news

ప్రముఖ సీనియర్ సినీ నటుడు కోటా శ్రీనివాసరావు, జగన్ పై సంచలన వ్యాఖ్యలు చేసారు. కోటా శ్రీనివాస రావు, సినీ నటుడే కాదు, రాజకీయ నాయకుడు కూడా. ఆయన ఒకసారి ఎమ్మెల్యేగా కూడా చేసిన సంగతి తెలిసిందే. మొదటి నుంచి ఆయన బీజేపీ పార్టీలో ఉన్నారు. తెలుగుదేశంతో పొత్తులో ఉన్నప్పుడు, విజయవాడ నుంచి ఆయన ఎమ్మెల్యే అయ్యారు. ఒక ప్రముఖ ఛానల్ కు ఇచ్చిన ఇంటర్వ్యూ లో ఆయన పలు విషయాలు పంచుకున్నారు. ఈ సందర్భంగా ఆయన జగన్ మోహన్ రెడ్డి పరిపాలన చేసిన వ్యాఖ్యలు చర్చనీయంసం అయ్యాయి. నేను మొదటి నుంచి బీజేపీ పార్టీలో ఉన్నానని, ఇప్పటకీ బీజేపీలోనే ఉన్నానని, పార్టీలు మారే అలవాటు లేదని అన్నారు. ఇక రెండు రాష్ట్రాలు అయిన ఆంధ్రప్రదేశ్, తెలంగాణా ప్రభుత్వాల పరిపాలన గురించి అడగగా, రెండు రాష్ట్రాలు అంటే తెలుగు రాష్ట్రాలు అని, ఇలా అనుకుంటే అసలు గొడవలే ఉండవు కదా అని అన్నారు. ఇంకా ఎందుకు మనకు గొడవలు అని అన్నారు. ఇక జగన్ పాలన గురించి ఒక్క మాటలో చెప్తానని చెప్తూ, నిద్ర పోయే వాళ్ళని లేపగలం కానీ, నిద్ర నటించే వాళ్ళని లేపలేం కదా అని కోటా అన్నారు. పరిపాలన అంతా కూడా నిద్ర నటిస్తున్నట్టే ఉందని అన్నారు. తెలుగు మీడియం ఎత్తేయటం గురించి చెప్తూ, జగన్ వాళ్ళ నాన్న డాక్టర్ చదివారని, ఆయన ఇంగ్లీష్ మీడియంలోనే చదవారా అని అన్నారు.

మేమందరం కూడా తెలుగు మీడియంలోనే చదివామని, మాకు ఇంగ్లీష్ రాదా అని ప్రశ్నించారు. ఇంగ్లీష్ ఒక సబ్జెక్ట్ గా చదువుకున్నాం అని అన్నారు. లేని పోని సమస్యలతో, తమ పరిపాలన గురించి చర్చ లేకుండా, సమస్యలు సృష్టిస్తున్నారని అన్నారు. మొన్నటి దాకా రఘురామరాజు చుట్టూ తిప్పారని, మళ్ళీ ఇప్పుడు కొత్తగా కృష్ణా జలాల విషయం తెర పైకి తెచ్చారని అన్నారు. పరిపాలన లేకుండా ఇలా కాలక్షేపం చేస్తున్నారని అన్నారు. తెలంగాణా వడ్డించిన విస్తరి అని, సాగుతాయని, ఆంధ్రప్రదేశ్ లో మాత్రం ఆకులు పోగేసి ఇస్తరి కుట్టుకోవాలని, మరి ఇక్కడ ఇష్టం వచ్చినట్టు ఉంటే ఎలా అని ప్రశ్నించారు. ప్రపంచం మొత్తం పరీక్షలు రద్దు చేస్తే, ఇక్కడ పరీక్షలు పెడతారని అన్నారు. అందరినీ మాస్కు పెట్టుకోమని, ఈయన పెట్టుకోరని అన్నారు. వెంకటేశ్వర స్వామి గుడి ముందు బైబుల్ చదవటం, చెప్పులు వేసుకుని గుడిలోకి వెళ్ళటం, ఏమిటివి అని ప్రశ్నించారు. మూడు రాజధానులు అనవసరం అని, కులాల మధ్య, మతాల మధ్య చిచ్చు పెట్టటం తప్ప, ఎందుకు ఉపయోగం అని తన అభిప్రాయం చెప్పారు.

వరుస వివాదాస్పద నిర్ణయాలు తీసుకుంటూ, విమర్శల పాలవుతున్న జగన్ మోహన్ రెడ్డి ప్రభుత్వం, మరో వివాదస్పద నిర్ణయం తీసుకుంది. ఇప్పటికే తెలుగు మీడియా తీసేసి, అలాగే మా తెలుగు తల్లికి మల్లెపూదండ పాట ఎక్కడా అధికారిక కార్యక్రమాల్లో వినిపించకుండా, తెలుగు భాష పై వివక్ష చూపుతుంది అంటూ, ఏపి ప్రభుత్వం పై విమర్శలు వస్తున్న తరుణంలో, ఇప్పుడు మరో వివాదస్పద నిర్ణయం తీసుకుంది. తెలుగు అకాడమీ అంటే అది ఒక బ్రాండ్. పిల్లల పుస్తకాలు కూడా తెలుగు అకాడమీ పేరుతోనే ప్రింట్ అవుతూ ఉంటాయి. అయితే ఇప్పుడు ఆ బ్రాండ్ కనుమరుగు అయిపొయింది. తెలుగు అకాడమీని, తెలుగు sanskrit అకాడమీగా పేరు మారుస్తూ, నిన్న ఆంధ్రప్రదేశ్ ప్రభుత్వం జీవో జారీ చేసింది. రాష్ట్ర ఉన్నత విద్యా శాఖ స్పెషల్ చీఫ్ సెక్రటరీ, సతిశ్ చంద్ర, జీవో నెంబర్ 31ని నిన్న విడుదల చేసారు. ఈ తెలుగు అకాడమీలో, తిరుపతిలో ఉండే sanskrit యూనివర్సిటీ వైస్ ఛాన్సలర్ ని, గవర్నింగ్ బడీ మెంబెర్ గా కూడా నియమించారు. అయితే తెలుగు ఆకడమీని ఈ విధంగా మార్చటం పట్ల, భాషాభిమానులు అంతా తీవ్ర అందోళన వ్యక్తం చేస్తున్నారు. ప్రభుత్వం తీసుకున్న ఈ నిర్ణయాన్ని పునః సమీక్షించాలని, డిమాండ్ చేస్తున్నారు. ఈ నిర్ణయాన్ని మరో తుగ్లక్ నిర్ణయంగా చెప్తున్నారు. ఆంధ్రప్రదేశ్ మాజీ మంత్రి, టిడిపి నేత మండలి బుద్ధప్రసాద్ మాట్లాడుతూ, తెలుగు అకాడమీ పేరు మార్చటాన్ని తీవ్ర అభ్యంతరం వ్యక్తం చేసారు.

తెలుగుకు తెగులు పట్టించే నిర్ణయం ఇది అని చెప్పి, ఆయన వ్యాఖ్యానించారు. ఇప్పటికే పలు విషయాల్లో, తెలుగు అకాడమీకి సంబంధించి, తెలుగు భాషకు సంబంధించి, రాష్ట్ర ప్రభుత్వం తీసుకుంటున్న నిర్ణయాలు సరిగా లేవాని ఆయన వ్యాఖ్యానించారు. గత కొన్ని దశాబ్దాలు క్రితం, తెలుగు అకాడమీ ఎందుకు పెట్టారు, దాని లక్ష్యం ఏమిటి అనేది, ఈ నాటి ప్రభుత్వానికి తెలియటం లేదని ఆయన ఆందోళన వ్యక్తం చేసారు. ప్రభుత్వం తెలుగు భాషను అభివృద్ధి చేయాల్సింది పోయి, తెలుగు భాషను నిర్వీర్యం చేసే ప్రయత్నాలు ఎందుకు చేస్తున్నారో అర్ధం కావటం లేదని, వ్యాఖ్యానించారు. వెంటనే ప్రభుత్వం తీసుకున్న ఈ నిర్ణయాన్ని వెనక్కు తీసుకోవలని మండలి బుద్ధ ప్రసాద్ వ్యాఖ్యానించారు. గతంలో ఎన్టీఆర్ ఏర్పాటు చేసిన ఈ అకాడమీని అప్పటి నుంచి అన్ని ప్రభుత్వాలు కొనసాగిస్తూనే ఉన్నాయి, అయితే ఇప్పుడు అసలు సంస్కృతం ఎందుకు, మన తెలుగు అకాడమీలో పెట్టారని, ఈ నిర్ణయం వెనుక, ప్రాతిపదిక ఏమితో చెప్పాలని డిమాండ్ చేస్తున్నారు. మరి దీని పై తెలుగు అకాడమీ చైర్మెన్ గా ఉన్న లక్ష్మీ పార్వతి ఎలా స్పందిస్తారో చూడాలి. లక్ష్మీ పార్వతి పై సోషల్ మీడియాలో విమర్శలు కూడా వస్తున్నాయి.

ఈ మధ్య కాలంలో వైఎస్ఆర్ కాంగ్రెస్ పార్టీని సిబిఐ వెంటాడుతున్నట్టు ఉంది. తమ అధినేత జగన్ మోహన్ రెడ్డి దగ్గర నుంచి కింద స్థాయి కార్యకర్తల వరకు సిబిఐ దెబ్బకు ఇబ్బందులు పడుతున్నారు. 151 సీట్లు వచ్చినా, ముఖ్యమంత్రి కుర్చీలో కూర్చున్నా జగన్ మోహన్ రెడ్డికి సిబిఐ బెయిల్ ఎప్పుడు రద్దు చేస్తుందో అనే చర్చ నడుస్తుంది. మరో పక్క బాబాయ్ కేసులో వేగంగా దర్యాప్తు జరుగుతుంది. దీని పై త్వరలోనే ఒక కొలిక్కి వచ్చే అవకాసం ఉంది. ఇక డాక్టర్ సుధాకర్ కేసు కూడా సిబిఐ ఒక కొలిక్కి తెచ్చింది. ఇక దీంతో పాటు దాదాపుగా వంద మందికి పైగా వైసిపీ శ్రేణులు సిబిఐ కేసులో బుక్ అయ్యింది, జడ్జిల పై ఇష్టం వచ్చినట్టు కామెంట్లు చేసిన కేసు.ఇప్పుడు ఈ కేసులో సిబిఐ ఆక్టివ్ అయ్యింది. రెండు రోజుల క్రితం, పలువురు పాస్ పోర్ట్ లు సీజ్ చేసిన సిబిఐ, అరెస్ట్ లు వరకు కూడా వెళ్లి, వైసీపీ బ్యాచ్ కు చెమటలు పట్టిస్తుంది. అసలు అధికారంలో ఉన్నామో, ప్రతిపక్షంలో ఉన్నామో అంటూ, వైసీపీ శ్రేణులు బాధపడే పరిస్థితి వచ్చింది. కడప జిల్లా పులివెందులకు చెందిన లింగారెడ్డి రాజశేఖర్ రెడ్డి అనే వ్యక్తిని అత్యంత నాటకీయ పరిణామాల మధ్య సిబిఐ అధికారులు నిన్న అరెస్ట్ చేసారు. వైజాగ్ బ్రాంచ్ సిబిఐ అధికారులు కడపకు వచ్చి, అత్యంత రహస్యంగా వచ్చి, ఎవరికీ తెలియకుండా వచ్చి అదుపులోకి తీసుకున్నారు. అక్కడ నుంచి సిబిఐ అధికారులు తీసుకు వచ్చి, గుంటూరులో నాలుగవ అదనపు జూనియర్ సివిల్ జడ్జి కోర్టులో హాజరుపరిచారు.

అయితే కోర్టు అతనకి, ఈ నెల 23 వరకు రిమాండ్ విధించింది. ఇది ఇలా ఉంటే, న్యాయమూర్తుల పై ఇష్టం వచ్చినట్టు కామెంట్లు పెట్టిస్తున్న పెద్దలు ఎవరో, లింగారెడ్డి రాజశేఖర్ రెడ్డికి తెలుసని, పోస్టులు వెనుక ఉద్దేశం, అతని వెనుక ఎవరు ఉన్నది, సెల్ ఫోన్లు ఎక్కడ ఉన్నాయో తెలుసుకునేందుకు, మూడు రోజులు కస్టడీ ఇవ్వాలని సిబిఐ కోరింది. అయితే ఈ పిటీషన్ ను కోర్టు 12వ తేదీకి వాయిదా వేసింది. ఇక లింగారెడ్డి రిమాండ్ రిపోర్ట్ లు కొన్ని ఆసక్తికర విషయాలు సిబిఐ నమోదు చేసింది. తన ఆధార్ కార్డు, పాస్ పోర్ట్ లో ఇంటి పేరు, పుట్టిన రోజు తేదీ వేరు వేరుగా ఉన్నాయని గుర్తించింది. అయితే తన ఫోను వంకలో పడిపోయిందని, మరో ఫోన్ తల్లి దగ్గర ఉందని చెప్పారని, ఫేస్బుక్ తెరవమని కోరగా తన ఎకౌంటు ఆక్టివ్ గా లేదని చెప్పారని, అయితే అది ఆక్టివ్ గానే ఉందని సిబిఐ తెలిపింది. కొన్ని పోస్టు లింకులు డిలీట్ అయినట్టు సిబిఐ తెలిపింది. ఈమెయిల్ ఐడి ద్వారా లాగిన్ అవ్వాలని కోరగా, అది కుదరలేదని సిబిఐ తెలిపింది. మొత్తం మీద, సిబిఐ ఇప్పుడు ఈ కేసులో, జడ్జిల పై ఈ పోస్టులు పెట్టిస్తున్న పెద్దలు ఎవరో పట్టుకుంటుందో లేదో చూడాలి.