ‌రాల శాఖ పంపిన రూ.6 కోట్ల విలువైన 2,014 మెట్రిక్ ట‌న్నుల బియ్యం, కృష్ణా జిల్లా నుంచి పంపిన రూ.కోటి విలువైన సామ‌గ్రి, విశాఖ‌ప‌ట్నం నుంచి పంపిన రూ.10వేల దుప్ప‌ట్లు ఇత‌రత్రా స‌హాయ సామ‌గ్రి ఇందులో ఉన్నాయి.