news

రాష్ట్ర ఎన్నికల కమిషన్, ఎన్నికల ఫిర్యాదు కోసం రూపొందించిన ఈ-వాచ్ యాప్ ను, ఈ నెల 9వ తారిఖు వరకు ఉపయోగించ వద్దు అంటూ రాష్ట్ర హైకోర్టు ఈ రోజు ఆదేశాలు జారీ చేసింది. రెండు రోజుల క్రితం ఈ-వాచ్ యాప్ ఉపయోగం పై, రాష్ట్ర హైకోర్టులో ఒక పిటీషన్ దాఖలు అయ్యింది. అయితే ఇది అర్జెంట్ పిటీషన్ కింద లంచ్ మోషన్ పిటీషన్ దాఖలు చేయగా, హైకోర్టు అందుకు అనుమతించలేదు. తరువాత రోజు రెగ్యులర్ విచారణ చేస్తామని చెప్పింది. ముఖ్యంగా సెక్యూరిటీ అంశంతో పాటు, ప్రభుత్వం అనుమతి లేకుండా ఈ యాప్ ను, రాష్ట్ర ఎన్నికల కమిషన్ ఎలా ఉపయోగిస్తుంది అంటూ, ఆ పిటీషన్ లో తెలిపారు. ఇది సెక్యూరిటీ నిబంధనలకు పూర్తిగా విరుద్ధం అని చెప్పి, పిటీషన్ దాఖలు చేసారు. అయితే ఈ పిటీషన్ పై ఈ రోజు హైకోర్టులో విచారణ జరిగింది. చీఫ్ జస్టిస్ బెంచ్ ముందు ఈ పిటీషన్ పై విచారణ జరిగింది. ఈ విచారణ సందర్భంగా, సెక్యూరిటీ డేటా సర్టిఫికేట్ కోసం, గురువారం మాత్రమే, రాష్ట్ర ఎన్నికల కమిషన్ గురువారం మాత్రమే, రాష్ట్ర ఎన్నికల కమిషన్ దరఖాస్తు చేసిందని, తమకు ఈ దరఖాస్తు నిన్న మధ్యానం అందింది అని, దీన్ని పరిశీలించి అనుమతి ఇచ్చేందుకు, అయుదు రోజులు సమయం పడుతుందని, ఏపి టెక్నాలజీ సర్వీసెస్ తరుపు న్యాయవాది, హైకోర్టుకు తెలిపారు. అయితే ప్రైమరీగా రాష్ట్ర ఎన్నికల కమిషన్ నుంచి యాప్ వినియోగం మాత్రం ఆపివేయాలని, పిటీషనర్లు వాదించారు. ఈ నేపధ్యంలోనే ఈ యాప్ ను ఉపయోగించటానికి సెక్యూరిటీ సర్టిఫికేట్ తప్పనిసరిగా అవసరం అని, ఇది ప్రభుత్వం రూపొందించిన నిబంధనలు ప్రకారం, ఇది అవసరం అని కూడా స్పష్టం చేసారు.

అయితే ప్రభుత్వం నిఘా యాప్ ఉండగా, ఎలక్షన్ కమిషన్ సొంతగా ఎందుకు యాప్ తయారు చేయాల్సిన అవసరం ఏమి వచ్చింది అని కూడా, పిటీషనర్ తరుపున వాదనలు వినిపించారు. కానీ రాష్ట్ర ఎన్నికల కమీషనర్ తరుపున న్యాయవాదులు మాత్రం, ప్రతి రాష్ట్ర ఎన్నికల కమీషనర్ కు మాత్రం, ఒక యాప్ తయారు చేసుకునే అనుమతిని, కేంద్ర ఎన్నికల సంఘం ఇచ్చింది అని, కేంద్ర ఎన్నికల సంఘం ఇచ్చిన అనుమతి పత్రాన్ని చూపించారు. దీంతో పాటుగా ఎలక్షన్ కమిషన్ అఫ్ ఇండియా రూపొందించిన ఈ-విజిల్ యాప్ ను, పంచాయతీ ఎన్నికలకు ఉపయోగించటానికి వీలు లేదని, అది కేవలం అసెంబ్లీ, పార్లమెంట్ ఎన్నికలకు మాత్రమే ఉపయోగించాలని, అందులో స్పష్టంగా ఉందనే నిబంధనలను, ఈ సందర్భంగా ఎన్నికల కమిషన్ తరుపు న్యాయావడి కోర్టు దృష్టికి తీసుకుని వచ్చారు. ఇక ఉత్తర ప్రాదేశ్ రాష్ట్ర ఎన్నికల కమిషన్ కూడా గతంలో యాప్ తయారు చేసిన విషయాన్ని కోర్టు దృష్టికి తెచ్చారు. అయితే ఇరు పక్షాల వాదనలు విన్న కోర్టు, ఆంధ్రప్రదేశ్ టెక్నాలజీ సర్వీసెస్ నుంచి అనుమతి వచ్చే వరకు, అంటే ఈ నెల 9వ తేదీ వరకు, ఈ యాప్ ని వాడవద్దు అంటూ, హైకోర్టు ధర్మాసనం ఆదేశించింది. 9వ తేదీన జరిగే విచారణలో తుది నిర్ణయం వెల్లడిస్తామని హైకోర్టు స్పష్టం చేసింది.

రాష్ట్ర ఎన్నికల కమిషన్ మరో సంచలన నిర్ణయం తీసుకుని. ముఖ్యంగా రాష్ట్రంలో జరుగుతున్న బలవంతపు ఏకగ్రీవాల పై రాష్ట్ర ఎన్నికల కమిషన్ మొదటి నుంచి ఫోకస్ పెట్టింది. బలవంతపు ఏకాగ్రీవాలు జరగకుండా అన్ని చర్యలు తీసుకుంది. అసాధారణంగా ఉంటే చర్యలు తీసుకుంటామని చెప్పిన ఎన్నికల కమిషన్, ఇప్పుడు నిజంగానే అసాధారణంగా ఉన్న ఏకగ్రీవాల పై సంచలన నిర్ణయం తీసుకుంది. రాష్ట్ర ఎన్నికల కమిషన్ కొద్ది సేపటి క్రితం కీలక ఆదేశాలు జారీ చేసింది. రాష్ట్రంలో జరిగిన మొదటి దశ పంచాయతీ ఎన్నికల నామినేషన్ల విషయంలో, మిగతా జిల్లాలతో పోలిస్తే గుంటూరు, చిత్తూరు జిల్లాల్లో ఏకగ్రీవాల సంఖ్య చాలా ఎక్కువగా ఉందని, రాష్ట్ర ఎన్నికల గుర్తించినట్టు, ఈ రోజు రాష్ట్ర ఎన్నికల సంఘం ఒక పత్రికా ప్రకటన ఇచ్చింది. ఈ నేపధ్యంలోనే, గుంటూరు, చిత్తూరు జిల్లాల్లో ఏకగ్రీవ ఫలితాలు ప్రకటించకుండా వెంటనే నిలిపి వేయాలని, ఆ రెండు జిల్లాల కలెక్టర్లను రాష్ట్ర ఎన్నికల కమిషన్ ఆదేశించింది. వీటిని ఎట్టి పరిస్థితిలో కూడా ఇప్పుడే ప్రకటించవద్దని, ఇవన్నీ కమిషన్ పరిశీలనలో ఉన్నాయని, తమకు దీని పై పూర్తి స్థాయిలో నివేదికలు వచ్చిన తరువాతే, కమిషన్ గ్రీన్ సిగ్నల్ ఇచ్చిన తరువాతే మాత్రమే, ఏకగ్రీవాల ఫలితాలు ప్రకటించాలని, ఆ రెండు జిల్లాల కలెక్టర్లను ఎన్నికల కమిషన్ ఆదేశించింది. గుంటూరు, చిత్తూరు జిల్లాల కలెక్టర్లను ఈ అంశం పై పూర్తి నివేదిక ఇవ్వాల్సిందిగా ఆదేశాలు జారీ చేసినట్టు ఎలక్షన్ కమిషన్ ఆదేశించింది. ఈ నివేదికను పరిశీలిన చేసిన తరువాత, ఎక్కడైనా లోపాలు ఉన్నట్టు తేలితే, సంబంధిత అధికారుల పై చర్యలు కూడా తీసుకుంటామని స్పష్టం చేసింది.

రాష్ట్రంలో మొత్తం 13 జిల్లాల్లో, మిగతా 11 జిల్లాల్లో జరిగిన ఏకాగ్రీవాలతో పోలిస్తే, గుంటూరు, కృష్ణా జిల్లాలో ఏకగ్రీవాల సంఖ్య చాలా ఎక్కువగా ఉన్నట్టు తేలిందని, ఎన్నికల కమిషన్ కొద్ది సేపటి క్రితం జారీ చేసిన ప్రకటనలో పేర్కొన్నారు. ముఖ్యంగా చిత్తూరు జిల్లాలో, 454 పంచాయతీలకు, 110 గ్రామాల్లో ఏకాగ్రీవాలు అయ్యాయి. అలాగే గుంటూరు జిల్లాలో, 337 పంచాయతీలలో, 67 గ్రామాలు ఏకగ్రీవం అయ్యాయి. మిగతా జిల్లాల్లో చాలా తక్కువ అయ్యాయి. ఇక రాష్ట్ర వ్యాప్తంగా 13 జిల్లాల్లో తాను జరిగిపిన పర్యటన అందులో గమనించిన అంశాలు కూడా, ఎలక్షన్ కమిషన్ పేర్కొన్నారు. రాష్ట్రంలో అన్ని జిల్లాల్లో కూడా, ఎన్నికల యంత్రాంగం అంతా కూడా, బాగా పని చేస్తుందని, ఎన్నికలు ప్రశాంతంగా నిర్వహించేందుకు, అందరూ బాగా పని చేస్తున్నారని అన్నారు. దీంతో పాటు పోలీసులను కూడా ఎన్నికల కమిషన్ మేచ్చుకుంది. ముఖ్యంగా క-రో-నా వ్యాక్సినేషన్ పక్కన పెట్టి మరీ, రాజ్యంగ విధి అయిన ఎన్నికల నిర్వహణకు ముందుకు రావటం పట్ల, నిమ్మగడ్డ రాష్ట్రంలో ఉండే పోలీసు అధికారులు అందరికీ అభినందనలు తెలిపారు.

ఆంధ్రప్రదేశ్ రాష్ట్ర ఎన్నికల కమీషనర్ అంటే చాలు, ప్రభుత్వ పెద్దలు భగ్గు మంటున్నారు. ఆయన ఒక్కరే కాదు, ఆయనకు ఎవరైనా సహకరిస్తే, వాళ్ళ పైన కూడా వేటు వేస్తున్నారు. తాజాగా నిమ్మగడ్డ తిరుమల పర్యటనలో, ఐఏఎస్ అధికారి పాల్గునటం పై ప్రభుత్వం సీరియస్ అయ్యింది. 2019 జూన్ నుంచి తిరుమల తిరుపతి దేవస్థానం జేఈవోగా బసంత్‍కుమార్ బాధ్యతలు స్వీకరించారు. అంతకు ముందు ఆయన విశాఖ మెట్రో రీజియన్ వైస్ చైర్మెన్ గా కూడా పని చేసారు. అంతకు ముందు ఉభయ తెలుగు రాష్ట్రాల గవర్నర్ నరసింహన్ వద్ద అదనపు కార్యదర్శిగా కూడా బసంత్‍కుమార్ బాధ్యతలు చేపట్టారు. ఆ సమయంలోనే, ప్రస్తుతం రాష్ట్ర ఎన్నికల కమీషనర్ గా ఉన్న నిమ్మగడ్డ రమేష్ కుమార్ కూడా గవర్నర్ ముఖ్య కార్యదర్సిగా కూడా పని చేసారు. అయితే ప్రస్తుత్తం తిరుపతి తిరుపతి జేఈవోగా ఉన్న బసంత్‍కుమార్‍ ని, రాష్ట్ర ఎన్నికల సంఘం, గుంటూరు కలెక్టర్ గా బదిలీ చేసింది. అయితే దీనికి రాష్ట్ర ప్రభుత్వం ఒప్పుకోలేదు. వేరే వారిని గుంటూరు కలెక్టర్ గా ప్రభుత్వం నియమించింది. రాష్ట్ర ఎన్నికల కమీషనర్ ఇచ్చిన సిఫారసుని ప్రభుత్వం పట్టించుకోలేదు. అయితే ప్రస్తుతం జరుగుతున్న పంచాయతీ ఎన్నికలకు ప్రతి జిల్లాకు పర్యవేక్షకులను రాష్ట్ర ఎన్నికల కమిషన్ నియమించింది.

అందులో భాగంగా తిరుపతి జేఈవో బసంత్‍కుమార్‍ ని, నెల్లూరు పర్యవేక్షకులగా నియమించింది. ప్రస్తుతం నామినేషన్ ల ప్రక్రియ జరుగుతూ ఉండటంతో, బసంత్‍కుమార్‍ నెల్లూరు లో నామినేషన్ ప్రక్రియ కూడా పర్యవేక్షిస్తున్నారు. అయితే ఈ నెల 3 వ తేదీన, తిరుపతి జిల్లాలో పంచాయతీ ఎన్నికలకు సంబంధించి, ఏర్పాట్లు పరిశీలనకు రాష్ట్ర ఎన్నికల కమీషనర్ రమేష్ కుమార్ వచ్చిన సందర్భంలో, రమేష్ కుమార్ కు స్వగతం పలికేందుకు, తిరుపతి జేఈవో బసంత్‍కుమార్‍ వచ్చారు. అలాగే తిరచానురులో అమ్మవారి దర్శనం కూడా దగ్గరుండి చేపించటంతో పాటు, తిరుమల ఆయన పరిధిలోకి రానప్పటికి కూడా తిరుమలలో కూడా ఆయన దగ్గరుండి, ఎస్ఈసికి తోడుగా ఉండటంతో, ప్రభుత్వం సీరియస్ గా పరిగణించింది. ఇంటలిజెన్స్ వర్గాలు ఇచ్చిన సమాచారంతో, బసంత్‍కుమార్‍పై రాష్ట్ర ప్రభుత్వం బదిలీ వేటు వేసింది. ప్రస్తుతం ఆయనకు ఎటువంటి పోస్టింగ్ ఇవ్వలేదు. జీఏడీలో రిపోర్టు చేయాలని, ఆయన్ను ప్రభుత్వం ఆదేశించటం, ఇప్పుడు ఐఏఎస్ వర్గాల్లో చర్చనీయంసం అయ్యింది.