news

ఆంధ్రప్రదేశ్ ప్రభుత్వం గత కొన్ని నెలలుగా చేస్తున్న పనులు అందరికీ అర్ధం అవుతున్నాయి. ముఖ్యంగా తమకు ప్రత్యర్ధి అనుకున్న వారిని, వింత వింతగా టార్గెట్ చేస్తున్నారు. వీకెండ్ వస్తుంది అంటే ఎవరికో ఒకరికి మూడుతుంది అనే అర్ధం. ఏదైనా కూల్చాలి అంటే శనివారం వెళ్లి కూల్చేస్తున్నారు. ఎవరినైనా అరెస్ట్ చేయాలి అంటే శనివారం వెళ్లి అరెస్ట్ చేస్తున్నారు. ఇందుకు అనేక కారణాలు కూడా ఉన్నాయి. ముఖ్యంగా కోర్టులు ఉండవు. కోర్టుకు వెళ్ళే అవకాసం లేకపోవటంతో, ఈ లోపు తమ ప్రత్యర్ధి పై తమకున్న మీడియాతో బురద జల్లేయవచ్చు. చివరకు తాము చేసిన ఆరోపణలు, ఆరోపణలుగానే ఉండి పోతాయి. ప్రజల్లో మాత్రం తాము వెళ్ళాలని అనుకున్నది వెళ్ళిపోతుంది. అచ్చెన్న విషయమే తీసుకుంటే, ఆయన 800 కోట్లు స్కాం చేసారని నమ్మించి, చివరకు రూపాయి కూడా రుజువు చేయలేక పోయారు. రాజకీయ నాయకులు కాబట్టి, వాలు అరెస్ట్ అయినా ఎవరికీ ఏమి పట్టదు. అయితే ఇదే పని ఐఏఎస్, ఐపీఎస్ లకు చేస్తే, వారు సస్పెండ్ అయిపోతారు. రూల్స్ ప్రకారం, 48 గంటలు కస్టడీలో ఉంటే, వాళ్ళు ఆటోమేటిక్ గా సస్పెండ్ అయిపోతారు. ఎప్పటికో ఇక వారుకు వారు ప్రూవ్ చేసుకోవాలి. అయితే తన పై ప్రభుత్వం ఇలాంటి కుట్ర పన్నింది అంటూ, ఐపీఎస్ అధికారి ఏబి వెంకటేశ్వరరావు, హైకోర్టుకు వెళ్ళారు.

తనను ప్రభుత్వం శనివారం రోజున అరెస్ట్ చేసి, రెండు రోజులు కస్టడీలో ఉంచి, సస్పెండ్ చేయాలనే ఆలోచనలో ఉందని హైకోర్టుకు తెలిపారు. గతంలో తన పై ఇలాగే రాత్రికి రాత్రి సస్పెండ్ చేసి, మీడియాకు తప్పుడు సమాచారం ఇచ్చారని, అదే అధికారిక సమాచారంలా మీడియాలో తనను అప్రతిష్టపాలు చేసారని, చివరకు పది నెలలు తరువాత, చార్జెస్ లో , అప్పుడు తన పై ప్రచారం చేసిన ఏవీ పెట్టలేదని అన్నారు. ఇలాగే ఇప్పుడు తనని వీకెండ్ లో అరెస్ట్ చేసి, సోమవారం కోర్టుకు వెళ్ళే దాకా, అంటే 48 గంటలు ఉంచగలిగితే, తనను సస్పెండ్ చేయాలని చూస్తున్నారని, అందుకే తనకు యాంటిసిపేటరీ బెయిల్ ఇవ్వాలని కోరారు. దీని పై అటు ప్రభుత్వం, ఇటు ఏబీవీ తరుపు వాదనలు విన్న హైకోర్టు, రెండు వారాల పాటు పోలీసులు తొందరపడవద్దు అని, దీని పై ప్రభుత్వం రెండు వారాల్లో కౌంటర్ దాఖలు చేయాలనీ చెప్తూ, ఈ కేసుని ఈ నెల 18కి వాయిదా వేసింది. తద్వారా ప్రభుత్వం పన్నిన ఎత్తుగడను పసిగట్టిన ఏబీవీ, ప్రభుత్వం పై ఇప్పటికి పై చేయి సాధించారు. ప్రభుత్వం ఇప్పుడు సుప్రీం కోర్టుకు వెళ్తుందా, లేక ఏ దారిలో వస్తుందో చూడాలి.

మండపేట నియోజకవర్గం కపిలేశ్వరపురంలో బుధవారం నిర్వహించిన ఇళ్ళపట్టాల పంపిణీ రసాభసగా మారింది. వేదికపై టీడీపీకి చెందిన ఎమ్మెల్యే వేగుళ్ళ జోగేశ్వరరావు, వైకాపా నియోజకవర్గ ఇన్‌చార్జ్ తోట త్రిమూర్తులు మధ్య వాగ్వివాదం ఉద్రిక్తతకు దారితీసింది. ఎమ్మెల్యేను మాట్లాడవద్దని మైక్ కట్ చేయడంతో ఆయన అదే సభావేదికపై బైఠాయించి తన నిరసనను తెలిపారు. అయినప్పటికీ టిడిపి ఎమ్మెల్యేను పట్టించుకోకుండా మొత్తం కార్యక్రమాన్ని తోట నిర్వహించారు. ఇదే వేదికపై వైకాపా రాష్ట్ర కార్యదర్శి కర్రి పాపారాయుడు పోలీసులపై తీవ్ర వ్యాఖ్యలు చేసారు. ఇది దుమారాన్ని రేపింది. తోట త్రిమూర్తులు ఒకరిని ఉద్దేశించి అనాలని ఒక వ్యవస్థ పై విమర్శలు చేయడం తగదని సూచించడంతో పాపారాయుడు వెనక్కి తగ్గారు. అదే సభాప్రాంగణంలో ఉన్న మండపేట రూరల్ సీఐ కే.మంగాదేవీ పాపారాయుడు వ్యాఖ్యలకు కౌంటర్ ఇచ్చారు. పోలీసు వ్యవస్థపట్ల అనుచిత వ్యాఖ్యలు చేయడం తగదని తనదైన శైలిలో కౌంటర్‌ ఫైర్ అయ్యారు. కపిలేశ్వరపురంలో బుధ వారం ఇళ్ళపట్టాల పంపిణీ కార్యక్రమం చేపట్టారు. నియోజకవర్గ వ్యాప్తంగా ఎక్కడ పట్టాల పంపిణీ కార్యక్రమం జరిగినా ప్రోటోకాల్ ప్రకారం ఎమ్మెల్యే వేగుళ్ళకు ఆహ్వానం వస్తుండడంతో ఆయన ఆయా సభలకు హాజరవుతూ ఉన్నారు. ఒకటి రెండు చోట్ల వైకాపా, టీడీపీల మధ్య మాటల యుద్ధం చోటుచేసుకుంటూనే ఉంది. ఈ క్రమంలో కపిలేశ్వరపురం సభలో ఎమ్మెల్యే మాట్లాడుతుండగా ఇతర విషయాలు ఈ వేదికపై ఎందుకు మాట్లాడుతున్నారంటూ వైకాపా ఇన్ చార్జ్ తోట త్రిమూర్తులు ప్రశ్నించారు.

దీంతో వారిద్దరి మధ్య వాగ్వి వాదం చోటుచేసుకుంది. ఈ క్రమంలో ఎమ్మెల్యేను మాట్లాడనివ్వబోమని వైకా పా కార్యకర్తలు కేకలు వేయడంతో ఎమ్మెల్యే అదే వేదికవద్ద కింద బైఠాయించి నిరసన తెలిపారు. ఈ దశలో పట్టాల పంపిణీ కార్యక్రమాన్ని యధావిధిగా కొనసాగించారు. ఇదిలా ఉండగా ఇదే సమయంలో తొలుత ప్రసంగించిన వైకాపా రాష్ట్ర కార్యదర్శి కర్రి పాపారాయుడు మాట్లాడుతూ గత ప్రభుత్వ హయాంలో పోలీసులు కుక్కల్లా వ్యవహరించారని తీవ్ర పదజాలాన్ని ఉపయోగించారు. ఆనాడు తన కుమార్తె వివాహ సందర్భంలో ఎమ్మెల్యే వేగుళ్ళ రెడ్డి సామాజికవర్గానికి చెందిన తనపై అక్రమ కేసులు బనాయించి ఇబ్బందులకు గురిచేసారన్నారు. తన తల్లిని సైతం మానసిక క్షోభకు గురిచేసిన సందర్భాన్ని గుర్తుచేస్తూ అప్పటి రూరల్ ఎస్ఎ సిహెచ్.విద్యాసాగర్(గబ్బర్ సింగ్) అంటూ సంబోధిస్తూ అధికారతొత్తుగా వ్యవహరించారని ఆరోపించారు. ఈ నేపధ్యంలో అక్కడే ఉన్న సీఐ కే.మంగాదేవీ పోలీసు వ్యవస్థను కించపరుస్తూ వ్యాఖ్యలు చేయడం సరికాదంటూ, వైసిపీ నేతలకు ఘాటుగా కౌంటర్ ఇచ్చారు. వ్యవస్థను అనడం సరికాదని పేర్కొన్నారు. తాము యునిఫారం వేసుకుని, చట్టాల ప్రకారమే పని చేస్తాం అని, మీ ఇష్టం వచ్చినట్టు మాటలు పాడటానికి, మేము సిద్ధంగా లేమని అన్నారు. అనంతరం తాను అనుభవించిన ఇబ్బందుల మేరకు అలా అన్నానని ఈ వ్యాఖ్యలు వెనక్కి తీసుకుంటున్నానంటూ పాపారాయుడు సభాముఖంగా స్పష్టంచేసారు.

న్యాయవ్యవస్థలతో ఆడుకోవటం, న్యాయవ్యవస్థలను టార్గెట్ చేయటం, న్యాయమూర్తుల పేరు ప్రతిష్టలు దిగజార్చటం, కొంత మంది రాజకీయ నాయకులకు లేటెస్ట్ ట్రెండ్. ఇది వరకు న్యాయ వ్యవస్థ అంటే ఎంతటి వారైనా భయపడే వారు. అయితే ఈ ట్రెండ్ ఆంధ్రప్రదేశ్ లో తారా స్థాయిలో ఉంది. ఏపి ప్రభుత్వానికి, న్యాయ వ్యవస్థ మధ్య గ్యాప్ తీవ్రం అయ్యింది. అది ఎక్కడ వరకు వెళ్ళింది అంటే, తన పై కాబోయే సుప్రీం కోర్టు జడ్జి కుట్ర పన్నారని, ఇక్కడ హైకోర్టులో చీఫ్ జస్టిస్, మరో ఆరుగురు న్యాయమూర్తులు టార్గెట్ చేసారు అంటూ, ఏకంగా జగన్ మోహన్ రెడ్డి ఫిర్యాదు చేసే దాకా వెళ్ళింది. ఫిర్యాదు చేసి, ఆ వివరాలు ఏకంగా మీడియాకు కూడా విడుదల చేయటం, మరో సంచలనం. ఏకంగా న్యాయమూర్తులకు, చంద్రబాబుకు సంబంధాలు ఉన్నాయి, నా మీద కుట్ర పన్నారు అని చెప్పే దాకా వ్యవహారం వెళ్ళింది. ఇంతటి అయ్యిందా అంటే లేదు. సుప్రీం కోర్టు జడ్జి, మరో రెండు మూడు నెలల్లో చీఫ్ జస్టిస్ అవుతున్నారు. ఆయన్ను చీఫ్ జస్టిస్ అవ్వకుండా చేయటానికి, చేయని ప్రయత్నం అంటూ లేదని గుసగుసలు వినిపిస్తున్నాయి. ఈ కోవలోనే ఈ మధ్య ప్రభుత్వం జాతీయ మీడియాతో కుదుర్చుకున్న ఒప్పందంలో భాగమో ఏమో కానీ, ఒక జాతీయ పత్రికలో, సిఎంఓ అధికారులు చెప్పారు అంటూ, ఒక కధనం వండి వార్చారు. అందులో ఏకంగా కాబోయే చీఫ్ జస్టిస్ ను, అలాగే మొన్నటి దాకా ఏపి హైకోర్టు చీఫ్ జస్టిస్ గా ఉన్న మహేశ్వరిని, జగన్ రాసిన లేఖ పై వివరణ అడిగారు అంటూ, కధనం వచ్చింది.

అంతే కాదు, ఎంక్వయిరీ మొదలైంది, అదీ ఇదీ, జగన్ లేఖతో సమాధానం చెప్పే పరిస్థితి వచ్చింది అంటూ, హడావిడి చేసారు. ఇక ఇది పట్టుకుని వైసీపీ బులుగు మీడియా చేసిన హడావిడి అంతా ఇంతా కాదు. జగన్ లాంటి వ్యక్తీ లేఖ రాస్తే, కాబోయే చీఫ్ జస్టిస్ సమాధానం చెప్పుకోవలసిన పరిస్థితి ఈ దేశంలో ఉందని ఎలా అనుకుంటారు అంటూ, టిడిపి నేతలు కూడా అన్నారు. అయితే ఇప్పుడు అసలు నిజం బయటకు వచ్చింది. అవన్నీ తప్పుడు కధనాలు అని తేలిపోయింది. ఈ తప్పుడు వార్తల పై సుప్రీం కోర్టు ఒక ప్రెస్ నోట్ విడుదల చేసింది. సుప్రీం కోర్టు నుంచి సమాచారం ఉంది అంటూ, కొన్ని మీడియా సంస్థలు, చీఫ్ జస్టిస్, ఒక జడ్జి పై చర్యలు తీసుకుంటారు అంటూ వచ్చిన వార్త మా దృష్టికి వచ్చింది, మేము ఎలాంటి సమాచారం ఎవరికీ ఇవ్వలేదు. ఇలాంటి విషయాల్లో బయటకు లీకులు ఇచ్చే అవకాసం లేదు అంటూ, ఎంక్వయిరీలు జరిగినా, అవి ఇన్ హౌస్ ఉంటాయి కానీ, సుప్రీం కోర్టు ఎప్పుడూ ఇలాంటి వాటిని ప్రోత్సహించదు అంటూ, తప్పుడు కధనాల పై సమాధానం ఇచ్చారు. ఈ తప్పుడు కధనాలతో, ఏకంగా సుప్రీం కోర్టుకు స్పందించేలా చేసిన ఫేక్ బ్యాచ్ కి, హాట్స్ ఆఫ్ చెప్పాల్సిందే.