news

తిరుపతిలో నిర్మాణంలో ఉన్న గరుడవారధిని అలిపిరి వరకు పొడిగించాలన్న టీటీడీ నిర్ణయం సరైంది కాదని, ట్రాఫిక్ పెరుగుతుందన్న సాకుతోవారధి పొడవును పెంచాలనుకోవడం సమంజసంకాదని టీడీపీ రాష్ట్రప్రధాన కార్యదర్శి బుచ్చిరామ్ ప్రసాద్ స్పష్టంచేశారు. శనివారం ఆయన తననివాసం నుంచి జూమ్ ద్వారా విలేకరులతో మాట్లాడారు. చంద్రబాబునాయుడి ప్రభుత్వం తిరుచానూరు పద్మావతి అమ్మవారి ఆలయం నుంచి కపిలతీర్థం వరకు (సుమారు 7కిలోమీటర్లు) వారధికట్టాలని భావించి, వెంటనే శంఖుస్థాపన కూడా చేయడం జరిగిందన్నారు. 2019లో టీడీపీప్రభుత్వం దిగిపోయేనాటికి వారధి నిర్మాణానికి అవసరమైన పిల్లర్లనిర్మాణం సహా, దాదాపు 60శాతం పనులు పూర్తయ్యాయన్నారు. వైసీపీప్రభుత్వంవచ్చిన రెండేళ్లతరువాత తాపీగా వారధినిర్మాణంపై దృష్టిపెట్టిందని, కపిలతీర్థం వరకు అనుకున్న నిర్మాణాన్ని, నందిసర్కిల్ వరకు పెంచాలని తీర్మానించారన్నారు. వారధి నిర్మాణాన్ని ఎందుకు పెంచుతున్నారు.. ఎవరికోసం పెంచుతున్నారనే దానిపై ప్రభుత్వంగానీ, టీటీడీగానీసమాధానమివ్వడంలేదని టీడీపీనేత తెలిపారు. సహజంగా ట్రాఫిక్ సమస్యలున్నప్పు డు, ఫ్లైఓవర్లనిర్మాణం చేస్తుంటారని, కపిలతీర్థంనుంచి నందిసర్కిల్ కు వెళ్లడానికి మంచిరోడ్లే ఉన్నాయని, ఎక్కడా క్రాస్ రోడ్లుకూడా లేవన్నారు. అలాంటప్పుడు వారధి నిర్మాణాన్ని పొడిగించాల్సిన అవసరం ఏమొచ్చిందని బుచ్చిరామ్ ప్రసాద్ ప్రశ్నించారు. వారధినిర్మాణం పొడిగించ డం వల్ల, అదనంగా రూ.200కోట్ల వరకు ఖర్చవుతుందన్నా రు. టీడీపీ ప్రభుత్వం రూ.284కోట్లతో వారధినిర్మాణటెండర్లు పిలిచి, దాదాపు 60శాతం పనులు పూర్తిచేశాక, మిగిలిన దాన్ని పూర్తిచేయకుండా, దాన్ని పొడిగించాల్సిన అవసరం ప్రభుత్వానికేమిటన్నారు. టీడీపీప్రభుత్వం ఉన్నప్పుడే వారధి నిర్మాణానికి టీటీడీ 66శాతం నిధులివ్వడానికి ఒప్పుకుందని, మిగిలినదాన్ని ప్రభుత్వం భరించడానికి సమ్మతించిందన్నారు. వారధి నిర్మాణంపూర్తయి ప్రారంభానికి సిద్ధమైన తరుణంలో ప్రభుత్వం, టీటీడీ ఇలాంటి తెలివితక్కువనిర్ణయం తీసుకోవడం బాధాకరమన్నారు. గరుత్మంతుడు, శ్రీవేంకటేశ్వరస్వామి పై ఉన్న గౌరవం, మర్యాద, భక్తిప్రపత్తులను గమనించి, ప్రభుత్వంప్రజలను బాధపెట్టే నిర్ణయాలు తీసుకోకుండా ఉండటమే మంచిదన్నారు. కపిలతీర్థంవరకు మాత్రమే తిరుపతిలో ఉన్నట్లు అనిపిస్తుందని, అక్కడినుంచి నందిసర్కిల్ వరకు తిరుమలకు వెళుతున్నట్టే అనిపిస్తుందన్నారు. కుడివైపున శ్రీ వేంకటేశ్వరస్వామి అభయారణ్యం పచ్చగా కనువిందు చేస్తుంటుందన్నారు.

తిరుమల స్వామివారి దర్శనానికి వెళ్లే, భక్తుల మనోభావాలను, వారి చూపులకుకనువిందుచేసే సుందరప్రదేశాలను కనిపించకుండా, చేసేలా వారధి నిర్మాణాన్ని పొడిగించవద్దని బుచ్చిరామ్ ప్రసాద్ విజ్ఞప్తిచేశారు. తిరుమలకు వచ్చే భక్తుల మనోభావాలను దృష్టిలో పెట్టుకొని వారధినిర్మాణాన్ని పొడిగించేచర్యలను తక్షణమే విరమించుకోవాలన్నారు. టీటీడీ ఈవో/ఛైర్మన్ గా ఉన్న జవహర్ రెడ్డి, టీటీడీ జేఈవో తక్షణమే దీనిపై వివరణ ఇవ్వాలని టీడీపీనేత డిమాండ్ చేశారు. అలానే తిరుమల తిరుపతి దేవస్థానంఆధ్వర్యంలో రాజధాని అమరావతిలో నిర్మించతలపెట్టిన శ్రీవారి ఆలయం, కళ్యాణమండపాల నిర్మాణాలకు గతప్రభుత్వం రూ.64కోట్లు కేటాయించిందన్నారు. వైసీపీప్రభుత్వం వచ్చాక రాజధాని నిర్మాణాన్నే ఎడారిగామార్చిందని, అమరావతిలో నిర్మించాల్సిన శ్రీవారి ఆలయనిర్మాణాన్నికూడా నిలిపివేసిం దన్నారు. ఎక్కడోకాశ్మీర్ లో గుడికడతామంటున్న టీటీడీ వారు సొంతరాష్ట్రంలోని రాజధానిప్రాంతంలో ఆలయం నిర్మించడానికి ఎందుకు మీనమేషాలులెక్కిస్తున్నారో తెలియడం లేదన్నారు. రాజధానిలో నిర్మించదలచిన వేంకటేశ్వరస్వామి ఆలయనిర్మాణం పూర్తైతే, చిన్న తిరుమలగా ఖ్యాతిచెందుతుందన్నారు. వారధి నిర్మాణాన్ని పొడిగించడం కమీషన్లకోసమేనన్న అనుమానం తమకు కలుగుతోందని విలేకరులు అడిగినప్రశ్నకు సమాధానంగా బుచ్చిరామ్ ప్రసాద్ అభిప్రాయపడ్డారు.  ఇంజనీర్ల ఆమోదం లేకుండా, 2, 3నెలల్లో పూర్తయ్యే నిర్మాణాన్ని ఉన్నట్టుండి 4 కిలోమీటర్లు ఎందుకు, ఎవరికోసం పొడిగిస్తున్నారో దేవా దాయమంత్రి వెల్లంపల్లి శ్రీనివాస్ సమాధానంచెప్పాలన్నారు.

ఆంధ్రప్రదేశ్ రాష్ట్ర ప్రభుత్వ వైఖరి గత వారం రోజులుగా మన రాష్ట్రంలోనే కాదు, దేశంలో కూడా ఫోకస్ లభించింది. దీనికి ప్రధాన కారణం పరీక్షలు. దేశంలో అన్ని రాష్ట్రాలు పదవ తరగతి, ఇంటర్ పరీక్షలు రద్దు చేసాయి. అయితే ఆంధ్రప్రదేశ్ ప్రభుత్వం మాత్రం, మేము పరీక్షలు జరిపి తీరుతాం అని, ఏది ఏమైనా, ఎవరు ఏమి అనుకున్నా, మిగతా రాష్ట్రాలు రద్దు చేసినా, మాకు అనవసరం అనే విధంగా, పరీక్షలు రద్దు చేసే ప్రసక్తే లేదని తేల్చి చెప్పింది. విద్యార్ధులు, ప్రతిపక్షాలు, తల్లిదండ్రులు ఎంత గొడవ చేసినా, వారి అభిప్రాయలు కనీసం పట్టించుకోలేదు. అయితే ఈ విషయం సుప్రీం కోర్టు వరకు వెళ్ళింది. సుప్రీం కోర్టుకి కూడా రాష్ట్ర ప్రభుత్వం మేము పరీక్షలు జరిపి తీరుతాం అని చెప్పింది. దీంతో సుప్రీం కోర్ట్ తీవ్ర అసహనం వ్యక్తం చేసింది. ఏపి ప్రభుత్వం వేసిన అఫిడవిట్ చూసి, సుప్రీం కోర్టు ఆగ్రహం వ్యక్తం చేసింది. మీ ప్రణాళిక సరిగ్గా లేదని, మీరు ఈ ప్రణాళికతో పరీక్షలకు వెళ్తే, ఒక్క విద్యార్ధి క-రో-నా బారిన పడినా మీరే బాధ్యత వహించాలి అంటూ, తీవ్ర ఆగహ్రం వ్యక్తం చేసింది. అయితే సుప్రీం కోర్టు ఆగ్రహం గమనించిన రాష్ట్ర ప్రభుత్వం, దిద్దిబాటు చర్యలకు ఉపక్రమించింది. వెంటనే ప్రకాశం జిల్లా నుంచి మంత్రిని పిలిపించి, సాయంత్రం ప్రెస్ మీట్ పెట్టించి, పది, ఇంటర్ పరీక్షలు రద్దు చేస్తున్నట్టు ప్రకటించింది.

అయితే ఇక్కడ వరకు బాగానే ఉంది. గత రెండు నెలలుగా , జగన్ మోహన్ రెడ్డి ప్రభుత్వం, నారా లోకేష్ ఈ పరీక్షలు రద్దు చేయాలని పోరాటం చేస్తున్నారు. విద్యార్దులు, తల్లిదండ్రులతో కాన్ఫరెన్స్ లు ఏర్పాటు చేసారు. ప్రతి క్షణం ప్రభుత్వం పై ఒత్తిడి తెచ్చారు. న్యాయ పోరాటం కూడా చేసారు. దీంతో పరీక్షలు రద్దు చేస్తున్నట్టు ప్రభుత్వం ప్రకటించగానే, విద్యార్ధులు, తల్లిదండ్రులు లోకేష్ కి ధన్యవాదాలు చెప్పారు. సోషల్ మీడియాలో లోకేష్ కి ధన్యవాదాలు చెప్తూ, పోస్ట్ లు హోరెత్తాయి. దీంతో ప్రభుత్వ పెద్దలకు ఏమి చేయాలో అర్ధం కాని పరిస్థితి ఏర్పడింది. పరీక్షలు రద్దు చేస్తే, జగన్ మోహన్ రెడ్డికి విద్యార్ధులు థాంక్స్ చెప్పాలి కానీ, లోకేష్ కు సోషల్ మీడియాలో ధన్యవాదాలు రావటం పై, షాక్ అయ్యారు. అసలు ఎక్కడ తేడా వచ్చింది, సలహాదారులు ఏమి చేస్తున్నారు ? అంటూ వారి పై ఆగ్రహం వ్యక్తం చేసారు. విద్యార్ధి వర్గం దూరం అయ్యే చర్యలు జరుగుతుంటే, ఏమి చేస్తున్నారు అంటూ తీవ్ర ఆగహ్రం వ్యక్తం చేస్తున్నారు. దిద్దుబాటు చర్యలు ప్రారంభించాలి ఆదేశాలు జారీ అయ్యాయి.

రెండు తెలుగు రాష్ట్రాలు విడిపోయినా, 2019 వరకు కేసీఆర్ బ్యాచ్ చిమ్మే విషంతో, ఆంధ్రప్రదేశ్ ప్రాంతాన్ని టార్గెట్ చేస్తూనే ఉన్నారు. ముఖ్యంగా హైదరాబాద్ ఉమ్మడి రాజధానిగా, ఆంధ్రప్రదేశ్ రాష్ట్రం ఇంకా రాజధాని లేని ప్రాంతంగా ఉంటూ, హైదరాబాద్ లోనే కొన్ని రోజులు ఉన్న పరిస్థితిలో అనేక అవమానాలు పొందం. సరే మన ఇవన్నీ ఎందుకు, మన బ్రతుకు మనం బ్రదుకుదాం అని, చంద్రబాబు అమరావతి నిర్మాణం మొదలు పెట్టారు. అయినా మన ప్రాంతాన్ని టార్గెట్ చేయటం ఆపలేదు. చీటికి మాటికీ ఏదో ఒక గొడవ. చివరకు జగన్ తో కలిసి చంద్రబాబుని దింపే దాకా వ్యవహారం వెళ్ళింది. ఎన్నికల్లో వీళ్ళు అందరూ వ్యూహం పన్నినట్టే చంద్రబాబు ఓడిపోయారు. అయితే ఇక్కడ మనం ఒకటి గుర్తుంచుకోవాలి. ఇక్కడ చంద్రబాబుకు పోయేది ఏమి లేదు, ఆంధ్రప్రదేశ్ రాష్ట్రానికే నష్టం అని అనేక మంది అప్పట్లో చెప్పారు కూడా. కొత్త ప్రభుత్వం ఏర్పడిన కొత్తలో, జగన్ మోహన్ రెడ్డి, కేసీఆర్ ను పొగడ్తలతో ముంచెత్తారు. ఇది ఎంత వరకు వెళ్ళింది అంటే, మన ఆంధ్రప్రదేశ్ ప్రాజెక్ట్ లను కూడా, తెలంగాణా భూభాగం నుంచి తీసుకుని వెళ్తాం అని చెప్పే దాకా వెళ్ళింది. అప్పట్లో చంద్రబాబు హెచ్చించినా, కేసీఆర్ ఎంతో గొప్పవారు అని జగన్ మోహన్ రెడ్డి ఆకాశానికి ఎత్తుతూ ఏకంగా అసెంబ్లీ రికార్డుల్లో ఉండేలా మాట్లాడారు.

కట్ చేస్తే గత వారం రోజులుగా తెలంగాణా మంత్రులు, నాయకులు, జగన్ మోహన్ రెడ్డి పై నీళ్ళ విషయంలో విరుచుకు పడుతున్నారు. అక్రమ ప్రాజెక్ట్ లు కడుతున్నారని, విమర్శలు చేస్తున్నారు. ఇక్కడితో ఆగలేదు. జగన్ దొంగ అని అన్నారు. రాజశేఖర్ రెడ్డి రాక్షసుడు అన్నారు. అయినా వైసిపీ వైపు నుంచి కనీసం సౌండ్ లేదు. మొన్న లోకేష్ కుక్క అన్నాడని, పద మంది మంత్రులు మీడియా ముందుకు వచ్చి విమర్శలు చేసారు. ఇప్పుడు దొంగ అంటున్నా, రాజశేఖర్ రెడ్డిని రాక్షసుడు అని అన్నా, సౌండ్ లేదు. దీంతో ఇప్పుడిప్పుడే ప్రజలకు ఇదంతా డ్రామా అని అర్ధం అవుతుంది. గతంలో దుబ్బాక, హుజార్ నగర్ ఎన్నికలు అప్పుడు కూడా, టీఆర్ఎస్ ఇలాగే రెచ్చగొట్టి రాజకీయ లబ్ది పొందింది. ఇప్పుడు హుజురాబాద్ ఎన్నికలు వస్తున్నాయి కాబట్టి, మళ్ళీ అదే ఫార్ముల ఉపయోగించారు. అయితే ఇక్కడ జగన్ అండ్ కో మాత్రం సైలెంట్ గా ఉన్నారు. అక్కడ షర్మిల మా నాన్నను అంటే ఊరుకోం అని వార్నింగ్ ఇచ్చారు. ఇక్కడ జగన్ మాత్రం సైలెంట్. ఇక్కడే కేసీఆర్ జగన్ మధ్య ఉన్న మ్యాచ్ ఫిక్సింగ్ అర్ధం అయిపోతుందని రాజకీయ విశ్లేషకులు అంటున్నారు.