news

ఆంధ్రప్రదేశ్ రాష్ట్రానికి ఎవరికీ లేని వింత పరిస్థితి ఉంది. ఒక్క రాజధానికే రాష్ట్రాలు నానా ఇబ్బందులు పడుతుంటే, మన రాష్ట్రంలో మూడు రాజధానులు అంటూ ఒక నిర్ణయం తీసుకుంది జగన్ ప్రభుత్వం. మూడు చోట్లో, మూడు రకాలు అని చెప్పుకొచ్చారు. అయితే గతంలో అమరావతి రాజధాని కోసం, జగన్ రెడ్డితో సహా అందరూ ఒప్పుకోవటంతోనే, అమరావతిలో రాజధాని ఏర్పాటుకు, అక్కడ భూములు ఇవ్వటానికి రైతులు ముందుకు వచ్చిన సంగతి తెలిసిందే. అయితే ఇప్పుడు జగన్ మోహన్ రెడ్డి నిర్ణయంతో రైతులు మునిగిపోయారు. అటు రాజధాని లేక, ఇటు తమ భూములు పోయి, ఎటూ పాలుపోని పరిస్థితిలో అమరావతి ఉద్యమం మొదులు పెట్టారు. మొదట్లో వారికి పెద్దగా మద్దతు లేకపోయినా, ఇప్పుడు రాష్ట్రంలోని అన్ని ప్రాంతాల నుంచి మద్దతు ఉంది. ఇది పక్కన పెడితే, ఈ మొత్తం ప్రక్రియలో చంద్రబాబుని ఉత్తరాంధ్ర, రాయలసీమలో దెబ్బ కొట్టాలని, జగన్ మోహన్ రెడ్డి ఈ ఎత్తుగడ వేసారనే అభిప్రాయం కూడా ఉంది. ఇందు కోసమే, అమరావతిని మూడు ముక్కలు చేసిన దగ్గర నుంచి , చంద్రబాబుని ఉత్తరాంధ్ర ద్రోహిగా చేసే ప్రయత్నం చేసారు. చంద్రబాబు వైజాగ్ వెళ్ళటానికి ప్రయత్నం చేసిన ప్రతి సారి అడ్డుకున్నారు. చంద్రబాబుని వైజాగ్ ఎయిర్ పోర్ట్ కూడా దాటనివ్వకుండా అడ్డుకున్నారు.

ప్రజలు అడ్డుకున్నారని, వైసీపీ నేతలు చెప్పుకుని వచ్చారు. తరువాత క-రో-నా రావటంతో, రాజకీయ నాయకులు పర్యటనలు ఆగిపోయాయి. దీంతో చంద్రబాబు వైజాగ్ లో అడుగుపెట్టే వీలు లేకుండా పోయింది. అయితే ఎక్కడైతే తనని ఆపారో, అక్కడ నుంచే చంద్రబాబు నిన్న వైజాగ్ నుంచి వెళ్లారు. ఉత్తరాంధ్ర ప్రజలు విశాఖ, విజయనగరంలో చంద్రబాబుకు ఘన స్వాగతం పలికారు. విజయనగరం సభలో రామతీర్ధం గురించి చెప్పిన తరువాత, అమరావతి ప్రస్తావన తెచ్చారు చంద్రబాబు. అమరావతి రైతులను ముంచేసారని, ప్రశాంతంగా ఉండే ఉత్తరాంధ్రను నాశనం చేస్తున్నారని, అమరావతి రైతుల క్షోభ మనకు అవసరమా, మీరు మూడు రాజధానులకు సమ్మతమా అంటూ, ఉత్తరాంధ్రలో నుంచుని, ఉత్తరాంధ్ర ప్రజలనే చంద్రబాబు అడగటం నిన్నటి ఘటనలో హైలైట్ గా చెప్పవచ్చు. అక్కడ ప్రజలు కూడా మమ్మల్ని ఇలా వదిలేయండి, మూడు రాజధానులకు మేము వ్యతిరేకం అని నినాదాలు చేసారు. దీంతో చంద్రబాబు ఉత్తరాంధ్ర మంత్రులను ఉద్దేశిస్తూ, ఇది ఇక్కడ ప్రజల అభిప్రాయం, మీ ముఖ్యమంత్రికి చెప్పండి అంటూ, అమరావతి పై ఉత్తరాంధ్ర ప్రజల చేత మద్దతు పలికించారు.

జగన్ మోహన్ రెడ్డి ప్రభుత్వం మరోసారి అశోక్ గజపతి రాజు పై తన కక్ష పూరిత వైఖరి చూపిస్తూ, సంచలన నిర్ణయం తీసుకుంది. రామతీర్ధంలో రాములోరి తల పెకలించిన ఘటన పై సీరియస్ అయిన తెలుగుదేశం పార్టీ ఈ రోజు, పెద్ద ఎత్తున ఆందోళన కార్యక్రమం చేసింది. ఇందు కోసం మాజీ ముఖ్యమంత్రి చంద్రబాబు నాయుడు నేరుగా రంగంలోకి దిగారు. ఆయనే రామతీర్ధం వచ్చి, జరిగిన ఘటన గురించి వివరాలు అడిగి తెలుసుకున్నారు. ఈ సందర్భంలో ఉత్తరాంధ్ర సీనియర్ నేత, మాజీ ఎంపీ అశోక్ గజపతి రాజు కూడా, ఆయన వెంటే పర్యటనలో ఉన్నారు. అయితే ఈ రోజు అశోక గజపతి రాజు ఇంకా నిరసన కార్యక్రమంలో కొనసాగుతూ ఉండగానే, జగన్ మోహన్ రెడ్డి ప్రభుత్వం, షాకింగ్ నిర్ణయం తీసుకుని. ఈ రోజు వరకు, ఈ క్షణం వరకు కూడా అశోక్ గజపతి రాజు రామతీర్ధం గుడికి ట్రస్ట్ చైర్మెన్ గా ఉన్నారు. అయితే ఈ క్షణం నుంచి ఆయన్ను తప్పిస్తూ ప్రభుత్వం సంచలన ఉత్తర్వులు జారీ చేసింది. రామతీర్ధం ఘటన జరిగి, ఇంత పెద్ద ఎత్తున తెలుగుదేశం పార్టీ ఉద్యమం చేయటం, ఇందు కోసం అశోక్ గజపతి రాజు ముందు ఉండి ఈ ఆందోళన చేయటం, చంద్రబాబుని పిలిపించటంతో, అశోక్ పై కక్షతో ఇలా చేసారా అని తెలుగుదేశం పార్టీ ప్రశ్నిస్తుంది.

రామతీర్థం, పైడితల్లి, మందపల్లి ఆలయ ట్రస్ట్ ల నుంచి తప్పిస్తూ ప్రభుత్వం ఒక మేమో ని విడుదల చేసింది. అయితే దీనికి కారణాలు చెప్తూ, ఆలయంలో అడ్మినిస్ట్రేషన్ మైంటైన్ చేయటంలో ఆయన ఫెయిల్ అయ్యారు అంటూ కారణం చెప్పారు. అయితే చంద్రబాబు సభలో ప్రసంగిస్తూ ఉండగానే, చంద్రబాబుకి ఈ విషయం చెప్పారు అచ్చెంనాయుడు. దీంతో ఇదే విషయం చంద్రబాబు కూడా మీటింగ్ లో చెప్పారు. మనం ప్రనిస్తున్నాం అని ఇప్పటికిప్పుడు తొలగించారని, సింహాచలం నుంచి, మాన్సాస్ నుంచే తప్పించారు, ఇదేముంది, మీకు చేతనైంది ఇదే అంటూ, చంద్రబాబు ఆగ్రహం వ్యక్తం చేసారు. ఇలాంటి చర్యలతో జగన్ వైఖరి మరోసారి తేటతెల్లం అయ్యిందని అన్నారు. ఇప్పటి వరకు ఘటన ఎవరు చేసారు, ఎలా చేసారో, తేల్చలేకపోయారని, అకారణంగా అశోక్ గజపతి రాజు గారి ని మళ్ళీ ఇప్పుడు పదవి నుంచి తొలగించారని, దీంతో ఆయనకు పోయేది ఏమి లేదని, ఇలాంటివి చేయటం తప్ప , జగన్ రెడ్డి ఎందుకు పానికిరాడని చంద్రబాబు అన్నారు.

రామతీర్ధం ఘటన పై అన్ని వర్గాల ప్రజలు స్పందిస్తున్నారు. చినజీయర్ స్వామి ఒక ఆధ్యత్మిక ప్రసంగంలో, ప్రభుత్వం ఏమి చేస్తుందో, రక్షణ వ్యవస్థ ఏమి చేస్తుందో అంటూ నిర్వేదం వ్యక్తం చేసారు. అంతే కాదు, ఇలాంటి ఘటనలకు రక్షణగా ఉండాల్సిన బాధ్యత ఈ సమాజానిది అంటూ, హితవుపలికారు. ఆయన మాటలు యధాతధంగా... "రెండు రోజుల క్రితం, విజయనగరం జిల్లా రామతీర్ధంలో ఒక సంఘటన జరిగింది. అక్కడ రాముడు విగ్రహం తల పెకలించారు. విగ్రహాన్ని ఎవరో వెళ్లి, తల తీసి వెళ్లి, పక్కన ఎక్కడో పడేసారు. వెతికితే అక్కడే ఎక్కడో దొరికింది తల. ఏమి చేయాలో ఇప్పుడు తెలియటం లేదు. కాపాడాల్సిన ప్రభుత్వాలు ఎక్కడ ఉన్నాయో తెలియదు. చూడాల్సిన రక్షణ వ్యవస్థ ఏమైపోయిందో తెలియదు. దాని కోసం పెద్ద డిపార్టుమెంటు ఉంది. అందులో మనుషులు ఉన్నారు. వాళ్ళంతా దాని కోసమే ఉన్నారు. దాని గురించే బ్రతుకుతున్నారు. జీతాలు తీసుకుంటున్నారు. బ్రతుకులు అంతా అక్కడ నుంచే బ్రతుకుతున్నారు. మరి ఆ వ్యవస్థ అంతా నిద్రపోయిందో ఏమైందో మనకు తెలియదు. ఏమి చేస్తాం అండి, దేవుడే దేవుడిని రక్షించుకోలేక పోతే ఏమి చేస్తాం అండి. ఇలా అంటారు చాలా మంది, మాటలు అనటానికి. కానీ వాస్తవం అది కాదు. దేవుడు ఆ విగ్రహ రూపంలోకి ఎందుకు వచ్చారు అంటే, కదులుతూ వస్తే, కదిలి వెళ్ళిపోయే స్థితి ప్రతి ప్రాణికి ఉంటుంది, కదా. పుట్టిన ప్రతి ప్రాణికి వెళ్ళక తప్పదు కదా. కదిలే ప్రతి ప్రాణి పోతూ ఉంటుంది కనుక, విగ్రహ రూపంలో కదలకుండా ఉండేటట్టు మన ముందుకు వస్తే, శాశ్వతంగా స్థిరంగా మన ముందు ఉండేట్టు, దేవుడు అలా ఉన్నాడు. "

"మన మధ్య దేవుడు ఉండాలని, మన అవసరాలు తీర్చాలని కోరుకుంటాం. వస్తాడు ఆయన. మరి మన కోసం వచ్చిన దేవుడుని కాపాడుకోవాల్సిన బాధ్యత ఎవరిది అండి ? ఏమండి మీరు మీ ఇంటికి రమ్మని ఇన్వైట్ చేస్తే, ఒక అతిధి వచ్చాడు అనుకోండి, అతనికి అన్నీ సక్రమంగా ఉండేట్టు చేసుకునే బాధ్యత ఎవిరిది ? మన బ్రతుకులు ఎలా ఉన్నాయి అంటే, మా ఇంటికి వస్తే ఏమి తెస్తావ్, మీ ఇంటికి వస్తే ఏమి ఇస్తావ్ అనేలా ఉంది. ఏది చేసినా నాకే, అనేది మన బ్రతుకు. మనం కోరుకుంటే, మన మధ్య ఉండే దేవుడు విగ్రహ రూపంలో వస్తే, దానికి తగ్గ రక్షణ వ్యవస్థ, చూసుకునే బాధ్యత మనది. దేవుడిది కాదు. అలా బాధ్యత తీసుకో లేని వాడు, దండనీయుడు. దేవుడు మన కోసం వస్తే, నీకే దాని మీద శ్రద్ధ లేకపోతే, ఆయన ఏమి చేస్తాడు. అంత చేత, ఆయనకు చేతకాక కాదు. ఆయన ఏమి చెయ్యాలో అది చేస్తాడు. నీతో పాటు, ఈ సమాజం బాధ్యత ఉండాలి. అలా ఆ దేవుడిని చూసుకోవాల్సిన బాధ్యత, నీది, ఈ సమాజానిది" అంటూ చినజీయర్ స్వామి తన ప్రసంగంలో చెప్పారు.