news

తనకు రాష్ట్రంలో బద్రత లేదని, కేంద్ర ప్రభుత్వ బధ్రత కావాలి అంటూ, వైసిపీ నర్సాపురం ఎంపీ రఘురామ కృష్ణం రాజు, గత కొంత కాలంగా, ఆందోళన చేస్తున్న సంగతి తెలిసిందే. ఆయన ఈ సందర్భంగా, స్పీకర్ కు, కేంద్ర హోం శాఖకు కూడా ఈ విషయం పై, ఇప్పటికే ఫిర్యాదు చేసారు. తనకు రాష్ట్ర ప్రభుత్వం మీద నమ్మకం లేదని, కేంద్ర ప్రభుత్వ బలగాలతో సెక్యూరిటీ కావాలని కోరారు. అయితే ఇదే విషయం పై, ఆయన ఢిల్లీ హైకోర్టు కు వెళ్ళారు. తనకు బధ్రత కలిగించే విషయంలో, తగు చర్యలు తీసుకునే విధంగా, కేంద్ర ప్రభుత్వాన్ని ఆదేశించాలని, ఢిల్లీ హైకోర్టు లో పిటీషన్ వేసారు. అయితే ఈ పిటీషన్ పై కేంద్ర ప్రభుత్వం తరుపు న్యాయవాది స్పందించారు. రఘురామ రాజు లేఖ అందిందని, ఐబి నివేదిక వచ్చిన తరువాత, తగు చర్యలు తీసుకుంటాం అంటూ, కేంద్రం తరుపు హామీ ఇచ్చారు.రెండు వారాల్లో తగు చర్యలు తీసుకోవాలని చెప్తూ, కేసుని ఆగష్టు 6కి వాయిదా వేసింది ఢిల్లీ హైకోర్టు. అయితే దీని పై రఘురామరాజు స్పందించారు. ఆయన విలేకరుల సమావేశం పెట్టి, ఆవేదన వ్యక్తం చేసారు. సొంత ప్రభుత్వం పైనే, ఫిర్యాదు చెయ్యటం బాధాకరం అని అన్నారు. గతంలో మా నాయకుడుకి, ఎపి పోలీసుల పై నమ్మకం లేదని, ఇప్పుడు ఆ పరిస్థితి తనకు వచ్చిందని అన్నారు.

ఏకంగా మంత్రి వెళ్లి తన పై ఫిర్యాదు చేస్తే, అది ప్రభుత్వం చేసినట్టే అని, అలాంటి ప్రభుత్వం నుంచి వచ్చే బధ్రత పై నమ్మకం లేదని, వాళ్ళని నమ్మితే, గొర్రె కసాయివాడిని నమ్మినట్టే అని, అందుకే కేంద్ర బధ్రత కావాలాని కోరినట్టు చెప్పారు. ఇక రేపు రాష్ట్రపతి దగ్గరకు వెళ్తున్నానని, రేపు ఉదయం అపాయింట్మెంట్ ఇచ్చారని, ఆయనను కలిసి అన్నీ వివరిస్తానని, అలాగే అమరావతి విషయం పై కూడా రాష్ట్ర ప్రభుత్వం వ్యవహరిస్తున్న తీరు పై రాష్ట్రపతికి ఫిర్యాదు చేస్తానని అన్నారు. ఇప్పటికే 10 వేల కోట్లు ఖర్చు పెట్టిన అమరావతిని వదిలేసి, మళ్ళీ ఇంకో రాజధాని ఏమిటో అర్ధం కావటం లేదని అన్నారు. అమ్మఒడి లాంటి పధకాలకు డబ్బులు లేక వేరే వాటివి మళ్ళిస్తున్నారు, అలాంటి పరిస్థితిలో మళ్ళీ ఇంకో రాజధాని ఏమిటో అర్ధం కావటం లేదని అన్నారు. వైజాగ్ ప్రజలకు ఇప్పటికే ఒక సాంపుల్ చూపించారని, వాళ్ళు దానికే తట్టుకోలేక పోతున్నారని, ఇంకా రాజధాని వద్దు, ప్రశాంతంగా ఉండనివ్వండి అనే భావనలో ఉన్నారని అన్నారు. రాజధాని పై పునరాలోచించమని కోరుతున్నా.

ఆంధ్రప్రదేశ్ రాష్ట్రంలో క-రో-నా విలయతాండవం చేస్తుంది. దక్షిణభారత దేశంలో, ఒక్క రోజులో నమోదు అయిన కేసుల్లో, ఏపి ఈ రోజు రికార్డు కొట్టింది. గడిచిన 24 గంటల్లో 5041 కేసులు ఆంధ్రప్రదేశ్ లో నమోదు కాగా, 56 మంది చనిపోయారు. ఇక మరో పక్క తమిళనాడులో ఇప్పటి వరకు 4979 కేసులతో, దక్షిణ భారత దేశంలో ఒక్క రోజు రికార్డు ఉంటే, దాన్ని ఆంధ్రప్రదేశ్ ఈ రోజు బీట్ చేసింది. మొదటి నుంచి పెరుగుతూనే ఉన్నాయి. అయితే మేము అందరికంటే గొప్పగా చేస్తున్నాం అంటూ జగన్ ప్రభుత్వం చెప్పుకొస్తున్నా, క-రో-నా కేసులు మాత్రం, రికార్డు కొడుతున్నాయి. మేము బ్రిటన్, కనడా లాంటి దేశాలకు ఆదర్శం అని చెప్పుకొచ్చారు. అయితే పరిస్థితి చూస్తే మాత్రం, అందుకు పూర్తి భిన్నంగా ఉంది. ఒక్క రోజులో 5 వేలు కేసులు అంటే, ఎంతటి ప్రమాదకర స్థాయిలో రాష్ట్రం ఉందో అర్ధం అవుతుంది.

మొత్తంగా ఇప్పటి వరకు 49,650 కేసులు నమోదు అయ్యాయి. మరణాలు 642గా నమోదు అయ్యాయి. అనూహ్యంగా తూర్పు గోదావరి జిల్లాలు అధిక కేసులు నమోదు అవుతున్నాయి. గడిచిన 24 గంటల్లో 647 కేసులు నమోదు కాగా, మొత్తంగా 6146 కేసులు ఈ ఒక్క జిల్లాలో నమోదు అయ్యాయి. తరువాత స్థానంలో కర్నూల్ 6045 కేసులు నమోదు అయ్యి. చివరకు విజయనగరం, శ్రీకాకుళంలో కూడా రోజుకు 200కు పైగా కేసులు నమోదు అవుతున్నాయి.మిగతా రాష్ట్రాలు అయిన ఢిల్లీ, మహారాష్ట్ర, తమిళనాడు, తెలంగాణా లాంటి అత్యధిక కేసులు వస్తున్న రాష్ట్రాల్లో, ఒకే సిటీ నుంచి 80 శాతం కేసులు వస్తుంటే, ఆంధ్రప్రదేశ్ రాష్ట్రంలో మాత్రం, అన్ని జిల్లాల నుంచి కేసులు రావటం చూస్తుంటే, రాష్ట్రం మొత్తం ఎలా స్ప్రెడ్ అయ్యిందో చూడవచ్చు. మరి ప్రభుత్వం ఇప్పటికైనా రాజకీయాలు మాని, ఈ కరోనాని ఎలా తగ్గించాలో చూస్తే మంచిది.

మాజీ ఎన్నికల అధికారి నిమ్మగడ్డ రమేష్ వ్యవహారం రోజుకి ఒక మలుపు తిరుగుతుంది. పోయిన వారం హైకోర్టు లో, ప్రభుత్వం పై వేసిన కోర్టు ధిక్కరణ కేసు సందర్భంగా, కోర్టు ఆదేశాలు ఇస్తూ, నిమ్మగడ్డను వెంటనే గవర్నర్ ని కలిసి, హైకోర్టు ఆదేశాలు గవర్నర్ కు విన్నవించాలని, ఆదేశించింది. దీంతో ఈ రోజు నిమ్మగడ్డకు, అపాయింట్మెంట్ ఇచ్చారు, గవర్నర్. గవర్నర్ నిమ్మగడ్డ భేటీ తరువాత, ఎలాంటి నిర్ణయం వస్తుంది అని అందరు అనుకుంటున్న టైంలో, మరో ట్విస్ట్ నెలకొంది. రమేష్ కుమార్ నియామకం, ఇక గవర్నర్ చేసేస్తారు అని అందరు అనుకుంటున్న టైంలో, రమేష్ కుమార్ నియామకం జరగకుండా ఉండేందుకు, రాష్ట్ర ప్రభుత్వం, మరో ప్రయత్నంతో ముందుకు వచ్చింది. రమేష్ కుమార్ గవర్నర్ ను కలుస్తూ ఉండగా, హైకోర్టులో నిమ్మగడ్డ రమేష్ కుమార్ దాఖలు చేసిన కోర్టు ధిక్కరణ పిటీషన్ పై స్టే ఇవ్వాలి అంటూ, సుప్రీం కోర్టులో మరో పిటీషన్ దాఖలు చేసింది రాష్ట్ర ప్రభుత్వం.

మేము ఇప్పటికే సుప్రీంకోర్టులో ఈ అంశం పై పిటీషన్ దాఖలు చేసామని, అది అమలులో ఉండగానే, హైకోర్టులో దక్కరణ పిటీషన్ వేసారని, దీని పై హైకోర్టు ఆదేశాలు ఇచ్చిందని, హైకోర్టు ఆదేశాలు అమలు చేస్తే, తమ పిటీషన్ నిరర్ధకం అవుతుంది అంటూ, సుప్రీం కోర్టులో పిటీషన్ దాఖలు చేసారు. ఇలాంటి సందర్భంలో, నిమ్మగడ్డ వేసిన పిటీషన్ పై హైకోర్టు ముందుకు వెళ్ళటం, భావ్యం కాదు అంటూ, పిటీషన్ దాఖలు చేసారు. ఈ నెల 8న తమ పిటీషన్ సుప్రీం కోర్టు కు ముందుకు వచ్చిన సమయంలో, నాలుగు వారాల తరువాతకి సుప్రీం కేసును వాయిదా వేసిందని, ఈ సందర్భంలో, హైకోర్టు ఇచ్చిన ఆదేశాల పై స్టే ఇవ్వాలి అంటూ, పిటీషన్ దాఖలు చేసింది రాష్ట్ర ప్రభుత్వం. మరి నిమ్మగడ్డను మళ్ళీ పదవిలోకి వెళ్ళకుండా, ప్రభుత్వం చేస్తున్న చివరి ఎత్తు ఫలిస్తుందో లేదో చూడాలి.