news

రాష్ట్ర ప్రభుత్వం పై హైకోర్టు మరోసారి తీవ్ర ఆగహ్రం వ్యక్తం చేసింది. ఈ రోజు కొద్ది సేపటి క్రితం చీఫ్ `జస్టిస్ `ఆధ్వర్యంలోని ధర్మాసనం సీరియస్ అయ్యింది. నరేగా నిధులు ప్రభుత్వం చెల్లించకపోవటంతో, అనేక మంది ఈ అంశం పై హైకోర్టులో ప్రజాప్రయోజన వ్యాజ్యం దాఖలు చేసారు. తమకు చెల్లించాల్సిన నిధులు ఇచ్చేలా ప్రభుత్వాన్ని ఆదేశించాలని హైకోర్టుని కోరారు. దీనికి సంబంధించి గత మూడు నెలలుగా ఈ అంశం పై హైకోర్టు విచారణ జరుపుతుంది. గుంటూరుకు చెందిన న్యాయవాది నర్రా శ్రీనివాస్ పిటీషనర్ల తరుపున వాదనలు వినిపించారు. ఈ వాదనలు అనంతరం రాష్ట్ర హైకోర్టు ఆగ్రహం వ్యక్తం చేసింది. గతంలో ఇచ్చిన ఆదేశాలు ఎందుకు అమలు చేయలేదని ప్రశ్నించింది. అయుదు లక్షల రూపాయల లోపు ఉన్న బిల్లులు అన్నీ చెల్లించాలని అని ఇచ్చిన ఆదేశాలు కూడా, హైకోర్టు ఇచ్చినా, రాష్ట్ర ప్రభుత్వం అమలు చేయలేదని నర్రా శ్రీనివాస్ హైకోర్టు దృష్టికి తీసుకుని వచ్చారు. దీంతో ఒక్కసారిగా చీఫ్ జస్టిస్ ధర్మాసనం సీరియస్ అయ్యింది. ఆగస్టు 1 లోపు చెల్లింపులు అన్నీ చెల్లించాలని, లేకపోతే పంచాయతీరాజ్ ప్రిన్సిపల్ సెక్రటరీ, కమిషనర్, ఆర్థికశాఖ ప్రిన్సిపల్ సెక్రటరీ తమ ముందుకు హాజరు కావాలని హైకోర్టు సంచలన ఆదేశాలు జారీ చేసింది.

ఇదే మీకు చివరి అవకాసం ఇస్తున్నామని, ఆ తరువాత ఇక అవకాశాలు ఉండవని, తదుపరి చర్యలు చేపడతామని కూడా హైకోర్టు ధర్మాసనం హెచ్చరించింది. అయితే ఈ సందర్బంలో రాష్ట్ర ప్రభుత్వ చీఫ్ సెక్రెటరీని కూడా కోర్టుకు పిలుస్తాం అని హైకోర్టు చెప్పటంతో, ఒక్కసారిగా అలెర్ట్ అయిన రాష్ట్ర ప్రభుత్వం తరుపు న్యాయవాది, తొందర పాటు చర్యలు వద్దని, తాము బిల్లులు చెల్లిస్తామని హైకోర్టుకు విజ్ఞప్తి చేయటంతో, హైకోర్టు శాంతించింది. ఇదే ధర్మాసనం, ఇదే కేసు పై గతంలో అనేక సార్లు ఆదేశాలు ఇచ్చినా, రాష్ట్ర ప్రభుత్వం అమలు చేయలేక పోయిందని, అసలు ఎందుకు మీరు బిల్లులు చెల్లించలేక పోతున్నారని హైకోర్టు ప్రశ్నించింది. అయితే ఇప్పుడు ప్రభుత్వానికి ఇది అతి పెద్ద సవాల్ అనే చెప్పాలి. ఎందుకంటే ఇప్పటికే రాష్ట్ర ప్రభుత్వం దగ్గర డబ్బులు లేవు. ఇంకా చాలా మందికి జీతాలు వేయలేదు. ఈ బకాయలు రూ.2,500 కోట్ల వరకు ఉన్నాయి. మరి ఆగష్టు ఒకటో తేదీ లోపు ప్రభుత్వం, ఈ నిధులు ఎలా సమకూర్చుతుంది అనేది చూడాలి.

అమరావతి పై కేంద్రం మరోసారి మాట మార్చింది. ఆంధ్రప్రదేశ్ర్ రాజధాని ఏమిటో ప్రజలకే కాదు, కేంద్రానికి కూడా అర్ధం కావటం లేదు. రాష్ట్ర ప్రభుత్వం తీసుకున్న నిర్ణయంతో, అసలు మన రాజధాని ఏది అనేది ఎవరికీ అర్ధం కాకుండా ఉంది. కనీసం మన రాజధాని ఏమిటో, రాష్ట్ర ప్రభుత్వానికి అయినా తెలుసా లేదో అనేది తెలియాల్సి ఉంది. మొన్నటి వరకు అమరావతి రాజధాని అనేది అందరికీ తెలిసిందే. అయితే జగన్ మోహన్ రెడ్డి వచ్చిన తరువాత, మన రాజధాని మూడు ముక్కలు అయ్యింది, ఒకటి అమరావతి, ఒకటి కర్నూల్, ఒకటి విశాఖ. అసలు ఇందులో ఏది రాజధాని అనేది ఎవరికీ తెలియదు. చివరకు కేంద్రానికి కూడా కన్ఫ్యూషన్ వచ్చింది. ఈ నేపధ్యంలోనే ఆర్టీఐ కార్యకర్త చైతన్యకుమార్ రెడ్డి, అసలు మా ఆంధ్రప్రదేశ్ రాజధాని ఏది అంటూ కేంద్ర హెంశాఖకు ఒక ఆర్టిఐ పెట్టుకున్నారు. అయితే ముందుగా, తాము ఈ ప్రశ్నకు సమాధానం చెప్పం అని కేంద్రం చెప్పింది. అయితే తాము ఏమి దేశ రహస్యాలు అడగటం లేదని, చెప్పకపోతే కోర్టుకు వెళ్తాం అంటూ హెచ్చరించటంతో, ఎట్టకేలాకు జవాబు ఇచ్చింది. అందులో కేంద్రం దానికి సమాధనం ఇస్తూ, మూడు రాజధానులుగా రాష్ట్ర ప్రభుత్వం ప్రకటించిందని, అందులో ఏది రాజధాని అనే విషయం రాష్ట్రమే ప్రకటిస్తుందని పేర్కొంది.

అయితే కేంద్రం సమాధానం పై అందరూ షాక్ అయ్యారు. మొన్నటి దాకా అమరావతి రాజధాని అని చెప్పి, ఏకంగా పార్లమెంట్ లో కూడా ప్రకటించి, ఇండియా పొలిటికల్ మ్యాప్ లో కూడా పెట్టి, ఇప్పుడు మళ్ళీ ఇలా చెప్పటం పై పలువురు అభ్యంతరం చెప్పారు. ఈ విషయం అమరావతి జేఏసీ అధ్యక్షుడు జీవీఆర్ శాస్త్రి సీరియస్ అయ్యారు. కేంద్ర హోం శాఖకు ఈ ఆర్టిఐ సమాధానం పై ఫిర్యాదు చేసారు. దీంతో కేంద్రం ఏమనుకుందో ఏమో కానీ, మాట మార్చేసింది. మళ్ళీ ఆర్టీఐ కార్యకర్త చైతన్యకుమార్ రెడ్డికి, మరో సమాధానం పంపించింది. ఆంధ్రప్రదేశ్ రాజధాని అంశం కోర్టు పరిధిలో ఉందని, తాము ఏమి చెప్పలేం అంటూ మాట మార్చి, మళ్ళీ సమాధానం పంపించింది. దీంతో మూడు రాజధానుల ప్రకటన నుంచి కేంద్రం మళ్ళీ వెనక్కు తగ్గింది అనే చెప్పాలి. అయితే ఇలా రకరకాలుగా ఎందుకు కేంద్రం చెప్తుందో ఎవరికీ అర్ధం కావటం లేదు. ఇక్కడ బీజేపీ నేతలు మేము అమరావతికి అనుకూలం అంటారు, అక్కడేమో రకరకాలుగా మాట్లాడుతున్నారు.

ఈ రోజు సుప్రీం కోర్టులో కీలక పరిణామం చోటు చేసుకుంది. సుప్రీం కోర్టు చీఫ్ జస్టిస్ ఎన్వీ రమణ బెంచ్ లో ఒక పిటీషన్ విచారణ సందర్భంగా, చీఫ్ జస్టిస్ చేసిన వ్యాఖ్యలు సంచలనంగా మారాయి. మరీ ముఖ్యంగా ఆంధ్రప్రదేశ్ రాష్ట్రంలో కూడా ఇలాంటి పరిస్థితులు ఉండటంతో, మనకు కూడా ఈ కేసు పై ఆసక్తి నెలకొంది. ఈ రోజు సుప్రీం కోర్టులో, రాజద్రోహం, సెక్షన్ 124 (ఏ) ని రద్దు చేయలియా నటు, రేగిరేడ్ మేజర్ జనరల్ ఎస్జీ వోంబట్ కేర్ దాఖలు చేసిన పిటీషన్ పై విచారణ జరిగింది. ఈ పిటీషన్ పై చీఫ్ జస్టిస్ ఎన్వీ రమణ నేతృత్వంలో ధర్మాసనం విచారణ చేసింది. అయితే ఇటువంటి రాజద్రోహం, సెక్షన్ 124 (ఏ), కేసుని రద్దు చేయాలి అంటూ పలు పితీషన్లు దాఖలు అయ్యాయి. ఈ పిటీషన్లు అన్నీ కూడా జస్టిస్ లలిత నేతృత్వంలో మరో ధర్మాసనంలో విచారణ జరుగుతుంది. అయితే ఆ ధర్మాసనానికే ఈ పిటీషన్ కు విచారణ ఇవ్వాలి, అది 22వ తేదీన విచారణకు వస్తుంది కాబట్టి, ఈ పిటీషన్ కూడా దానికే జత చేయాలి అంటూ, అటార్నీ జనరల్ వేణుగోపాల్, చీఫ్ జస్టిస్ కు విజ్ఞప్తి చేసారు. అయితే ఈ సందర్భంగా, జస్టిస్ ఎన్వీ రమణ మాట్లాడుతూ, ఏ కేసు ఎప్పుతూ వినాలి అనేది తరువాత నిర్ణయం తీసుకుంటాం అని చెప్తూనే, ఈ రాజద్రోహం, సెక్షన్ 124 (ఏ) కు సంబంధించి జస్టిస్ ఎన్వీ రమణ పలు కీలక వ్యాఖ్యలు చేసారు.

70 ఏళ్ళ వ్యక్తి, దేశానికి సేవ చేసిన వ్యక్తి ఇటువంటి పిటీషన్ దాఖలు చేసారు అంటే, ఏమనుకోవాలి అని చీఫ్ జస్టిస్ ప్రశ్నించారు. రాజద్రోహం, సెక్షన్ 124 (ఏ) అనేవి పిచ్చోడి చేతిలో రాయ లాగా ఉందనే అభిప్రయాన్ని వ్యక్తం చేసారు. రాజద్రోహం, సెక్షన్ 124 (ఏ) అనేది దుర్వినియోగం అవుతుందని, ఈ సెక్షన్ కింద శిక్ష పడిన కేసులు నామమాత్రంగానే ఉన్నాయని, ఫ్యాక్షనిస్టులు కూడా ఈ సెక్షన్ ని తమ ప్రత్యర్ధుల పై వాడతారని, రాజకీయ ప్రత్యర్దులని అణిచివేయడానికి సెక్షన్ 124ఏను అక్రమంగా ఉపయోగిస్తున్న ఉదంతాలు కూడా మనం చూసాం అని చీఫ్ జస్టిస్ అన్నారు. అప్పట్లో, స్వాతంత్ర సమరయోధులను అణిచేయడానికి, బ్రిటీష్ పాలకులు వాడిన ఈ చట్టం ఇంకా అవసరమా అనిది పరిశీలించండి అని అన్నారు. ఈ సెక్షన్ పై నమోదు అయిన పిటీషన్ లు అన్నీ తాము విచారిస్తామని చీఫ్ జస్టిస్ అన్నారు. అయితే ఇదే కేసులో ఏపిలో సంచలనంగా మారిన రఘురామరాజు, ఏబిఎన్, టీవీ5 పై కేసులు నమోదు అయ్యాయి. మొత్తానికి ఇప్పుడు చీఫ్ జస్టిస్ వ్యాఖ్యలతో, ఈ కేసు పై కూడా ప్రభావం చూపి, ఇవే ప్రశ్నలు ఏపికి కూడా తగలనున్నాయి.