news

ఏపి ప్రభుత్వానికి వరుస పెట్టి కష్టాలు ఎదురు అవుతున్నాయి. నిన్న ఎయిడెడ్ స్కూల్స్ పై ప్రజలు రోడ్డు ఎక్కి ఆం-దో-ళ-న చేసిన విషయం తెలిసిందే. ఇప్పుడు ఏపి ప్రభుత్వానికి మరో త-ల-నొ-ప్పి మొదలైంది. తమ సమస్యలు పరిష్కరాం అవ్వటం లేదని, అవి పరిష్కారం అయ్యే వరకు ఈ రోజు నుంచి ఏపిలో రేషన్ దిగుమతితో పాటుగా, పంపిణీ కూడా నిలిపివేస్తున్నమాని రేషన్ డీలర్ల సంఘం నిన్న ప్రకటించి, రాష్ట్ర ప్రభుత్వానికి షాక్ ఇచ్చింది. 2020 పీఎంజీకేవై కు సంబంధించి ఇప్పటికీ ఆ కమీషన్ బకాయిలు చెల్లించలేదని, వాటిని వెంటనే చెల్లించాలని కమీషన్ బకాయిలు విడుదల చేయాలి అంటూ, రేషన్ డీలర్ల సంఘం తమ ప్రధాన డిమాండ్ గా చెప్తుంది. డీడీ నగదు వాపసుతో పాటుగా, ధరల వ్యత్యాస సర్క్యులర్లను ఏపి ప్రభుత్వం వెంటనే అమలు చేయాలని వారు ప్రభుత్వాన్ని కోరుతున్నారు. అలాగే రేషన్ డీలర్ల నుంచి ఐసీడీఎస్‌కు కందిపప్పును మళ్ళించారని, దానికి సంబంధించిన బకాయిలను కూడా వెంటనే తమకు చెల్లించాలని డీలర్లు కోరుతున్నారు. ఒకటి కాదు రెండు కాదని, నెలలు నెలలుగా తమకు రావాల్సిన కమిషన్ ని రాష్ట్ర ప్రభుత్వం ఇవ్వటం లేదని వాళ్ళు వాపోతున్నారు. 2020 మార్చి 29 నుంచి, ఈ రోజు వరకు కూడా తమకు ఏపీ పౌరసరఫరాల కార్పొరేషన్ నుంచి బకాయిలు రాలేదని అన్నారు.

ఇక అలాగే గోనె సంచుల విషయంలో కూడా ప్రభుత్వం తమను మోసం చేసిందని వాపోతున్నారు. గోనె సంచులను కనుక తిరిగి ప్రభుత్వానికి ఇచ్చేస్తే, సంచికి రూ.20 చొప్పున ఇస్తాం అన్నారని, అయితే ప్రభుత్వం ఇప్పుడు సంచులు తీసుకుని వాటికి చెల్లింపులు చేయం అంటూ చెప్పటం సరైంది కాదని, డీలర్లు ప్రభుత్వం పై ఆగ్రహం వ్యక్తం చేసారు. ఒక పక్క డబ్బులు ఇవ్వకుండా, గోనె సంచులు తిరిగి ఇవ్వకుంటే, తమకు ఇచ్చేవి కట్ చేయటమే కాకుండా, కేసులు పెడతాం అంటూ బెదిరిస్తున్నారని వాపోయారు. ఒక పక్క తెలంగాణాలో చక్కగా తీసుకుంటున్నారని, దానికి సంబంధించి జీవో కూడా ఇచ్చారని గుర్తు చేస్తున్నారు. ఏపిలో కూడా ఇలాంటి జీవోని విడుదల చేసి అమలు చేయాలని రేషన్ డీలర్లు ప్రభుత్వాన్ని కోరుతున్నారు. ఇవే గొనె సంచలు బయట ఇస్తే, 30 రూపాయల వరకు వస్తుందని గుర్తు చేస్తున్నారు. అందుకే ఈ రోజు నుంచి విధులు నిర్వహించం అని చెప్తున్నారు. అయితే ఇవి బియ్యం వ్యాన్లు ద్వారా వచ్చేవి కావు, ఇవి కేంద్రం ఇచ్చే కోటా. ఇప్పుడు ప్రజలకు ఇది జగన్ ఇస్తున్నారో, కేంద్రం ఇస్తుందో తెలిసిపోతుంది. మరి ప్రభుత్వం ఏమి చేస్తుందో చూడాలి.

తెలుగుదేశం పార్టీ జాతీయ అధికార ప్రతినిధి పట్టాభి, మాల్దీవులకు వెళ్ళారు. హైదరాబద్ నుంచి మాల్దీవులకు ఫ్లైట్ లో వెళ్తున్న ఫోటోలు, అదే విధంగా మాల్దీవుల ఎయిర్ పోర్ట్ లో ఆయన దిగిన ఫోటోలు కూడా వైసిపి సోషల్ మీడియా వైరల్ చేస్తుంది. గత మంగళవారం టిడిపి కార్యాలయం పై దా-డి, ఆ తరువాత పట్టాభి ఇంటి పై దా-డి, అనంతరం జగన్ ని పట్టాభి తిట్టారు అంటూ, ఆయన పై కేసు నమోదు చేసి, ఆయన్ను అరెస్ట్ చేయటం, ఆ తరువాత హైకోర్టు బెయిల్ మంజూరు చేయటం తెలిసిందే. అయితే ఆ తరువాత రాజమండ్రి జైలు నుంచి విడుదల అయిన పట్టాభి, కృష్ణా జిల్లా పొట్టిపాడు టోల్ గెట్ వరకు వచ్చి, అక్కడ నుంచి ఆయన అదృశ్యం అయ్యారు. అయితే ఆయన ఎక్కడకు వెళ్ళారో తెలియక కొద్ది సేపు అలజడి రేగినా, ఆ తరువాత పోలీసులు ఆయన్ను మేము అరెస్ట్ చేయలేదని, మాకు తెలియదని చెప్పారు. అయితే పట్టాభి రహస్య ప్రదేశానికి వెళ్ళారని, సేఫ్ జోన్ లో ఉన్నారని, టిడిపి నేతలు చెప్పారు. అయితే ఆయన ఈ రోజు ఉదయం హైదరబాద్ నుంచి మాల్దీవ్స్ కు బయలుదేరి వెళ్ళారు అంటూ, వైసిపీ సోషల్ మీడియా అల్లరి అల్లరి చేస్తుంది. ఆయన ఫ్లైట్ లో ఉన్న ఫోటోలతో పాటు, ఆయన అక్కడ ఎయిర్ పోర్ట్ లో దిగిన ఫోటోలు కూడా వైసిపీ సోషల్ మీడియా వైరల్ చేసింది.

అంటే పట్టాభి మూమెంట్స్ ని, ఎంత నిశితంగా వైసిపి గమనిస్తుంది అనేది ఈ ఫోటోలు, ఆయన కదలికలు అనుక్షణం చెప్పటం చూస్తే అర్ధం అవుతుంది. పట్టాభిని తెలుగుదేశం పార్టీ నేతలే మాల్దీవులు పంపారని వైసీపీ సోషల్ మీడియా ప్రచారం చేస్తుంది. అయితే అసలు వైసిపీ ఇంతగా పట్టాభి వ్యక్తిగత పర్యటన గురించి ఎందుకు హడావిడి చేస్తుందో అర్ధం కావటం లేదు. పట్టాభి మీద పెట్టిన కేసు ఒక చిన్న కేసు. దానిలో కోర్టు బెయిల్ ఇచ్చింది. దేశం విడిచి వెళ్ళకూడదని ఏమి చెప్పలేదు. మరి వీళ్ళకు వచ్చిన నొప్పి ఏమిటో అర్ధం కావటం లేదు. ఆయన తన కుటుంబంతో కలిసి, వెళ్లారు. ముఖ్యంగా ఆయన పాప ఆ దా-డి దృశ్యాలు చూసి షాక్ కి గురి అవ్వటంతో, ఆ పాపను కొంచెం మామూలు మనిషిని చేసే దానికి ఆయన వెళ్లి ఉంటారు. అయితే ఇక్కడ వైసీపీ నేతలు జగన్ ని తిట్టంచటానికి, ఇలా చేసారేమో అని సోషల్ మీడియాలో కామెంట్స్ వస్తున్నాయి. జగన్ మోహన్ రెడ్డికి కండీషనల్ బెయిల్ ఉందని, కోర్టు పర్మిషన్ లేనిదే ఆయన ఎక్కడికీ వెళ్ళటానికి ఉండదు కాబట్టి, అందరికీ అలాగే ఉండాలని వైసీపీ కార్యకర్తలు అనుకుని, బకరా అయ్యారు అంటూ టిడిపి కౌంటర్ ఇస్తుంది.

మంగళగిరిలో ఉన్న తెలుగుదేశం పార్టీ కార్యాలయం పై, వైసిపి శ్రేణులు, సానుభూతి పరులు చేసిన దా-డికి సంబంధించి ఇప్పటికే అనేక వీడియోలు బయటకు వచ్చాయి. ముఖ్యంగా తెలుగుదేశం పార్టీ విడుదల చేసిన సిసి ఫూటేజ్ లో చాలా దృశ్యాలు అందరూ చూసారు. అవి సిసిటీవీ ఫూటేజ్ కావటంతో, దూరం నుంచి ఆ దృశ్యాలు చూస్తుంటే, ఆ దా-డి జరిగిన తీరు చూసి అందరూ షాక్ అయ్యారు. అయితే, ఇప్పుడు ఒక వీడియో బయటకు వచ్చింది. అది మామూలు వీడియో కాదు. కోపం ఉంటేనో, లేక బాధ ఉంటేనో, లేదా బీపీ పెరిగితేనో ఇలా దా-డి చేయరు అని ఆ వీడియో చూస్తే అర్ధం అవుతుంది. ఈ కొత్త వీడియో ఈ రోజు విడుదల అయ్యింది. ఆ వీడియోలో ఉన్మాదులు ఉన్నారు. ఉగ్రవాదులను మనం దగ్గరగా చూడలేదు కానీ, ఉన్మాదులు అంటే ఇలాగే ఉంటారేమో అనేలా ప్రవర్తించారు. ఉన్మాదులు లాగా పార్టీ ఆఫీస్ మీద పడి, చేతిలో పెద్ద పెద్ద దుంగలు పట్టుకుని స్వైర విహారం చేసారు. పార్టీ ఆఫీస్ బయట ఉన్న కారు అద్దాలు పగలు గొట్టారు, పెద్ద పెద్దగా అరుస్తూ, కొట్టు కొట్టు అంటూ ఉన్మాదులు లాగా ప్రవర్తిస్తూ ఉన్న వీడియో, స్పష్టమైన వీడియో ఇప్పుడు బయట పడింది. ఆ వీడియోలో ఉన్న దృశ్యాలు చూస్తుంటే, నిజంగా అందులో ఉన్నది మామూలు మనుషులేనా, లేక మత్తు కోసం కొత్త కొత్త పదార్దాలు ఏమైనా సేవించి వచ్చారా అనే అనుమానం కలుగుతుంది.

అయితే ఈ వీడియో తీసింది ఎవరు అనేది మాత్రం తెలియటం లేదు. ఆ ఉన్మాదులే తమ ఘనకార్యాలు తమ ఫోన్ తో వీడియో తీసుకున్నారు అనే విషయం అర్ధం అవుతుంది. అయితే ఈ వీడియోలో పగలగొట్టిన కారు, తెలుగు యువత నాయకుడు కారుగా తెలుస్తుంది. అయితే చంద్రబాబు నాయుడు, ఢిల్లీలో ఈ దా-డు-లు పై ఫిర్యాదు చేయటానికి వెళ్ళిన సమయంలోనే ఈ వీడియో బయటకు వచ్చింది. అన్ని వీడియోలు ఒక లెక్క అయితే, ఈ వీడియో మాత్రం భయానకరంగా ఉంది. ఈ వీడియో చూసిన వారు మాత్రం షాక్ కు గురి కాక తప్పదు. అలా ఉంది వీడియో. ఎంత ప్రణాళిక ప్రకారం, ఈ దా-డి చేసారో ఈ వీడియో చూస్తుంటే అర్ధం అవుతుంది. చంద్రబాబు ఈ వీడియోని కూడా రాష్ట్రపతికి పంపించాలని కోరుతున్నారు. అయితే జగన్ మోహన్ రెడ్డి అంటున్నట్టు, ఇది బీపీ పెరిగి చేసిన అటాక్ కాదు, ఇది కచ్చితంగా ప్రీ ప్లాన్డ్ గా జరిగిన దా-డి గా అర్ధం అవుతుంది. ఈ వీడియోలో మరింత స్పష్టంగా మనుషులు మొఖాలు కనిపిస్తున్నాయి. మరి పోలీసులు ఇప్పుడైనా వారిని అరెస్ట్ చేస్తారో లేదో చూడాలి. ఆ వీడియో ఇక్కడ చూడవచ్చు https://twitter.com/iTDP_Official/status/1452593454651822085