news

గత చంద్రబాబు నాయుడు ప్రభుత్వ హయాంలో, రాయలసీమలో ఉద్యోగాలు ఇవ్వాలని, యువతకు మంచి భవిష్యత్తు ఇవ్వాలనే ఉద్దేశంతో, తిరుపతిలో ఎలక్ట్రానిక్ హాబ్ ప్రణాళికలు రచించారు చంద్రబాబు. అనేక కంపెనీలు కూడా ఇక్కడకు వచ్చాయి. అనేక మొబైల్, ఎలక్ట్రానిక్ కంపెనీలు పెట్టుబడులు పెట్టాయి. ఇందులో భాగంగా రిలయన్స్ అంబానీని, అమరావతి తీసుకుని వచ్చారు. తిరుపతిలో పెట్టుబడి పెటించేలా ఒప్పించారు. మొత్తం 15 వేల కోట్లు పెట్టుబడితో, 25 వేల మందికి ఉద్యోగాలు ఇచ్చేలా అప్పట్లో చంద్రబాబు ఒప్పందం కుదిర్చారు. ఇది వస్తే అనేక కంపెనీలు కూడా వస్తాయనే ఉద్దేశంతో, వారికి ఇక్కడ 150 ఎకరాలు కేటాయించారు. అయితే గత ప్రభుత్వం కేటాయించిన భూములకు, గతంలోనే రిలయన్స్ సంస్థ చెల్లింపులు కూడా చేసింది. ఎకరాకు నాలుగు కోట్ల తరుపున, అడ్వాన్స్ కూడా చెల్లించారు. అయితే రాష్ట్రంలో ప్రభుత్వం మారటం, జగన్ మోహన్ రెడ్డి రావటంతో, సీన్ రివర్స్ అయ్యింది. రాష్ట్రంలో పరిస్థితి చూసిన రెలియన్స్ `సంస్థ ఇక్కడ పెట్టుబడులు పెట్టకూడదని నిర్ణయం తీసుకుంది. డబ్బులు వెనక్కు ఇచ్చేయాలని, తాము ఇక్కడ పరిశ్రమను నెలకొల్పటం లేదని, ప్రభుత్వానికి, అలాగే ఏపీఐఐసికి కూడా తేల్చి చెప్పటంతో, అందరూ షాక్ తిన్నారు.

ఈ పరిణామాన్ని ఏపీఐఐసి కూడా ధృవీకరించింది. రిలయన్స్ భూములు వెనక్కు ఇచ్చేసిందని, అడ్వాన్స్ తిరిగి ఇచ్చేయమని కోరినట్టు చెప్తున్నారు. దీంతో మరో పరిశ్రమ తరలి వేల్లిపోయినట్టు అయ్యింది. దీంతో రాయలసీమలో రావాల్సిన భారీ పరిశ్రమ వెళ్ళిపోయింది. రాయలసీమ యువతకు 25 వేల ఉద్యోగాల వరకు పోయినట్టే అయ్యింది. ఒక్క పరిశ్రమ కూడా రాకపోగా, గతంలో చంద్రబాబు కష్టపడి తెచ్చిన పరిశ్రమలు అన్నీ వెనక్కు వెళ్ళిపోతున్నాయి. ఈ పరిస్థితి చూస్తుంటే, రాష్ట్రంలో పరిస్థితి ఎలా ఉందో అర్ధం అవుతుంది. అయితే అంబానీ సన్నిహితుడుకి వైసీపీ కోటాలో రాజ్యసభ సీటు ఇచ్చారు జగన్ మోహన్ రెడ్డి. ఏకంగా అంబానీకి శాలువా కూడా కప్పారు. అయితే రాజశేఖర్ రెడ్డి మృతికి అంబానీ కారణం అని గతంలో చెప్పి, ఇప్పుడు ఎలా చేస్తారు అంటూ గతంలో ప్రతిపక్షాలు ప్రశ్నించగా, పెట్టుబడులు కోసం అని చెప్పారు. ఇప్పుడు కొత్త పెట్టుబడి రాకపోగా, ఉన్న పరిశ్రమలు కూడా వెన్నక్కు వెళ్ళిపోయే పరిస్థితి వచ్చింది.

జగన్ మోహన్ రెడ్డి పై ఉన్న 11 కేసులు విత్ డ్రా చేసుకోవటం పై ఈ రోజు హైకోర్టులో విచారణ జరిగింది. క-రో-నా లాక్ డౌన్ వన్ లో నిబంధనలకు విరుద్ధంగా గుంటూరు జిల్లా, అనంతపురం జిల్లాలో కేసులు విత్ డ్రా చేసుకోవటం పై, హైకోర్టు సుమోటోగా కేసు తీసుకున్న సంగతి తెలిసిందే. దీని పై ఈ రోజు హైకోర్టులో విచారణ కొనసాగింది. అడ్మినిస్ట్రేటివ్ కమిటీ, జగన్ పై కేసులు విత్ డ్రా చేసుకోవటం పై విచారణ నిర్వహించటం, ఆ విచారణ ఆధారంగా హైకోర్టు సుమోటోగా కేసు నమోదు చేసింది. క్రిమిననల్ రివిజన్ పిటీషన్ పై బుధవారం విచారణ జరగగా, ప్రతివాదులు అందరికీ నోటీసులు ఇస్తాం అని హైకోర్టు చెప్పింది. అయితే ప్రభుత్వం తరుపున అడ్వొకేట్ జనరల్ మాత్రం, అసలు ఈ కేసులు విచారణ అర్హం కాదని, నోటీసులు ఇవ్వటానికి వీలు లేదని, అడ్మినిస్ట్రేటివ్ కమిటీ న్యాయ పరమైన అంశాల పై ఎలా చెప్తుందని వాదించారు. అలాగే సుప్రీం కోర్టు తీర్పులు కూడా కొన్ని చెప్పారు. హైకోర్టు ఇలా క్రిమినల్ రివిజన్ పిటీషన్ సుమోటో గా తీసుకోవటం, దేశంలోనే మొదటి సారని, ఇంత వరకు ఎప్పుడు జరగలేదని వాదించారు. ఈ నేపధ్యంలో కేసు విచారణను ఈ రోజు కూడా హైకోర్టు వాయిదా వేసింది. అయితే ఈ రోజు కొద్ది సేపటి క్రితం, మళ్ళీ ఈ కేసుకు సంబంధించి విచారణ మొదలైంది.

విచారణ సందర్భంగా హైకోర్టు న్యాయమూర్తి కె.లలిత ఏదైతే అడ్మినిస్ట్రేటివ్ కమిటీ జగన్ కేసులు విత్ డ్రాకి సంబంధించి దర్యాప్తు చేసి, నివేదిక ఇచ్చిందో, ఆ నివేదికను సీల్డ్ కవర్ లో కోర్టు ముందు ఉంచాలని ఆదేశాలు జారీ చేసారు. ఆ నివేదికను పూర్తిగా స్టడీ చేసిన తరువాత, తాము పూర్తి స్థాయిలో ఆదేశాలు జారీ చేస్తామని కోర్టు తెలిపింది. ఈ నివేదిక, సీల్డ్ కవర్ లో రిజిస్టరీ నుంచి అందిన తరువాత, ఆ నివేదకను పూర్తిగా స్టడీ చేసిన తరువాత, ఈ రోజు కానీ, రేపు కానీ ఈ అంశం పై పూర్తి స్థాయిలో ఆదేశాలు వచ్చే అవకాసం కనిపిస్తుంది. మొన్న జరిగిన విచారణలో అడ్వొకేట్ జనరల్ జరిపిన వాదనలు, ఈ రోజు అడ్మినిస్ట్రేటివ్ కమిటీ రిపోర్ట్ ఇంకా రిపోర్ట్స్ లోకి రాకపోవటంతో, అవి రికార్డుల్లోకి వచ్చిన తరువాత, తాము తగిన ఆదేశాలు ఇస్తామని హైకోర్టు స్పష్టం చేసింది. అయితే దీని పై ఈ రోజు కానీ, రేపు కానీ, తగిన ఆదేశాలు వచ్చే అవకాసం ఉంది. నిబంధనలకు విరుద్ధంగా ఒక ప్రభుత్వాధినేతగా ఉంటూ, తన పైన కేసులు కొట్టేయించుకోవటం పై విమర్శలు వస్తున్నాయి.

గత 19 రోజులుగా సిబిఐ, వి-వే-క కేసులో విచారణ చేస్తూనే ఉంది. అయితే గతంతో పోల్చితే ఈ సారి మాత్రం సిబిఐ దూకుడు పెంచిందని తెలుస్తుంది. ఇప్పటికి నాలుగు సార్లు విచారణ కోసం ఢిల్లీ నుంచి వచ్చిన సిబిఐ, గతంలో సాదా సీదాగా విచారణ చేసి వెళ్ళిపోయేది. అయితే ఈ సారి మాత్రం సిబిఐ కొత్త కోణంలో విచారణ చేస్తుంది. ఒక కొత్త లేడి ఆఫీసర్ కూడా టీంలో చేరినట్టు చెప్తున్నారు. ఈ సారి విచారణలో చాలా మంది కొత్త వారు తెర పైకి వచ్చారు. పులివెందులలోనే కాకుండా, కడప జిల్లా వ్యాప్తంగా కూడా పర్యటనలు చేస్తున్నారు. ఇప్పటి వరకు 19 రోజులుగా ఈ సారి విచారణ కొనసాగుతుంది. మాజీ ఎంపీటీసి సుధాకర్ రెడ్డిని ఇప్పటి వరకు విచారణ చేసారు. మరో కోణం ఏమిటి అంటే, బృందాలుగా విడిపోయిన సిబిఐ, మధ్యానం వరకు మాత్రమే విచారణ చేస్తూ, మధ్యానం నుంచి ఫీల్డ్ లోకి వెళ్లి విచారణ చేస్తున్నారు. జిల్లా వ్యాప్తంగా సుడిగాలి పర్యటనలు చేస్తూ, అనుమానం ఉన్న చోట, కూపీ లాగుతున్నారు. మొత్తం పులివెందుల అంతా తిరిగి, తరువాత రోజు విచారణకు ఎవరు రావాలి అనేది లోకల్ పోలీసులకు చెప్తున్నారు. గతంలో కాకుండా, ఈ సారి చాలా మంది కొత్త వ్యక్తులను పిలిపించి విచారణ చేస్తున్నారు. బెంగుళూరులో కూడా విచారణ జరిపినట్టు తెలుస్తుంది.

అలాగే వి-వే-క కూతురు సునీతను, పులివెందులలో ఆమెను మూడు సార్లు పిలిపించి, ఆమెతో మాట్లాడినట్టు తెలుస్తుంది. అయితే గతంలో సునీత రెడ్డి, 15 మంది అనుమానితులు పేర్లు ఇచ్చింది. అందులో వైఎస్ అవినాష్ రెడ్డి, ఇతర వైఎస్ కుటుంబ సభ్యులు కూడా ఉన్నారు. అయితే ఆ లిస్టు లో ఉన్న వారిని అయితే ఇప్పటి వరకు విచారణకు పిలిపించలేదు. కీలక వ్యక్తుల వద్దకు వెళ్ళే ముందు, ముందుగా పక్కా సమాచారం సేకరించి, పూర్తి ఆధారలతోనే వారిని విచారణకు పిలుస్తారని తెలుస్తుంది. సునీత ఇచ్చిన అనుమానితులు పేర్లు అన్నీ పెద్ద వాళ్ళు కావటం, పదవుల్లో ఉండటంతో, రిస్క్ తీసుకో కుండా, మొత్తం ఆధారాలు ఉంటేనే వారిని పిలిచేలా వ్యూహం రచించారు. మొత్తం మీద అయితే గతానికి భిన్నంగా, సిబిఐ విచారణ ఈ సారి కొనసాగుతుంది. అన్నిటికంటే ఆసక్తికరమైన విషయం ఏమిటి అంటే, సిబిఐ టీంలోకి ఒక కొత్త లేడీ ఆఫీసర్ రావటం, ఆమె ట్రాక్ రికార్డు అద్భుతంగా ఉండటంతో, ఈ సారి సిబిఐ సీరియస్ గా ఉన్నట్టు విశ్లేషకులు భావిస్తున్నారు.