news

ప్రభుత్వం తాజాగా మరో స్పెషల్ ఇన్విస్టిగేషన్ టీమ్ ఏర్పాటుచేసిందని, రాష్ట్రంలో హైందవదేవాలయాలపై జరుగుతున్న ఘటనలపై దర్యాప్తు కోసం ఏర్పాటు చేసిన సిట్ వేస్ట్ దని, దానివల్ల కొత్తగా ఒరిగేదేమీలేదని టీడీపీ జాతీయప్రధానకార్యదర్శి మరియు పొలిట్ బ్యూరోసభ్యలు వర్ల రామయ్య తేల్చిచెప్పారు. ఆదివారం ఆయన మంగళగిరిలోని పార్టీ జాతీయకార్యాలయంలో విలేకరులతో మాట్లాడారు. ఆ వివరాలు ...! గతంలో అడిషనల్ డైరెక్టర్ జనరల్ ఆఫ్ పోలీస్ ఆధ్వర్యంలో సీఐడీ వేసిన ప్రభుత్వం, ఇప్పుడు డీఐజీ స్థాయి అధికారి నేత్రత్వంలో సిట్ ను నియమించారు. ప్రభుత్వం ఏరకంగా తప్పటడుగులు, కుప్పి గంతులు వేస్తోందో ప్రజలుకూడా గమనించాలి. డీఐజీస్థాయి అధికారి నేత్రత్వంలో వేసిన సిట్ దర్యాప్తుతో హిందూ దేవాలయాలపై జరుగుతున్న ఘటనల వెనకున్న వారిని పట్టుకుంటామని చెబుతూ, ప్రభుత్వం హిందువలను మభ్యపెట్టే కార్యక్రమమే. నిజంగా ప్రభుత్వానికి చిత్తశుద్ధి ఉంటే ఇలా తూతూమంత్రపు విచారణలు చేయించదు. ఎవరు కుట్రలవెనకున్నారు... ఎవరి మేలుకోసం ఈ ఘటనల జరుగుతున్నాయనేది బయటకు రావాలంటే, సీబీఐ దర్యాప్తు ఒక్కటే మార్గం. ముఖ్యమంత్రి సీబీఐ దర్యాప్తు దిశగా ఎందుకుఆలోచన చేయరని మేం ప్రశ్నిస్తున్నాం. అడిషనల్ డీఐజీ స్థాయిలో సీఐడీ దర్యాప్తు చేస్తుంటే, స్థాయిని తగ్గించి, డీఐజీ స్థాయి నేత్రత్వంలో సిట్ ఏర్పాటుచేస్తే విచారణ సజావుగా సాగుతుందా?

అధికారి స్థాయిని తగ్గించడం వెనక ఫ్రభుత్వానికి ఉన్న ఆలోచనలే మిటి? రాష్ట్రంలోని హైందవభక్తుల మనోభావాలతో ప్రభుత్వం ఆట లాడుతోందని అర్థమవుతోంది. నిజంగా ప్రభుత్వానికి చిత్తశుద్ధి ఉంటే, మతసామరస్యానికి సంబంధించిన అతిసున్నితమైన సమ స్య విషయంలో ఇలాపిల్లలాటగా ప్రవర్తిస్తారా? డీఐజీస్థాయి అధికారి నేత్రత్వంలో సిట్ వేస్తే, దానితో అసలు దొంగలు దొరుకుతారా? గతంలో జగన్ బాబాయ్ కేసు విచారణలో కూడా సిట్ నియమించారు. ఇప్పటివరకు దానిపై ఏం వెలికితీశారు? విశాఖప ట్నం సహా పరిసరప్రాంతాల్లో నెలకొన్న భూవివాదాలపై సిట్ వేశారు దానితో ఏం సాధించారంటే సమాధానం లేదు. అమరావతి భూము లపై, కేబినెట్ కమిటీరిపోర్ట్ పై మరో సిట్ బృందాన్నినియమించిన ప్రభుత్వం చివరకు ఏంసాధించింది? అడిషనల్ డీఐజీ స్థాయి అధికారి నేత్రత్వంలోని సీఐడీని కాదని, డీఐజీ స్థాయి సారథ్యంలో నియమించిన సిట్ ఏంసాధిస్తుందని నేను ప్రభుత్వాన్ని ప్రశ్నిస్తు న్నాను. డీఐజీస్థాయికి విచారణను తగ్గించడం చూస్తుంటే, ప్రభుత్వ అపరిపక్వత స్ఫష్టంగా కనిపిస్తోంది. సీబీఐ దర్యాప్తుతోనే హైందవమతంపై జరుగుతున్న వరుస ఘటనల వెనకున్నవారు ఎవరో బయటపడుతుందని స్పష్టంచేస్తున్నాను. వరుసగా దేవాలయాలపై ఘటనల జరుగుతుంటే, ఈ ముఖ్యమం త్రి కాబట్టి కిమ్మనకుండాఉన్నారు" అని వర్ల రామయ్య అన్నారు..

ఆంధ్రప్రదేశ్ లో స్థానిక సంస్థల ఎన్నికల నిర్వహణకు సంబంధించి, ముఖ్యంగా ఉద్యోగ సంఘాలు నుంచి వస్తున్న అభ్యంతరాలు, వాళ్ళు వ్యక్తం చేస్తున్న ఆందోళన పై ఈ రోజు, రాష్ట్ర ఎన్నికల కమీషనర్ నిమ్మగడ్డ రమేష్ కుమార్ స్పందించారు. కొద్ది సేపటి క్రితం ఆయన, ఒక బహిరంగ లేఖ విడుదల చేసారు. అలాగే ఇది పత్రికా ప్రకటనగా కూడా ఇచ్చారు. ఇందులో ముఖ్యంగా ఉద్యోగుల విధి నిర్వహణ, అంటే పోలింగ్ విధుల్లో పాల్గునే ఉద్యోగుల విధి నిర్వహణకు సంబంధించి, తాము ఎటువంటి జాగ్రత్తలు తీసుకుంటున్నామో తాము ప్రొసీడింగ్స్ లో ఇది వరుకే చెప్పమని ఆయన చెప్పారు. ఎన్నికల విధుల్లో పాల్గునే ఉద్యోగులకు పీపీఈ కిట్లు, సానిటైజర్ లు , పేస్ షీల్డ్స్ తో పాటు, క-రో-నా వ్యాక్సిన్ వస్తే, ఫ్రంట్ లైన్ వారియర్స్ తో పాటుగా, ఉద్యోగులకు కూడా అదే ప్రాధాన్యత ఇచ్చి, వారందరికీ కూడా వ్యాక్సినేషన్ ఇవ్వాలని చెప్పి, తాను సూచించిన విషయాన్ని ఆయన ఆ లేఖలో గుర్తు చేసారు. దీంతో పాటుగా, ఆంధ్రప్రదేశ్ లో ఉద్యోగులకు ప్రకృతి వైపరిత్యాలు సంభవించినప్పుడు, ఎన్నికల్లో కానీ, వచ్చే సవాళ్ళను ధీటుగా ఎదుర్కునే మనస్తత్వం ఉందని చెప్పి, ఇది ఎన్నో సార్లు కూడా నిరుపితం అయ్యిందని అన్నారు. ప్రస్తుతం కూడా రాజ్యంగ విధిగా ఉన్న ఎన్నికల నిర్వహణ అనేది, రాజకీయాలకు అతీతంగా జరుగుతుందని చెప్పి, దీంట్లో అందరం కలిసి కట్టుగా పాల్గునాల్సిన బాధ్యత ఉందని కూడా ఆయన ఈ సందర్భంగా పేర్కొన్నారు.

దీంతో పాటు, రాష్ట్రంలో పంచాయతీ ఎన్నికలు రాజకీయాలకు అతీతంగా జరుగుతున్నాయని, ఈ రాజకీయాలకు అతీతంగా జరిగే ఎన్నికల్లో ముఖ్యంగా రాష్ట్రంలో, ఇవి రాజ్యాంగం ప్రకారం నిర్వహించాల్సి ఉందని, ఇది ఒక రాజ్యంగ విధి అని కూడా అయన చెప్తూ, ముఖ్యంగా రాష్ట్రంలో ఉండే పంచాయతీలకు కీలకంగా ఉండే పంచాయతీ పాలకవర్గాలకు జరిగే ఎన్నికలకు సంబంధించి, కేంద్ర ఆర్ధిక సంఘం నిధులు, రాష్ట్ర ఆర్ధిక సంఘం నుంచి వచ్చే నిధులు కూడా వెంటనే అందాల్సి ఉందని, ఈ సందర్భంగా ఆయన పేర్కొన్నారు. రాజ్యంగా విధిలో ఉండే ఈ ఎన్నికల ప్రక్రియలో అందరం కలిసి కట్టుగా, ఈ ఎన్నికలు విజయవంతం చేయాలని ఆయన అన్నారు. ఉద్యోగులకు సంబంధించి అన్ని రకాల జాగ్రత్తలు కూడా, ఎన్నికల సంఘం తీసుకుంటుందని, ఎవరూ ఆందోళన చెందాల్సిన అవసరం లేదని కూడా ఆయన పేర్కొన్నారు. ఇటీవల చీఫ్ సెక్రటరీ ఆధ్వర్యంలో ఒక బృందం తనతో సమావేశం అయినప్పుడు కూడా, ఉద్యోగులు బద్రతకు సంబంధించి, అన్ని రకాల విషయాలు తాము వారికి వివరించినట్టు చెప్పారు. ఇతర రాష్ట్రాల్లో జరిగిన ఎన్నికల సమయంలో, ఉద్యోగులకు ఎటువంటి జాగ్రత్తలు తీసుకున్నారో, అంతకంటే ఎక్కువ జాగ్రత్తలు తాము తీసుకుంటామని తెలిపారు.

ఆంధ్రప్రదేశ్ రాష్ట్రంలో స్థానిక సంస్థల ఎన్నికల షెడ్యుల్ విడుదల అయిన సంగతి తెలిసిందే. రాష్ట్ర ఎన్నికల కమీషనర్ నిమ్మగడ్డ రమేష్ కుమార్ శుక్రవారం రాత్రి ఈ నోటిఫికేషన్ విడుదల చేసారు. శనివారం రోజు నుంచి ఎన్నికల నియమావళి అమలులోకి వస్తుందని ఆ ఆదేశాల్లో తెలిపారు. దీని ప్రకారం, ఎలాంటి కొత్త పధకం, ప్రజలను ప్రలోభపెట్టే పనులు చేయ కూడదు. అయితే సోమవారం రెండో విడత అమ్మ ఒడి కార్యక్రమం మొదలు పెట్టాలని రాష్ట్ర ప్రభుత్వం నిర్ణయం తీసుకుని. జగన్ మోహన్ రెడ్డి, నెల్లూరులో ఈ కార్యక్రమం ప్రారంభిస్తారు. అయితే, రాష్ట్రంలో ఎన్నికల కోడ్ వచ్చింది కాబట్టి, ఈ కార్యక్రమం జరుగుతుందా లేదా ? లేకపోతే ఇప్పుడు రాష్ట్ర ప్రభుత్వానికి, ఎన్నికల కమిషన్ కు మధ్య నెలకొన్న వైరంతో, ఈ కార్యక్రమం ఏమి అవుతుంది అనే టెన్షన్ అందరిలో ఉంది. అయితే అమ్మఒడి కార్యక్రమం పై రాష్ట్ర ఎన్నికల కమిషన్ కీలక ఆదేశాలు జారీ చేస్తూ, ఒక సర్క్యులర్ విడుదల చేసింది. ఇందులో రేపు జగన్ మోహన్ రెడ్డి ప్రారంభించే అమ్మఒడి కార్యక్రమం పై, ఎన్నికల కమిషన్ క్లారిటీ ఇచ్చింది. అమ్మోది పధకం గతంలో ఉన్న పధకమే కాబట్టి, ఈ కార్యక్రం ఎప్పటిలాగే ఈ సారి కూడా చేసుకోవచ్చు అని, ఎలాంటి అభ్యంతరం లేదని చెప్పింది. అయితే ఇలా చెప్తూనే, ఎన్నికల నియమావళి ఉంది కాబట్టి, కొన్ని షరతులు విధించింది.

అమ్మ ఒడి కార్యక్రమం పై ఎలాంటి అభ్యంతరం లేదని, అయితే గ్రామాల్లో చేపట్టే కార్యక్రమంలో, ప్రజాప్రతినిధులు ఎవరూ పాల్గునకూడదు అని ఎన్నికల కమిషన్ తన ఉత్తర్వుల్లో స్పష్టం చేసింది. టీచర్లు, విద్యార్థులు, తల్లిదండ్రులు మాత్రమే గ్రామాల్లో ఈ కార్యక్రమంలో పాల్గునాలని స్పష్టం చేసింది. అయితే పట్టణ ప్రాంతాల్లో మాత్రం, ప్రజాప్రతినిధులు పల్గునవచ్చని తెలిపింది. దీంతో రేపు జగన్ మోహన్ రెడ్డి నెల్లూరు వెళ్తూ ఉండటంతో, ఈ కార్యక్రమం కూడా పట్టాణ ప్రాంతంలో ఉండటంతో, ఇక్కడ కూడా ఈ కార్యక్రమానికి ఎలాంటి ఇబ్బందులు ఉండవు. అలాగే గ్రామాల్లో ఉన్న లబ్దిదారులను, పట్టాణాలకు పిలిచి కూడా, ఈ కార్యక్రమం చేయకూడదు అని స్పష్టం చేసింది. ఇక అలాగే ఇంటి పట్టాల కార్యక్రమం కూడా, పాత పధకమే కాబట్టి, ఇది కూడా చేసుకోవచ్చని, కానీ గ్రామాల్లో ప్రజాప్రతినిధులు కాకుండా, అధికారులు మాత్రమే చేయాలని తెలిపింది. మరి అధికార పార్టీ నేతలు, ఎన్నికల కమిషన్ చెప్పింది వింటారో లేదో, మళ్ళీ ఎలాంటి పరిస్థితి చూడాల్సి ఉంటుందో, రేపు కానీ తెలియదు.