news

తెలుగు మహిళా రాష్ట్ర అద్యక్షురాలు, మాజీ ఎమ్మెల్యే వంగలపూడి అనిత పత్రికా సమావేశం నిర్వహించారు. ఈ సందర్భంగా ఆమె మాట్లాడుతూ, "మ‌హిళ‌ల‌ను మోసం చేసేందుకు మాతృదినోత్స‌వం రోజు నైనా నిజాలు చెప్ప‌లేని ధీనావ‌స్థ‌లో జ‌గ‌న్ ప్ర‌భుత్వం ఉంది. మ‌ద్య నియంత్ర‌ణ పేరుతో కోట్లు ఖ‌ర్చు పెట్టి ప్ర‌తికల‌కు, మీడియాకు అడ్వ‌ర్ టైజ్ మెంట్లు ఇవ్వ‌డం బాధాక‌రం. క‌రోనా లాంటి విప‌త్క‌ర ప‌రిస్థితిలో ప్రతి ఒక్కరు ఆర్ధికంగా, మాన‌సికంగా క‌రోనా త‌రువాత బ‌ల‌ప‌రుచుకోవాల్సి ఉంటుంది. ప్ర‌భుత్వం జేబులు నింపుకోవ‌డానికి మ‌ద్యం షాపులు తెరిచి పేద‌ల క‌డుపుకొట్ట‌డం సిగ్గుచేటు. జే టాక్స్ కోసం ప్ర‌జ‌లను బ‌లిగొన‌డానికైనా జ‌గ‌న్ సిద్ధ‌ప‌డ‌టం హేయం. అత్య‌ధిక‌మైన ధ‌ర‌లు పెంచాం కాబ‌ట్టి మ‌ద్యం సేవించే వారి సంఖ్య త‌గ్గుతుంద‌ని జ‌గ‌న్ చెప్ప‌డం ఆయ‌న అవ‌గాహ‌న లేమికి, అజ్ఞానానికి, మూర్ఖ‌త్వానికి నిద‌ర్శ‌నం. మ‌ద్యం సేవించే వారు ధ‌ర‌లు పెంచినా తాగుతారు గాని త‌గ్గించ‌రు. మ‌ద్యం బానిస‌లు ఇంట్లో సామాన్లు, మ‌హిళ‌ల మెడ‌లో పుస్తెలు తాక‌ట్టు పెట్టి మ‌రి మ‌ద్యం కొని తాగుతున్నారు. ఇప్ప‌టికే మ‌హిళ‌లు పోలీస్ స్టేష‌న్ల లో కేసులు పెడుతున్నారు. మ‌ద్యం కేసులు పెరిగిపోతున్నాయి. జ‌గ‌న్ మ‌ద్యంతో చేస్తున్న హంగామాకి మ‌హిళ‌లు, చిన్న‌పిల్లలు బ‌లైపోతున్నారు. మ‌ద్య పాన నిషేదం చేస్తాన‌ని హామీనిచ్చి మ‌హిళ‌ల చేత ఓట్లు వేయించుకొని ఇప్పుడు మ‌ద్యం షాపులు తెరిచి అదే మ‌హిళ‌ల‌ను బాధ‌పెట్ట‌డం దుర‌దృష్ట‌కరం."

"గ‌తంలో జ‌గ‌న్మోహ‌న్ రెడ్డి 20% మ‌ద్యం షాపులు త‌గ్గించామ‌ని ప్ర‌గ‌ల్బాలు ప‌లికారు. టెండ‌ర్ వేయ‌ని, వేయ‌లేని మాత్ర‌మే త‌గ్గించారు. మ‌ద్య పాన నిషేదం అనేది ఒక కొంగ జ‌పం చేస్తూ మ‌హిళ‌ల‌ను మోసం చేస్తున్నారు. మ‌ద్యం మానిపించ‌డానికి ఒక్క రీఎడిక్ష‌న్ సెంట‌ర్, కౌన్సింగ్ సెంట‌ర్, టీం, యంత్రాంగం ఏమైనా పెట్టారా? మ‌ద్యం పాన నిషేదం చేయ‌డానికి జ‌గ‌న్ కు వ‌చ్చిన మంచి అవ‌కాశం దానినికూడా ఆయ‌న నీళ్ల పాలు చేశారు. మ‌ద్యం మ‌హామ్మారి వ‌ల‌న‌ ఆరెంజ్ జోన్ లో ఉన్న వైజాగ్ రెడ్ జోన్ లోకి వెళ్లింది. ఈ రోజు 13% మ‌ద్యం షాపులను నెలాక‌ర‌కు త‌గ్గిస్తామ‌ని చెబుతున్నారు. ప‌క్క రాష్ట్రాల్లో ఎక్క‌డా మ‌ద్యం షాపులు తెర‌వ‌లేదు. చుట్టు ప‌క్క రాష్ట్రాల నుంచి ఏపీకి మ‌ద్యం కొనుగోలు చేసేందుకు వ‌స్తున్నారు. గ‌తంలో రోజుకు రూ.300 కూలీ చేసి సంపాదించే వ్య‌క్తి రూ.100తో తాగి రూ.200 ఇంట్లో ఇచ్చేవారు. నేడు ఆ రూ.300 కాకుండా మ‌రో రూ.200 అప్పు చేస్తున్నారు. 5 ఏళ్ల‌ల్లో జే టాక్స్ రూపంలో రూ.25వేల కోట్లు వ‌సూలు చేయ‌డం అఫిషియ‌ల్ పిక్ పాకెటింగ్ కాదా? విద్యా దీవ‌న పేరుతో త‌ల్లుల ఖాతాలో డ‌బ్బులు వేశారు."

:ఆ త‌రువాత రోజునే మ‌ద్యం షాపులు ప్రారంభించారు. ఇంట్లో తండ్రి గొంతు త‌డి ప‌ధ‌కం కింద దానిని వాడుకున్నారు. జ‌నాల‌కు సంక్షేమ కార్య‌క్ర‌మాలు ఇస్తున్నాన‌ని చెప్పి మ‌రో చేత్తో మ‌ద్యం పేరుతో లాక్కుంటున్నారు. 16 నెల‌ల జైల్లో ఉన్న నేప‌ధ్యం ఇలాంటి ఆలోచ‌న‌లో పుట్టుకొస్తాయి. జ‌గ‌న్ కు ఇచ్చే స‌ల‌హాదారులు ఇదే త‌ర‌హాలో ఉన్నారు. 36 కంపెనీల ద్వారా 1300 మ‌ద్యం బ్రాండుల‌ను తీసుకువ‌చ్చారు. మ‌ద్య నిషేదం చేస్తాన‌ని హామీనిచ్చిన పెద్ద మ‌నుషులు అన్ని బ్రాండుల‌ను తీసుకురావాల్సిన అవ‌స‌రం ఏముంది? అన్ని కంపెనీల‌కు ప‌ర్మిష‌న్ ఇవ్వాల్సిన అవ‌స‌రం ఏమోచ్చింది? మ‌ద్యం హుండీల్లో డ‌బ్బులు వేయ‌డానికి ప్ర‌జ‌లు బారులు తీరుతున్నారు. క‌ల్తీ మ‌ద్యం, నాటు సారా ఏరులై పారుతుంద‌ని స్పీక‌ర్ అన్నారు. నాటు సారా త‌యారుచేయడంలో జ‌గ‌న్ వాలెంట‌రీల‌కు తెలిసినంత‌గా ఎవ‌రికి తెలియ‌దు. గ్యాస్ స్టౌ మీద నాటు సారా త‌యారు చేయ‌డం వారికే కుదిరింది. 24వేల బెల్టు షాపుల కేసులు జ‌గ‌న్ ప్ర‌భుత్వంలోనే న‌మోద‌య్యాయి. క‌ర్నూలు లో బెల్టు షాపుల‌కు ఎక్సైజ్ పోలీసులచేత మ‌ద్యం స‌రఫరా చేయించారు. జే టాక్స్ కోసం ఆఖ‌రికి పోలీసుల చేత త‌ప్పుడు ప‌నులు చేయించే దుస్థితికి జ‌గ‌న్ దిగ‌జారిపోయారు. లిక్క‌ర్ పెట్టెలో లెక్క‌లు కాదు కావాల్సింది నాటు సారా బ‌ట్టీలు ఎన్ని ఉన్నాయో లెక్క చెప్పాలి. మ‌ద్యం రేట్లు పెంచితే మ‌ద్యం తాగే వాళ్లు త‌గ్గుతార‌ని ముఖ్య‌మంత్రి ఆలోచ‌న‌కు నా సానుభూతి." అని అనిత అన్నారు.

ప్రధాని మోదీకి టీడీపీ అధినేత చంద్రబాబు లేఖ రాసారు. విశాఖ గ్యాస్ లీక్ ఘటనపై సమగ్ర దర్యాప్తు కోరుతూ చంద్రబాబు లేఖ రాసారూ. ఎల్జీ పాలిమర్స్ లో ప్రమాదం తీవ్ర విషాదాన్ని మిగిల్చింది అని అనంరు. దుర్ఘటనపై మీ సత్వర స్పందనను మనస్ఫూర్తిగా అభినందిస్తున్నానని అన్నారు. సత్వరమే మీరు స్పందించి చేపట్టిన చర్యలు విశ్వాసాన్నిచ్చాయి. గ్యాస్ లీకేజీపై విచారణకు సైంటిఫిక్ కమిటీని ఏర్పాటు చేయాలి. విషవాయువు విడుదలకు దారితీసిన అంశాలపై దర్యాప్తు చేయించాలి. లీకైన విషవాయువు స్టైరీన్ అని కంపెనీ చెబుతోంది. స్టైరీన్ వాయువుతో పాటు మరికొన్ని వాయువులు ఉన్నాయని భిన్న నివేదికలు ఉన్నాయి. గ్యాస్ లీకేజీపై దర్యాప్తు చేస్తేనే భవిష్యత్తులో ప్రజల ఆరోగ్యంపై ప్రభావం తెలుస్తుంది. దీర్ఘకాలంలో చూపే దుష్ప్రభావాలపై నిశిత దృష్టి సారించాల్సి ఉంది అని చంద్రబాబు అన్నారు. ఈ నేపథ్యంలో ఆరు అంశాలను ప్రధాని దృష్టికి తీసుకు వచ్చారు.

"1.గ్యాస్ లీకేజి వివాదాస్పద అంశంపై విచారణకు సైంటిఫిక్ కమిటీని ఏర్పాటు చేయడం మరియు విష వాయువుల విడుదలకు దారితీసిన స్థానిక అంశాలపై దర్యాప్తు చేయడం. 2. లీక్ అయిన గ్యాస్ స్టైరీన్ అని కంపెనీ చెబుతుంటే, మరికొన్ని విష వాయువులు కూడా ఉన్నాయనే భిన్న నివేదికలు ఉన్నందున దానిపై దర్యాప్తు చేస్తేనే భవిష్యత్తులో ప్రజల ఆరోగ్యంపై ప్రభావం తెలుస్తుంది. 3. చికిత్స పొందుతున్న వారి ఆరోగ్యంపై దీర్ఘకాలంలో చూపే దుష్ప్రభావాలపై నిశిత దృష్టి సారించాల్సివుంది. వెలువడే విష వాయువులు బాధితులకు శాశ్వత నష్టం చేస్తాయనేది ఇప్పటికే విదితమే. 4. విశాఖపట్నంలో మరియు పరిసరాల్లో గాలి నాణ్యత(ఎయిర్ క్వాలిటి)ని నిశితంగా పరిశీలిస్తేనే ప్రస్తుతం మరియు భవిష్యత్తులో ప్రభావాలను అంచనా వేయగలం.

5.ప్రజల ఆరోగ్యంపై అధ్యయనానికి జాతీయ మరియు అంతర్జాతీయ వైద్య నిపుణులను రంగంలోకి దించి తదనుగుణంగా తక్షణ మరియు దీర్ఘకాలిక వైద్య చర్యలు చేపట్టాలి. బాధితులకు సరైన నష్ట పరిహారం అందించేందుకు ఈ విధమైన అంచనాలే తోడ్పడతాయి. 6. ఎలక్ట్రానిక్ హెల్త్ కార్డులను అందజేయడం ద్వారా, దీర్ఘకాలిక ప్రాతిపదికపై ప్రతి రోగిని నిశితంగా పర్యవేక్షించడం, బాధితుల్లో మీ ప్రయత్నాలపట్ల విశ్వాసం పెంచేందుకు దోహదపడతాయి. వీటన్నింటిపై మీరు దృష్టి సారించి సముచిత చర్యలు చేపట్టాలని అభ్యర్ధిస్తున్నాను. " అంటూ చంద్రబాబు, ప్రధాని మోడీకి లేఖ రాసారు.

విశాఖలోని వెంకటాపురం పరిధిలో ఏర్పాటయిన దక్షిణ కొరియా కంపెనీ ఎల్జీ పాలిమర్స్ కు విలువ వందల కోట్ల రూపాయల విలువ ఉంటుందని కేంద్ర ప్రభుత్వ మాజీ కార్యదర్శి ఇఎఎస్ శర్మ, జగన్మో హన్ రెడ్డికి లేఖరాసారు. తనకు సానుకూలం కానిపక్షంలో ఈ కంపెనీ యాజమాన్యం ప్రభుత్వాన్ని లిటిగేషను లాగుతుందని ఆయన గుర్తుచేసారు. ప్రభుత్వం కంపెనీ భూములను వెనక్కి తీసుకో వాలని చూస్తే నిరంతరం లిటిగేషన్లోకి లాగుతుందని ఆయన పేర్కొన్నారు. ప్రస్తుతం జరిగిన భారీ ప్రమాదానికి సంబంధించి అసలు ఆంధ్రప్రదేశ్ కాలుష్య నియంత్రణ మండలి ఈ సంస్థ ఏర్పాటుకు ఎలా అనుమతిచ్చిందని ఆయన ప్రశ్నించారు. 2019 జూన్ లో ఈ యూనిట్ విస్తరణ, కార్యకలాపాలకు ఎపిపిసిటి ఎందుకు అనుమతించిందని ఆయన ప్రశ్నించారు. కాలుష్య నియంత్రణ మండలి ముందుగా రాష్ట్రప్రభుత్వం నుంచి కానీ, లేదా కేంద్ర పర్యావరణ శాఖనుంచి కాని క్లియరెన్సులు తీసుకోలేదని ఆయన తెలిపారు.

అన్నింటికంటే ఇక్కడ స్థాపించిన యూనిట్ అత్యంత కాలుష్యకారకమైనదని, నివాసిత ప్రాంతాలకు అతిసమీపంలో ఉందని చెపుతూ ఎపిపిసిటి ఇలాంటి వాటిని ఎట్టిపరిస్థితుల్లోను అను మతించకూడదని, అలాగే కార్యకలాపాల విస్తరణకు సైతం క్లియరెన్స్ ఇవ్వడానికి వీలులేదని ఇలాంటి పరిశ్రమలకు ఎపి కాలుష్య నియంత్రణ మండలి ఎలా విస్తరణకు అనుమతిస్తుందని వెల్లడించారు. విశాఖపట్టణం పరిసరాల్లో ఇలాంటి సంఘటనలు జరగడం ఇదేమీ కొత్తకాదని, సుమారు 30 నుంచి 40 వరకూ ప్రమాదాలు జరిగాయని, అనేక మంది కార్మికులు, పౌరులు విలువైన ప్రాణాలు కోల్పోయారని పేర్కొన్న శర్మ ఏ ఒక్కరిపైనా ఇప్పటివరకూ జరిగిన విచారణల్లో చర్యలు తీసుకున్న సందర్భాలు లేవన్నారు.

అలాగే రాష్ట్రప్రభుత్వానికి సంబంధించి ఏ ఒక్క అధికారిపైనా చర్యలు తీసుకున్న దాఖలాలు లేవన్నారు. దీన్ని బట్టి చూస్తే ఇలాంటి కాలుష్య కారక కంపెనీ ప్రమోటర్లు, అధికారులు కుమ్మక్కయ్యారని భావించాల్సి వస్తున్నదని ఆయన పేర్కొన్నారు. ఆలాగే ఈప్రమోటర్లకు రాజకీయ నాయకులనుంచి మద్దతు లేదని కూడా భావించలేమని, నేతల మద్దతు కూడా పొంది ఉండవచ్చన్నారు. మొదటిదశ లాక్ డౌన్ ముగిసిన వెంటనే ఎల్జీ పాలిమర్స్ కు నిర భ్యంతర ధృవీకరణ పత్రం (ఎస్ఆసి) జారీచేసారని, అత్యవసర పారిశ్రామిక సంస్థగా గుర్తించి ఇవ్వడం ఆశ్చర్యంగా ఉందన్నారు. ప్లాస్టిక్ ఉత్పత్తిచేసే సంస్థ నిత్యాసవరఉత్పత్తుల తయారీ కేటగిరీలోకి ఎలా వస్తుందో తనకు అర్థం కావడం లేదని ప్రభుత్వంలోని ఒక సీనియర్ ఇందుకు బాధ్యత వహించాల్సిందేనని, ఈ పొరపాటుకు ప్రభుత్వంలోని సీనియర్లదే బాధ్యత అని ఆయన పేర్కొన్నారు ప్రమాదం జరిగిన ప్రాంతానికి మూడు కిలోమీటర్ల పరిధిలో ఎందరో మహిళలు, పురుషులు, చిన్నపిల్లలు అచేతనంగా పడిపోయి ఉండటాన్ని తాను టివిల్లో ప్రత్యక్షంగా చూసి కలతచెందానన్నారు. ఈ సంఘటన చోటుచేసుకోవడం అత్యంత దుర దృష్టకరమని, కంపెనీ యాజమాన్యంపై కఠిన చర్యలు చేపట్టాలని ఆయనకోరారు.