news

ఏపిలో కొత్త జిల్లాల ఏర్పాటు పైన అధ్యాయన కమిటీని ఏర్పాటు చేసింది ప్రభుత్వం. ప్రస్తుతం ఉన్న 13 జిల్లాలను పార్లమెంటరీ నియోజకవర్గాల వారీగా జిల్లాలుగా మార్చాలనేది ప్రభుత్వ ఆలోచన. దీనికి సంబంధించి ఏపిలో 25 జిల్లాల ఏర్పాటు దిశగా అడుగులు పడుతున్నాయి. ఇందుకోసం గత కెబినెట్ సమావేశంలో నిర్ణయించిన విధంగా ప్రభుత్వ ప్రధాన కార్యదర్శి ఆధ్వర్యంలో ఆరుగురు అధికారులతో ఈ కమిటీ ఏర్పాటు చేశారు. వీరు కొత్త జిల్లాల ఏర్పాటుపైన పూర్తి స్థాయిలో అన్ని అంశాలను పరిగణనలోనికి తీసుకొని మానవ వనరుల వినియోగం, వివాదాలు లేకుండా జిల్లాల ఏర్పాటు అధికారుల విభజన వంటి అంశాలపైన నివేదిక ఇవ్వనుంది. అదే విధంగా నిధుల వినియోగం పైనా సూచనలు చేయనుంది. ఈ కమిటీ ప్రభుత్వానికి నివేదిక సమర్పించేందుకు మూడు నెలల కాలపరిమితిని విధిస్తూ ప్రభుత్వం ఉత్తర్వుల్లో స్పష్టంచేసింది. గతనెలలో జరిగిన కేబినెట్ సమావేశంలో దీనిపైన సూత్రప్రాయంగా నిర్ణయం తీసుకున్నారు.

ఆ మీటింగ్ లోనే ఒక కమిటీ ఏర్పాటు చేసి కొత్త జిల్లాల ఏర్పాటుపైన నివేదిక కోరుతూ నిర్ణయించారు. ఈ కమిటిని ఖరారు చేస్తూ ప్రభుత్వం ఉత్తర్వులు జారీ చేసింది. ప్రభుత్వ ప్రధాన కార్యదర్శి చైర్ పర్సన్‌గా సభ్యులుగా సీసీఎల్, సాధారణ పరిపాలనా కార్యదర్శి ప్రణాళికా శాఖ కార్యదర్శి, ఆర్థికశాఖ ముఖ్య కార్యదర్శితోపాటుగా ముఖ్యమంత్రి కార్యాలయం నుండి ఒక అధికారిని సభ్యులుగా ఖరారు చేశారు. వీరు ఏపిలో పార్లమెంటరీ నియోజకవర్గాల వారీగా 25 జిల్లాలు ఏర్పాటు పైన ఏ రకంగా ముందుకెళ్ళాలి. ఏ అంశాలను పరిగణనలోనికి తీసుకోవాలి, ఆర్థిక.. మానవ వనరుల వినియోగం.. హద్దులు... అధికా రుల విభజన పైన నివేదిక సమర్పించనున్నారు. అయితే ఇప్పటికే జిల్లాల విభజన పై అన్ని వైపుల నుంచి, ముఖ్యంగా వైసిపీ నుంచి కూడా వ్యతిరేకత వస్తుంది. ధర్మాన ప్రసాద్ కూడా, జిల్లాల విభజన జాగ్రత్తగా చెయ్యాలని, లేకపోతె మొత్తం మునిగిపోతం అని అన్నారు. ఇక చాలా మంది మా ప్రాంతం ఇలా, మా ప్రాంతం అలా, ఈ పేరు పెట్టండి, ఆ పేరు పెట్టండి అంటూ, రకరకాలుగా మాట్లాడుతున్నారు. మరి ప్రభుత్వం, ఈ విషయాన్ని ఏ సమస్య లేకుండా పరిష్కరిస్తుందో లేదో చూడాలి.

ఆంధ్రప్రదేశ్ మాజీ ముఖ్యమంత్రి చంద్రబాబు, 40 ఏళ్ళు రాజకీయంలో ఉన్నా, ఏ నాడు తన కులం గురించి ప్రస్తావన తేలేదు. ఆయన ప్రజల ముందుకు కానీ, మీడియా ముందుకు కానీ వచ్చే సమయంలో కూడా, తన కులం వారిని దూరం పెట్టి, వేరే కులాల వారికి ప్రాధాన్యత ఇచ్చే వారు. ఎంతో మంది ప్రత్యర్ధులు, చంద్రబాబుతో రాజకీయం చేసినా, ఏ నాడు చంద్రబాబుని కులం పేరుతొ టార్గెట్ చెయ్యలేదు. చివరకు అందరి కంటే బద్ధ శత్రువు అయిన రాజశేఖర్ రెడ్డి కూడా, ఎప్పుడూ కుల రాజకీయం చెయ్యలేదు. దీన్ని బట్టే, చంద్రబాబు సామాజిక న్యాయం పాటించారో, తన కులానికి ప్రాధాన్యత ఇచ్చే వారో అర్ధం అవుతుంది. అయితే, వైఎస్ఆర్ కాంగ్రెస్ పార్టీ ఆవిర్భవించిన దగ్గర నుంచి, చంద్రబాబుని, కులంతో కలిపి టార్గెట్ చేసారు. అమరావతి నిర్మాణం జరుగుతున్న సమయంలో, అది పతాక స్థాయికి చేరింది. అమరావతిలో 75 శాతం మంది బడుగు బలహీనవర్గాల వారు ఉంటే, కమ్మ వారి కంటే, రెడ్డి వారి జనాభానే అమరావతిలో ఎక్కువ. అయినా చంద్రబాబు కులం కోసం అమరావతిని తెచ్చారు అంటూ ఆరోపణలు చేసారు.

ఇప్పటికీ అవే ఆరోపణలు చేస్తున్నారు. దీంతో, ఎప్పుడూ కులం గురించి మాట్లాడని చంద్రబాబు, మొదటి సారి విసుగు చెంది, కుల ప్రస్తావన తెచ్చారు. చంద్రబాబు ఈ రోజు అమరావతి విషయం పై మీడియా సమావేశం పెట్టారు "నా స్వార్థం కోసం ఏం చేయలేదు. నా బంధువులు, నాకులం వారు ఆనాడు హైదరాబాద్ లో లేరు. ఆరోజు అభివృద్ధి చేశాను కాబట్టి ఓ తృప్తి ఉంది. అమరావతి నిర్మాణాన్ని ఒక బాధ్యతగా తీసుకున్నాను. భావితరాల భవిష్యత్తుకు వీచికగా భావించాను. ఈ విషయాన్ని ప్రజలంతా గుర్తుంచుకోవాలి. రాజకీయంగా నన్ను ఎదుర్కొ లేక కుల ముద్ర వేశారు. అమరావతి నా కోసమో, నా కుటుంబం కోసమో, నా కులం కోసమో కాదు. నాకు కులం లేదు. మొట్టమొదటి సారిగా జగన్మోహన్ రెడ్డి వచ్చి నాకు కులం అంటగట్టారు. నాకు కులం అంటదు. సామాజిక న్యాయం కోసం ఎప్పుడూ పోరాడుతా. పాటు పడతా. అవసరమైతే ఈ విషయంపై ఎక్కడైనా చర్చకు సిద్ధం. "

"హైదరాబాద్ నిర్మాణ సమయంలో కనిపించని కులం అమరావతిలోనే ఎందుకు కనిపించింది. రాజకీయంగా నన్ను ఎదుర్కొనే ధైర్యం లేక కుల ముద్ర వేశారు. కులం అన్నారు. నా కులం ఉందని కుప్పంలో 35 ఏళ్లుగా గెలుస్తున్నానా...? అమరావతిలో ఒకే కులం ఉందా.? నేను 35 ఏళ్లుగా కుప్పంలో గెలుస్తున్నా. అక్కడ ఏ కులం ఉంది.? కులం గురించి మాట్లాడే వారి నోటికి హద్దులేదా.? ఇష్టానుసారంగా మాట్లాడుతారా.? ఎప్పుడూ లేని విషయాల గురించి మాట్లాడడం సరికాదు. తెలుగుదేశం పార్టీ ఎప్పుడూ సామాజిక న్యాయం కోసం పోరాడుతూనే ఉంది. నేను చిన్నప్పటి నుండి కులాలకు అతీతంగా పని చేశాను. అమరావతిలో ఒక కులం అంటున్నవారికి చెబుతున్నా. ఆ చుట్టుపక్కలున్న నియోజకవర్గాలన్నీ ఎస్సీ నియోజకవర్గాలేనని తెలియదా.? బీసీలు, ముస్లింలు అధిక ప్రాంతానికి కుల ప్రస్థావన తీసుకురావడం దుర్మార్గం. ఆడలేక మద్దెల ఓడు అన్నట్లు.. పాలన చేతకాక కులం పేరుతో నీచమైన రాజకీయాలు చేస్తున్నారు. అవినీతి అన్నారు. ఏం సాధించారు.? ఏం నిరూపించగలిగారు.? ఎదురు దాడి మానుకుని.. వాస్తవాలను గమనించి అమరావతిని కొనసాగించండి. రాష్ట్ర ప్రయోజనాలను కాపాడండి. భావితరాల భవిష్యత్తును అంధకారం చేయొద్దని విన్నవిస్తున్నా. " అని చంద్రబాబు అన్నారు....

రాష్ట్రంలో ప్రస్తుతం హాట్ టాపిక్ అమరావతి. మొన్నటి వరకు కార్యాలయాలకు వైసీపీ రంగులు, డాక్టర్ సుధాకర్, నిమ్మగడ్డ కేసులు ప్రతి రోజు కోర్టుల్లో నాని, ప్రభుత్వ ప్రతిష్టకు ఇబ్బంది కలిగించాయి. అయితే ప్రభుత్వం మాత్రం, తాను అనుకున్నది చెయ్యాలి అనే పట్టుదలతో, కోర్టుల ముందు మాత్రం, ఇబ్బందులు పడింది. అన్ని విషయాల్లో ఇటు హైకోర్టులో, అటు సుప్రీం కోర్టులో ప్రభుత్వానికి ఇబ్బందులు వచ్చాయి. అయితే ఇప్పుడు తాజాగా అమరావతి అంశం తెర పైకి వచ్చిన సంగతి తెలిసిందే. గత ప్రభుత్వంలో అమరావతి రాజధాని కోసం, రైతులు 33 వేల ఎకరాలు ఇచ్చారు. అయితే ఇప్పుడు వచ్చిన ప్రభుత్వం, అమరావతిని మూడు ముక్కలు చేస్తూ, నిర్ణయం తీసుకుంది. రాజధాని వికేంద్రీకరణ, సిఆర్డీఏ రద్దు బిల్లులు ప్రభుత్వం ఆమోదించుకుంది. అయితే ఈ రెండు బిల్లులు చెల్లవు అంటూ, రైతులు, అమరావతి పరిరక్షణ సమితి, మరి కొన్ని సంఘాలు కలిసి, హైకోర్టులో పిటీషన్ వేసి, బిల్లులను నిలుపుదల చెయ్యాలని, హైకోర్టుని కోరాయి.

దీని పై విచారణ జరిపిన హైకోర్టు త్రిసభ్య ధర్మాసనం, ప్రభుత్వానికి కౌంటర్ దాఖలు చెయ్యమని, ఎన్ని రోజులు కావాలని అడగటం, దానికి ప్రభుత్వ తరుపు న్యాయవాది పది రోజులు కావాలి అని చెప్పటంతో, హైకోర్టు అందుకు అంగీకరిస్తూ, అప్పటి వరకు స్టేటస్ కో విధించింది. అయితే ఇప్పుడు హైకోర్టు నిర్ణయం పై, ప్రభుత్వం సుప్రీం కోర్టుకు వెళ్ళింది. హైకోర్టు ఆదేశాలు నిలిపివేయాలని సుప్రీంని కోరింది. హైకోర్టు ఎక్స్‌పార్టీగా పేర్కొంటూ, ప్రాధమిక కారణాలు తెలియకుండా, హైకోర్టు ఆదేశాలు ఇవ్వటం, సహజ న్యాయ సూత్రాలకు వ్యతిరేకం అని ప్రభుత్వం పిటీషన్ లో తెలిపింది. అయితే, ప్రభుత్వానికి కోర్టుకు వెళ్ళే హక్కు ఉన్నా, ఇక్కడ ఒక విషయం గుర్తు పెట్టుకోవాలి. ఇక్కడ హైకోర్టు కేవలం ప్రభుత్వానికి కౌంటర్ వెయ్యటం కోసమని, పది రోజులు గడువు ఇస్తూ, స్టేటస్ కో విధించింది కానీ, స్టే ఇవ్వలేదు. ఒక వేళ ప్రభుత్వం, మేము 2-3 రోజుల్లో కౌంటర్ ఇస్తాం అంటే కోర్టు ఏమి చెప్పేదో. పది రోజులు కూడా ఆగకుండా, ఇంత హడావిడిగా ప్రభుత్వం సుప్రీంకు ఎందుకు వెళ్లిందో అర్ధం కావటం లేదు. మరి ప్రభుత్వ ఆలోచన ఏమిటో, రేపు సుప్రీం కోర్టు ఏమి చెప్తుందో చూడాలి.