news

జగన్ కేసుల్లో మరో సంచలన వార్త బయటకు వచ్చింది. ఏకంగా హైకోర్టు ఆయన కేసులు విషయంలో ఏకంగా సుమోటోగా తీసుకుని నిర్ణయం తీసుకుంది. రేపు దీని పై విచారణ జరగనుంది. ఇక వివరాల్లోకి వెళ్తే, జగన్ మోహన్ రెడ్డి ఎలక్షన్ అఫిడవిట్ వేసిన సందర్భంలో ఆయన పై 31 కేసులు చూపుతూ ఆయన అఫిడవిట్ వేసిన సంగతి తెలిసిందే. అయితే జగన్ పైన 11 సిబిఐ కేసులు 5 ఈడీ కేసులు మాత్రమే ఉన్నాయని అందరికీ తెలుసు. ఈ మిగతా కేసులు ఏమిటో ఎవరికీ తెలియవు. అయితే ఇవన్నీ వివిధ సందర్భాల్లో జగన్ మోహన్ రెడ్డి పై నమోదు అయిన కేసులు. ఉదాహరణకు నందిగామ ప్రభుత్వ హాస్పిటల్ కు వెళ్ళినప్పుడు, అప్పటి కృష్ణా జిల్లా కలెక్టర్ అహ్మద్ బాబు చేతిలో కాగితాలు లక్కోవటం, వైజాగ్ ఎయిర్ పోర్ట్ లో గలాటా చేయటం, అలాగే జాతీయ గీతం సరిగ్గా పడలేదని, ఇలాగే కొన్ని క్రిమినల్ కేసులు, ఇలా ఆయన పై అనేక కేసులు ఉన్నాయి. అయితే జగన్ మోహన్ రెడ్డి అధికారంలోకి వచ్చిన తరువాత, అనూహ్యంగా, ఈ కేసులు అన్నీ కొట్టివేస్తూ, ప్రభుత్వం, డీజీపీ నిర్ణయం తీసుకుంటూ వచ్చారు. ఆ కేసు క్లోజ్ చేసేసారు. పొరపాటు పడ్డారని, ఘటన జరగలేదని, ఇలా అనేక కారణాలు చూపించి, దాదాపుగా 11 కేసులు వరకు, జగన్ పై ఉన్న కేసులు క్లోజ్ చేస్టు, ఏపి ప్రభుత్వం నిర్ణయం తీసుకుంది.

అయితే దేశంలోనే ఎప్పుడు జరగని విధంగా, కోర్టులో తేలాల్సిన కేసులు, ప్రభుత్వమే క్లోజ్ చేయటం పై, పలువురు అప్పట్లో హైకోర్టుకు వెళ్ళారు. అప్పటి చీఫ్ జస్టిస్ మహేశ్వరీ, ఈ కేసులు విషయం పై, అంతర్గతంగా ఒక కమిటీ వేసారని, సమాచారం. అయితే తరువాత చీఫ్ జస్టిస్ మారిపోయారు. అయితే ఆ కమిటీ ఇప్పుడు రిపోర్ట్ ఇచ్చిందని చెప్తున్నారు. ఈ కమిటీ ఇచ్చిన రిపోర్ట్ కానీ, మరేదైనా కారణం కానీ, హైకోర్టు ఈ రోజు సంచలన నిర్ణయం తీసుకుంది. జగన్ పై నమోదు అయిన కేసులు, ఉపసంహరణ పై, సుమోటోగా విచారణ చేయాలని హైకోర్టు సంచలన నిర్ణయం తీసుకుంది. అనంతపురం జిల్లా, గుంటూరు జిల్లా, కృష్ణా జిల్లా సహా, 11 కేసులను, ఉపసంహరించుకుంటూ ఆంధ్రప్రదేశ్ ప్రభుత్వం నిర్ణయం తీసుకోవటం పై హైకోర్టు దృష్టి పెట్టింది. అసలు కేసు పెట్టిన వారి అనుమతి లేకుండానే, చట్టానికి విరుద్ధంగా ఉపసంహరించుకున్నారు అంటూ, పలువురు హైకోర్టులో ఫిర్యాదు చేయటంతోనే, ఈ కేసులని పరిశీలించి, హైకోర్టు సుమోటోగా ఈ కేసుని తీసుకుందని సమాచారం. ఈ కేసు పై రేపు విచారణ జరిగే అవకాసం ఉంది.

ఆంధ్రప్రదేశ్ హైకోర్టు ఈ రోజు సంచలన తీర్పు ఇచ్చింది. ఆంధ్రప్రదేశ్ ఐఏఎస్ అధికారి గిరిజా శంకర్‍, అలాగే ఐఎఫ్ఎస్ అధికారి చిరంజీవి చౌదరికి వారం రోజులు జైలు శిక్ష విధిస్తూ ఆంధ్రప్రదేశ్ హైకోర్టు కొద్ది సేపటి క్రితం సంచలన ఉత్తర్వులు జారీ చేసింది. కోర్టు ఉత్తర్వులు అమలు చేయకపోవటం పై, ఇద్దరి పై తీవ్ర ఆగ్రహం వ్యక్తం చేసింది. ఉద్యావన శాఖకు చెందిన, విలీజ్ హార్టికల్చ్ర్ అసిస్టెంట్ అని కొన్ని పోస్టులు ఉంటాయి. ఈ పోస్టులు కు సంబంధించి 36 మందిని రెగ్యులరైజ్ చేయాలని చెప్పి, వారు గతంలో హైకోర్టుని ఆశ్రయించారు. అయితే దీని పై హైకోర్టు తీర్పు ఇస్తూ, వీరిని రెగ్యులరైజ్ అయినా చేయాలని, లేదా సలక్షన్ ప్రాసెస్ లో వీళ్ళకు ప్రాధాన్యత కల్పించాలి అంటూ ఆదేశాలు ఇచ్చింది. అయితే ఈ ఆదేశాలు అమలు చేయకపోవటంతో, దీని పై హైకోర్టులో విలీజ్ హార్టికల్చ్ర్ అసిస్టెంట్ ఎవరు అయితే ఉన్నారో, వాళ్ళు కోర్టు ధిక్కరణ నేరం కింద, హైకోర్టులో మళ్ళీ పిటీషన్ దాఖలు చేసారు. ఈ కేసుని విచారణకు తీసుకున్న హైకోర్టు, తాము ఇచ్చిన ఆదేశాలు అమలు చేయాలని ఇద్దరు అధికారులను కోర్టు ఆదేశించింది. అయితే ఆదేశాలు అమలు చేయకపోగా, ప్రతి వాయిదాకు ఏదో ఒక సాకు చెప్పటం, హైకోర్టు ఆదేశాలు అమలు చేయకపోవటం, ఉత్తర్వులు ఇవ్వకపోవటంతో, ఆగ్రహం వ్యక్తం చేసింది.

అయితే పోయిన వాయిదాలో చిరంజీవి చౌదరి, గిరిజా శంకర్‍లను కోర్టుకు వ్యక్తిగతంగా హాజరు కావాలని ఆదేశించింది. ఈ రోజు వాళ్ళు కోర్టుకు రావటంతో, ఈ రోజుటికి, మేము ఇచ్చిన ఆదేశాల పై ఏమైనా ఉత్తర్వులు ఇచ్చారా అని ప్రశ్నించింది. అయితే ఉత్తర్వులు ఏమి ఇవ్వలేదని చెప్పటంతో, తీవ్ర ఆగ్రహం వ్యక్తం చేసిన హైకోర్టు, కోర్టు దిక్కరణ కింద, ఇద్దరికీ వారం రోజులు జైలు శిక్ష విధించింది. వీరి ఇరువురికీ జైలు శిక్ష విధించిన విషయం ప్రభుత్వానికి తెలియటంతో, వెంటనే రాష్ట్ర ప్రభుత్వం తరుపున ప్రభుత్వ ప్లీడర్, జైలుకు పంపవద్దని, శిక్ష విధించవద్దని, తీర్పుని రెండు రోజులు వరకు వాయిదా వేయాలని హైకోర్టుని అభ్యర్దిస్తున్నారు. అయితే కొద్ది నిమిషాల క్రితం వరకు కూడా హైకోర్టు అంగీకరించలేదు. ఇప్పటి వరకు తమ ఉత్తర్వులు అమలు చేయకపోవటంతో, చట్టంలో ఉన్న నిబంధనలు ప్రకారమే, వీరి ఇరువురికీ జైలు శిక్ష విధించామని హైకోర్టు తెలిపింది. ఇప్పుడు వచ్చి ఉత్తర్వులు వెనక్కు తీసుకోమంటే ఎలా అని ప్రభుత్వాన్ని కోర్టు ప్రశ్నించింది. అయితే రాష్ట్ర ప్రభుత్వం రెండు రోజులు తీర్పు వాయిదా వేయమని కోరుతుంది. కోర్టు ఏమి నిర్ణయం తీసుకుంటుందో చూడాలి.

మరోసారి ఆంధ్రప్రదేశ్ ప్రభుత్వానికి సుప్రీం కోర్టులో మొట్టికాయలు పడ్డాయి. హైకోర్టు, సుప్రీం కోర్టు, ఇలా అన్ని కోర్టుల్లో ప్రభుత్వ విధానాల పై విమర్శలు వస్తూనే ఉన్నాయి. తాజాగా సుప్రీం కోర్టు ఆగ్రహం వ్యక్తం చేసింది. పదవ తరగతి, అదే విధంగా ఇంటర్ పరీక్షలు రద్దు చేసే విషయంలో, దేశంలోని అన్ని రాష్ట్రాలు స్పందించిన తరువాత కూడా, ఆంధ్రప్రదేశ్ రాష్ట్రము స్పందించక పోవటం పై, సుప్రీం కోర్టు ఆగ్రహం వ్యక్తం చేసింది. ఇప్పటి వరకు పరీక్షల పై ఎటువంటి నిర్ణయం తీసుకోకపోవటం పై ఆగ్రహం వ్యక్తం చేసింది. సుప్రీం కోర్టులో ఆంధ్రప్రదేశ్ ప్రభుత్వం ఎటువంటి అఫిడవిట్ కూడా ఫైల్ చేయలేదని, కోర్టు ఆగ్రహం వ్యక్తం చేసింది. ఈ విషయంలో అన్ని రాష్ట్రాలు నిర్ణయం తీసుకున్న తరువాత, మీరు నిర్ణయం తీసుకోవటానికి ఇబ్బంది ఏమిటి, అంటూ కోర్టు ఆంధ్రప్రదేశ్ ప్రభుత్వాన్ని ప్రశ్నించింది. మిమ్మల్ని ఎందుకు మినహాయించాలని సూటిగా ప్రశ్నించింది. ఈ రోజు సిఈఎస్ఈ, ఐసిఎస్ఈ, అదే విధంగా అన్ని రాష్ట్రాల బోర్డులు పరీక్షల విషయంలో తీసుకునే నిర్ణయం పై దాఖలు అయిన, పిటీషన్ విచారణ సందర్భంలో, ఇప్పటి వరకు 21 రాష్ట్రాలు ఆయా రాష్ట్రాల్లో ఉన్న బోర్డు పరీక్షలు రద్దు చేస్తున్నట్టుగా సుప్రీం కోర్టుకు తెలిపాయి. అలాగే కొన్ని రాష్ట్రాలు కో-వి-డ్ సెకండ్ వేవ్ కంటే ముందే పరీక్షలు పూర్తి చేసుకున్నాయి.

అయితే నాలుగు రాష్ట్రాల విషయంలో సుప్రీం కోర్టు అభిప్రాయం చెప్పమని కోరింది. ఇందులో ఆంధ్రప్రదేశ్ కూడా ఉంది. అయితే ఇప్పటికే మిగతా మూడు రాష్ట్రాలు తమ అభిప్రాయం చెప్తూ, పరీక్షలు రద్దు చేస్తున్నట్టు సుప్రీం కోర్టుకు తెలిపాయి. అయితే ఆంధ్రప్రదేశ్ ప్రభుత్వం మాత్రం, ఇప్పటి వరకు అఫిడవిట్ దాఖలు చేయలేదు. అస్సాం, పంజాబ్, త్రిపుర రాష్ట్రాలు రద్దు చేస్తున్నట్టు తెలిపాయి. అయితే కేరళ రాష్ట్రం 11వ తరగతి పరీక్షలు విషయంలో వివరణ ఇవ్వలేదు. ఆంధ్రప్రదేశ్ మాత్రం పది, ఇంటర్ పై స్పష్టత ఇవ్వలేదు. అయితే ఆంధ్రప్రదేశ్ ప్రభుత్వం మాత్రం, ఎటువంటి స్పష్టత ఇప్పటి వరకు కోర్టుకు తెలపకపోవటం పై, సుప్రీం కోర్టు ఆగ్రహం వ్యక్తం చేసింది. ఎందుకు ఫైల్ చేయలేదు ? ఇప్పటి వరకు ఎందుకు నిర్ణయం తీసుకోలేదు? పరీక్షలు పెట్టి విద్యార్ధులకు క-రో-నా సోకితే ఎవరు బాధ్యత వహిస్తారు ? ఈ అనిశ్చితి ఏమిటి అని సుప్రీం కోర్టు ప్రశ్నించింది. పరీక్షల నిర్వహణ విషయంలో ఇంత అలసత్వం పనికిరాదని, ఒక్క విద్యార్ధి క-రో-నా తో మరణించినా, రాష్ట్రం బాధ్యత వహించాల్సి ఉంటుందని వార్నింగ్ ఇచ్చింది. గురువారం లోపు నిర్ణయం చెప్పాలని ఆదేశాలు జారీ చేసింది. తుది తీర్పు చెప్తామని ధర్మసనం చెప్పింది.