news

తెలుగుదేశం పార్టీ రాజ్యసభ సభ్యుడు సీఎం రమేశ్‌, రాజ్యసభలో పీఏసీ సభ్యుడు కూడా. రెండు నెలల క్రితం, అమిత్ షా వ్యూహాలు చిత్తు చేసి మరీ, పీఏసీ సభ్యుడు రమేష్ గెలిచారు. తరువాత కడప స్టీల్ ప్లాంట్ కోసం దీక్ష చేసి, దేశ వ్యాప్తంగా గుర్తింపు తీసుకొచ్చారు. ఇక రాజ్యసభలో అయితే మోడీని ఫుట్ బాల్ ఆడుకున్నారు. మాకు ఎందుకు అన్యాయం చేసారు అంటూ పార్లమెంట్ లో నిలదీశారు. అయితే, పీఏసీ సభ్యుడిగా, కేంద్రంలో ఏ డిపార్టుమెంటు నుంచి అయినా సమాచారం తెచ్చుకునే హక్కు రమేష్ కు ఉంటుంది. దీంతో, ఆయన అసలు ఎందుకు ఏపిలో దాడులు చేస్తున్నారు, పూర్తి వివరాలు ఇవ్వండి అంటూ ఐటి డిపార్టుమెంటుకు లేఖ రాసారు.

ఐటి డిపార్టుమెంటు సమాధానం ఇవ్వాల్సి వస్తుందని, కేంద్ర పెద్దల ఆదేశాలతో, సియం రమేష్ పైనే దాడి చేసారు. ఐటీని అడ్డుపెట్టుకుని ఏపీపై కేంద్రం కక్షసాధిస్తోందని ఎంపీ సీఎం రమేష్‌ వ్యాఖ్యానించారు. శుక్రవారం మీడియాతో మాట్లాడుతూ తనను వ్యతిరేకించేవారిని మోదీ టార్గెట్ చేస్తున్నారని విమర్శించారు. తమిళనాడు, కర్ణాటక, బెంగాల్‌లో మాదిరిగా ఏపీలోనూ కుట్రలు చేస్తున్నారన్నారు. అవినీతి, అక్రమాలను కప్పిపుచ్చుకునేందుకు ప్రత్యర్థులను అణచివేస్తున్నారని రమేష్ ఆగ్రహం వ్యక్తం చేశారు. ఐటీ దాడులు చేస్తామని బీజేపీ నేతలే బహిరంగంగా చెప్పారన్నారు. ఐటీ దాడులు జరుగుతాయని జగన్‌, విజయసాయిరెడ్డి కూడా చెప్పారని తెలిపారు. ఐటీ దాడులకు బెదిరేది లేదని స్పష్టం చేశారు. ఢిల్లీలో ఉన్నానని తెలుసుకుని ఐటీ సోదాలు చేయడం సరికాదని సీఎం రమేష్‌ అన్నారు.

ఏపీలో ఐటీ దాడులపై మంత్రి నారా లోకేష్ ట్విట్టర్ వేదికగా ఘాటైన విమర్శలు చేశారు. మోదీ ఆపరేషన్ గరుడలో భాగంగానే ఆంధ్రులపై ఐటీ దాడులు జరుగుతున్నాయని మంత్రి తీవ్రస్థాయిలో విరుచుకుపడ్డారు. హోదాతో పాటు ఇచ్చిన 18 హామీలు నెరవేర్చాలని నిలదీసినందుకు ఆంధ్రప్రదేశ్‌పై మోదీ కక్ష గట్టారని విమర్శించారు. కడప ఉక్కు...ఆంధ్రుల హక్కు అని అన్నందుకే ఎంపీ సీఎం రమేష్‌ ఆస్తులపై ఐటీ దాడులు జరుగుతున్నాయన్నారు. సీఎం రమేష్‌ దీక్ష చేసి నేటికి వంద రోజులైనా కేంద్రంలో చలనం లేదని మంత్రి మండిపడ్డారు. ఆంధ్రప్రదేశ్‌కు పెట్టుబడులు రాకుండా చెయ్యాలని.. పారిశ్రామికవేత్తలు, పరిశ్రమలపై ఐటీ దాడులు చేయిస్తున్నారని ఆరోపించారు. ఎన్ని ఇబ్బందులు పెట్టినా హోదా సాధనలో వెనక్కి తగ్గేది లేదన్నారు. కేంద్రం మెడలు వంచుతామని..హోదా సాధిస్తామని ట్విట్టర్‌లో లోకేష్‌ స్పష్టం చేశారు.

తితలీ తుఫాను పై బుధవారం రాత్రి 10 గంటలకు మొదలైన చంద్రబాబు సమీక్షలు, ఇప్పటికీ కొనసాగుతూనే ఉన్నాయి. నిన్న రాత్రి శ్రీకాకుళం చేరుకున్న చంద్రబాబు, ఈ రోజు ఫీల్డ్ లో దిగనున్నారు. తితలీ తుఫానుతో దెబ్బతిన్న ఉత్తరాంధ్ర సాధారణ స్థితికి వచ్చేదాకా ప్రభుత్వ యంత్రాంగం మొత్తం అక్కడే ఉంటుందని ముఖ్యమంత్రి చంద్రబాబు స్పష్టం చేశారు. అన్ని శాఖల కార్యదర్శులు శ్రీకాకుళం రావాలని ఆదేశించారు. తీవ్రంగా దెబ్బతిన్న ప్రాంతాలు కోలుకునేదాకా ఉన్నతాధికారులంతా అక్కడే ఉండాలన్నారు. పంటలకు జరిగిన నష్టం, వాటి పరిస్థితిని సమీక్షించేందుకు వ్యవసాయ శాస్త్రవేత్తలను పిలిపించాలన్నారు. బుధవారం రాత్రి నుంచి యంత్రాంగాన్ని అప్రమత్తం చేసిన సీఎం.. గురువారం రాత్రి విశాఖ నుంచి రోడ్డుమార్గం గుండా శ్రీకాకుళం చేరుకున్నారు.

జిల్లా మంత్రులు, ఎమ్మెల్యేలు, ఉన్నతాధికారులు, జిల్లా అధికారులతో కలెక్టరేట్‌ సమావేశ మందిరంలో సమీక్ష నిర్వహించారు. మత్స్యకారులకు 50కేజీల చొప్పున, ముంపు గ్రామాల్లో 25 కేజీల చొప్పున బాధితులకు తక్షణం బియ్యం అందిస్తామని తెలిపారు. పార్టీ యంత్రాంగం, ప్రజలు కూడా సహాయ చర్యల్లో పాల్గొనాలని ముఖ్యమంత్రి పిలుపునిచ్చారు. ఆర్‌ అండ్‌ బీకి చెందిన 22 రహదారులను శుక్రవారంనాటికే బాగుచేయాలన్నారు. విద్యుత్తు సరఫరాను త్వరితగతిన పునరుద్ధరించాలని ఆదేశించారు. వంశధార ఫేజ్‌-2 రిజర్వాయర్‌లోకి వరద నీటిని మళ్లించాలన్నారు. ముందస్తు చర్యల ద్వారా ప్రాణనష్టం తగ్గించగలిగామంటూ... జిల్లా యంత్రాంగాన్ని అభినందించారు. తుపాను నష్టానికి సంబంధించి చిత్రాలను సీఎం చూశారు. మరణించిన వారికి నష్టపరిహారం తక్షణమే అందించాలని అధికారుకు ఆదేశించారు.

బుధవారం రాత్రి నుంచి గురువారం ఉదయం వరకు సమీక్షించారు. ఆర్టీజీఎస్‌ నుంచి వచ్చే సమాచారం ఆధారంగా ఉన్నతాధికారులతో మాట్లాడారు. ఎట్టి పరిస్థితుల్లోనూ ఆస్తి, ప్రాణ నష్టం జరగకుండా చూడాలని ఆదేశించారు. ముఖ్యమంత్రి స్థాయిలోని వ్యక్తే నిద్ర మానుకుని అరగంటకోసారి పర్యవేక్షిస్తుండటంతో కిందిస్థాయి సిబ్బంది చురుగ్గా వ్యవహరించారు. అనంతపురం జిల్లా పర్యటనకు వెళ్లిన చంద్రబాబు బుధవారం సాయంత్రానికి తిరిగి వచ్చారు. 6 గంటలకు కలెక్టర్లు, ఉన్నతాధికారులతో మాట్లాడారు. విపత్తు నిర్వహణ, వాతావరణ, జలవనరులశాఖ అధికారులకు పలు సూచనలు చేశారు. బాధితులను పునరావాస కేంద్రాలకు తరలించి ఆహారం, తాగునీరు అందించాలని స్పష్టం చేశారు. అమలు తీరుపై మరోమారు ఆరా తీశారు. తీరం దాటిన సమయంలో తెల్లవారుజామున 4 గంటలకు సీఎం ఇంకోసారి అధికారులతో మాట్లాడారు. గురువారం ఉదయం 10.25 గంటలకు కలెక్టర్లు, ప్రజాప్రతినిధులతో ముఖ్యమంత్రి మాట్లాడారు. ఇక నుంచి ప్రతి గంటా మనకు ముఖ్యమేనని స్పష్టం చేశారు. సహాయ పునరావాస చర్యలే కీలకమని చెప్పారు.

బీజేపీ నాయకులు బెదిరించినట్టుగానే, తెలుగుదేశం పార్టీ నేతల పై ఐటి దాడులు మొదలయ్యాయి. మొన్న మొన్న విజయవాడ వచ్చి, నాయకుల పై దాడులు చేద్దాం అని ప్లాన్ చేసినా, అది లీక్ కావటంతో, తెలుగుదేశం సానుకూల వ్యాపారస్తుల పై దాడులు చేసారు. అయితే ఇప్పుడు డైరెక్ట్ గా తెలుగుదేశం ఎంపీ సియుం రమేష్ పై పడ్డారు. మొన్న కడప ఉక్కు ఫ్యాక్టరీ కోసం ఆమరణ దీక్ష చేస్తున్న సందర్భంలోనే, నీ అంతు చుస్తామంటూ బీజేపీ నాయకులు బెదిరించిన సంగతి తెలిసిందే. ఈ నేపధ్యంలోనే సియం రమేష్ పై దాడులు ప్రారంభించి, భయబ్రాంతులకు గురి చేసే ప్రయత్నం చేస్తున్నారు. ఏకకాలంలో హైదరాబాద్, కడప జిల్లాలో ప్రారంభమైన ఈ దాడుల్లో 60 మంది ఐటీ అధికారులు పాల్గొన్నారు.

సీఎం రమేష్‌ నివాసాలు, వ్యాపార సంస్థల్లో ఐటీ సోదాలు కొనసాగుతున్నాయి. హైదరాబాద్‌లోని సీఎం రమేష్‌ నివాసం, ఆఫీసుల్లో తనిఖీలు జరుగుతున్నాయి. కడప జిల్లా పోట్లదుర్తిలోని సీఎం రమేష్‌ నివాసంలోనూ సోదాలు చేస్తున్నారు. ఎంపీ సోదరుడి నివాసంలోనూ సోదాలు సాగుతున్నాయి. సీఎం రమేష్ ప్రస్తుతం ఢిల్లీలో ఉన్నారు. కేంద్ర పీఏసీ సభ్యుడిగా ఉన్న సీఎం రమేష్‌ ఢిల్లీలో జరిగిన పీఏసీ సమావేశంలో... దేశంలో ఐటీ దాడులు ఎక్కడ, ఎందుకు చేస్తున్నారు, ఏపీలో దాడుల వివరాలు ఇవ్వాలంటూ ఐటీకి ఆయన నోటీసులు జారీ చేశారు.

నోటీసులు జారీ చేసిన మూడు రోజుల్లోనే రమేష్‌ ఆస్తులపై దాడులు జరుగుతున్నాయి. మరోవైపు కడప ఉక్కు పరిశ్రమ కోసం ఆమరణ నిరాహార దీక్ష చేసి నేటికి వందో రోజు పూర్తైన సందర్భంగా టీడీపీ ఎంపీలు కేంద్ర ఉక్కు శాఖ మంత్రితో భేటీ అవ్వాలని నిర్ణయించారు. కడప ఉక్కు పరిశ్రమ ఏర్పాటుపై స్పష్టత ఇవ్వాలని కేంద్రమంత్రిని ఎంపీలు కోరనున్నారు. ఇందుకోసం ఎంపీల బృందం ఢిల్లీకి చేరుకుంది. కడప ఉక్కు పరిశ్రమపై ప్రశ్నిస్తున్నందుకే సీఎం రమేష్ ఇంట్లో ఐటీ సోదాలు చేపట్టిందని టీడీపీ నేతలు ఆగ్రహం వ్యక్తం చేశారు.