news

ఆంధ్రప్రదేశ్ హైకోర్టు ధర్మాసనం, రాష్ట్ర ప్రభుత్వం పై తీవ్ర ఆగ్రహం వ్యక్తం చేసింది. జాతీయ ఉపాధి హామీ పధకం, అంటే నరేగా బిల్లుల చెల్లింపులకు సంబంధించి, రాష్ట్ర హైకోర్టులో దాదాపుగా ఏడు నెలల నుంచి విచారణ జరుగుతుంది. ఈ విచారణ ఇప్పుడు తుది దశకు చేరుకుంది. గతంలో విచారణ జరుగుతున్న సమయంలో, రాష్ట్ర ప్రభుత్వం, గత టిడిపి హయాంలో ఉన్న వారికి బిల్లులు చెల్లింపులు చేయకపోవటం పట్ల ఆగ్రహం వ్యక్తం చేసింది. ఒకవేళ అందులో ఏమైనా అవకతవకలు ఉంటే వాటి వరుకు, వాటిని నిలుపుదల చేసి, మిగతా బిల్లులను చెల్లించాలని ఆదేశించింది. అయితే రూ.2500 కోట్ల రూపాయలు బిల్లులు చెల్లించాల్సి ఉందని గతంలో డిఫెన్స్ న్యాయవాదులు పేర్కొన్నారు. అయితే మొత్తం 1,794 కోట్ల రూపాయల బిల్లులు పెండింగ్ లో ఉన్నాయని, ఈ బిల్లులు మొత్తాన్ని కూడా చెల్లించాలని కూడా గతంలో రాష్ట్ర హైకోర్టు, ప్రభుత్వాన్ని ఆదేశించింది. ఆగస్ట్ 1 లోపు బిల్లులు అన్నీ చెల్లించాలని ఆదేశాలు ఇచ్చింది. ఈ రోజు కేసు వాయిదా వేసింది. ఈ రోజు ఉన్న వాయిదాకి ఫైనాన్సు ప్రిన్సిపల్ సెక్రటరీ, అదే విధంగా పంచాయతీ రాజ్ ప్రిన్సిపల్ సెక్రటరీలను కూడా హాజరుకావాలని హైకోర్టు ఆదేశాలు జారీ చేసింది. అయితే ఈ రొజు ఇదే అంశం పై హైకోర్టులో విచారణ జరిగింది. అయితే అధికారుల్లో ఈ రోజు, కేవలం పంచాయతీ రాజ్ ప్రిన్సిపల్ సెక్రటరీ మత్రమే హాజరు అయ్యారు. ఫైనాన్సు ప్రిన్సిపల్ సెక్రటరీ హాజరు కాలేదు.

దీని పై హైకోర్టు సీరియస్ అయ్యింది. అయితే ఆయన పిటీషన్ దాఖలు చేస్తూ, ఢిల్లీలో ఆర్బిటరేషన్ ఉందని ఒకసారి, అదే విధంగా మీటింగ్ ఉందని మరోసారి చెప్తున్నారని చెప్పి, ఇది మంచి పధ్ధతి కాదని హైకోర్టు స్పష్టం చేసింది. ఏ కారణం చెప్తున్నారు, మీరు చెప్తున్న సాకులు కూడా అఫిడవిట్ లో లేవని చెప్పి హైకోర్టు వ్యాఖ్యానించింది. 1,794 కోట్ల రూపాయలు చెల్లించాల్సి ఉండగా, 413 కోట్ల రూపాయలు చెల్లించామని ప్రభుత్వం కోర్టుకు చెప్పగా, డిఫెన్స్ న్యాయవాదులు మాత్రం అది తప్పుడు సమాచారం అని, కేవలం 43 కోట్లు మాత్రమే చెల్లించారని స్పష్టం చేసారు. దీంతో హైకోర్టు ఆ 413 కోట్ల రూపాయలు లెక్క ప్రభుత్వాన్ని అడిగింది. అఫిడవిట్ దాఖలు చేయాలని కోర్టు స్పష్టం చేసింది. వచ్చే వాయిదాకు అధికారులు వచ్చి తీరాలని హైకోర్టు స్పష్టం చేసింది. అలాగే చెల్లించిన బిల్లులో 20 శాతం మినహాయించారని చెప్పగా కోర్టు మరోసారి సీరియస్ అయ్యింది. అలా ఎందుకు చేసారు, ఆ డబ్బులు ఎక్కడ ఉంచారు అని ప్రశ్నించింది. ఎలాంటి వివరాలు లేకుండా కోర్టుకు ఎందుకు వస్తున్నారని అసహనం వ్యక్తం చేసింది. ఎన్ని సార్లు చెప్పినా హైకోర్టు ఆదేశాలు పట్టించుకోవటం లేదని, ఇదే విధంగా వ్యవహరిస్తే తీవ్రమైన ఆదేశాలు ఇవ్వాల్సి వస్తుందని హైకోర్టు స్పష్టం చేసింది.

ఆర్ధిక శాఖకు చెందిన ముగ్గురు ఉద్యోగులను , ఆంధ్రప్రదేశ్ ప్రభుత్వం సస్పెండ్ చేయటం కలకలం సృష్టిస్తుంది. ముగ్గురినీ సస్పెండ్ చేస్తూ, ఈ ఉదయం, మూడు జీవోలు జారీ అవ్వటంతో, ఒక్కసారిగా సచివాలయంలో కలకలం రేగింది. ఆంధ్రప్రదేశ్ ఆర్ధిక శాఖకు చెందిన ముగ్గురు ఉద్యోగులు, ప్రభుత్వానికి సంబంధించిన చాలా గోప్యత పాటించాల్సిన సమాచారాన్ని మీడియాకు లీక్ చేస్తున్నారు అంటూ ఆరోపణలు మోపారు. రాష్ట్ర ఆర్ధిక శాఖ పరిస్థితి పై, మీడియాలో వరుస కధనాలు రావటానికి, ఈ ముగ్గురి హస్తం ఉంది అంటూ, ఆ జీవోలో తెలిపారు. ఈ మూడు జీవోలు కూడా, ఆర్ధిక శాఖ ప్రిన్సిపల్ సెక్రటరీ షంషేర్ సింగ్ రావత్ జారీ చేసారు. ఈ ముగ్గురు ఉద్యోగాల్లో ఇద్దరు సెక్షన్ ఆఫీసర్ లు, అసిస్టెంట్ సెక్రటరీ ఉన్నారు. డి. శ్రీనుబాబు, కె.వరప్రసాద్,సెక్షన్ ఆఫీసర్ లు కాగా, నాగులపాటి వేంకటేశ్వరులు అసిస్టెంట్ సెక్రటరీగా పని చేస్తున్నారు. ఈ ముగ్గురు ఉద్యోగులు కూడా, ప్రభుత్వ ఆర్ధిక పరిస్థితి గురించి చాలా గోప్యత పాటించాల్సిన సమాచారం, బయటకు లీక్ చేస్తున్నారని, ఆ జీవోలు పేర్కొన్నారు. అలాగే వీరి పైన విజిలెన్స్ ఎంక్వయిరీకి కూడా ఆదేశాలు ఇచ్చారు. ఎంక్వయిరీ పూర్తయ్యే వరకు కూడా హెడ్ క్వార్టర్స్ విడిచి వెళ్ళకూడదని ఆ జీవోలో ఆదేశాలు జారీ చేసారు.

ప్రభుత్వ సమాచారం లీక్ చేస్తున్నారని, ప్రభుత్వం భావించిన నేపధ్యంలో ఈ నిర్ణయం తీసుకున్నట్టు తెలిపారు. అయితే ఈ ఉత్తర్వులు చూస్తే ప్రధానంగా, నాగులపాటి వేంకటేశ్వరులు అనే వ్యక్తి, చాలా కాన్ఫిడెన్షియల్ సమాచారాన్ని, మరో ఉద్యోగికి ట్రాన్స్ఫర్ చేసి, తద్వరా మీడియాకు పంపించటం జరిగిందని అందులో ఆరోపించారు. ఇది కాన్ఫిడెన్షియల్ విషయం అనే విషయం అని తెలిసినా కూడా, కావాలనే వారు ప్రభుత్వ ఇమేజ్ డ్యామేజ్ చేయటానికి పూనుకున్నారు అంటూ, ఆ ఉత్తర్వుల్లో తెలిపారు. ఈ మధ్య కాలంలో, రాష్ట్ర ఆర్ధిక పరిస్థితి, ప్రభుత్వం అప్పులు కోసం చేస్తున్న అక్రమాలు, అన్నీ కూడా పయ్యావుల కేశవ్ బయట పెట్టిన సంగతి తెలిసిందే. ఒకసారి 41 వేల కోట్లు, మరో సారి 25 వేల కోట్లు, మరో సారి 17 వేల కోట్లు, ఇలా అనేక అక్రమాలు బయట పెట్టారు. దీంతో పాటు మీడియాలో కూడా అనేక కధనాలు వచ్చాయి. దీంతో ప్రభుత్వ ఆర్ధిక పరిస్థితి పై అందరికీ అవగహన వచ్చింది. ఈ నేపధ్యంలోనే ప్రభుత్వం ఈ చర్య తీసుకుని ఉండవచ్చని భావిస్తున్నారు.

కొద్ది సేపటి క్రితం మాజీ మంత్రి, టిడిపి నేత దేవినేని ఉమకు ఏపి హైకోర్టు బెయిల్ మంజూరు చేస్తూ ఆదేశాలు ఇచ్చింది. గత నెల 28వ తేదీన జీకొండూరులో దేవినేని ఉమను అరెస్ట్ చేసారు. ఆయన పై కుట్ర కేసుతో పాటుగా, ఎస్సీ, ఎస్టీ వేధింపుల కేసు, హ-త్యా-య-త్నం కేసు సహా, మొత్తం 18 కేసులు పెట్టి ఆయన్ను అరెస్ట్ చేసారు. ఈ నేపధ్యంలోనే కారు అద్దాలు పగలగొట్టి మరీ, జీకొండూరు పోలీసులు ఆయన్ను అరెస్ట్ చేసి, కృష్ణా జిల్లా గుడివాడ నియోజకవర్గంలోని పెదపారుపూడి, ఆ తరువాత నందివాడ పోలీస్ స్టేషన్ లకు తరలించారు. ఆ తరువాత వెంటనే ఆయన్ను వెంటనే మైలవరం మేజిస్ట్రేట్ ముందు హాజరు పరిచారు. హాజరు చేసిన వెంటనే, ఆయనకు 14 రోజులు రిమాండ్ విధించారు. ప్రస్తుతం దేవినేని ఉమా, రాజమండ్రి సెంట్రల్ జైలులో ఉన్నారు. రాజమండ్రి సెంట్రల్ జైలుకు తీసుకుని వెళ్ళిన తరువాత, అక్కడ జైలు ఆఫీసర్ ని కూడా బదిలీ చేసారు. దీని ఫై కూడా దుమారం రేగి, చివరకు ఉమా సతీమణి చీఫ్ జస్టిస్ కు, గవర్నర్ కు కూడా లేఖలు రాసే దాకా వెళ్ళింది. ఈ నేపధ్యంలోనే హైకోర్టులో బెయిల్ పిటీషన్ దాఖలు చేసారు. నిన్న ఈ బెయిల్ పిటీషన్ కు సంబంధించి, ఇరు పక్షాల వాదనా కూడా హైకోర్టు వింది. దేవినేని ఉమా తరుపున సీనియర్ న్యాయవాది పోసాని వెంకటేశ్వరులు వాదనలు వినిపించారు.

ఈ కేసులో ఎవరికీ కూడా హాని జరగలేదని, అసలు దీంట్లో 307 వర్తించదు అని వాదించారు. అదే విధంగా మైలవరం ఎమ్మెల్యే వసంత కృష్ణ ప్రసాద్ బంధువు కారు డ్రైవర్ కులం ఏమిటో, దేవినేని ఉమాకు ఎలా తెలుస్తుంది అని కూడా ఆయన ప్రశ్నించారు. ఇదంతా రాజకీయ కక్షతోనే ఈ కేసు మోపారని చెప్పారు. దీనికి సంబంధించి కొన్ని సాంకేతిక ఆధారాలు కూడా హైకోర్టు ముందు ప్రస్తావించారు. తన పై దా-డి చేసారని ఇచ్చిన కంప్లైంట్ సమయం చూస్తే, ఆ సమయంలో దేవినేని ఉమా మీడియాతో లైవ్ లో ఉన్నారని, ఇది తప్పుడు కేసు అని చెప్పటానికి, ఇదే కారణం అని అన్నారు. అయితే దేవినేని ఉమాకి బెయిల్ ఇవ్వటానికి వీలు లేదని, ఉమాని పోలీస్ కస్టడీకి అడిగారని, ఇంకా కొంత మంది పరారీలో ఉన్నారని కోర్టుకు చెప్పారు. దీంతో ఇరు పక్షాల వాదనలు విన్న హైకోర్టు బెయిల్ ఇచ్చింది. పూర్తి ఆర్డర్ కాపీ వచ్చిన తరువాత, షరతులు ఏమిటి అనేవి, అలాగే కోర్టు అబ్జర్వేషన్స్ తెలిసే అవకాసం ఉంది. దేవినేని ఉమా ఈ రోజు సాయంత్రం విడుదల అయ్యే అవకాసం ఉంది.