news

వైఎస్ఆర్ కాంగ్రెస్ పార్టీ రెబెల్ ఎంపీని సిబిఐ టార్గెట్ చేసింది. ఎంపీ రఘురామకృష్ణరాజుతో సహా 16 మందిపై సీబీఐ ఛార్జిషీటు దాఖలు చేసింది. బ్యాంకులకు రూ.947.71 కోట్లు నష్టం కలిగించిన కేసులో సీబీఐ చార్జిషీటు దాఖలు చేసినట్టు తెలిపింది. 2019 ఏప్రిల్ 29న కేసు నమోదు చేసి సీబీఐ విచారణ చేపట్టింది. రఘురామరాజుకు చెందిన, ఇండ్ భారత్ పవర్ మద్రాస్ సంస్థకు చెందిన 16 మందిపై ఎఫ్ఐఆర్ నమోదు చేసింది సిబిఐ. 2018 అక్టోబర్ లో రిజిష్టర్ చేసిన ఎఫ్ఐఆర్ ఆధారంగా సీబీఐ ఇప్పుడు విచారణ చేసింది. ఇండ్ భారత్ పవర్ సంస్థ, డైరెక్టర్ ల పై సీబీఐ విచారణ చేసింది. థర్మల్ పవర్ ప్లాంట్ ఏర్పాటుకు రూ.947.71 కోట్లు సంస్థ తీసుకున్నట్టు తెలుస్తుంది. తమిళనాడు టుటికోరిన్ లో థర్మల్ విద్యుత్ కేంద్రం ఏర్పాటుకు రుణాలు ఇచ్చారు. అయితే నిబంధనలు పాటించకుండా.. నిధులు దారి మళ్లించానేది సీబీఐ ఆరోపణ. విచారణ అనంతరం చార్జిషీటు దాఖలు చేసినట్లు సీబీఐ ప్రకటన చేసింది. త్వరలోనే సిబిఐ రఘురామరాజుని విచారణ చేసే అవకాశాలు ఉన్నట్టు తెలుస్తుంది. అయితే ఈ మొత్తం ఎపిసోడ్ వెనుక వైసిపీ ఉందని, మొదటి నుంచి రఘురామరాజు ఆరోపిస్తున్నారు. తమిళనాడు ప్రభుత్వం చేసిన పనితో ఇబ్బందులు వచ్చాయని, ఇది కోర్టులో కూడా ఉన్నట్టు చెప్తున్నారు.

సిబిఐ రఘురామరాజు మీద ఎఫ్ఐఆర్ నమోదు చేయటంతో, వైఎస్ఆర్ కాంగ్రెస్ పార్టీ, రఘురామరాజుని టార్గెట్ చేయటం మొదలు పెట్టింది. రఘురామరాజు త్వరలో జైలుకు వెళ్తారని, సిబిఐ అరెస్ట్ చేస్తుందని ప్రచారం మొదలు పెట్టారు. దీని పై రఘురామరాజు తనదైన శైలిలో స్పందించారు. ఈ రోజు తన పై పత్రికల్లో కధనాలు వచ్చాయని, సాక్షి అయితే ఇంకా పెద్దగా రాసిందని, తన పైన దాఖలైన చార్జ్ షీట్ విషయంలో సంతోషంగా ఉన్నానని, ఇది ఎప్పటి నుంచో పెండింగ్ లో ఉందని, ఇప్పుడు నాకు కోర్టుకు వెళ్లి వాదనలు వినిపించుకే అవకాసం వచ్చిందని, కోర్టులోనే ఈ విషయం పై నిజా నిజాలు బయటకు వస్తాయని అన్నారు. కంపెనీల మధ్య సివిల్ డిస్ప్యూట్ అని, అంతే కాని క్రిమినల్ ఆక్టివిటీ కాదని అన్నారు. ఈ రోజు రాష్ట్ర ప్రభుత్వంలో జెన్ కో, బకాయలు రాక ఎలా దివాళా తీసిందో, తన కంపెనీ కూడా అలాగే అయ్యిందని, ఇది కోర్టులో వీగిపోతుందని అన్నారు. రేపో మాపో జైలుకు పోయే అరంగుళం వెధవల గురించి పట్టించుకోవాల్సిన అవసరం లేదని అన్నారు.

ఆంధ్రప్రదేశ్ రాష్ట్రంలో సంచలన విషయాలు బయట పడ్డాయి. సిబిఐ రంగంలోకి దిగటంతో అసలు గుట్టు బయట పడింది. రాష్ట్రం నుంచి అక్రమంగా తరలిస్తున్న ఎర్ర చందనం రాకెట్ వెనుక ఉన్న అధికారులను పోలీసులు పట్టుకున్నారు. ఎర్ర చందనం స్మగ్లింగ్‌లో ఏకంగా కస్టమ్స్ అధికారులు దొరికారు. ఒక ముఠాతో కలిసి కస్టమ్స్ అధికారులు, ఎర్ర చందనం స్మగ్లింగ్ చేస్తున్నట్టు సిబిఐ అధికారులు గుర్తించారు. దీంతో పట్టుకున్న కస్టమ్స్ అధికారులపై సీబీఐ కేసులు నమోదు చేసింది. మొత్తం ముగ్గురు కస్టమ్స్ అధికారులను పట్టుకున్నారు. అలాగే స్మగ్లింగ్‌కు పాల్పడుతున్న ఇద్దరు వ్యక్తులపై కూడా కేసులు నమోదు చేసి, ఎఫ్ఐఆర్ కూడా ఓపెన్ చేసారు. ఎర్రచందనం దుంగలను చూపించి, అవి పైపులంటూ స్మగ్లింగ్ చేస్తున్నారు. ఏకంగా కస్టమ్స్ శాఖలో సూపరింటెండెంట్‌లుగా చేస్తున్న వెంకటేష్, అనంత పద్మనాభారావులను సిబిఐ అధికారులు పట్టుకున్నారు. రాయలసీమ ప్రాంతం నుంచి ఈ స్మగ్లింగ్ జరుగుతున్నట్టు గుర్తించారు. అయితే దీని వెనుక ఉన్న రాజకీయ నాయకులు ఎవరు అనేది కూడా కూపీ లాగుతున్నారు. ఈ తీగ లాగితే పెద్ద తలకాయలు బయటకు వచ్చే అవకాశం ఉంది.

ఆంధ్రప్రదేశ్ రాష్ట్ర ప్రభుత్వానికి గుజరాత్ అముల్ సంస్థ అంటే ఎంత ప్రేమో అందరికీ తెలిసిందే. అమూల్ సంస్థ కోసం ఇక్కడ మన రాష్ట్రంలో ఉన్న సహకార సంఘాలను కూడా నిర్వీర్యం చేయటమే కాదు, ధూలిపాళ్ళ నరేంద్ర లాంటి వారిని ఎలా టార్గెట్ చేసారో అందరం చూసాం. అమూల్ సంస్థ కోసం ఎన్నిఎన్ని రాయతీలు, ఎంత ప్రాధాన్యత ఇచ్చారో అందరూ చూసారు. ఏకంగా గ్రామాల్లోకి వెళ్లి, వేరే వారికి పాలు పోయోడద్దు, మాకే పాలు పోయాలి అంటూ, కొంత మంది బెదిరించారు అని కూడా వార్తలు వచ్చాయి. అత్యుత్సాహం ఎక్కువ ఉన్న వాళ్ళు, అమూల్ సంస్థకు పాలు పోయక పొతే ఏకంగా పధకాలు కూడా ఆపేస్తాం అనే స్థాయికి కూడా వెళ్ళారు. ఇక్కడ వరకు అంతా బాగానే ఉంది. అమూల్ సంస్థ కోసం రాష్ట్ర ప్రభుత్వం, ఇంతలా పాకులాడటం వెనుక ఉన్న మతలబు ఏమిటో పక్కన పెడితే, ఇంత చేస్తున్న మన రాష్ట్రానికి అమూల్ సంస్థ ఏదో ఒక విధంగా ఆదుకుంటుందని అందరూ భావించారు. కానీ అమూల్ సంస్థ ప్రభుత్వ పెద్దలను ఏ విధంగా ఆదుకుందో తెలియదు కానీ, మన రాష్ట్రానికి మాత్రం భారీ దెబ్బ కొట్టిందనే చెప్పాలి. అమూల్ సంస్థ మన దగ్గర పాలు కొంటూ, ఇక్కడ ఏమి పెట్టుబడులు పెట్టకుండా, పక్క రాష్ట్రమైన తెలంగాణాలో భారీ పెట్టుబడి పెట్టి అందరికీ షాక్ ఇచ్చింది.

ఇది న్యూ ఇయర్ లో జగన్ మోహన్ రెడ్డి గారికి షాక్ అనుకోవాలో, లేక మన ఆంధ్రప్రదేశ్ ప్రజలకు షాక్ ఆనుకోవాలో కానీ, అమూల్ సంస్థ చేసిన పనికి అందరూ అవాక్కయ్యారు. అమూల్ సంస్థ తెలంగాణా రాష్ట్రంలో ఏకంగా రూ.500 కోట్లతో పెట్టుబడి పెట్టటానికి ఆ ప్రభుత్వంతో ఒప్పందం కుదుర్చుకుంది. అమూల్ సంస్థ కోసం బ్రాండ్ అంబాసిడర్ గా పని చేసిన ఆంధ్రప్రదేశ్ ప్రభుత్వాన్ని కాదని, తెలంగాణాలో పెట్టుబడి పెట్టారు అంటే, మన రాష్ట్రం పై వాళ్ళకున్న అభిప్రాయం వ్యక్తం అవుతుంది. రెండు రోజుల క్రితమే జగనన్న పాల వెల్లువ అనే పధకం కూడా ప్రారంభించారు. ఇప్పుడు కట్ చేస్తే ఇది పరిస్థితి. దీని వెనుక ఉన్న స్కెచ్ ఏంటో, దీని వెనుక ఉన్న రాజకీయ ప్రయోజనాలు ఏమిటో, ఎవరు వ్యక్తిగతంగా లబ్ది పొందుతున్నారో కానీ, ఆంధ్రప్రదేశ్ ప్రజలకు మాత్రం ఇది షాక్ అనే చెప్పాలి. ఒక పక్క రాష్ట్రంలో పెట్టుబడులు రావటం లేదు అని బాధ పడుతుంటే, మన రాష్ట్ర ప్రభుత్వం ఎంతో ప్రాధాన్యత ఇచ్చిన కంపెనీ కూడా ఇలా చేయటం, నిజంగా మన దౌర్భాగ్యమే.