news

ఆంధ్రప్రదేశ్ రాష్ట్రంలో వైఎస్ఆర్ కాంగ్రెస పార్టీ అధికారంలోకి వచ్చిన తరువాత, పెద్ద ఎత్తున మత మార్పిడులు జరుగుతున్నాయి అంటూ, కేంద్రం హోం శాఖకు అనేక మంది, అనేక సార్లు ఫిర్యాదు చేసిన విషయం తెలిసిందే. అంతే కాకుండా వైఎస్ఆర్ కాంగ్రెస్ పార్టీ ఎంపీ రఘురామకృష్ణం రాజు కూడా కేంద్ర హోం శాఖకు అనేక సార్లు ఈ విషయంలో ఫిర్యాదు చేసారు. ఇప్పుడు తాజాగా ఎస్సీ ఎస్టీ ఫోరం నేషనల్ రైట్స్ కు చెందిన, ప్రెసిడెంట్ కే నాగరాజు అనే వ్యక్తి, జాతీయ ఎస్సీ కమిషన్ కు ఫిర్యాదు చేసారు. అందులో ఏపిలో దళితులను, లక్ష్యంగా చేసుకుని, అనేక తాయలాలు అందచేస్తూ, వారిని క్రీస్టియన్ కవర్షన్స్ లోకి లాగుతున్నారని, మత మార్పిడులు దానికి సంబంధించి పెద్ద ఎత్తున చేస్తున్నారు అంటూ, దానికి సంబంధించిన ఆధారాలు కూడా ఎస్సీ కమిషన్ కు ఫిర్యాదు చేసారు. ఈ ఫిర్యాదు పై, కేంద్ర ప్రభుత్వం ఆధీనంలో నేషనల్ కమిషన్ ఫర్ షడ్యుల్ కేస్ట్ కూడా చాలా సీరియస్ గా తీసుకుంది. దీని పైన జాతీయ ఎస్సీ కమిషన్, ఏపి చీఫ్ సెక్రటరీకి ఒక నోటీస్ ని అంద చేసింది. ఆ నోటీసులో ఈ నాగరాజు ఇచ్చిన ఫిర్యాదు పైన పూర్తి స్థాయిలో దర్యాప్తు జరిపి, 15 రోజుల్లోగా నివేదిక అందచేయాలని ఆదేశాలు జారీ చేసింది. నివేదిక కనుక మీరు గడువ లోగా అందచేయలేక పొతే, కచ్చితంగా ఆర్టికల్ 338 ప్రకారం, మీ మీద చర్యలు తీసుకోవటం జరుగుతుందని హెచ్చరించింది.

ఇది చాలా సీరియస్ విషయంగానే కేంద్ర ప్రభుత్వం భావిస్తున్నట్టు తెలుస్తుంది. ఇటువంటి మత మార్పిడులు జరుగుతున్నట్టు, గతంలో కూడా అనేక ఫిర్యాదులు వచ్చిన నేపధ్యంలో, ఇప్పుడు జాతీయ ఎస్సీ కమిషన్ కూడా స్పందించింది. చీఫ్ సెక్రటరీకి ఈ విషయంలో నోటీసు ఇవ్వటం, 15 రోజుల్లోగా నివేదిక కోరటం అనేది ప్రాధాన్యత సంతరించుకున్న అంశం అనే చెప్పవచ్చు. గతంలో కూడా చాలా మంది ఈ మత మార్పిడులు పై ఫిర్యాదులు చేసారు. కేంద్ర హోం శాఖకు, ఏకంగా సిఐడి చీఫ్ గా ఉన్న సునీల్ కుమార్ పై కూడా ఫిర్యాదులు వెళ్ళాయి. వాటి పైన కూడా కేంద్ర ప్రభుత్వం ఇప్పటికే ఆరా తీస్తున్న సంగతి తెలిసిందే. ఈ ఫిర్యాదులు అనేక ఆధారాలు కూడా ఇవ్వటం, ఆ ఆధారాల్లో బలం ఉండటంతోనే, ఏకంగా రాష్ట్ర ప్రభుత్వానికి నోటీసులు ఇచ్చినట్టు తెలుస్తుంది. మరి దీని పై రాష్ట్ర ప్రభుత్వం ఎలా స్పందిస్తుందో చూడాలి. జరుగుతుంది అని చెప్తుందా, జరగటం లేదు అని చెప్తుందా అనే విషయం పై, రాష్ట్ర ప్రభుత్వం ఎలా స్పందిస్తుందో చూడాలి.

వైసీపీ ప్రభుత్వం రాగానే అమరావతిని విచ్ఛిన్నం చేయడానికి వాడిన పదం ఇన్ సైడర్ ట్రేడింగ్ అని, జగన్మోహన్ రెడ్డి అండ్ కంపెనీ అధికార వికేంద్రీకరణకు వక్ర భాష్యాలు చెబుతూ, ప్రజలు ముక్కున వేలేసుకునేలా ప్రవర్తించారని, అనేక సందర్భాల్లో వికేంద్రీకరణ అనే పదానికి అర్థం తెలియకపోయినా ఆ పదాన్నే వాడాడని టీడీపీ నేత, తెలుగురైతు విభాగం రాష్ట్ర అధ్యక్షులు మర్రెడ్డి శ్రీనివాసరెడ్డి ఎద్దేవా చేశారు. బుధవారం ఆయన మంగళగిరిలోని పార్టీ జాతీయకార్యాలయంలో విలే కరులతో మాట్లాడారు. ఆ వివరాలు ఆయన మాటల్లోనే క్లుప్తంగా మీకోసం...! ఎప్పుడో, ఎక్కడో విన్న మాటకు అర్థం, అంతరార్థం తెలియక పోయినా దాన్ని జగన్మోహన్ రెడ్డి బాగా వాడుకున్నాడు. అధికార వికేంద్రీకరణ అనే పదానికి అర్థమేదైతో ఉందో, దానికి పూర్తి విరుద్ధంగా స్థానిక సంస్థల హక్కులు కాలరాసేలా ఈ ముఖ్యమంత్రి, తన ప్రభుత్వంలో అనేక జీవోలిచ్చాడు. వాటిలో గతంలో ఇచ్చిన జీవోనెం-2 ఒకటి. వీఆర్వోలకు పంచాయతీలపై పెత్తనం దఖలు పరిచే ఆలోచన చేశారు. వారిపై ఆధార పడి పంచాయతీలు (పల్లెలు) నడిస్తే, జగన్మోహన్ రెడ్డి వాలంటీర్లు ఉరఫ్ జగన్ బృందమైన వారు, కలెక్టర్లను అడ్డు పెట్టుకొని, స్థానిక సంస్థలను నిర్వీర్యం చేసే ప్రయత్నాలు చేశాడు. నేడు దానికి కొనసాగింపుగా, పంచాయతీ సర్పంచ్ ల ఆమోదం లేకుండా, అసలు వారికే తెలియకుండా కేంద్ర ప్రభుత్వం విడుదల చేసిన 14వ ఆర్థిక సంఘం నిధులైన రూ.344.93 కోట్లను విద్యుత్ బిల్లుల చెల్లింపు పేరుతో కాజేశారు. పలానా దానికి ఇవ్వాలి... ఇచ్చేశాను పో అని సర్పంచ్ లను బదిరించినట్లు గా ఆర్థిక సంఘం నిధులను ప్రభుత్వమే లాగేసుకుంది. పంచాయతీలపై రాష్ట్రప్రభుత్వమే నిధుల వినియోగం పేరుతో దౌర్జన్యం చేసింది. 14వ ఆర్థిక సంఘం నిధులను ఇష్టమొచ్చినట్టు ఖర్చుపెట్టడానికి వీల్లేదు. సదరు నిధులను రాష్ట్ర ప్రభుత్వం ఇష్ట మొచ్చినట్లు వాడుకోవడానికి వీల్లేదని నిబంధనలు స్పష్టంగా చెబుతున్నాయి. 14వ ఆర్థిక సంఘం ఇచ్చే నిధులను పంచాయతీలు వేటికి ఖర్చుపెట్టాలనేది కూడా సదరుసంఘమే చాలా స్పష్టంగా ఎప్పుడోచెప్పింది. పల్లెల్లో పారిశుధ్యం, తాగునీరు, ప్రజారోగ్యం, వీధిదీపాల ఏర్పాటు-వాటి నిర్వహణ, అంతర్గత రోడ్ల నిర్మాణం, డ్రైనేజ్ వ్యవస్థ, అంటువ్యాధుల నియంత్రణ, సామాజిక ఆస్తుల అభివృద్ధి మరియు వాటి నిర్వహణ, శ్మశానాల అభివృద్ధి వంటి వాటికి మాత్రమే 14వ ఆర్థిక సంఘం నిధులు వినియోగించాలి.

ఆ నిధులు వస్తాయనే, సర్పంచ్ లు కొందరు ఇప్పటికే వివిధ రకాల పనులు చేసేశారు . ఇప్పుడు ప్రభుత్వమేమో వారికే తెలియకుండా 14వఆర్థిక సంఘం నిధులైన రూ.344 కోట్లను విద్యుత్ బకాయిల పేరుతో లాగేసుకుంది. రాష్ట్ర వ్యాప్తంగా స్థానిక సంస్థల నుంచి దాదాపు రూ.3వేల కోట్ల వరకు విద్యుత్ బకాయిలు పెండింగ్ లో ఉన్నాయని ఒక లెక్క ఉంది. కానీ వాటికి చెల్లించాల్సిన సొమ్మును స్థానిక సంస్థల జనరల్ ఫండ్స్ నుంచి మాత్రమే వాడాలి. జనరల్ ఫండ్స్ రావాలంటే పంచాయతీలను ప్రభుత్వం ఆర్థికంగా బలోపేతం చేయాలి. కానీ జగన్ ప్రభుత్వం అలాంటివేవీ ఈ రెండేళ్లలో చేయలేదు. విద్యుత్ పంపిణీ, మరియు ఉత్పత్తి సంస్థలకు ఉన్న బకాయిల కోసం కేంద్ర ఇంధనశాఖ లిక్విడిటీ ఇన్ ఫ్యుజియన్ స్కీమ్ లో రూ.6,600 కోట్ల వరకు ఏపీప్రభుత్వానికి రుణం అందిస్తామని చెప్పింది. ఆ రుణంలో ఏపీ ప్రభుత్వం ఇప్పటికే రూ.3,300 కోట్లు తీసేసుకుంది. రెండో విడత రుణం ప్రభుత్వానికి రావాలంటే, సదరు ప్రభుత్వం విద్యుత్ డిస్కమ్ లకు ఉన్న బకాయిలు చెల్లించాలి. అందులో భాగంగానే పంచాయతీ వ్యవస్థను నిర్వీర్యం చేస్తూ, సర్పంచ్ ల హక్కులను కాలరాస్తూ, సర్పంచ్ లను తోలు బొమ్మలను చేసి, ఏపీ ప్రభుత్వం రూ.344కోట్ల 14వ ఆర్థిక సంఘం నిధులను తమ ఖాతాలో వేసుకుంది. ఇది ముమ్మాటికీ చాలా దుర్మార్గమైన చర్య. స్థానిక సంస్థల బలోపేతానికి జగన్ ప్రభుత్వం ఈ విధంగా అడుగడుగునా తూట్లు పొడుస్తోంది. జగన్మోహన్ రెడ్డి తన అవసరాలు తీర్చుకోవడానికి, చివరకు ప్రజాక్షేమానికి వినియోగించాల్సిన కేంద్రని ధులను కూడా తన జేబులో వేసుకోవడానికి సిద్ధమయ్యాడు.

ఆంధ్రప్రదేశ్ లో కేంద్రంలో ఉన్న బీజేపీ ఏమైనా ఆక్టివిటీ మొదలు పెడుతుందా ? తొందర్లోనే రాష్ట్ర రాజకీయాల్లో భారీ మార్పులు రాబోతున్నాయి అంటూ, ఈ మధ్య బీజేపీ నేతలు తరుచూ మాట్లాడుతున్నారు. అయితే ఇప్పటి వరకు బీజేపీ వైపు నుంచి ఎలాంటి ఆక్షన్ అయితే లేదు. అయితే ప్రభుత్వ పరంగా మాత్రం, కేంద్రం, ఇది వరకు రాష్ట్రానికి ఇచ్చిన స్వేఛ్చ ఇవ్వటం లేదు అనే సంకేతాలు వచ్చాయి. జగన్ పార్టీ ఎంపీ అయోధ్యరామి రెడ్డి పై ఐటి రైడ్స్ చేసి, పెద్ద ఎత్తున బ్లాక్ మనీ పట్టుకోవటం, అలాగే రాష్ట్ర ప్రభుత్వం ఎడా పెడా చేస్తున్న అప్పులతో పాటుగా, రాష్ట్ర ప్రభుత్వం దాచేసిన అప్పు వివరాలు పై కూడా కేంద్రం సీరియస్ అయ్యింది. అంతే కాదు, కేవలం అప్పుల మీద బ్రతుకుతున్న రాష్ట్ర ప్రభుత్వానికి అప్పు పరిమితి కూడా తగ్గించేసింది. దీంతో, జగన్ మోహన్ రెడ్డి హనీమూన్ పీరియడ్ అయిపోయిందని అందరూ భావిస్తున్నారు. మరీ ముఖ్యంగా, రఘురామరాజు పై, అనర్హత వేటు వేయాలని, వైసీపీ ఎంత మొత్తుకుంటున్నా, నెంబర్ టు అయిన విజయసాయి రెడ్డి స్వయంగా రంగంలోకి దిగినా లాభం లేకుండా పోయింది. ఈ నేపధ్యంలోనే, బీజేపీ, వైసీపీ మధ్య ఉన్న అంతర్గత స్నేహం చేడిందా అనే చర్చ మొదలైంది. ఈ నేపధ్యంలోనే, ఇప్పుడు రాష్ట్ర బీజేపీ ప్రక్షాళన పై అధిష్టానం దృష్టి పెట్టిందని చెప్తున్నారు.

రాష్ట్రంలో పెను రాజకీయ మార్పులు రాబోతున్నాయని, అవి తమకు రాజకీయంగా అనుకూలంగా మార్చుకునేందుకు రాష్ట్రంలో బీజేపీని సమాయత్తం చేసే పనీలో భాగంగానే, సోము వీర్రాజుని ఢిల్లీ పిలిపించినట్టు తెలుస్తుంది. మూడు రోజులుపాటు ఢిల్లీలో అందుబాటులో ఉండాలని చెప్పటంతో, ఆసక్తి నెలకొంది. ముఖ్యంగా సోము వీర్రాజు, విష్ణు వర్ధన్ రెడ్డి, జీవీఎల్ లాంటి వాళ్ళు, వైసీపీతో కుమ్మక్కు అయిపోయారు అనే ప్రచారం గట్టిగా ఉన్న నేపధ్యంలో, వారికి క్లాస్ పీకి దిశా నిర్దేశం చేసి పంపిస్తారని, లేదు లేదు సోము వీర్రాజుని అధ్యక్ష పదవిలో నుంచి తొలగిస్తారు అంటూ మరో చర్చ జరుగుతుంది. గతంలో కన్నా లక్ష్మీనారాయణ ఉండగా ఉన్న దూకుడు, ఇప్పుడు లేదు. సోము వీర్రాజు వైసీపీ కంటే, చంద్రబాబుని ఎక్కువ టార్గెట్ చేస్తున్నారనే అభిప్రాయం ఉంది. ఈ నేపధ్యంలోనే రాష్ట్రంలో రాబోయే పెను రాజకీయ మార్పులకు రాష్ట్ర బీజేపీని సన్నద్ధం చేసే పనిలో భాగంగానే, సోము వీర్రాజుని మూడు రోజులు పాటు ఢిల్లీ రావాలని అధిష్టానం పిలిచినట్టు తెలుస్తుంది. చూద్దాం ఏమి జరుగుతుందో.