news

అమ్మోనియం నైట్రేట్ నిల్వలనుంచి విశాఖను కాపాడాలని జనసేన అధినేత పవన్ కల్యాణ్ కేంద్ర, రాష్ట్ర ప్రభుత్వాలకు విజ్ఞప్తి చేశారు. ఆదివారం ఆయన మీడియాకు విడుదల చేసిన ప్రకటనలో అమ్మోనియం నైట్రేట్ బహుళార్థ ప్రయోజనాలు కలిగినరసాయనం అని దీనిని జాగ్రత్త గా వాడుకుంటే ప్రగతి ఫలాలు అందిస్తుందని, అయితే ఏ మాత్రం అజాగ్రత్త చేసినా.. ఊహించని విధ్వంసాన్ని సృష్టిస్తుందని హెచ్చరించారు. ఈ సంద ర్భంగా లెబనాన్లో పేలిన విధ్వంసాన్ని ఆయన గుర్తు చేశారు. ఈ ప్రమాదంలో 158 మంది మరణించగా 4 వేలకు పైగా తీవ్రంగా గాయపడ్డారని కోట్ల రూపా యల ఆస్తినష్టం జరిగిందని తెలిపారు. ప్రమాదం జరిగిన నగరంలోని జనాభాలో సగానికి పైగా జీవితాలు కకావికలం అయ్యాయని వెల్లడించారు. సుమారు 200 కిలోమీటర్ల మేర పేలుడు శబ్దం వినిపించిందన్నారు. రిక్టర్ స్కేలులో బీరూట్ నగరంలో ప్రకంప నలు 3.3గా నమోదయ్యా యని తెలిపారు. ఇది ఒక మోస్తరు భూకంపం వంటిదని చిన్న దేశమైన లెబనాన్ కోలుకోవడానికి దశాబ్ద కాలం పడుతుందని ఆర్థిక నిపుణులు అంచనా వేశారని పవన్ కళ్యాణ్ వెల్లడించారు.

ప్రస్తుతం విశాఖలో 19,500 మెట్రిక్ టన్నుల అమ్మోనియం నిల్వలు ఉన్నాయని బీరూట్ నగరంతో పోలిస్తే 8 రెట్లు ఎక్కువని తెలిపారు. విశాఖ నగరంలో అమ్మోనియం నైటైట్ పేలుళ్లు జరిగితే పరిస్థితి ఊహించుకోవడానికే ఒళ్లు గగ్గురుపు డుతోందని పవన్ కళ్యాణ్ ఆందోళన వ్యక్తం చేశారు. ఇంత ప్రమాదకరమైన రసాయనాన్ని కేవలం విశాఖ పోర్టు ద్వారా దిగుమతి చేసుకోవడానికి కేంద్ర ప్రభుత్వం అనుమతి ఇచ్చిందని తెలిపారు. విశాఖ కేంద్రంగా అమ్మోనియం నైట్రెట్ దేశ మంతటికీ సరఫరా అవుతుందని వెల్లడించారు. అమ్మోనియం నైటైటి నిల్వలకు 7 గోదాములు విశాఖ లో ఉన్నాయని బీరూట్ ప్రమాదం తరువాత వీటిని పరిశీలించిన అధికారులు సంతృప్తి వ్యక్తం చేశారని చెప్పారు. గడిచిన రెండు దశాబ్దాలుగా ఈ రసాయనం కారణంగా ఒక్క ప్రమాదం కూడా జరగలేదని 270 డిగ్రీల సెంటీగ్రేడ్ ఉష్ణోగ్రత ఉన్నప్పుడు మాత్రమే ప్రమాదం జరిగే ఆస్కారం ఉందని భయం అవసరం లేదని అధికారులు చెబుతున్నారని అయితే కీడెంచి మేలెంచాలని పవన్ కళ్యాణ్ సూచించారు.

ప్రభుత్వాలు, అధికారులు అమ్మోనియం నైటైటి పట్ల మరింత అప్రమత్తంగా ఉండాలని నిపుణుల హెచ్చరి కలను పరిగణలోకి తీసుకోవాలని సూచించారు. ఇటీవల కాలంలో విశాఖలో చిన్న చిన్న తప్పిదాల వల్ల పెద్ద, పెద్ద పారిశ్రామిక ప్రమాదాలు చోటుచేసు కుంటున్నాయని ఈ నేపథ్యంలో అన్ని అంశాలను ప్రభుత్వం పరిగణలోకి తీసుకోవాలని కోరారు. బీరూట్లో ప్రమాదం జరిగినప్పుడు 270 డిగ్రీల ఉష్ణోగ్రతలు లేవని అటువంటప్పుడు ప్రమాదం ఏ విధంగా సంభవించిందో అధికారులు ఆలోచిం చాలని హితువు పలికారు. ఒకే చోట ఇంత పెద్ద మొత్తంలో అమ్మోనియం నైట్రేట్ నిల్వలను ఉంచ కుండా వికేంద్రీకరణ జరపడానికి ఉన్న అవకాశాలను పరిశీలించాలని సూచించారు. ఈ అంశాన్ని కేంద్ర, రాష్ట్ర ప్రభుత్వాలు సీరియస్ గా తీసుకోవాలని ఉదాసీనంగా వ్యవహరిస్తే జరగరానిది జరిగితే నష్టాన్ని అంచనా వేయడానికే భయమేస్తోందన్నారు. మరోవైపు విజయవాడ శివారులోని కొండ పల్లిలో కూడా 100 టన్నుల అమ్మోనియం నైట్రేట్ నిల్వలు ఉన్నట్లు మీడియా ద్వారా తెలిసిందని పవన్ కళ్యాణ్ పేర్కొన్నారు. గుండెల మీద నిప్పుల కుంపటితో ఉన్న విశాఖ రక్షణకు యుద్ధప్రాతిపదికన చర్యలు తీసుకోవాలని కేంద్ర, రాష్ట్ర ప్రభుత్వాలను పవన్ కళ్యాణ్ కోరారు.

విషయం కోర్టులో ఉన్న సరే, ఆంధ్రప్రదేశ్ లో మూడు ముక్కుల రాజధానికి అన్నిటికీ మించి వైజాగ్ వెళ్ళిపోవటానికి రాష్ట్ర ప్రభుత్వం వేగంగా పావులు కదుపుతుంది. ఈ నెల 16న రాజధానుల నిర్మాణానికి శంకుస్థావన కార్యక్రమాన్ని నిర్వహించాలని ప్రభుత్వం నిర్ణయించిందని ప్రముఖ పత్రికల్లో వార్తలు వచ్చాయి. అమరావతిని వదిలేసి, విశాఖను కార్యనిర్వాహక రాజధానిగా ఏర్పాటు చేయాలని వైఎస్ జగన్ భావిస్తున్న సంగతి తెలిసిందే. అందులో భాగంగా ప్రభుత్వం ప్రవేశపెట్టిన బిల్లును శాసనసభ ఆమోదించింది. ఇటీవల ఈ బిల్లుతో పాటు సీఆర్డీఏ చట్టం రద్దు బిల్లుకు రాష్ట్ర గవర్నర్ బిశ్వభూషణ్ హరిచందన్ ఆమోదించారు. ఆ వెంటనే రాష్ట్రంలో మూడు రాజధానుల ఏర్పాటుపై ప్రభుత్వం అధికారికంగా ఉత్తర్వులు జారీ చేసింది. అయితే దీనిపై ఇప్పటికే అమరావతి రైతులు హైకోర్టును ఆశ్రయించగా, స్టేటస్ కో ఇస్తూ, మధ్యాంతర ఉత్తర్వులను ఇచ్చింది. రాష్ట్రంలో మధ్యాంతర ఉత్తర్వులు ఇచ్చేనాటికి ఏ పరిస్థితి ఉందొ అవే వరిస్థితులుండాలని ఆదేశించింది.

దీనిపై రాష్ట్ర ప్రభుత్వం ను ప్రీం కోర్టులో స్పెషల్ లీవ్ పిటిషన్ వేసింది. ఈ నేపథ్యంలో రాష్ట్రంలో ప్రభుత్వ ఉత్తర్వులను అనుసరించి విశాఖలో ఈ నెల 16న శంకుస్థావన చేసేందుకు సన్నాహాలు చేస్తున్నారు. అయితే ఈ కార్య క్రమానికి ప్రత్యక్షంగా గానీ, వీడియో కాన్ఫరెన్స్ ద్వారా గాని పాల్గొనివలసిందిగా ప్రధాన మంత్రి నరేంద్రమోడీని ఆహ్వనించేందుకు ముఖ్యమంత్రి జగన్మోహనరెడ్డి మోడీ అపాయింట్మెంట్ కోరారని సమాచారం. ఈ విషయమై ప్రధాని కార్యా లయ నంయుక్త కార్యదర్శి వి.శేషాద్రికి ముఖ్యమంత్రి ముఖ్య కార్యదర్శి ప్రవీణ్ ప్రకాశ్ ఇటీవల లేఖ రాసినట్లు తెలిసింది. ఆ లేఖ ప్రతిని ప్రధాని కార్యాలయ ఓఎస్టీ నంజయ్, ఆర్. భవసర్ కి పంపారు. సీఎంవో కార్యాలయం నుంచి ముఖ్య కార్యదర్శి ప్రవీణ్ ప్రకాశ్ రాసిన లేఖను అనుసరించి మూడు రాజధానులకు శంకుస్థావనకు ముహర్తం ఖరారయినట్లు కథనాలు ప్రచారంలోన్నాయి. అయితే ఇప్పటికే అమరావతి శంకుస్థాపన చేసి ప్రధాని, దాన్ని తరలించుకుని పోతుంటే, మౌనంగా ఉన్నారనే విమర్శలు వస్తున్నాయి. మరి ఇప్పుడు ప్రధాని ఏమి చేస్తారో ?

ఈ రోజు రాష్ట్ర హైకోర్టు ధర్మాసనం ముందు, మాజీ జడ్జి రామకృష్ణ ఇంప్లీడ్ పిటీషన్ పై విచారణ జరిగింది. హైకోర్టుని కంటైంన్మేంట్ జోన్ గా ప్రకటించాలని, అలాగే రిజిస్టార్ జెనెరల్ మృతి పై దర్యాప్తు జరగాలని, దాఖలు అయిన పిటీషన్ పై, పోయిన వారం విచారణ జరిగింది. ఈ విచారణ సందర్భంగా, రాష్ట్ర ప్రభుత్వం నుంచి, కేంద్రం నుంచి, పిటీషన్ తరుపు న్యాయవాది కౌంటర్ ఫైల్ చేసేలా, ఈ రోజుకి వాయిదా వేసారు. అయితే ఈ రోజు పిటీషనర్ తరుపు వాదనలు వినిపిస్తూ, జడ్జి రామకృష్ణ ప్రతి రోజు మీడియా ముందు పబ్లిసిటీ కోసం ప్రయత్నం చేస్తున్నారని, ఈ పిటీషన్ కు విచారణ అర్హత లేదని, ఈ వివాదంతో రామకృష్ణతో ఎటువంటి సంబంధం లేదని, అందుకే రామకృష్ణ ఇంప్లీడ్ పిటీషన్ అనుమతి ఇవ్వద్దు అని వాదించారు. ప్రభుత్వం తరుపు న్యాయవాది వాదనలు వినిపిస్తూ, ప్రభుత్వం, జస్టిస్ ఈశ్వరయ్య కలిపి కుట్ర చేస్తున్నారని పేర్కొన్నారు, ఈ వ్యవహారంతో, రాష్ట్ర ప్రభుత్వానికి ఎలాంటి సంబంధం లేదని అన్నారు. జడ్జి రామకృష్ణ సస్పెండ్ అయ్యారని, సర్వీస్ రూల్స్ ప్రకారం, మీడియా ముందుకు రాకూడదని వాదించారు.

అలాగే కేంద్రం తరుపు న్యాయవాది, అసలు మాకు ఈ పిటీషన్ తో సంబంధం లేదని వాదనలు వినిపించారు. ఇక రామకృష్ణ తరుపు న్యాయవాది వాదనలు వినిపిస్తూ, ఈ మొత్తం వ్యవహారంలో హైకోర్టు పేరుని దెబ్బ తీసే కుట్ర చేస్తున్నారని, మాజీ న్యాయముర్తి ఈశ్వరయ్య, ప్రభుత్వం కలిసి కుట్ర చేస్తున్నాయని, దీనికి సంబందించిన ఆడియో టేప్ లు కూడా తమ దగ్గర ఉన్నాయని, అందుకే తాము ఈ పిటీషన్ లో ఇంప్లీడ్ అవ్వాలని అనుకుంటున్నామని అన్నారు. న్యాయవస్థ పేరును కాపాడటానికే, తాము ప్రయత్నం చేస్తున్నామని అన్నారు. అలాగే ఈ మొత్తం వ్యవహారం పై, ఈశ్వరయ్య కుట్ర పై, సుప్రీం కోర్టు, లేదా హైకోర్టు సిట్టింగ్ జడ్జితో విచారణ జరిపించాలని కోరారు. తమకు ఈశ్వరయ్య చేస్తున్న కుట్రను చేదించేందుకే, ఈ ఇంప్లీడ్ పిటీషన్ వేశామని అన్నారు. అందుకే తమ ఇంప్లీడ్ పిటీషన్ ను అనుమతించాలని, హైకోర్టు ముందు వాదనలు వినిపించారు. దీని పై తీర్పుని హైకోర్టు వాయిదా వేసింది.