news

కలియుగ దైవం వెంకన్నను కూడా రాజకీయాల్లోకి లాగి ఆడుకున్న సంఘటనలు మన రాష్ట్రంలో తరుచూ చూస్తున్నాం. ముఖ్యంగా 2018 సమయంలో, ఒక వివాదం దేశ వ్యాప్తంగా చర్చకు దారి తీసింది. ఉన్నది లేనట్టు, లేనిది ఉన్నట్టు కలిప్తాలు కల్పించిన కాలం అది. ఆ సమయంలో శ్రీవారిని కూడా ఈ కల్పితాలు వదలలేదు అందులో ఒకటి తిరుమల తిరుపతి దేవస్థానం బోర్డు మెంబెర్ గా ఉన్న శేఖర్ రెడ్డి అనే వ్యక్తి దగ్గర భారీగా నగదు దొరకటం, ఆ శేఖర్ రెడ్డి చంద్రబాబు, లోకేష్ బినామీ అంటూ ప్రచారం చేసారు. చివరకు అధికారంలోకి రాగానే, అదే శేఖర్ రెడ్డికి పదవి ఇచ్చారు. ఇలా ఎందుకు చేసారో, ఏంటో ఆ వెంకన్నకే తెలియాలి. ఇక మరో ముఖ్యమైన అంశం పింక్‌ డైమండ్. శ్రీవారి పింక్‌ డైమండ్ కనిపించటం లేదు అంటూ, అప్పట్లో బహిష్కరణకు గురైన రమణదీక్షితులు చెప్పిన మాటలు అందరికీ గుర్తు ఉన్నాయి. రమణ దీక్షితులు అప్పట్లో ఈ విషయం పై చాలా హడావిడి చేసేవారు. పింక్‌ డైమండ్ అనేది ఉందని, దాన్ని నేనే అలంకరించానని, పింక్‌ డైమండ్ ను విదేశాల్లో 500 కోట్లకు అమ్మేసారు అంటూ, ఆయన తీవ్ర వ్యాఖ్యలు చేసారు. ఇక దీన్ని అందిపుచుకున్న విజయసాయి రెడ్డి లాంటి వాళ్ళు, ఆ పింక్‌ డైమండ్ సహా, శ్రీవారి నగలు అన్నీ, చంద్రబాబు నాయుడు ఇంట్లో నేలమాలిగల్లో ఉన్నాయని, తానూ వాటిని నిరూపిస్తాను అంటూ, విజయసాయి రెడ్డి చేసిన హంగామా, ఆయన ట్వీట్లు అందరికీ గుర్తున్నాయి. అయితే జగన్ మోహన్ రెడ్డి అధికారంలోకి వచ్చిన తరువాత, రమణదీక్షితులు పదవి అయితే వచ్చింది కానీ, పింక్‌ డైమండ్ గురించి మాత్రం దీక్షితులు గారు మర్చిపోయారు.

పింక్‌ డైమండ్ ఏమైందో విచారణ చేయమని, ఇప్పటి తనకు అనుకూలమైన ప్రభుత్వాన్ని అడగటంలో దీక్షితులు గారు మౌనంగా ఉన్నారు. అయితే ఇప్పుడు పింక్‌ డైమండ్ మరోసారి తెర పైకి వచ్చింది. తిరుపతికి చెందిన లాయర్, విద్యాసాగర్, కేంద్ర విజిలెన్స్ కమిషన్ కు ఈ విషయం పై లేఖ రాసారు. శ్రీవారి పింక్‌ డైమండ్ పై తేల్చాలని ఆ లేఖలో తెలిపారు. రమణదీక్షితులు పింక్‌ డైమండ్ ఉంది అంటూ హడావిడి చేసారని, అయితే వివిధ కమిషన్ లు ఎంక్వయిరీ చేసి, పింక్‌ డైమండ్ లేదు అనేది గతంలోనే తేల్చాయని, అయితే రమణ దీక్షితులు మాత్రం తానూ పింక్‌ డైమండ్ అలంకరించాను అంటూ చెప్పారని, ఏది నిజమో తేల్చాలని కోరారు. దీక్షితులు చెప్పినట్టు దేశం దాటి వెళ్ళిపోతే, ఏపి పోలీసులు ఎంక్వయిరీ చేయలేరు కాబట్టి, కేంద్ర దర్యాప్తు సంస్థలతో, ఈ విషయం పై ఎంక్వయిరీ చేసి నిజం ఏమిట్ తేల్చాలని ఆయన లేఖలో కోరారు. ఒక వేళ దీక్షితులు గారు చెప్పేది నిజం కాకపోతే, ఆయన ఎందుకు ఆ వ్యాఖ్యలు చేసారు, ఎవరి ప్రోద్బలంతో ఆయన ఈ ఆరోపణలు చేసారో , అది కూడా తేల్చాలని, ఈ విషయం పై భక్తులకు, ప్రజలకు క్లారిటీ కావాల్సి ఉంది అంటూ, ఆయన కేంద్ర విజిలెన్స్ కమిషన్ కు లేఖ రాసారు. మరి ఇప్పటికైనా ఈ విషయం పై క్లారిటీ వస్తుందా ? రాష్ట్ర ప్రభుత్వం ఈ విషయం పై, ఎలాగూ ఏమి తేల్చటం లేదు కాబట్టి, కేంద్ర దర్యాప్తు సంస్థలు అయినా నిజం చెప్తాయా ? చూద్దాం.

అమరావతి.. నవ్యాంధ్రప్రదేశ్ రాజధానిగా ప్రకటించిన వేళ, రాష్ట్రమే కాదు, దేశం కూడా పులకించింది. రాష్ట్రం నలు మూలాల నుంచి, ఇది మన రాజధాని అంటూ, ప్రతి ఊరి నుంచి మట్టి, నీరు తెచ్చి, అమరావతికి మద్దతు తెలిపారు 13 జిల్లాల ప్రజలు. కానీ రాను రాను, వారిలో విష భీజాలు నాటారు కొన్ని రాజకీయ పార్టీలు, నాయకులు. ఇది చివరకు అమరావతి అంటే ద్వేషంగా, అమరావతి ప్రజలని, మహిళలను, రైతులను అవమాన పరిచే స్థాయి వరకు వెళ్ళిపోయింది. ముందుగా ఈ ప్రభుత్వం అమరావతి రాజధానిని నిర్వీర్యం చేసే పనిలో పడింది. అమరావతి రాజధానిని మూడు ముక్కలు చేసింది. తరువాత శాసన రాజధాని అని చెప్పింది. కొంత మంది మంత్రులు, అసలు అది శాసన రాజధానిగా కూడా ఉండటానికి వీలు లేదని తేల్చి చెప్పారు. ఇలా అమరావతి పై కక్ష కొనసాగుతున్న వేళ, ఈ రోజు అమరావతి ప్రజలకు మరో షాకింగ్ వార్త వినాల్సి వచ్చింది. ఇది నిజానికి అమరావతి వాసులకే కాదు, గుంటూరు, కృష్ణా, గోదావరి జిల్లాల ప్రజలకు కూడా షాకింగ్ వార్తే. రాజధాని అమరావతిలో ఒక ముఖ్యమైన ప్రాజెక్ట్ అనంతపురం-అమరావతి ఎక్ష్ప్రెస్ వే. రాజధానిగా అమరావతిని ప్రకటించిన తరువాత, రాయాలసీమ జిల్లాలకు దగ్గరగా, వేగంగా కనెక్టివిటీ ఉండాలనే లక్ష్యంతో, అప్పట్లో చంద్రబాబు ఈ ప్రతిపాదనను కేంద్రం ముందు పెట్టారు. అయితే కేంద్రం 22 వేల కోట్ల ఖర్చులో, రాష్ట్రం సగం పెట్టుకోవాలని ప్రతిపాదన చేయటంతో, అప్పట్లో ప్రభుత్వం ఒప్పుకుంది. మొత్తంగా 394 కిమీ కొత్త రహదారి నిర్మించాలని అనుకున్నారు. మొత్తం డీపీఆర్ కూడా రెడీ అయ్యింది. కేంద్రం నిర్వహించే భారతమాల ప్రాజెక్ట్ లో దీన్ని చేర్చారు.

అయితే జగన్ మోహన్ రెడ్డి అమరావతిని మూడు ముక్కలు చేయటంతో, ఈ ప్రాజెక్ట్ పై కూడా ఆ ప్రభావం పడింది. ఎలాగు అమరావతి రాజధానిగా ఉండదు కాబట్టి, ఈ ప్రాజెక్ట్ లో ఖర్చు తగ్గించుకుంటే రాష్ట్ర వాటా కూడా తగ్గుతుందని, రాష్ట్ర ప్రభుత్వం ఈ రహదారిని కేవలం చిలకలూరిపేట వరుకే కుదించాలని, ఇలా చేస్తే 59 కిమీ రహదారి తగ్గి, 3,700 కోట్లు ఆడా అవుతాయని నిర్ణయం తీసుకుని, కేంద్రానికి చెప్పటంతో, కేంద్రం దీని ప్రకారమే తాజగా బులిటెన్ విడుదల చేసింది. దీంతో అందరూ షాక్ తిన్నారు. ముఖ్యంగా ఈ పరిణామంతో ఆటు రాయలసీమ ప్రజలకు, ఇటు గుంటూరు, కృష్ణా ప్రజలకు కూడా ఇబ్బంది అనే చెప్పాలి. రాయలసీమ ప్రజలు గుంటూరు, కృష్ణా జిల్లాల్లో ఎక్కువ పని ఉంటుంది. ఇక్కడే రైల్, ఎయిర్ కనెక్టివిటీ కూడా ఉంది. ఇక్కడకు అనుసాధనం చేయకుండా, కేవలం పేట దగ్గరే ఆపేస్తే, ఏమి ఉపయోగం ఉంటుందో మరి. ఇక పొతే ఇక్కడ తగ్గించిన ప్రభుత్వం, అనంతపురం నుంచి బెంగుళూరు కు ఈ రాజహదరి విస్తరణ చేయాలని కేంద్రాన్ని కోరింది. ఇక్కడ రాజధానికి అనుసంధానం ఉండదు కాని, పక్క రాష్ట్ర రాజధానికి మాత్రం అనుసంధానం కావాలని చెప్పటం ఏమిటో మరి.

ఆంధ్రప్రదేశ్ర్ రాష్ట్ర ప్రభుత్వం, మేము మద్య నిషేధం చేస్తున్నాం అంటూ, ఇందులో భాగంగా, షాపులు తగ్గిస్తున్నాం, రేట్లు పెంచేస్తున్నాం, ఆ రేట్లు చూస్తే షాక్ కొట్టే విధంగా ఉంటాయి, దీంతో అసలు మందు తాగటమే మానేస్తారు, మద్య నిషేధం లో ఇది ఒక భాగం అంటూ ఊదరగొట్టారు. అయితే ఈ క్రమంలో ఊరు పేరు లేని బ్రాండులు తెచ్చి, మార్కెట్ లోకి వదలటంతో, మందు బాబులకు నిజంగానే షాక్ కొట్టింది. అందులో నాసిరకం సరుకు పెడుతున్నారని, బ్రాండెడ్ వాటి కంటే భారీగా రేట్లు పెంచేసారని, ఆరోగ్యంతో ఆటలు ఆడుకోకుండా, కనీసం బ్రాండెడ్ మందు అయినా మార్కెట్ లోకి వదలాలని గోల గోల చేసారు. అయినా ప్రభుత్వం పట్టించుకోలేదు. ఇక దీనికి తోడు తెలంగాణా, తమిళనాడు, కర్ణాటక నుంచి వచ్చే మద్యం అయితే అంతు లేకుండా వస్తుంది. ప్రభుత్వం స్పెషల్ డిపార్టుమెంటు పెట్టామని చెప్పినా, వారిని ఒకసారి ఎక్కడో ఒక చోటు పట్టుకుంటూ ఉన్నా, బయట రాష్ట్రాల నుంచి వచ్చే మద్యం మాత్రం కంట్రోల్ లేదు. ఈ దందా అంతా కూడా అధికార పార్టీ నేతలే నడుపుతున్నారనే ప్రచారం కూడా ఉంది. ఇవన్నీ నడుస్తూ ఉండగానే, లాక్ డౌన్ వచ్చింది. దాదాపుగా మూడు నెలలు అన్నీ మూసుకు పోయి ఉన్నాయి. మందు బాబులకు కూడా ఈ కష్టాలు తప్పలేదు. దీంతో శాశ్వతంగా ఈ షాపులు మూసేయటానికి ఇదే మంచి తరుణం అని అందరూ ప్రభుత్వాన్ని కోరారు. అలవాటు తప్పి పోయింది కాబట్టి, ప్రభుత్వం చెప్పిన మద్యపాన నిషేధానికి ఇదే కరెక్ట్ టైం అని, ఇలాంటి అవకాసం మళ్ళీ రాదని చెప్పినా, ప్రభుత్వం దేశంలోనే మొదటి సారి మన రాష్ట్రంలోనే లాక్ డౌన్ తరువాత మద్యం షాపులు తెరిచింది.

రేట్లు కూడా భారీగా మళ్ళీ పెంచింది. అయినా వెనక్కు తగ్గలేదు మందు బాబులు. అయితే మళ్ళీ ప్రభుత్వం ఏమి అనుకుందో ఏమో, ఈ సారి మద్యం రేట్లు తగ్గించింది. మద్యపాన నిషేధంలో భాగంగా షాక్ కొట్టే రేట్లు పెట్టామని చెప్పిన ప్రభుత్వం, ఇప్పుడు ఎందుకు తగ్గించేందో ఎవరికీ అర్ధం కాలేదు. ప్రభుత్వ రెండు నాల్కుల ధోరణి ఇక్కడే అర్ధం అవుతుంది. ఇక దీంతో మందు బాబులకు అడ్డు అదుపు లేకుండా పోయండి. మద్యపాన నిషేధం అనే ప్రభుత్వ మాటలు ఉత్తిత్తి మాటలు గానే మిగిలిపోయాయి. అమ్మాకలు 50 శాతం పైగా పెరిగాయి. ఈ ఏడాది మే నుంచి ఆగష్టు వరకు 12 లక్షల కేసులు లిక్కర్, 2.5 లక్షల కేసుల బీరు అమ్మిన ప్రభుత్వం, సెప్టెంబర్ నెలలో 18.39 లక్షల కేసులు లిక్కర్, 5.82 లక్షల కేసుల బీర్ అమ్మింది. దీంతో ఇటు ప్రభుత్వానికి భారీగా ఆదాయం వస్తుంది. మరి ఈ లెక్కలు చూసిన ఎవరైనా దీన్ని మద్యపాన నిషేధం అంటారా ? ఈ నెల అంటే, అక్టోబర్ నెలలో కూడా ఇప్పటికే భారీగా అమ్మకాలు జరిగాయని, పండుగ సీజన్ కావటంతో, ఈ సారి సేల్స్ సెప్టెంబర్ కంటే ఎక్కువగా ఉంటాయని అంటున్నారు. మరి ప్రభుత్వ పెద్దలు, ఈ నిర్ణయాన్ని ఎలా సమర్ధించుకుంటారో చూడాలి.