news

ఆంధ్రప్రదేశ్ రాష్ట్ర రాజధానిని మూడు ముక్కలు చేస్తూ నిర్ణయం తీసుకున్న సంగతి తెలిసిందే. ఓక ముక్క వైజాగ్, ఒక ముక్క అమరావతి, ఒక ముక్క కర్నూల్ అంటూ నిర్ణయం తీసుకున్నారు. అయితే, ఇది ఇలా ఉంటే, రాష్ట్ర ప్రభుత్వం కేవలం వైజాగ్ మీదే ప్రేమా చూపిస్తుంది కానీ, కర్నూల్, అమరావతి గురించి మర్చిపోయింది. ఈ సమయంలో కేంద్రం నుంచి ఇప్పుడు ఒక ఆసక్తికర సమాధానం వచ్చింది. ఆంధ్రప్రదేశ్ హైకోర్టు మార్పుకు సంబంధించి, బీజేపీ రాజ్యసభ సభ్యుడు, జీవీఎల్ నరసింహరావు రాజ్యసభలో అడిగిన ప్రశ్నకు, కేంద్ర న్యాయశాఖా మంత్రి రవిశంకర్ ప్రసాద్ లిఖిత పుర్విక సమాధానం ఇచ్చారు. ఆంధ్రప్రదేశ్ హైకోర్టు ను, అమరావతి నుంచి కర్నూల్ కు మార్చటం వంటి అంశం పై, ఆంధ్రప్రదేశ్ రాష్ట్రం నుంచి ఏమైనా ప్రతిపాదన వచ్చిందా, దాని పైన కేంద్ర ప్రభుత్వం అభిప్రాయం ఏమిటి ? అలాగే, దేశంలోనే ఇతర నగరాల్లో ఎక్కడైనా, ఏపిలో ఎక్కడైనా వేరే నగరాల్లో కానీ,హైకోర్టు కొత్త బెంచ్ లు పెట్టే ఆలోచనలో కేంద్ర ప్రభుత్వం ఉందా అని జీవీఎల్ అడిగిన ప్రశ్నకు, కేంద్ర మంత్రి సమాధానం చెప్పారు. ఇందులో కొన్ని ఆసక్తికర అంశాలు ఉన్నాయి. గత ఏడాది ఫిబ్రవరిలో, ఆంధ్రప్రదేశ్ ప్రభుత్వం నుంచి కేంద్ర ప్రభుత్వానికి లేఖ వచ్చింది. అందులో, ఏపి హైకోర్ట్ ,కర్నూల్ కు మార్చాలి అంటూ ప్రతిపాదన చేసారు.

అయితే ఆంధ్రప్రదేశ్ హైకోర్టు తరలింపు అనే ప్రక్రియ, ఏపి ప్రభుత్వం, అలాగే హైకోర్టు పరిధిలోనే ఉంది, హైకోర్టుని సంప్రదించి, హైకోర్టు మరియి రాష్ట్ర ప్రభుత్వం మాత్రమే, ఈ మార్పులో నిర్ణయం తీసుకోవాల్సి ఉంటుంది. హైకోర్టు నిర్వహణకు అయ్యే ఖర్చులు అన్నీ కూడా రాష్ట్ర ప్రభుత్వం భరించాల్సి ఉంటుంది. అడ్మినిస్ట్రేటివ్ కు సంబదించిన విషయాలు మాత్రం, ఆంధ్రపదేశ్ చిఫే జస్టిస్ పరిగణలోకి వస్తుంది. హైకోర్టు, రాష్ట్ర ప్రభుత్వం ఆధారంగానే, దీన్ని అమలు చేయాల్సి ఉంటుంది. ఇప్పుడు అయితే హైకోర్టు మార్పు అనే అంశం, కేంద్ర పరిధిలో లేదు అనే విధంగా, పరోక్షంగా కేంద్ర ప్రభుత్వం చెప్పింది. గతంలో ఏపి హైకోర్టు కర్నూల్ కి మార్చాలని, అదే విధంగా మూడు రాజధానుల వ్యవహారం, ఇవన్నీ ఇప్పటికీ కోర్టు విచారణలో ఉన్నాయి. ప్రస్తుతం ఇవి కోర్టు పరిధిలో ఉన్నాయని కూడా కేంద్ర మంత్రి చెప్పారు. అయితే ఈ జవాబు ద్వారా అర్ధమైంది ఏమిటి అంటే, కేంద్ర ప్రభుత్వం, హైకోర్టు మార్పు అంశంలో జోక్యం చేసుకోదు. అది రాష్ట్ర ప్రభుత్వం, హైకోర్టు కలిసి నిర్ణయం తీసుకోవాలని తేల్చేసారు.

ఆంధ్రప్రదేశ్ రాష్ట్ర ఎన్నికల కమీషనర్ నిమ్మగడ్డ రమేష్ కుమార్, గత కొన్ని రోజలుగా స్లో అయినట్టు కనిపించారు. అన్ని పనులు ఒకదాని వెంట ఒకరి జరిగిపోతూ ఉండటం, ఆయన జిల్లాల పర్యటనలలో స్వయంగా ఉండటం, సమీక్షలు చేస్తూ, ఒక్కో పని చక్కబెడుతూ ఉండటంతో, ఆయన దూకుడు నిర్ణయాలకు కొద్దిగా బ్రేక్ పడింది. అయితే ఈ రోజు ఎలక్షన్ కమీషనర్ నిమ్మగడ్డ తీసుకున్న మరో నిర్ణయంతో, ఒక్కసారిగా ఆయన మార్క్ కనిపించటంతో, అధికారులు షాక్ అయ్యారు. ప్రధానంగా పోయినసారి జరిగిన నామినేషన్ల సందర్భంగా చోటు చేసుకున్న ఏకాగ్రీవాలు అసహజంగా ఉన్నాయనేది అందరికీ తెలిసిందే. 2020 మార్చి నెలలో, జడ్పిటీసీ, ఎంపీటీసీలకు నోటిఫికేషన్ వచ్చింది. అప్పట్లో నామినేషన్ల ప్రక్రియ సందర్భంలో, అధికార పార్టీ చేసిన ఆగడాలు అన్నీ ఇన్నీ కావు. చివరకు నామినేషన్ వేయించటానికి బుద్దా వెంకన్న, బొండా ఉమా లాంటి నేతలు వెళ్ళాల్సిన పరిస్థితి చూసాం. అయినా వారిని కూడా వెళ్ళనివ్వకుండా చేసిన అరాచకం అందరూ చూసారు. ఇలాంటి సంఘటనల వల్ల, నామినేషన్ వేయటానికే భయపడ్డారు. చివరకు ఎకగ్రీవల సంఖ్య అనూహ్యంగా పెరిగి పోయింది. సహజంగా 5 శాతం లోపు ఉండే ఏకాగ్రీవాలు, 25 శాతం వరకు వెళ్ళాయి. దీంతో ప్రతిపక్ష పార్టీలు గోల గోల చేసాయి.

అయితే అప్పట్లో ఎన్నికలు రద్దు అవ్వటం, ఇప్పుడు మళ్ళీ ప్రక్రియ మొదలు కావటంతో, అప్పట్లో జరిగిన జడ్పిటీసీ, ఎంపీటీసీల ఏకగ్రీవాల పై ప్రతిపక్షాలు అభ్యంతరం వ్యక్తం చేసారు. ఆ ఏకాగ్రీవాలు అన్నీ రద్దు చేయాలని కోరుతున్నాయి. రాష్ట్ర ఎన్నికల కమిషన్ కూడా ఈ విషయం పై దృష్టి పెట్టింది. పంచాయతీ ఎన్నికాలు తరువాత, జడ్పిటీసీ, ఎంపీటీసీల నోటిఫికేషన్ వచ్చే అవకాసం ఉంది. అయితే ముఖ్యంగా చిత్తూరు జిల్లాలో, ఈ ఏకాగ్రీవాలు ఎక్కువగా అయ్యాయని గ్రహించిన ఎన్నికల కమిషన్, ఇప్పుడు పంచాయతీ ఎన్నికలు కూడా అక్కడ జరుగుతూ ఉండటంతో, షాకింగ్ నిర్ణయం తీసుకుంది. అప్పట్లో ఏకాగ్రీవాలు అయిన చోట, ఉన్న రిటర్నింగ్ ఆఫీసర్లు, అంటే ఎంపీడీవోలను బదిలీ చేయాలని ఆదేశించింది. ఏకంగా చిత్తూరు జిల్లాలో ఉన్న 30 మంది ఎంపీడీవోల పై చర్యలు తీసుకోమని, చీఫ్ సెక్రటరీకి నిమ్మగడ్డ లేఖ రాయటంతో ఒక్కసారిగా కలకలం రేగింది. ఇది మంత్రి పెద్దిరెడ్డి అడ్డా కవాటంతో, ఇప్పుడు ఈ ఆదేశాలు ఆసక్తికరంగా మారాయి. మరి చీఫ్ సెక్రటరీ, ఎన్నికల కమీషనర్ ఇచ్చిన ఆదేశాలు పాటిస్తారా ? లేదా ఇది వరకు కొన్ని ఆదేశాలు కుదరవు అని చెప్పినట్టు, తిప్పి పంపిస్తారా అనేది చూడాల్సి ఉంది.

ఆంధ్రప్రదేశ్ రాష్ట్రంలో రాజకీయం మరీ దిగజారి పోతుంది. అధికారంలో ఉన్న పార్టీ నేతలు బాధ్యత మరిచి చేస్తున్న వ్యాఖ్యలు, మంత్రులు చేస్తున్న వ్యాఖ్యలు జుబుక్సాకరంగా ఉంటున్నాయి. అధికార పార్టీలో ఉన్న నేతలు, ముఖ్యంగా మంత్రులు మాట్లాడే మాటలు ఎంతో జాగ్రత్త మాట్లాడాలి. మొన్నటి దాకా వివిధ ప్రభుత్వాలు మంత్రులు మాట్లాడారు అంటే ఎంతో జాగ్రత్తగా మాట్లాడే వారు. ఎందుకంటే ఒక మంత్రి మాట్లాడుతున్నారు అంటే, అది ప్రభుత్వం మాట్లాడుతున్నట్టే లెక్క. అందుకే మంత్రులు బాధ్యతగా ఉంటారు. అయితే జగన్ మోహన్ రెడ్డి ప్రభుత్వంలో మంత్రులు, ప్రధాన సలహదారులు, ఇవేమీ పాటించరు. ఇంకా ప్రతిపక్షంలో ఉన్నట్టు, గాలికి పోగేసిన మాటలు మాట్లాడుతూ, ప్రజలను కన్ఫ్యూజ్ చేస్తూ ఉంటారు. నిన్న తెలుగుదేశం పార్టీ అధికార ప్రతినిధి పై, ఏమి జరిగిందో అందరూ చూసారు. సిసి టీవీ ఫూటేజ్ లో మొత్తం కనిపించింది. దాదాపుగా 10 మందికి పైగా ఎలా ప్రవర్తించారో చూసాం. అయితే ఈ ఘటన పై ప్రభుత్వ పెద్దలు ఎంత బాధ్యతగా మాట్లాడాలి ? ప్రభుత్వ పెద్దలు మాత్రం, ఈ ఘటన పై, పట్టాభి మీదే నెపం నెట్టారు. పట్టాభి కావాలని తన పై తానే, ప్లాన్ చేసుకున్నారని మంత్రి కొడాలి నాని, ప్రభుత్వ ప్రధాన సలహాదారుడు వ్యాఖ్యలు చేసారు. ఇదంతా డ్రామా అని అన్నారు.

మంత్రి కొడాలి నాని, చంద్రబాబు చేపించారని, లోకేష్ చేపించారని, ఇలా ఇష్టం వచ్చినట్టు మాట్లాడారు. బాధ్యతగా మాట్లాడాల్సిన వాళ్ళు, ఇలా బాధ్యత లేకుండా మాట్లాడటంతో, తెలుగుదేశం పార్టీ దీటుగా సమాధానం చెప్పింది. టిడిపి సీనియర్ నేత, మాజీ మంత్రి అయ్యన్న పాత్రుడు ఘాటుగా స్పందించారు. బులుగు గొర్రెలు, ఇష్టం వచ్చినట్టు వాగుతున్నాయి అంటూ ఘాటుగా బదులు ఇచ్చారు. గుడివాడ గొర్రె, గన్నవరం గొర్రెల డాటర్ వాగుతున్నారు అంటూ ఘాటుగా మాట్లాడారు. అలా అయితే రాజా రెడ్డి తన మీద తానే బాంబు వేసుకుని పోయాడా, పావురాలగుట్టలో పావురం అయ్యింది, తనకు తాను హెలికాప్టర్ పెల్చేసారా ? అమ్మా అంటూ బిగ్గరిగా కేక వేసిన జగన్, తనకు తాను కోడి కత్తితో గుచ్చుకున్నారా అంటూ, అయ్యన్న ప్రశ్నించారు. అధికారంలో ఉన్న వాళ్ళు ఆధారాలతో బాధ్యతగా మాట్లాడాలని, ఇలా గాలి మాటలు మాట్లాడుతున్నారు కాబట్టే, మిమ్మల్ని గాలి మంద, ఫేక్ మంద అంటారు అంటూ, వైసీపీ నేతల పై విరుచుకు పడ్డారు అయ్యన్న. మరి దీని పై, వైసీపీ నేతలు ఎలా స్పందిస్తారో చూడాలి.