news

4 రోజుల్లో 3.3 టీఎంసీల కృష్ణా జలాలు సముద్రం పాలయ్యా యని, ముఖ్యమంత్రి కుటుంబ పత్రిక, జగన్ అవినీతి పత్రిక సాక్షిలో రాశారు. అలా రాయడానికి సిగ్గుండాలని, రైతుల కు ఇవ్వాల్సిన నీటిని సముద్రం పాలు చేసినందుకు ఈ ముఖ్యమంత్రి సిగ్గు పడాలని, ఆయన చేయాల్సింది చేయకుండా, అక్కడది చేశారు.. ఇక్కడది చేశారని ప్రధానికి లేఖలు రాస్తే ఉపయోగం ఏముంటుందని, టీడీపీ సీనియర్ నేత, మాజీమంత్రి దేవినేని ఉమామహేశ్వరరావు ప్రశ్నించారు. బుధవారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. ఆ వివరాలు ఆయన మాటల్లోనే... "ప్రధానికి, ఇతర కేంద్ర మంత్రులకు లేఖలు రాస్తున్న ముఖ్య మంత్రికి విభజన చట్టం గుర్తులేదా...లేక గుర్తుకు రావడంలేదా ? ఏపీ విభజన చట్టంలోని షెడ్యూల్ -11లో ఏం చెప్పారు? రెండు రాష్ట్రాల్లో ఏ రాష్ట్రమైనా సరే, చట్టంలోని నిర్ణయాలను అమలు చేయాలని, అలా అమలు పరచని రాష్ట్రం, అందుకు ఫలితంగా కేంద్ర ప్రభుత్వం విధించే ఆర్థిక పరమైన శిక్షలను ఎదుర్కోవాల్సి ఉంటుందని చెప్పారు. 11వ షెడ్యూల్ లోని సెక్షన్ 85.7(ఈ)లో ఇదే అంశాన్ని చాలా స్పష్టంగా చెప్పా రు. ముఖ్యమంత్రి ప్రధానికి రాసిన లేఖలో ఈసెక్షన్ లోని వివరాలను ఎందుకు గుర్తుచేయలేదు? అదే విధంగా సెక్షన్ -10 లో కొన్ని ప్రాజెక్టులు, వాటి నీటి కేటాయింపుల వివరాలు కూడా యథావిధిగా కొనసాగుతాయని కూడా చెప్పడం జరిగింది. అలాచెప్పిన ప్రాజెక్టుల్లో హంద్రీనీవా, తెలుగుగంగ, వెలిగొండ, గాలేరు-నగరి, కల్వకుర్తి, నెట్టెంపాడు ప్రాజెక్టులున్నాయి. ఆ 6 ప్రాజెక్టులు షెడ్యూల్ ప్రకారం పూర్తి చేయాల్సినవే. వాటికి సంబంధించిన నీటి కేటాయింపులు కూడా పార్లమెంట్ ద్వారా చేయబడిన రాష్ట్ర విభజన చట్టంలో పేర్కొన్నబడినవే. అవేమీ నేనో, జగన్మోహన్ రెడ్డో చేసిన చట్టాలుకావు. నీటికొరత ఉన్నప్పుడు, వ్యవసాయానికి, తాగునీటికి, విద్యుత్ ఉత్పత్తికి నీటిలభ్యతపై ఘర్షణ తలెత్తినప్పుడు, ఏ రాష్ట్రమైనాసరే తొలి ప్రాధాన్యత వ్యవసా యానికి, తాగునీటికే ఇవ్వాలని కూడా చట్టంలో చెప్పడం జరిగింది. తొలి ప్రాధాన్యత వ్యవసాయపరంగా కృష్ణాడెల్టా రైతాంగానికి, తాగు నీటి పరంగా ప్రాధాన్యత రాయలసీమకు ఇవ్వాలని, మూడో ప్రాధాన్యత గానే విద్యుత్ ఉత్పత్తిని పరిగణించాలని చాలా స్పష్టంగా పేర్కొంటే, ఈ ముఖ్యమంత్రి పొరుగు ముఖ్యమంత్రిని ఎందుకు నిలదీయలేక పోతున్నాడు.

ఆయన లాలూచీ వ్యవహారాలు, ఎన్నికల పొత్తు, హైదరాబాద్ లోని తన ఆస్తులను, తన ల్యాండ్ బ్యాంకుని కాపాడుకో వడానికే ఇలా చేస్తున్నాడు. ఎన్నికల కోసం పొరుగు నుంచి వేలకోట్లు తెచ్చుకున్నందుకు, ఇప్పుడు రాష్ట్ర రైతాంగం ప్రయోజనాలను వారికి తాకట్టుపెట్టారు. పార్లమెంట్ చేసిన విభజన చట్టంలో ఇంత స్పష్టంగా ఉన్న అంశాలను ఈ ముఖ్యమంత్రి, ప్రధానికి, కేంద్ర జల శక్తి మంత్రికి రాసిన లేఖల్లో ఎందుకు రాయలేదు? ఉనికిలో ఉన్న ఏపీలో వివిధ ప్రాంతాలకు చేయాల్సిన నీటి సరఫరా విషయమై, చేయాల్సిన కేటాయింపుల విషయమై, నదీ జలాల ట్రిబ్యునల్ హామీ ఇచ్చిన నీటి వాటా యథాతథంగానే ఉంటుందని కూడా చట్టంలో చెప్పారు. చట్టాలను దేవినేని ఉమా మర్చిపోయినా, జగన్మోహన్ రెడ్డి మర్చిపో యినా, గూగుల్ మర్చిపోదు కదా? గూగుల్ లో అట్టా కొడితే ఇట్టా సమాచారం వస్తుంది. గూగుల్ కు గుర్తున్న విషయాలు, ఆక్స్ ఫర్డ్ లో చదివిన ముఖ్యమంత్రికి గుర్తులే కపోవడం విచిత్రంగా ఉంది. జగన్ బాబుకి, అనిల్ కుమార్ కు తెలుగులో చెబితే అర్థంకాదు కాబట్టి, గూగుల్ లోని సమాచారమంతా ఇంగ్లీషులోనే ఉంది. రెండురాష్ట్రాల మధ్యతలెత్తిన నీటి వివాదాలకు సంబంధించి కేఆర్ఎంబీకి కూడా ఈ ముఖ్యమంత్రి లేఖరాశారు. ఇన్నిమీటింగులు జరిగినా, ఏనాడూ జగన్ బాబుకి విభజన చట్టంలోని అంశాలు గుర్తుకు రాలేదు. ఇదీ జగన్ బాబు లాలూచీ వ్యవహారం. ఈ ముఖ్యమంత్రి ప్రధానికి రాసిన లేఖలో అపెక్స్ కౌన్సిల్ సమావేశం ఏర్పాటు చేయాలనికూడా ఏనాడూ కోరలేదు. నీటి వివాదాల పరిష్కారానికి జగన్ రెడ్డి ఏంచేస్తున్నాడో, మీడియా ముఖంగా ముఖ్యమంత్రి రాష్ట్ర ప్రజలకు వివరణ ఇవ్వాలి. దిక్కుమాలిన ప్రభుత్వం, దిక్కుమాలిన నాయకులకు ఎంత చెప్పినా ఉపయోగం ఉండటంలేదు. ముఖ్యమంత్రో, ఇరిగేషన్ మంత్రో మాట్లాడితే సమాధానం చెబుతాను గానీ, సాక్షి మేనేజర్లకు కాదు.

తెలుగుదేశం పార్టీ ఎమ్మెల్యే పీఏసీ చైర్మెన్ పయ్యావుల కేశవ్ సంచలనానికి తెర లేపారు. ఒకటి కాదు రెండు కాదు, ఏకంగా జగన్ మోహన్ రెడ్డి ప్రభుత్వం, రూ.41 వేల కోట్లకు బిల్లులు చూపించలేదు అంటూ సంచలన ఆరోపణలు చేసారు. ఆరోపణలే కాదు దానికి సంబంధించి పూర్తి ఆధారాలు కూడా తీసుకుని, గవర్నర్ వద్ద పెట్టారు. ఏకంగా 10,806 బిల్లులకు సంబంధించి రూ.41 వేల కోట్లకు లెక్కలు గల్లంతు అయ్యాయని, అవి ఎక్కడ ఖర్చు పెట్టారు, దేని కోసం ఖర్చు పెట్టారో లెక్క లేకుండా, పోయిందని ఆధారాలు చూపించారు. ఇదే విషయం పై కాగ్ కూడా రాసిన లేఖను చూపించారు. ఇవన్నీ గవర్నర్ కు ఇచ్చి, గవర్నర్ కు ఉన్న అధికారాలు, ఇందులో గవర్నర్ పాత్ర, ఆయనకు ఇది ఎలా అంటుకుంటుందో చెప్తూ, గవర్నర్ దీని పై దృష్టి పెట్టాలని కోరారు. చంద్రబాబు ఆదేశాల మేరకు ఈ రోజు పయ్యావుల కేశవ్ గవర్నర్ ను కలిసారు. రాష్ట్ర ప్రభుత్వం పాల్పడుతున్న ఆర్ధిక అవకతవకల పై గవర్నర్ కు ఫిర్యాదు చేసారు. గవర్నర్ కు ఫిర్యాదు చేసిన తరువాత పయ్యావుల, మీడియాతో మాట్లాడారు. ఈ సందర్భంగా ఆయన మాట్లాడుతూ, ఒక చిన్న కంపెనీ కూడా పక్కగా లెక్కలు మైంటైన్ చేస్తూ, ఎక్కడ తేడా లేకుండా అన్ని బిల్లులు పెట్టుకుంటారని, అలాంటిది ఒక రాష్ట్ర ప్రభుత్వం లక్షల కోట్ల బడ్జెట్ పెడుతూ, ఏకంగా రూ.41 వేల కోట్ల ఖర్చులకు సరైన వివరాలు చూపించలేదని అన్నారు.

ఇదే విషయం గవర్నర్ వద్దకు తీసుకుని వెళ్ళామని అన్నారు. మేము గత ఏడాది కాలంగా దీని పై పరిశోధనలు జరిపామని, చివరకు కాగ్ వాళ్ళు కూడా తాము ఇచ్చిన నివేదికలు కరెక్ట్ అనే విధంగా, ఈ రూ.41 వేల కోట్లకు లెక్కలు చెప్పాలి అంటూ రాష్ట్ర ప్రభుత్వానికి లేఖ రాసారని అన్నారు. ఒక్క బిల్ మూవ్ అవ్వాలి అని, దానికి సంబంధించిన పూర్తి వివరాలు, ఓచర్లు, సంతకాలు ఉంటాయాని, అప్పుడు కానీ ట్రెజరర్ విడుదల చేయడని, అలాంటిది రూ.41 వేల కోట్లకు ఎలాంటి ల్లులు, ఓచర్లు, లావాదేవీల పత్రాలు లేకుండానే ఖర్చు పెట్టేసారని అన్నారు. ఇది తాము అనటం లేదని, ఏకంగా కాగ్ లేఖ రాస్తూ, రాష్ట్ర ప్రభుత్వాన్ని పూర్తి వివరాలు అడిగారని అన్నారు. ప్రిన్సిపల్ అకౌంటెంట్ జనరల్ రాసిన లేఖను కూడా గవర్నర్ కు ఇచ్చినట్టు పయ్యావుల తెలిపారు. ప్రభుత్వం చేసే ప్రతి చర్య గవర్నర్ పేరు మీదే జరుగుతుందని, ఆర్టికల్ 151(2) ప్రకారం గవర్నర్ కు తెలియచేయాలని, రాష్ట్ర ప్రభుత్వం ఏ నివేదికలు ఇస్తే గవర్నర్ ఆవే నివేదికలు ఇచ్చే పరిస్థితి ఉంటుందని, అందుకే గవర్నర్ గారికి ఈ విషయాలు చెప్పి, సరైన చర్యలు తీసుకుని, మొత్తం ఆడిట్ చేపించమని కోరామని పయ్యావుల అన్నారు.

ఈ రోజు తెలంగాణాలో షర్మిల కొత్త పార్టీ ప్రకటించారు. ఈ సందర్భంగా ఆమె, ప్రసంగించారు. అందరూ ఆసక్తిగా ఎదురు చూస్తున్న తెలంగాణా ఆంధ్రప్రదేశ్ నీటి వివాదం పై స్పందించారు. అయితే ఈ సందర్భంగా షర్మిల చేసిన వ్యాఖ్యలు సంచలనంగా మారాయి. ముఖ్యంగా ఆమె చంద్రబాబు పేరు చెప్పకుండా, చంద్రబాబుని ఇద్దరూ కలిసి ఓడించారు అనే విధంగా మాట్లాడారు. ఆమె మాటలలోనే "కృష్ణా నది మీద రెండు సంవత్సరాల నుంచి ప్రాజెక్ట్ లు కడుతూ ఉంటే, కేసీఆర్ గారు ఇప్పుడే తెలివిలోకి వచ్చారా ? పక్క రాష్ట్ర ముఖ్యమంత్రిని ఇంటికి ఆహ్వానించ వచ్చు, కౌగలించుకోవచ్చు, భోజనాలు పెట్టొచ్చు, స్వీట్ లు కూడా తినిపించవచ్చు. ఇద్దరూ కలిసి ఉమ్మడి శత్రువుని ఓడించనూ వచ్చు. కానీ రెండు నిమిషాలు కూర్చుని నీటి పంచాయతీలు మాట్లాడుకోలేరా ?" అంటూ షర్మిల సంచలన వ్యాఖ్యలు చేసారు. ఉమ్మడి శత్రువుని ఓడించటం అంటే, కేసీఆర్ జగన్ లు కలిసి చంద్రబాబుని ఓడించారు అని షర్మిల పరోక్షంగా వ్యాఖ్యానించారు. అప్పట్లో చంద్రబాబుని ఓడిస్తానని, రిటర్న్ గిఫ్ట్ ఇస్తాను అని కేసీఆర్ ప్రకటించిన విషయం తెలిసిందే. మోడీ, కేసీఆర్, జగన్ అందరూ కలిసి చంద్రబాబుని ఓడించారని, అప్పట్లో పెద్ద ప్రచారమే జరిగిన విషయం అందరికీ తెలిసిందే.

ఈ రోజు షర్మిల చేసిన వ్యాఖ్యలతో అది నిజం అని తేలిపోయింది. ఎందుకంటే అప్పట్లో షర్మిల కూడా ఆంధ్రప్రదేశ్ రాష్ట్రంలో చంద్రబాబుని ఓడించటానికి ప్రచారం చేసిన విషయం తెలిసిందే. బైబై బాబు అంటూ వెకిలిగా ఆమె చేసిన ప్రచారం అందరికీ గుర్తు ఉంది. అప్పట్లో ఈ కుట్రలు అన్నీ ఆమెకు తెలిసే ఉంటాయి. అందుకేనేమో, ఇప్పుడు తన అన్నతో విభేదాలు రావటంతో, ఉన్నది మొత్తం కక్కేశారు. చంద్రబాబుని ఓడించటంకోసం చంద్రబాబు, జగన్ కలిసి ఎలా పని చేసింది ఈ రోజు షర్మిల మాటలతో అర్ధం అయిపోతున్నాయి. ఒక్కడిని ఓడించటానికి, ఇన్ని కుయుక్తులు పన్ని, ఈ రోజు రాష్ట్రాన్ని ఇలా కుక్కలు చింపిన విస్తరి చేస్తున్నారు అని టిడిపి నేతలు అంటున్నారు. ఈ రోజు షర్మిల చేసిన వ్యాఖ్యలతో, ఆ రోజు జగన, కేసీఆర్ పన్నిన కుట్రలు అన్నీ బయట పడ్డాయని అంటున్నారు. నీటి వివాదాం అంటా బూటకం అని మేము మొదటి నుంచి చెప్తుంది ఇందుకే అని, కేసీఆర్ జగన్ ఇద్దరికీ సఖ్యత బాగానే ఉందని, ఇవన్నీ నాటకాలు అని అంటున్నారు.