news

ఆంధ్రప్రదేశ్ లో రామతీర్ధం ఘటన సెగలు పుట్టిస్తుంది. దీంతో ప్రభుత్వం సిఐడి విచారణకు ఆదేశించింది. అయితే ఈ విచారణ పై, అధికారి పై, వైసీపీ ఎంపీ రఘురామరాజు సంచలన వ్యాఖ్యలు చేసారు. ఆయన మాటల్లోనే. "నిన్న ఆంధ్రప్రదేశ్ ముఖ్యమంత్రి జగన్ మోహన్ రెడ్డి గారు, రామతీర్ధం ఘటన పై స్పందిస్తూ, ఆయన చేసిన మంచి కార్యక్రమాలు, ఎలా అణిచివేయాలని అనుకుంటున్నారు, ఇలా ఆయనకు తెలిసిన విషయాలు కొన్ని చెప్పారు. మరి ఇన్నాళ్ళు, ఏమి చేస్తున్నారో అనే విషయాలు పక్కన పెడదాం. ఇక్కడ ముఖ్యమైన విషయం ఏమిటి అంటే, సిఐడి అనే ఒక రాష్ట్ర ప్రభుత్వ దర్యాప్తు సంస్థకు, రామతీర్ధం ఘటన అప్ప చెప్పారు. ఆ సిఐడి సంస్థకు నేతృత్వంవహించేది, సునీల్ కుమార్ అనే వ్యక్తి. ఇక్కడ మనం చెప్పుకోవాల్సిన విషయం ఏమిటి అంటే, సునీల్ కుమార్ గారు ప్రభుత్వం ఏమి చెప్తే అంత అనేది కొన్ని సందర్భాల్లో ప్రూవ్ అయ్యింది. రంగనాయకమ్మ గారు కానీ, నా స్నేహితుడు నలందా కిషోర్ మీద పై కానీ, కారణం అని గతంలో మనం చెప్పుకున్నాం. ఎందుకు అంటే, ఈయన పెద్దగా రూల్స్ ఫాలో అవ్వరు. రకరకాల కేసుల్లో, ప్రభుత్వం ఏమి చెప్తే అది. దీనికి మొత్తానికి కారణం, సియం ఆఫీస్ లో ఉన్న ట్రంప్ అవినాష్ అనే వ్యక్తి. రాష్ట్ర హైకోర్టు జడ్జిస్ పైన అన్ని మాటలు మాట్లాడితే, హైకోర్టు ఆదేశాలు ఇస్తే, కనీసం ఈ సిఐడి ఎఫ్ఐఆర్ కూడా బుక్ చేయలేదు. చివరకు ఆ సిఐడి ని , మీరు అన్ ఫిట్ అని కోర్టు అక్షింతలు వేసి, కేసుని సిబిఐకి అప్పగించింది. ఇక ఇక్కడ దాపరికం లేకుండా, మనం కొన్ని విషయాలు మాట్లాడుకోవాలి. "

"ఈ సునీల్ కుమార్ అనే వ్యక్తి, క్రీస్టియానిటీ ఫాలో అవుతారు. ఆయన సర్టిఫికేట్ లో ఏముందో కానీ, బాయకు మాత్రం, క్రీస్టియానిటీ ఫాలో అవుతారు. మా చీఫ్ మినిస్టర్, మా హోం మినిస్టర్, మా డీజీపీ లాగా క్రీస్టియన్. ఒకసారి కోర్టు, ఇతను సరిగ్గా ఇన్వెస్టిగేట్ చేయటం లేదు అని చెప్పిన తరువాత కూడా, ప్రభుత్వ పక్షాన ఆయన ఉన్నాడు అని అర్ధం అవుతుంది. ఎవరో పెట్టిన కామెంట్ ఫార్వర్డ్ చేస్తేనే కేసులు పెట్టి, కోర్టులను కూడా లెక్క చేయని వ్యక్తి, ప్రభుత్వ కనుసన్నల్లోనే పని చేస్తారనే అనుమానం, అందరికీ ఉంది. అలంటి అనుమానం నాకు కూడా ఉంది. ప్రభుత్వం ఈ కేసుని ముఖ్యమంత్రి చిత్తశుద్ధితో చేయాలని అనుకుంటే, మరో దర్యాప్తు సంస్థకు ఇవ్వాలి. అలాగే క్రీస్టియన్, రెడ్డి కాని వ్యక్తికీ ఈ కేసు ఇవ్వాలి. ఎందుకంటే, ఇది ఏ పార్టీకి సంబధించినది కాదు అని అందరికీ తెలుసు. న్యాయం చేసినట్టు కాదు, న్యాయం చేసినట్టు కనిపించాలనే సూత్రం అనుసరించి, క్రీస్టియన్, రెడ్డి కాని వ్యక్తిని నియమించాలి. సునీల్ కుమార్ గొప్ప వ్యక్తీ అవ్వచ్చు కానీ, ఈ కేసు విచారణకు మాత్రం ఆయన సూట్ అవ్వరు" అని రఘురామరాజు అన్నారు. మరి ప్రభుత్వం, ఈ విషయం పై ఎలా స్పందిస్తుందో చూడాలి.

ఆంధ్రప్రదేశ్ రాష్ట్రంలో వరుస పెట్టి దేవాలయాల పై జరుగుతున్న ఘటనలు అందరినీ కలవర పెడుతున్నాయి. అంతర్వేది ఘటన తరువాత, కొంచెం కుదుటు పడినట్టు అనిపించినా, రామతీర్ధంతో అది మరోసారి పరాకాష్టకు చేరింది. దాదాపుగా 140కు పైగా ఘటనలు జరిగాయి. ఇందులో అంతర్వేది, బిట్రగుంట, కనకదదుర్గమ్మ గుడి, రామతీర్ధం లాంటి పెద్ద పెద్ద ఆలయాలు ఉండటం, ఇవన్నీ ప్రభుత్వం ఆధీనంలో ఉండటం తెలిసిందే. అయితే ఏవో చిన్న చిన్న ఘటనలకు తప్పితే, ఇప్పటి వరకు దోషులను పట్టుకుంది లేదు. అయితే ఈ ఘటనలు ఎవరు ఎందుకు చేస్తున్నారో ఎవరికీ క్లారిటీ లేదు. ఈ కుట్ర చూస్తుంటే, మత చిచ్చు కోసం అని అర్ధం అవుతుంది. అయితే ఇన్నాళ్ళు అయినా, ప్రభుత్వం ఎవరినీ పట్టుకోలేక పోవటం హైలైట్. ఇంత పెద్ద యంత్రాంగం ఏమి చేస్తుందో ఎవరికీ అర్ధం కావటం లేదు. అయితే జరుగుతున్న ఘటనల పై ముఖ్యమంత్రి హోదాలో జగన్ చేసిన వ్యాఖ్యలు, అందరినీ షాక్ అయ్యేలా చేసాయి. ఎవరో చిన్న నాయకులో, ఎదో ఎమ్మెల్యే, ఎంపీలు చేసారు అంటే ఎవరూ పట్టించుకోరు కానీ, ముఖ్యమంత్రి హోదాలో ఉంటూ, ఈ దాడులు ఆన్నీ చేస్తుంది తెలుగుదేశం పార్టీ అని జగన్ మోహన్ రెడ్డి తేల్చేసారు. మరి పోలీసులు ఎందుకు పట్టుకోవటం లేదు ? ఎందుకు తెలుగుదేశం నేతలను లోపల వేయటం లేదు ?

అయితే జగన్ చెప్పిన కారణం వింటే, మరింతగా అవాక్కవ్వాల్సిందే. ఒక తొమ్మిది సంఘటనలు చెప్తూ, ప్రభుత్వం ఏదైనా కార్యక్రమం మొదలు పెట్టిన ప్రతి సారి, ఈ ఘటనలు జరిగాయి అంటూ తొమ్మిది ఉదాహరణలు చెప్పారు. మా ప్రభుత్వానికి పబ్లిసిటీ రాకూడదు అనే ఉద్దేశంతోనే, తెలుగుదేశం పార్టీ ఇలా చేస్తుందని తేల్చేసారు. అయితే ఈ లాజిక్ లేని మాటలు ఏమిటో ఎవరికీ అర్ధం కాలేదు. పబ్లిసిటీ రాకుండా చేయటానికి, ఎక్కడో మారు మూల దేవాలయంలో విగ్రహం పగలుకొడతారా ? సరే ఈ తొమ్మిది ఘటనలు చెప్పారు, మరి మిగతా 130 సంఘటనలు ? రాష్ట్రంలో జరుగుతున్న అన్యమత ప్రచారం కూడా చంద్రబాబు చేస్తున్నారా ? ఇలా అనేక ప్రశ్నలు వస్తాయి. ఒక ముఖ్యమంత్రి హోదాలో ఉండి, ఇంత బాధ్యత లేకుండా, జరిగిన ఘటనలు మొత్తం తెలుగుదేశం బాధ్యత అని చెప్తే, పోలీసులు చేస్తున్న విచారణ పై, జగన్ మాటలు ప్రభావితం చూపవా ? సోషల్ మీడియాలో, వాట్స్ అప్ లలో, ఎవరో గలికి రాసుకునే మాటలు, ఒక ముఖ్యమంత్రి నోటి వెంట రావటం ఏమిటి ? అదీ ఇంత ముఖ్యమైన అంశం పై రావటం ఏమిటి ? జగన్ మోహన్ రెడ్డి చేసిన వ్యాఖ్యలు పోలీస్ విచారణను తప్పుదోవ పట్టించేలా ఉన్నాయని, తెలుగుదేశం పార్టీ నేతలు కూడా ఆరోపిస్తున్నారు. ముఖ్యమంత్రి దగ్గర ఇంత స్పష్టమైన ఆధారాలు ఉంటే, పోలీసులు ఏమి చేస్తున్నారని ప్రశ్నిస్తున్నారు.

ఆంధ్రప్రదేశ్ర్ రాష్ట్రంలో పేకాట శిబిరాలు విచ్చలవిడిగా పెరిగిపోయాయనే సంగతి అందరికీ తెలిసిందే. అయుదు నెలల క్రిందట కర్నూల్ లో ఏకంగా మంత్రి జయరాం సొంత గ్రామంలో, మంత్రి బంధువులే దొరికారు. ఇకా ఆ తరువాత, ఎమ్మెల్యే ఉండవల్లి శ్రీదేవి పేకాట శిబిరాల పై చేసిన ఆడియో వైరల్ అయ్యింది. అయితే ఆమె తరువాత దాన్ని ఖండించారు అనుకోండి. ఇక గుడివాడలో మంత్రి కొడాలి నాని పై ఎప్పటి నుంచో ఆరోపణలు ఉన్నాయి. తెలుగుదేశం పార్టీ మొదటి నుంచి ఈ విషయం చెప్తూ వస్తుంది. అయితే మొన్న పవన్ కళ్యాణ్ వెళ్లి బహిరంగంగా చెప్పటంతో, ఈ విషయం హైలైట్ అయ్యింది. రాష్ట్రం మొత్తం మీద గుడివాడలోనే పెద్ద పెద్ద శిబిరాలు ఉంటాయనే విషయం ఓపెన్ సీక్రెట్. పోలీసులు అడపా తడపా దాడులు చేస్తున్నా, ఈ పెద్ద పెద్ద చేపల వైపు ఎప్పుడూ రాలేదని చెప్పాలి. అయితే ఎందుకో కానీ, ఉన్నట్టు ఉండి నిన్న నందివాడలో రైడ్ జరిగింది. పెద్ద పెద్ద తలకాయలు దొరికారు. అయితే ఇక్కడ విశేషం ఏమిటి అంటే, గుడివాడ పోలీసులకు సమాచారం లేకుండా, స్పెషల్ ఎన్ఫోర్స్మెంట్ బ్యూరో పక్కాగా స్కెచ్ వేసి, ఎవరూ తప్పించుకోకుండా వారిని పట్టుకోవటం. మంత్రి అనుచరులకు ఎలాంటి లీక్ లేకుండా ఈ రైడ్ చేసారని ప్రచారం జరుగుతుంది. ఇంత పక్కాగా ఎవరు చేపించారు అనేది ఇప్పుడు ప్రశ్న.

ఇక రైడ్ జరిగిన తరువాత కూడా, సమాచారం బయటకు పొక్కకుండా ఎంత ట్రై చేసినా, బయటకు లీక్ అయ్యింది. ముఖ్యమైన అనుచరులను వదిలేయాలని లాబీయింగ్ చేసినా వర్క్ అవ్వలేదని అంటున్నారు. అయితే ఈ రోజు మంత్రి కొడాలి నాని, జగన్ ని కలిసారు. కలిసిన తరువాత ఆయన మీడియాతో మాట్లాడిన మాటలు కూడా వింతగా ఉన్నాయి. నా అనుచరులు ఉంటే ఏమవుతుంది, ఫైన్ కడతారు, బయటకు వస్తారు,మళ్ళీ ఆడతారు అంటూ మాట్లాడారు. అంటే, జగన్ మోహన్ రెడ్డి దగ్గర భరోసా దొరకేలదని అర్ధం అవుతుంది. దీంతో ఇంత పక్కాగా దాడులు చేయటం వెనుక ఏదో పెద్ద స్కెచ్ ఉందనే ప్రచారం జరుగుతంది. ఇన్నాళ్ళు అందరికీ తెలిసినా, ఎప్పుడూ అటు వైపు వెళ్ళిన పోలీసులు, ఇప్పుడే ఎందుకు వెళ్ళారు అనే ప్రశ్నలు వస్తున్నాయి. ఇది ఇలా ఉంటే తెలుగుదేశం పార్టీ మాత్రం, వాటాల్లో తేడా వచ్చి, రైడ్ చేపించారని, అ కమిషన్ ల తేడా పైనే ఈ రోజు జగన్ ని కలిసి, ఇష్యూ సెటిల్ చేసుకున్నారని ఆరోపణలు గుప్పిస్తున్నారు. ఏది ఏమైనా, ఈ పేకాట శిబిరాలు ఇప్పటికైనా ఫుల్ స్టాప్ పడితే చాలని ప్రజలు అనుకుంటున్నారు.